صور زيارة مركز الاورام اطفال الخميس 1/4/2010

جزاكى الله خيرا يا سوما تسلم ايدك وبجد فرحانه انى اتعرفت عليكى وكل الناس الى كانت حاضره بجد كان يوم جميل بس كان صعب عليا اوى لانى اول مرة اروح الاورام واشوف الحالات عن قرب بجد ربنا يعافينا ويشفيهم ويشفى كل مرضانا ومرضى المسلمين اتعلمت بجد من الزيارة دى حاجات كتير اوى ان اولا الواحد يحمد ربنا انه احسن من غيره ويتقى الله فى كل افعاله وتصرفاته وثانيا ان الناس دى فعلا محتاجالنا ومتتخيلوش اد ايه كانوا فرحانين بينا واثرت فيا اوى ام طفل لما بتقولى ابقوا تعالوا زورونا واقعدوا معانا ولو حتى تباتوا احنا فرحانين بيكو اوى وانكم بتفرحونا
وثالثا روح التعاون ما بينا بدون اى اخطاء وخالصه لوجه الله الحمد لله وتبارك الله بجد وانه مش بس كلام وخلاص

بس فيه حاجه بما انها اول زيارة ليا معاكم وان شاء الله مش الاخيرة بقترح اننا نخلى ناس اكبر ومسئولين يشاركوا معانا ويدعموا التبرعات لان فيه حالات كتير محتاجه اكتر من اننا نجمع من بعض وخلاص او كدا وبردو احب اعرف رايكم والاصلح نعمله ان شاء الرحمن

بجد ياريت نداوم على الخير دا

وجزاكم الله كل خير وربنا يقوينا عشان نداوم على دا ان شاء الله
احبكم فى الله

جزاكم الله خيرا

ودي صور كانت على موبايلي وبعتذر على التأخير عليها