محتاجين رايكوا بالنسبه لفقرات زيارة دار العز للمكفوفين

سلاموا عليكوااااااا
ازيكوااا يا شباب الخير




بالنسبه لزياره دار العز
تقريبا معانا القصص والمسابقات والمعلومات العامه


بس ايه رايكوا ف الالعاب؟؟؟


اننا نلاعبهم نخلق بينهم روح منافسه
ونخليهم يتحركوا برضو


وعلميا بقى



ما أهمية اللعب بالنسبة للطفل الكفيف؟

يعرف اللعب بأنه نشاط تلقائي حرfree spontaneous active يستهدف لذاته ،ويعد اللعب من أهم الأنشطة التي يمارسها الطفل على الإطلاق، سواء كان كفيفا أم مبصرا ، واللعب بالنسبة للطفل الكفيف blind child يمثل أهمية بالغة ، فهو الوسيلة الفعالة التي يتعرف من خلالها على البيئة المحيطة به ويستكشف مكوناتها ، ويكتسب من خلاله العديد من المعارف والمهارات skills، وينمي عن طريقه أشكالا مختلفة من السلوك التي تدعم تواصله مع الآخرين فيما بعد .
ومن خلال اللعب سيكتسب الطفلالعديد من المفاهيم concepts مثل الكميات والأحجام والمسافات والأطوال.

ومن خلال اللعب:
o سيدرك الطفل الكفيف قيمة الآخرين بالنسبة له.
o سيتعلم كيفيؤدي العديد من الحركات بشكل صحيح .
o سيتعلم كيف يستخدم حواسه ويوظفها بشكلفعال.
o سينمو نموا نفسيا واجتماعيا طبيعيا بين أقرانه المبصرين.
o سيتعرف على الأشياء والأدوات المختلفة .
o ستنمو لغته بشكل جيد.
o سيثق في نفسه وسينافس أقرانه .

ما هي أنواع اللعب الخاصة بالطفلالكفيف ؟
تنقسم الألعاب الخاصة بالأطفال المكفوفين إلى أربعة أقسامرئيسية :
( 1 ) الألعاب الوظيفية functional games
وهي الألعاب التي تساعدالطفل الكفيف على التحكم في حركاته البدنية والتدريب على التآزر الحركي motor co-ordination بين اليدين والتآزر بين اليد والفم والتآزر بين الأذن واليد، فهيتنمي مهارات الطفل الكفيف في التعامل مع الأشياء المختلفة فيما يتعلق باللمسوالإمساك والقبض والطرق ولف الأوراق وتمزيقها وفتح وغلق الأشياء .......الخ
فهيجملة من الألعاب تتعلق بتنمية الجوانب الوظيفية لأعضاء الجسم المختلفة، وخاصة فيمايتعلق بالمهارات اليدوية والمهارات الحركية motor skills.

( 2 ) ألعابالدور role games
تعتمد ألعاب الدور على التقليد والمحاكاة imitation عن طريقاللعب ، فيقوم الطفل الكفيف من خلال اللعب بتقليد الأب أو الأم أو الطبيب أو المدرسأو السائق أو الفارس أو أي شخصية أخرى من الشخصيات المحببة إلى الطفل الكفيف ،ويتعلم الطفل من خلال ألعاب الدور العديد من المعايير الاجتماعية social norms المقبولة في بيئته ، كما يكتسب خبرة التفاعل والمشاركة مع الآخرين من أصدقائه أوجيرانه من مبصرين ومكفوفين ، وتساعد ألعاب الدور في تنمية العلاقات الاجتماعية social relationships لدى الأطفال المكفوفين والخروج بهم من دائرة العزلة isolation من خلا ما تكسبه إياهم من اعتداد و ثقة بالنفس self-confidence ، كما أنها تساعدعلى زيادة النمو اللغوي لديهم وزيادة القدرة التعبيريةexpression ability بشكل فعال .

( 3 ) الألعاب التركيبية constructional games
في الألعاب التركيبيةيتعلم الطفل كيفية التعامل مع أنواع مختلفة من الأدوات، فيستخدم المكعبات في بناءالأبراج وتشييد أنواع مختلفة من الأبنية، وتساعد الألعاب التركيبية على إثارةالخيال imagination لدى الطفل الكفيف والتعرف على القوانين التي تحكم البيئة التييعيش فيها .

( 4 ) الألعاب الإليكترونية electronically games
وهيالألعاب التي تتضمنها بعض الحواسيب أو الأجهزة الإليكترونية الخاصة بالمكفوفين ،وتعتمد هذه الألعاب على التآزر بين الأذن واليد ، بحيث يستطيع الكفيف مواصلة اللعبمن خلال تعليمات مسموعة أو مكتوية تشرح له الخطوات الخاصة باللعبة .




رايى خلونا ف اول نوع من انواع الالعاب دا
دا لو عجبتكوا الفكره يعنى


مثلا حاجه زى كدا :


5 _ كوب المـــاء ..

هذة اللعبة تعتمد على خفة الحركة للطفل و مدى قدرته على الحفاظ على ما في يدية
حضر كوبين ماء ممتلئين ثم اقسم الاطفال الى فريقين و كل فريق يقف في طابور
تعطي الكوب للذي يقف في بداية الصف ثم عليه ان يأخذ دورة كاملة حول الغرفة و
كوب الماء في يده حتى يصل الى اللاعب الثاني من فريقه و يعطيه كوب الماء و
يقوم اللاعب الجديد بدورة اخرى و هكذا حتى ينتهي ثم في النهاية الفريق الفائز
الذي ينتهي قبل الآخر و يكون كوبه فيه ماء اكثر من الثاني طبعأ هذه اللعبة
مناسبة للعب خارج البيت


طبعا ممكن نغير فيها
نخليها مثلا حاجه يقدروا يمسكوها ببؤهم

وعموما انا لسه بدور برضو ف العاب تانيه تبقى مناسبه

وياريت تفكروا معايا واسمع ارائكوا

الله يسلمك يايمى
بس خليكى معايا ع الخط


*ايه رايك ف لعبة الكراسى طيب؟

*او نقل الحاجات من مكان لمكان
نقسمهم مثلا فريقين
ونحط حبة كور صغننه او اى حاجه لكل فريق والفريق اللى ينقل كل الكور يبقى هو الكسبان

؟؟؟؟

فكررررى معايا

عاوزه حاجه يبقى فيها حركه ونشاط

ميرسى ربنا يخليك

بس طب وانت ايه رايك ؟

اكواب الميه صعبه
خصوصا انهم مش شايفنها ويحسسوا بايدهم والميه ممكن تغرق الدنيا وتعملى قلق
بس ممكن لا كور ولا ميه ونمشيها بلالين
وهقلك عالفكره اللى ف دماغى





تقريبا هيبقى المكان بالشكل دا

الاطفال يتقسموا فريقين


نيجى مثلا ع الفريق رقم 1 هنعطى لطفل بلونه يوصلها الناحيه التانيه ويرجع ولما يجى زميله م الفريق يروح ببلونه تانيه وهكذا لغاية ما تخلص البلالين

والفريق اللى هيوصل البلالين اسرع ويحافظ عليهم ما يفرقعوش يبقى هو الكسبان

وطبعا هنبقى معاهم طول الوقت هنعطيهم البلالين ونقلهم يتحركوا امتى وممكن نمشى معاهم حتى وهم بيوصلا البلالين
بس المهم يتحركوا
دول اطفال عندهم طاقه زايده متنفعش قعدتهم دى مش عاوزينهم يبقوا سلبيين
وياريت نلاعبهم ف فريق علشان ننمى عندهم روح التعاون كمان


دا اللى ف دماغى واللى وصلتله من بحث وتفكير مع اصحابى برضو
وهستنى ارائكوا برضو

وحلوه فكرة الصلصال دى
بس لو جبناهولهم بيتهيألى انه الاحسن ميبقاش مسابقات
يبقى لعبه كدا ليهم بس
لانهم مش هيشوفوا اللى زمايلهم عملوه فممكن يبقوا متضايقين من دا
بس هو كفكره حلوه انه ممكن ينمى خيالهم ويخرج جزء من طاقتهم برضو
وفكره جديده برضو


وبيتهيالى ممكن الكراسى الموسيقيه تبقى حلوه برضو ع فكره
انا عاوزه نفكر فى حاجه يبقى فيها حركه
دول اطفال وجواهم طاقه كبيره
فقعدتهم ع الكراسى دى مش عاجبانى بصراحه
واهو تغيير برضو
التغيير مطلوب

ان شالله
بس بيتهيألى لعبه واحده كفايه قوى ف الزياره الواحده
لان فيه كمان مسابقات وفقرات تانيه
عموما احنا محتاجين تغيير ف الالعاب مش كل ما هنروح هتبقى نفس اللعبه

ما تتخيليش يا سمسمه
قد ايه فرحت بتشجيعكوا للفكره

واحنا اه ممكن نساعدهم ف المشى(او الجرى خللى العيال تكسب )
واحنا هنبقى معاهم طول الوقت
هنعطيهم البلالين وهنساعدهم يوصلوا ونشجعهم ونعرفهم ادوارهم وكدا
المهم يتحركوااااا ما يبقوش قاعدين كدا ف مكانهم

وممكن لو نجحت فكرة البلالين دى واتعودوا عليها ممكن نخليها ميه حسب استجابتهم يعنى

وان شالله ان شالله ربنا يقدرنا ونسعدهم ونكون عند حسن ظن الكل بينا
ف انتظارك ياقمر

لا عادى يا ايمى ولا يهمك
بعد الشر عليكى
بس معتقدش انه هينفع ننفذها الزياره الجايه
حسام مش حابب دا
عاوزنا نقرب من الاطفال اكتر الاول
فممكن نأجلها للزياره اللى بعدها او حاجه
عموما مش هتفرق كتير

واحنا بيتهيالى مش محتاجين حاجه دلوقتى معينه اننا نبدا فالشغل فيها للزيارة دى
هى لو فكرة اللعبه بتاعة البلالين دى مش هنحتاج غير حبة بلالين بس ودى امرها سهل يعنى
لو الكراسىالموسيقيه مش هنحتاج غير اننا نجمع كم كرسى من هناك نلفهم حوالين بعض وموسيقى من اى موبايل (انا معايا عموما موسيقى) وبس

فموضوع اللعب دا امره سهل
المهم ارائكوا وانها يتوافق عليها ويحبها الاطفال
بس

وبالنسبه لباقى الفقرات بيتهيالى هى خلاص جهزت كدا