تقرير زيارة دار العز للمكفوفين 9/3/2010

ف الاول رحنا الدار (دار العز)

ودخلنا ف اوضة المكتبه تقريبا
والمكفوفين هم اللى جم قعدوا معانا

كان فيه منهم اطفال وفيه كبار

ونائب مدير الدار قالتلنا ان فيه هناك مكفوفين من سن الحضانه لكبار وبيعملوا ماجستير وفيه بيشتغلوا هناك

واتعرفنا عليهم

وفيه كزا طفل قرأ قرآن
آيات بسيطه
بس ما شالله صوتهم حلو قوى
ربنا يحميهم ياااااارب

وبعدين فيه بنوته اسمها مى
غنت كزا اغنيه
وصوتها بجد ما شالله حلو جدا

وبعدين بدأت المسابقه

اسيبكم مع الصور بقى

تقرير زيارة دار العز للمكفوفين 9/3/2010 Zvlwjwz

تقرير زيارة دار العز للمكفوفين 9/3/2010 Cllxopg

والطفل دا بيرفعه ايده كان عاوز يجاوب ع السؤال

تقرير زيارة دار العز للمكفوفين 9/3/2010 Eszm0o5g

تقرير زيارة دار العز للمكفوفين 9/3/2010 Kve5lee4w5se58ifj21

تقرير زيارة دار العز للمكفوفين 9/3/2010 1afoaomwced1v5l24a

تقرير زيارة دار العز للمكفوفين 9/3/2010 M4w7v0q6nlsbkyrl

تقرير زيارة دار العز للمكفوفين 9/3/2010 Rvtvzmz

تقرير زيارة دار العز للمكفوفين 9/3/2010 62v9rv1zt8pt3

تقرير زيارة دار العز للمكفوفين 9/3/2010 Zh0clriw30dyz

ثانكس يارغدة علي الصور الجامدة
وبجد كانت زيارة رائعة والجاي احسن واحسن

ودي فيديوهات الزيارة

https://www.dailymotion.com/video/xcjtxw_%D8%AF%D8%A7%D8%B1-%D8%A7%D9%84%D8%B9%D8%B2-5_people

https://www.dailymotion.com/video/xcjsup_%D8%AF%D8%A7%D8%B1-%D8%A7%D9%84%D8%B9%D8%B24_people

https://www.dailymotion.com/video/xcjsew_%D8%AF%D8%A7%D8%B1-%D8%A7%D9%84%D8%B9%D8%B26_people

https://www.dailymotion.com/video/xcjrmp_%D8%AF%D8%A7%D8%B1-%D8%A7%D9%84%D8%B9%D8%B2-2_people

https://www.dailymotion.com/video/xcjs52_%D8%AF%D8%A7%D8%B1-%D8%A7%D9%84%D8%B9%D8%B2_people

https://www.dailymotion.com/video/xcjrvh_%D8%AF%D8%A7%D8%B1-%D8%A7%D9%84%D8%B9%D8%B2-3_people

ويلكم يا قمر
وفعلا الحمد لله كانت زيارة حلوه قوى
وان شالله الجاى يبقى احلى كمان

ماشاء الله

كان يوم بجد جميل وصعب جداااااااااااااااااااااااااااااااااا

جزاكم الله خيرا علي الموضوع

الحمد لله بجد الى مفرحنى لما تكون اول زياره لينا بفضل الله فى المكان ده وتطلع بالمستوى الطيب ده الى ربنا يجعله فى ميزان حسنات الجميع

اعتقد شىء كويس ويخلى عندنا امل ان الزيارات الى جايا هتكون انجح باذن الله

جزاكم الله خيرا انا شوفت حماس ونظام وعمل تطوعى جماعى على قدر كبير من المسؤاليه فى شباب حابب يعمل خير بجد جزاكم الله خيرا جميعا

ويله عايز اشوف فريق زياره يخاف على الزياره دى ويدلها الكتير والكتير
عايز اشوف فريق زياره عنده عطاء بدون مقابل باذن الله

ماشاء الله عليكم يا شباب

والله اني اتثارت جدا جدا

احنا فعلا مش حاسين بالنعمه الي ربنا مديهالنا الا و هي البصر

لربنا يحميهم و يقويهم على الي هم فيه

و ربنا يبارك فيكم و يجزاكم كل خير و تتقدموا دائما

ان شاء الله

اقتباس :: ماشاء الله

كان يوم بجد جميل وصعب جداااااااااااااااااااااااااااااااااا

هو الحمد لله كان يوم حلو بجد
بس انا محسيتش بصعوبته ع فكره
يمكن م الفرحه
بجد كانت بالنسبالى غير اى زياره تانيه كنت فعلا فرحانه بيها قوى وحسه انى مش عاوزه امشى ونفسى الزياره دى تنجح
وانا متفاءله بيها خير قوى ان شالله بجد

اقتباس :: جزاكم الله خيرا علي الموضوع

وجزاكم الله خيرا مثله ان شالله

اقتباس :: الحمد لله بجد الى مفرحنى لما تكون اول زياره لينا بفضل الله فى المكان ده وتطلع بالمستوى الطيب ده الى ربنا يجعله فى ميزان حسنات الجميع

اعتقد شىء كويس ويخلى عندنا امل ان الزيارات الى جايا هتكون انجح باذن الله

جزاكم الله خيرا انا شوفت حماس ونظام وعمل تطوعى جماعى على قدر كبير من المسؤاليه فى شباب حابب يعمل خير بجد جزاكم الله خيرا جميعا

ويله عايز اشوف فريق زياره يخاف على الزياره دى ويدلها الكتير والكتير
عايز اشوف فريق زياره عنده عطاء بدون مقابل باذن الله

اه الحمد لله
وان شالله الزياره دى تبقى احسن واحسن كمان

semsem كتب:: ماشاء الله عليكم يا شباب

والله اني اتثارت جدا جدا

احنا فعلا مش حاسين بالنعمه الي ربنا مديهالنا الا و هي البصر

لربنا يحميهم و يقويهم على الي هم فيه

و ربنا يبارك فيكم و يجزاكم كل خير و تتقدموا دائما

ان شاء الله

واحنا اتاثرنا اكتر
بجد الاحساس ما يتوصفش اصلا
يعنى على راى ايمان هم اطفال مكفوفين
بس ما شالله عليهم احسن من ناس كتيررررررررر
حتى تفكيرهم
اللى عاوز يشتغل داعيه اسلامى واكتر من حد
طموحهم ما شالله حلو
وحافظين قرآن وصوتهم بجد جميل قووى
يعنى دا يخلينا نحمد ربنا على نعمه علينا ونثبت نفسنا بقى.احنا ايه؟ ورايحين فين ؟
وهنعمل ايه بالنعم اللى ربنا ميزنا بيها دى ؟

الحمد لله ع كل حال
ربنا يحميهم ويوفقهم يااارب ويحققلهم احلامهم

فعلا ماشاء الله كانت زياره ولا اروع فعلا هى دى الزيارات بس عايزين الزياره الجايه تكون احسن بكتير واللى يعرف يجهز حاجات جديده زى قصص او حاجات تانيه يجهز وكل ده طبعا فى ميزان حسناتكم

ده دورك يا اسلام يا دسوقى تشتغل وتحضر الشغل مع فريق العمل

وبجد منتظر منكم المره القادمه شغل جميل باذن الله

مين يا ترى جاهز يتشرك فى الفقرات باذن الله ..!؟
ومين بيعرف يصور وعنده كاميرا دجتيل باذن الله علشان نتشغل بيها وجزاكم الله خيرا ..!؟

مين يا ترى جاهز يتشرك فى الفقرات باذن الله ..!؟
انا كتبت رد طويل عريض عن الحكايه دي
ف توبيك قبل كده بس مش فاكرة الاسم
وهرجع اكتب الكلام تاني
انا هشارك معاكم عندي استعداد لاي فقرة بس اعرفها الاول واعرف تفاصيلها
وياريت يكون قبل الزيارة بفترة عشان اجهز نفسي

عادى يا ايمى اكتبي هيه الكتابه بفلوس لو حبيتى تكتبي حاجه بعد كده استدعينى وانا هكتبهالك خلاص
ما تزعليش نفسك كده اهم حاجه تكونى مبسوطه هما يعنى هيبهدلوكم في المحاضرات وهنا كمان لالالا مينفعش كدده خالص لو منك اقدم شكوي لاداره العليا علشان تحط حد للي بيحصل ده مش نااااااافع ايمي يا جماعه الخير تكتب اكتر من مره كده هههههههههههههههههههههههه

لا لا لا

دانا ورايا رجاله بقى
تسلميلي يامي
انتي الوحيده اللي حاسه بي
اصلي بكسل اكتب اوي
بس اصلي نفسي نتفق ف موضوع الزيارة بقى وكل واحد يعرف دورة
عاوزة اعرف اللي مطلوب مني
بس تقريبا لسه هنحط خطه للموضوع دهط
انا هنتظر بعد حفلة يوم الام وبعد كده كل واحد يعرف هو هيعمل ايه
وفعلا ساعات بننضغط ف الكليه فلازم ابقى عارفه بدري شويه عشان اظبط نفسي
وانا خلاص كده مطمنه
شوفي يامي لو اي حد زعلني
هقولك
وانتي عليكي الباقي بقى
ههههههههههه

لابجد دى كانت زياره رائعه جدااا بس الشباب تاثروا كتير بالزياره وجزائكم الله كل خير وانشاء الله الزياره القادمه احسن واحسن
تقرير زيارة دار العز للمكفوفين 9/3/2010 202753

تقرير زيارة دار العز للمكفوفين 9/3/2010 202753

ركزى يا ماما
انتى كاتباه ف توبيك تانى خالص

بس بالنسبه لزيارة دار العز
انا تقريبا زيى زيك
بس عموما وبكل الاحوال جهزى القصص اللى كنتوا اتفقتوا عليها
مش هتخسرى حاجه وهيجيلك وقت وتقوليها ان شالله
بس علشان كمان نبقى مستعدين لاى مفاجات م الاداره

ماهو ده اللي محمسني

مش عاوزة حد يزعل مني
بس انا في عيب ونفسي اصلحه
اني متسرعه جدا
بحب اعرف الحاجه قبل معادها
عشان اعملها باجمل صورة ممكن تكون عليها
يارب يعنا ونكون سبب بسيط ف اسعادهم
يارب

منتى قدامك من دلوقتى اهو يا ايمى
لان القصص دى كدا كدا ان شالله هنحتاجها
فاعمليها على روقان وخدى وقتك من دلوقت

ولو عندك اى افكار تانيه
اوهتقدرى تجيبى معلومات او اى حاجه جهزيها برضو

الزيارة كانت روعة بجد
ما فيش كلام
انا استمتعت بها جدا
مع انا قبلها كنت جاى من الكلية
على الاخرررررررررررررررررر
بس كانت جميلة
وان شاء الله الجايات اكتر واحسن من السابق
واللى فعلا ما حضرش ع يندم

طيب يارغده

لازم الاول اعرف سن الاطفال اللي هحكيلهم
عشان احدد نوع القصص
وبردو لازم اعرف وقتي
عشان ع اساسه هحدد هقولها ازاي بحيث تناسب الوقت ده
انتي فاكرة الموضوع بالساهل كده يابنتي
هههه
وفكريني الكلام ده كتبته ف اي توبيك اصلي مش فاكرة خالص
الزهايمر بقى
هههههههه

بصى يا ايمى
غالبا هيبقى الاطفال فالسن اللى احنا قعدنا معاهم المره اللى فاتت
لان الاطفال الصغيرين خالص اخرهم هناك بيبقى الساعه 2
وزىما قالولك المره اللى فاتت عاوزين قصص صغيره بس يبقى فيها فكره
وبراحتك لو عاوزهتستنى استنى

وبالنسبه للتوبيك
اسمه مش معقول
وانتى اللى منزلاه يا قمر
ع اللينك دا

https://mansourayouth.ahlamontada.net/montada-f10/topic-t2191-15.htm

THANK YOU

THANK YOU

يو آر ويلكم يا عسل

حضرى 3 قصص مش هنخسر حاجه يا ايمى وبطعا زى ما رغده قالت كده كده هتعرض باذن الله

يعنى جهزى الى تقدرى عليه باذن الله

ام السن هوه السن الصغير الى شوفناه باذن الله

ومده القصه اعتقد من 10 دقايق الى 15 دقيقه كويس اوى
باذن الله

واى افكار جديده الكل يقولها ويحضرها مفيش مشاكل يا شباب الادارة على فكره مجرد ناس بتنظم مش اكتر
يعنى البركه فيكم

والزياره بتاعاتكم انتم مش بتاعت الادراة ولا غير الادراة

المهم همتكم معانا وربنا يتقبل

الحكايه بالبلدى ان كل واحد يفكر لو هوه ليدر الزياره يا ترى يقدم ايه ويعمل ايه لاطفال دول وازاى نكون فريق عمل منظم ده كل الحكايه وانا اترك ليكم كافه الصلاحيات فى الشغل باذن الله

وربنا معاكم

» تقرير زيارة دار العز للمكفوفين 3/4/2010
» اجتماع ومعاد وبرنامج زيارة دار العز للمكفوفين السبت10/4/2010
» محتاجين رايكوا بالنسبه لفقرات زيارة دار العز للمكفوفين
» تقرير احلى زياره (دار العز 23/3/2010)
» زيارة جامده( زيارة دار المسنين 15-3-2010)