مش معقوووووووووول

بجد ياجماعه مش عارفه اقولكم ايه

والله بمجرد ماروحت البيت لاقيت خبر كويس جدا مستنيني
مش النتيجه طبعا لسه يومين عليها
بس خبر بجد مش متوقع ومفجاة جامده جدا
بجد الزيارات دي فيها حاجه
هو فعلا ممكن يحصل ده ان ربنا يكافئ الواحد كده اول باول
ولا انا اللي بيتهيالي مش عارفه اقولكم ايه بس انا حبيت اشارككم فرحتي
وبجد فرحانه ومستغربه جدا
فعلا ربنا كريم كريم كريم جدا
يارب اجعل كله حركه نتحركها تبقى ف سبيلك
وف سبيل نهضة امتك
ياااااااااااااارب

ما شاء الله

على فكره ده حقيقه والله يا ايمى وحصلتى ليا كتير ان كنت مخنوق ومضايق وبجد برتاح لمااحضر زياره مع صحبه الخير ويكون هدفى خالص لوجه الله وقتها هتلاقى ربنا بيسر ليكى الامور وبيديكى اكتر ما كنتى تتوقعى

ياااااااااااااااااااه مواقف كتيره مرت عليا وعلى غيرى من شباب الخير الى نفسهم يرضوا ربنا ويقربوا من ربنا

يارب طبعا يكون خير ياا ايمى وياريت نضمن عليكى

ومنتظرين الحاجه الحلوه بقه ههههه

فعلا ياايمي هو دة التقرب من ربنا هو دة اخلاص النية فعمل جميل مع صحبة جميلة

انا بجد بتمني ان لو ليا ثواب فالزيارات دي اشوفة فورقة الامتحان والنتيجة

ربنا يستر

بس صحيح يابت فين الحلاوة والشيبسي
مش معقوووووووووول 211988

ايمي الحمد لله انك فرحتى طبعااااااااااااا بس بقه عايزة اعرف الخبر وانا مالييييييييي منتظراكي تقوليلي عليه

انت عارفه يا ايمي انا بكتشف كل يوم حاجه من خلال الزياره اخر حاجه اكتشفتها ان مش المسنين بس عندهم مشاكل وكل واحد له قصه وحكايه لا دى والمتتطوعين برده في الزياره ملاينييييييين من جواهم كل واحد فينا عنده حاجه مخليه مش تمام وكل واحد فينا شايف ان الحاجه دي كبيره من وجهه نظره مع انها ممكن تكون بسيطه وحلها بسيط جدا وفي ايدينا بس احنا بنحب ندوخ نفسنا وفيه حاجات بشوفها فعلا مينفعش تتحل
عايزاكي بقه تفرحينى بالخبر يلا اقري واعترفي لي حالا وهيه فرحتك تكمل غير بينااااااا

انا بقه عايز كل واحد اتعلم شىء من الزيارات او حس بشىء جديد اتغير فى حياته من ور الزياره

يخش ويقول علشان الكل يستفيد ويعتبر ان الخير صدقه جايه كلنا لازم بجد نحافظ علينا ونصونها ونشكر ربنا على نعمه الصحبه

والاهم ان ربنا زرع فيكم حب الخير وحب الله و روح الجماعه

وعلشان كده بكررررررررررر كلامى على الجميع ان يجددد النيه ويخلصها لله ويحدد هدفه من عمل الخير

والله ما حد ضامن هيعيش لحد امته صح ولا ايه يا جماعه
وجزاكم الله خيرا جميعا

بجد شكرا لمرور حضرتك

انا من كتر فرحتي واستغرابي
شكيت ف الموضوع معقوله ربنا يعمل معايا كده كل زيارة
يمكن لاننا بجد كاننا رايحين نزور ربنا طبعا يعني ده تخيل
والله الواحد من ساعة ما اشترك ف حاجه لله وربنا بجد ميسرها جدا والحمد لله
ولولا اني مااعرفش نتيجتي هتظهر امتى كنت عملت زيارة ف يومها ههههههههه
بس انا مطمنه ع نفسي اوي لاني تقريبا خليت كل اباءنا وامهاتنا ف الدار يدعولي
طبعا بالاضافه من اني مطمنه من ادائي ف الامتحانات
بجد ياجماعه ربنا اكرم الاكرمين وكويس ان حضرتك طمنتني ان مش انا لوحدي اللي بيحصلها الموضوع ده
لاني والله كنت قربت اتجنن
بس مافيش حاجه كتيرة ع ربنا
ووعد قطعته ع نفسي ان يوم مانتيجتي هتظهر ليكم عندي كلكم مكافاء
اي نعم هتكون بسيطه بس ان شاء الله هتوصلكم الاحساس اللي انا عاوزة اوصله ليكم
حتى لو لاقدر الله النتيجه ماطلعتش زي ما متوقعاها
بس كفايه اني اتعرفت ع احسن صحبه ممكن اكون عرفتهم ف حياتي الصغيرة دي
يارب يارب يارب يجمعنا كلنا ف جنة الفردوس الاعلى يوم القيامه
وبجد يااستاذ حسام المفاجاه اللي حصلت النهارده انا كنت يائسه انها تحصل اصلا بس ربنا كبيييييييير
طولت عليكم بس سعدتي ماتتوصفش ابدا
ويارب اكون عند حسن ظن ربي بيا
وظنكم ايضا

احنا بقه مكافتنا انك حد نحسبه على خير بشهاده كل شباب الخير واحنا سعداء بيكى وبكل اخواتنا البنات فى الله و نتمى للجميع الخير ودوام الصحه والسعاده والتوفيق يارب العالمين امييييين

وخدى رحتك لان ده بيتك يا ايمى وجزاكى الله خيرا ومن نجاح الى تفوق باذن الله

ايه ياسومه من اولها كده شيبسي وبسكوت

والله هجيبلك اللي انتي عاوزاه وهبعته مع اخوكي
ما البيت ف البيت بقى بس ادعيلي بضمير كده هههههههههههه
ربنا يخليكي لي يا عسل
والله بحبك ف الله

شكرا لردك الجميل يامي

انا كمان كنت بقول كلمه دايما
ان هم اللي بيسعدونا مش احنا اللي بنسعدهم
لدرجة ان الزيارات بقت بالنسبه لي ادمان
ووالله كان عندي كورس الساعه 5 اتصلت بالدكتور وخليته ياخر المعاد ل5.5
عشان افضل مع الناس لاخر المعاد بتاع الزيارة
وع فكرة يامي
انا مهما قولتلك الموضوع ده بسيط ازاي مش هتصدقي
بس فرحني فرح مش عادي
يمكن عشان انا جايه البيت وانا فرحانه
بس ماكنش متوقع بالنسبه لي خالص
انا حبيت افضفض معاكم لان المكان ده بجد بيتي اتاني
غير كده عوزاكم تتاكدو ان ربنا مابينساش عباده اللي فاكرينه وعايشين عشان نهضة الامه دي
وكل حاجه تفيد امتنا وتعليها
ربنا يتقبل منا جميعا

اتعلمت ان الانسان لما يحب يعمل خير مفيش اى حاجه هتعوقوة مهما حصل ومها قابله من صعاب هتلاقيه برده بيمشي في نفس الاتجاه
ان عمل الخير ميعرفش كلمه بعمل الخير مع مين لا انت تعمل الخير مع اى حد سوااااء مع جمعيه كذا او كذا المهم في النهايه انى بعمل خير خالص لوجه الله
ان في كل طريق حتى في عمل الخير بنلاقي مشاكل
ان الانسان علشان يخرج اللي بداخل الانسان اللي قدامي مش من مره واحده هتلاقي الانسان بيحكيلك لا ده من خلال كام لقاء بنكم ومش هيخرجلك اللي جواه الا اذا حبك هتلاقيه بيصارحك باللي جواه
ان عمل الخير بيتطلب الحب والتعاون والمشاركه والتفاهم
ان مينفعش نحكم علي ظاهر الاشياء
ان الانسان لما بيعمل خير بتلاقيه بينسي همومه شويه وينشغل بالاخرين
ان لازم نصل الرحم ونود اقاربنا واقرب الناس لينا
ان نزرع ابتسامه في قلوب الناس ونحاول نمحي احزانهم وننشغل بحياتهم لان مينفعش اعيش وانا بفكر في نفسي وبس

حااااااجات كتير

[quote="ابو هلالى"]

احنا بقه مكافتنا انك حد نحسبه على خير بشهاده كل شباب الخير واحنا سعداء بيكى وبكل اخواتنا البنات فى الله و نتمى للجميع الخير ودوام الصحه والسعاده والتوفيق يارب العالمين امييييين

وخدى رحتك لان ده بيتك يا ايمى وجزاكى الله خيرا ومن نجاح الى تفوق باذن الله

شكرا بجد والله يااستاذحسام دي شهاده اعتز بيها

وبجد والله انا بحاول اعمل اللي علي مش اكتر
وهدفي ف حياتي بجد اني يبقى لي بصمه قبل ما اموت
وكل حد يفتكرني يفتكرلي الخير اللي عملته
وبجد الكلام ده ع راسي من فوق جزاك الله خير
وانا لسه قيلاها ده فعلا بيتي التاني
اللي برتاح فيه وبتكلم فيه ع طبيعتي خاااااااااااالص والله
بجد بجد انتم اجمل صحبه
صحبة الخير
ويارب يوفقك ياسومه طبعا نتيجتك هتتاخر شويه بس معلش
ربنا معاكي ومعانا جميعا
وانتظرو عرض نتيجتي ف قسم المناسبات عن قريب جدا
عشان لازم تشاركوني فرحتي بااذن الله
دعواتكم
وكل عضو يدخل يكتب ايه اللي اتغير فيه في اي زيارة من زياراتنا الرائعه

انا مش هكتب ايه اللي اتغير لاني عملت موضوع قبل الموضوع ده

(شكرا شكرا)
وبردو يوم ماكتبته كان ف خبر سعيد جالي
انا بس عاوزاكم تقراو توبيكاتي بعد كل زيارة وهتعرفو ساعتها ايه اللي اتغير في
كفايه اقولكم احساس بسيط بيوصلني وانتو احكمو
لما بنكون متجمعين قبل ماندخل ف اي زيارة عشان نعرف احنا هنعمل ايه
والله بحس ان احنا متحوطين باطار كده لونه غريب علي وبحس كاننا محفظوين
ومحوطين بالملائكه والله
طبعا الواحد راح وحضر مجالس ذكر قبل كده
بس دي اول مرة احس باحاطة الملائكه لينا
طبعا هتقولو علي مجنونه
بس ده فعلا اللي بحسه

ههههههههههههههههههههههههههههههههههههههههههههههههههههههه

تصدقى يا ايمان
بجد
بقيت كل ما اشوف رد ليكى افتكر النتيجه واروح افتح الموقع واشوفه
اهدددددددى حبه يا بوتاجاز

ربنا ينجحك يا ايمان ياااارب
وبجد من غير اى مجاملات انا بفرح قوى بوجودك معانا
فرررررررحتينى ع فكره
وحلو بجد انك بتتكلمى على طبيعتك وبتشاركينا معاكى ودا اللى بتمناه بجد من قلبى ف صحبتنا دى كلنا

وبالنسبه يا حسام للى اتعلمته عموما من الزيارات وكم موقف مع الزيارات
انى الــــــحــــــــمــــــد لله مرتاحه وراضيــــــه بكل اللى ربنا يقدمهولى
مها كان
واتاكدت انى معنديش مشاكل وحتى لو ف مشكله يمكن المشكله دى فيها خير ليا او ربنا بيختبرنى وبكل الاحوال ادينى بتعلم

علشان كدا يمكن انا مش قلقانه ومش بفكر ف النتيجه قوى ولا ف غيرها
بعملاللى عليا وبسيب الباقى على ربنا
واثقه ف ربنا بجد
حتى لو ربنا ما عوضنيش دلوقتى اكيد هيعوضنى بعدين
وكفايه عليا اشوف نتيجه للحاجه اللى انا بعملها احس انىنجحت اسعد حد بجد بالدنيا

تعقيبا ع ال اختي حبيبتي قالته فعلا احنا كل يوم نروح فيه زيارة بس مع بعض والله بيحصل حاجات غريبة وفجأة الصعب بيهون والبعيد بيقرب وبحس حتى ان ربنا بيقولنا مش بس تبقوا اخوة في الله مع شباب المنتدى بس لا كونوا اخوات اشقاء وكمان ربنا بيزود الرباط بينكم بجد انا بشكر ربنا لانه سهلي معرفة المنتدى الحمد لله الوقت بقى في بركة والصحة كمان ده والله احنا ماعدناش بنقدر نضيع ولا زيارة مهما كان.
عموما ربنا يباركلي فيكي يامينو وكمان كل اخواني واخواتي في الله

بس يعني في اي ياشباب مافيش ولا مان دخل غير استاذ حسام
الكل يدخل ويشجع
اوه اوه شوف منتدانا بيعمل ايه؟

ويــــــلـــــــكـــــم أسمـــاء(أمل)

ويااااارب دايما تكونوا بأحسن حال
وحمد الله ع السلامه ع فكره
وياااااااااااااااااااااارب تدوم صحبتنا وصحبة شباب الخير
وربنا يقدرنا ع الخير دايما ان شالله

لا مش تقوليش مفيش رجاله فى المنتدى

لالا عندنا الحمد لله كتير واجدع من حسام

وهيخشوا اكيد الوقتى قبل بعد شويه باذن الله

بس لاسف عايزه الحقيقه بعيد عن الناس مشغوله وعن ان كل واحد وليه ظروفه الا ان فى ناس

من البناااااااااااااااااااااااااااات والشباااااااااااااااااااااااااب دخلو المكان ده وومش لقم نفسهم

كانوا بيدورا على حاجه فى نفس يعقوب ومعرفووووش
مكنتش النفوس بيضه علشان كده اتخنقوا من جو الخير والصحبه والالتزام والاحترام ملهمش فى الجو ده

وناس تانيه معرفتش تعمل لنفسها وضع وبيدور على مكان تانى يعملوا فيه شغل يمكن يعرفوا ويتقال عليهم نجوم

المهم تحت اى مسمسى عايزه راى انا ماشى بمبداء 100 بيشتغلوا بفضل الله افضل من 1000 ونصهم وحشين وبتوع مشاكل

علشان كده انتم فى نعمه والله مش موجوده فى جميعات واماكن وجروبات اسمهم يتكتب على الجنيه المصرى وما شاء الله ههههه فى كل مكان تلاقى علامه الماركه وشغل دعايه ولا فيلم استعراضى

ومع ذلك المتطوعين بيطفشوا ومفيس انسجام ومفيش اخلاص فى العمل

علشان كده احنا بفضل الله افضل كتير ولا نذكى على الله انفسنا لكن نامل ان نكون شباب يعمل للخير خالص لوجه الله

وجزاكم الله خيرا جميعا

ومن الاخر الراجل بشغله وبنتيه وباخلاقه سواء ولد او بنت

ولسه الطريق طويل والخير كتير لكل شباب الخير باذن الله

الحمد لله ويارب ديما من نجاح لنجاح يااااااااارب

انا فاكره ان المنتددى ده كان زمان عدد اقل من كده فاكر ييا استاذ حسام المنتدى ده كان عباره عن مين ومين
العبره فعلا مش بكثره العدد العبره بالنتيجه الحمد لله بتعملوا شغل جميل جدا ممكن نكون قليلين ايوة لكن عندنا قدره اننا نعمل حاجات كتير
انت ممكن يكون معاك جروب قليل جدا لكن نشيط في عمله بيفكر صح دماغهم كبيره بيعرفوا يتعاملوا صح
والكل بيتعاون وفي الاخر نحقق النتيجه المتوقعه والحمد لله ده حصل بدليل حفله دار المسنين اللي بشهاده الكل كانت جميله جداااااااااااااااااااااااااااااااا [/img]

ان شاء الله ربنا يعطينا على قد نيتنا وحبنا لبعض وللخير دا
وفعلا مش مهم العدد

حتى لو العدد قليل ما دام النيه خالصه ان شالله المهم ان ربنا يبارك ف العمل دا
ان شالله يبقى كبير بقيمته كمان

انا بجد الكلام دا من قلبى
وفعلا انا معاكوا ف اى حاجه تحتاجوها ان شالله
وبجد واثقه ف ربنا قوى وفيكوا
واننا ان شالله هنوصل

وبالرغم من ضغط الدراسه انا ان شالله هحاول اظبط وقتى وابقى معاكوا على طول
واهى هانت معدليش غير ترم بس ان شالله وافضى معاكوا خالص

تسلمووووووووووووووولي

وحشاني ياسمسم اي نعم انتي معايا ف البيت بس وحشاني
شوفتي يارغده انا بعمل فيكي ايه
جننتك بالنتيجه
زمانكم بتقولو يارب النتيجه بتاعة ايمان تطلع عشان نخلص من زنها
ههههههههههه
نتكلم جد شويه
الزيارة دي كانت قصيرة اي نعم بس ده العادي لازم ف الاول نتعرف ع الجو العام عشان نشوف هنمشي ازاي
انا بس كل اللي بطلبه ان قبل اي زيارة ان شاء الله بيوم كل واحد يعرف دوره ايه عشان يبقى مستعدله
وبجد ياجماعه احنا فينا ميزتين مهمتين اوي
اولا احنا الحمد لله مش قليلين اوي فده مفيد عشان لو حد غاب مرة غصب عنه الباقي يسد
تانيا احنا بردو مش كتير اوي وده حلو بردو ع الاقل ف الوقت الحالي عشان نبقى عارفين بعض ونتعرف ع بعض اكتر
بس ده مايمنعش ان ان شاء الله المنتدى ده قريب جدا هيضم ملاااييين الشباب ومش شرط الشباب كل الفئات العمريه اللي نيتهم هي رضا الله اولا واخيرا
ان شاء الله
يارب يعينا ع الخير
وبجد انا متشوقه جدا للزيارة التانيه لدار العز

اوكى فكره كويسه جدا يا ايمي بجد وهتلاقي فيه نظام اكتر لما يتوزع ادواااااار علينا وهتلاقي كل واحد فاهم دور ايه وبينفذه بجد ربنا يجازيكي خير يارب يا جماعه الخير كلنا لازم نفهم اسس التعامل مع المكفوف واسس التعامل مع المسن واسس التعامل مع المرضي لانه ده بجد بيساعد علي نجاح الزياره

السلام عليكم ....

انا كمان حبيت اقول راى و اعبر عن الى حصلى او ااكدلك ان فعلا لما الواحد بيعمل الحاجة من جواه و بيعملها بنية صافية و ان هو بيعمل العمل دة لوجه الله بتفرق اوى ... انا منساش من فترة لما كنت بروح الزيارات كان وضع تانى خالص و خصوصا لما كنت بروح زيارة مركز الاورام و دار بلقاس ياااااه تحسى ان فى حاجات كتير كانت بحصل حلوة ان فى حاجات كتير اوى بتزيد و تتصلح و بقيتى تحسى بلناس يمكن لو مكنتيش روحتى الزيارات دى عمرك ما كنتى هتحسى بيهم ولا تعرفى هما فيهم ايه .. يمكن انا بقالى فترة مش بحضر زيارات و فى ناس كتير على المنتدى مش عارفها دلوقتى بس من قراتى للمواضيع حسيت ان فى ناس كتير حلوه و يمكن زمان لما كان المنتدى قبل كدة كنت بدخل باستمرار كان فعلا الناس فية قليلة بس كانت بتشتغل اوى اوى و كانت صحبة حلوة فا يااارب ديما الصحبة موجودة فى الخير ان شاء الله .. و ربنا يوفقك فى نتيجتك و يوقفكوا كلكوا

تسلميلي ياايه ياقمر

ووالله عندك حق
انافعلا شايفه ان مش الكترة هي اللي بتعمل التميز
لكن الاخلاص ف العمل والحب والتعاون ف الله هم اللي الحمد لله خلونا متميزين
واللي حسسني بكده اسلوب مدام عزة معانا
كانت فعلا فرحانه بينا وكانت بتقولنا ابقو تعالو كل عشر ايام
ده معناه انها شافتنا بنحاول نعمل اللي علينا عشان نفرح الناس دي
كمان الاولاد ف الدار تفاعلو معانا جامد وبجد كلنا ككنا مبسوطين
وبجد الزيارات الجايه هتبقى محتاجه مننا مجهود اكتر
لانهم فعلا مش زي غيرهم
والتعامل معاهم محتاج طريقه معينه عشان مانضايقهمش
ومحتاجين فقرات تعلمهم اكتر وتربطهم بالعالم الخارجي
وانا ان شاء الله معاكم ف اي حاجه بس قبل الزيارة اطلبو مني اي فقرة او اي موضوع اواي حاجه
وانا بجد تحت امركم
يارب دايما نتعاون ع البر والتقوى
وعلى فكرة يارغده انا قرات امبارح ردك بس كنت نيمانه خالص فماادتكيش حقك
بجد انتي االلي بجد زي العسل
وانا من ساعة مااشتركت معاكم وانا حاسه ان احنا اخوات بجد
مافيش بينا مصالح بنحب بعض ف الله
ومجتمعين عشان ربنابردو
ربنا يخليكو لي اعز اخوات والله

كلام جميل منكم ما شاء الله

فى ناس قالت اسس التعامل مع المكفوفين

وناس اتكلمت على نجاح الزياره والحمد لله

عايز اعرف بقه من كل عضو يا ترى هيا ايه اسس التعامل مع المكفوفين ...!؟ وما هيا الادوار المطلوبه فى زيارة المكفوفين ..!؟ وكيفية توزيع الادوار على المتطوعين ..!؟ وما هوه البرنامج المناسب فى زيارة دار العز ..!؟

منتظر الاجااااااااااااااابة بشكل سريع من كل الاعضاء وجزاكم الله خيرا

ولا ننسى سؤالنا الهام ..
ماذا تعلمت من الزيارات وما هوه اكثر الموقف التى تاثرت بها ورد فعلها عليك ..!؟ وكلمه توجها لكل الشباب ..!؟ وجزاكم الله خيرا

تسلميلي يااحلى رورو
الله يسلمك دايما من كل شر
ودايما تدوم صحبتنا في الله
احلى صحبة

بحبكم في الله مش معقوووووووووول 844243