صديقتي العزيزة

كان ليا صديقة

أنا وهي,عرفنا بعض في منتدى

بس بجد

كانت أكتر من أختي

قابلت صديقتي,وحبيتها بجد,أكتر لما عرفتها وقابلتها فعلا

وكانت بالنسبة لي,أكتر من أختي,بجد

بس طبعا

ظروف الحياة

شاءت,إن,صديقتي تبعد,لظروف حياتها

بجد,كانت أغلى صديقة,وبالنسبة لي,أكتر من أخت

بستغرب ده,فيه أصدقاء في حياتنا,بيكونوا أكتر من الأخوات

ربنا يوفقها يارب في حياتها بجد,وتكون بخير

رغم إنها مش هنا

لكن,أنا حابة أكتب الموضوع وخلاص :)

حابة وبس,أفتكر صديقتي :)

حلو قوى انك تفتكري اصدقائك

انا كمان بفتكر واحده صحبتى
وحشتنى قوووى
اخر مره شفتها
كنا ف 4 ابتدائى

ليا حق توحشنى .صح؟

آه,ليكي حق توحشك:)

ربنا يوفقها ويوفقك يا ايمان ياااااااااارب
ويطمنى عليكوا ان شالله

يارب يا قمر
ويسعدك:)

انتى ياايمان فتحتى موضوع جميل جدا ياحبيبتى انتى روحك حلوة جدا واحسن حاجة فيكى تلقائية وبتقولى اللى على قلبك حتى لو مش مرتبة افكارك بس بتلاقى الموضوع احتوى كل اللى انتى عايزة تقولية وعبرتى عن الى جواكى اما عن موضوع الناس اللى بنحبهم ومشفنهومش من زمان وكانوا بيمثلوا شىء مهم فى حياتك ومهما مر الزمن مش هننساهم قد اية ليهم ذكريات حلوة مهما مر عليها الزمان. انا كمان ليا صديقة حبيتها اوى كانت قريبة منى مع ان فى الاول مكناش بنحب بعض خالص نهائى بس سبحان اللة بعد كدة مبقناش نستحمل على بعض اى حاجة واة لو حد ضايقها ولا زعلها وكنا بنقف جمب بعض كتير وليها مواقف مش هنساها ابدا وهيا عموما مش هنا فى المنصورة بس على طول بتفاجئنى يوم عيد ميلادى بتكون هيا اول واحدة تقولى كل سنة وانتى طيبة يانور عينى هيا مش بتقولى الا كدة وبنطمن على بعض فى التليفون مع انى مشفتهاش بقالى اربع سنين بس مش بتغيب عنى ابدا وشكرا ياايمان انتى فتحتى ليا مجال اتكلم عن صديقتى وبجد هيا دة الصداقة بس بردة صحبتى المقربة ليا مهونة عليا لدرجة بقينا شكل بعض ربنا عوضنى يعنى الحمد للة انا بصراحة تقريبا كدة متوقعش اعيش من غير مايكون ليا نصى التانى صحبتى وميعديش يوم الا لمانشوف بعض انا شايفة ان دة اجمل حاجة فى الدنيا الصداقة دة حاجة جميلة فعلا ويارب نفضل اصحاب على طول