الحظ الجميل,الرائع :(

هو موقف مريت بيه,بس أنا بجد بعدها,حسيت إني منعت حاجة عن حد,بدون قصد,وحاسة,إني كمان بدون قصد,هضطر أكذب
بجد,مش عارفة !!

من بداية الشهر,بدأت أشتغل في صيدلية

فيه غلطات كتيرة عدت,وأهو بتعلم منها


لحد,من يومين

جه واحد,نصب عليا في فلوس

وخدهم !!

285 جنيه

ربنا....... منه يارب,مش عارفة

بس بجد,ربنا ينتقم منه,بجد,أيوة ينتقم منه


مش مشكلة,والله ما عارفة أقول ربنا يسامحه,وقلبي مسامح في ده,مش عارفة

ربنا يسامحه في الآخرة

بس,ينتقم منه,حاجة بسيطة,معرفش !! بس حرام عليه


وبعدها,حسيت اني,من الخوف,هضطر أكذب


ناس جم سألوني على حاجات,فكة وكدة في الفلوس,قلت لهم مفيش,مع إن فيه,بس,كنت خايفة

وفي يوم


جه واحد,سألني على نوع لبن


مكنش موجود في الصيدليات,فمش موجود منه على الرف

وقاللي,ابني بيموت من الجوع وعاوزه


أنا خفت,خفت بجد,أتصرف أي تصرف من نفسي,علشان مش على الرف,خفت بجد

بعد التصرف أو الموقف اللي حصل مني قبلها,وخفت بجد,أدي حاجة على طول


قلت له

معلهش,ساعة كدة,أو ساعتين

هسأل لك عليه الدكتور,ولو مش موجود,يجيبه


الدكتور قاللي,مدتيهوش له ليه


ليه أشيل ذنب طفل صغير!!!



أنا كنت خايفة

والله العظيم كنت خايفة

من قبلها

وأنا بعيط وخايفة بجد,من الموقف اللي حصل قبلها على طول,وخصوصا اني مسألتش,لما جه حد بحاجة,وطلعت فلوس,بدون ما أسأل

خفت كمان,أطلع حاجة مش على الى الرف,في ساعتها

خفت بجد

مع اني كان المفروض اطلعها

الراجل مجاش من يومها

اللي طالب اللبن لابنه


وبجد,حاسة بذنب,لدرجة إني عاوزة أعيط


هو ممكن,يكون راح لصيدلية تانية ولقاه,يااااااريت


ويمكن,مرحش



وأشيل ذنب طفل


والله ما قصد

بجد والله العظيم ما قصدت

والله العظيم ما قصدت

أنا خفت بجد,خفت وبس


كل حاجة اختلطت عندي كدة وبس


بعد الموقف اللي حصل لي,خفت اتصرف أي تصرف


مش عارفة


ودلوقتي

الخوف ده

خلاني اشيل ذنب طفل صغير:(

يارب

ربنا يسترها وربنا يكرمك

ده أنا تعبتك وتعبت ليكي أعصابك انتي

معلهش

إنتي عسل وقمر ربنا يحميكي :D
هسس,مش عاوزة أجاملك:D

ههه,ربنا يهنيكي يارب :D


ربنا إن شاء الله يكتب كل خير,بإذن الله:)

يارب,ويهدي كل الأحوال,إن شاء الله:)

اهدى ياايمان
وانتى مش ذنبك حاجه ومتقدريش تتصرفى فى شىء مش بتاعك
الكلام دا لو دى صيدليتك وانتى منعتى الشىء دا عن انسان محتاج
اهدى ياقمر
وان شاء الله زى مارغده قالت يكون لقاه
ان شاء الله
اهدى انتى وكل شىء هيبقى تمام ان شاء الله
انتى مش ذنبك حاجه
انتى شغاله تحت تصرفه هو لانها صيدليته
متخافيش ياايمان
انتى نيتك خير وكنتى عاوزه تساعديه ربنا اكيد ان شاء الله هيجازيكى ع نيتك ياايمان

ربنا يسهلها إن شاء الله يا ريهام,هو الدكتور كان عاوزني أطلعها,بس أنا إللي اتلخبطت بجد وأنا لواحدي
يللا,ربنا يسهلها بإذن الله :)

يارب تكوني بخير:)