يا ترى نفسك تتجوز طيب اتفضل معانا ....!!!؟

قصة جديدة في بيت العرايس و العرسان

و قريبا هنا

وحشوكوا عرساني؟؟..ماتشوفوش وحش..أنا شخصيا ماوحشونيش خاالص..أنا جاتلي منهم حالة اكتئاب كل أما أنام أحلم بكوابيس مالهاش أول من آخر..مرة أحلم بأيمن ماسك صابعين جلاش..مرة أحلم ببتاع لجنة السياسات معدي بالمكروباص على الرياض و مرة أحلم بالأخ اللي شبه عمرو موسى ده و أنا واقفة و ماسكاله الطفاية..مرتين تلاته كمان حلمت بكريم عبد العزيز بس ده مش موضوعنا دلوقتي خااااااااالص

و برضه من آثار الإكتئاب اللي بيحصل للوحدة بعد كمية محترمة من التجارب المحترمة زي اللي انا مريت بيها دي..بعدها مابتبقاش الواحدة عايزة تسمع كلمة عريس أو تشم حتى ريحته..طبعا أصلا لو له ريحة يبقى ماينفعش..يضرب جرس الباب أقوم أستخبى ورا ماما ..يرن التليفون أقوم أجري و أمسك في ايد بابا قبل مايرفع السماعة و الذعر في عينيا
لا يابابا بلاش..بلاش يا بابا..حرام عليك ..
ايه يابنتي في ايه ..جرالك ايه
لحسن تطلع طنط حشرية يا بابا و جايبالي عريس أرجوك يا حاج..بلاش ترد ع التليفون..اعتبرني زي بنتك
زي بنتي ..الحقي ياأم برايد البت اتهطلت
ماما تيجي و تسلك ايد بابا من ايدي اللي قافشه عليها زي الكابوريا
معلش يا حبيبتي معلش و الله نصيبك هيبقى زي الفل..اهدي يا حبيبتي كده و صلي ع النبي
عاااااااااااااااااا..آه يا ماما آه..مش عايزة طنط حشرية دي تاني
خلاص يا بنتي خلاص ..يا رب يبعدها عن سكتك

و الحمد لله أبواب السما يوميها كانت مفتوحة و مش ماما تنقي دعوة حلوة كده زيي يا رب تتجوزي بكرة الصبح؟..لأ تيجي في حظ طنط حشرية بس كويس برضه أهو قضى أخف من قضى

قوم ايه ..ربنا رحمني من طنط حشرية و عوضني عنها بأونكل ديسكو..أونكل ديسكو ده -و اسمه الأصلي دسوقي- صاحب بابا من زمان بس راجل شيك كده و أمور و روش و يبان عليه العز...نعم؟..أتجوزه؟؟..أتجوزه ده ايه؟..بقولكم صاحب بابا..خلاص يعني مافيش تمييز
المهم أونكل ديسكو ده كان دايما يجي عندنا و يقعد يلعب هو وبابا..طاولة؟؟..مين جاب سيرة طاولة؟..قمار؟؟..إمشي ..قمار في عينك انت و هو..بيقعدوا يلعبوا بلاي ستيشان..أمال ماهو أونكل ديسكو مش أي كلام

يقعد يغلب في بابا يغلب في بابا لحد ماتقوم خناقة و بابا يرزع الجهاز في الأرض و يبقى صوتهم مسمع آخر واحد في عنبر الغيبوبة بتاع القصر العيني
انت راجل مالاكش فيها
انت اللي مابتفهمش
يا عم روح انت صحيح بتفهم في البلاي ستيشان بس زي ماشعبان عبد الرحيم بيقهم في الطاقة الذرية

..و نخش نسلك أنا و ماما تنوبني زغدة في جنبي أو بونية في عيني و بعدين يخلص الموقف و أونكل ديسكو متشعلق في بابا بيبوس راسه و
بابا يقوله الشيطان شاطر يا حاج ديسكو
و هو يقوله حقك عليا يا بو برايد
و تتكرر الحكاية كل خميس زي الساعة لدرجة ان الواد برررق ابن الجيران اللي قصادنا بيجيب العيال صحابه كل خميس يتفرجوا ع الخناقة ..فرقعة و مطاردات في البلاكونة و بونيات و شقلبظات ..أحسن من ميت فيلم للسقا ده اللي بيقولوا عليه

الخميس اللي فات بأه بابا مجهز البلاي ستيشان و الكراسي في البلاكونة ..و انا انتهيت من تمارين الضغط و الحديد استعدادا لدوري في التسليك و ضرب جرس الباب رحت افتح لقيت أونكل ديسكو مدخل وشه من فتحة الباب و بيقوللي بلهجة كده ماعجبتنيش ..إزيك يا برااااااااايد..أخبارك ايييييييه
عارفينها الطريقة دي ..اللي الناس بيمطوا بيها الحروف قبل مايقولولكوا انهم جايبنلكوا باكو شيكولاته و بعد ماتحلموا بالكادبوري ..تطلع كورونا لبني من أم ربع جنيه
آآآآآآآآه ..عرفت ان الموضوع فيه إنه
بابا فيييييييييييين
مش هنا يا أونكل..سافر العراق ..جاتله إعارة سلام
و لسه هاقفل الباب الراجل الأروب حط رجله في فتحة الباب و زقه لما فعصني في الحيطة و دخل
هههههههه إعارة ايه يا بنت يا عكروتة إنتي؟..و الله دمك زي العسل يا برايد من ساعة ماكنتي قد كده لغاية لما بقيتي عروسة زي القمر

آآآآآآه ..وضحت الرؤية مادام قاللي انتي عروسة ..مش بس كده ..ده من خلال خبرتي الحياتية الطويلة ..أي موضوع تجتمع فيها كلمة عروسة مع كلمة عكروتة يبقى أكيد لا يبشر بأي خير

اتجه للبلكونة اللي عارف طريقها كويس و انا من الصدمة قعدت على أول كرسي قابلني في الصالة انتظارا لوقع القضا المستعجل فوق نافوخي
شوية كده و سمعت ضحك و هقهقة و بابا بينادي ماما ماما طلعت م المطبخ اللي مقضية فيه نص حياتها و متجهه ناحية البلكونة
و انا شفتها من هنا و رحت مرمية على رجلها
بلاش يا ماما ربنا يخليكي
فيه ايه يا بنتي ايه اللي حصل
ماتدخليش يا ماما قلبي مش مطمن حاسة انه كمين
كمين ازاي يعني؟
حاسة ان أونكل ديسكو جايبلي عريس
طب يا بنتي ربنا يبعت..انتي مش كنتي هيتقلعلك عين و تتجوزي
لا يا ماما..خلاص انا عرفت حظي و نصيبي ..أنا مابيتقدمليش غير العاهات ..أنا خلاص ياماما هاقعد جنبك و هاسمع الكلام و هاغسل المواعين
ايه ده ..هتغسلي المواعين بجد
لألألأ..بلاش استغلال الظروف ده
..بس و النبي يا ماما و النبي ماتدخلي
ماتقلقيش يا برايد ..انت عارفة ان اونكل ديسكو بيفهم و راجل محترم و معارفه كلهم ناس محترمين و لو جايبلك عريس أكيد هيقى محترم

بصتلها و الدموع في عينيا ..ذكية ماما دي ..عكروتة بتعمل معايا زي ماكانت بتقوللي زمان ..روحي المدرسة و انا أجيبلك صباع روج.....ايه دانا كنت في تالتة إبتدائي يعني عروسة قد الدنيا

يووووه ..برضه عكروتة و عروسة في جملة واحدة بس على رأي ماما أونكل ديسكو راجل محترم و غير طنط حشرية
خالص و لو جابلي عريس هيبقى راجل محترم
مش انتوا رأيكوا كده برضه
أما أخش أتصنت عليهم و أحكيلكوا المرة الجاية
ادعولي

هههههههههههههههههههههههههههه
بجددد اسلوب دمه خفيف جدا

مين طنط حشرية دي هههههه؟؟؟اسمها ميطمنش..واكيد برضه ماجيبها مطمنش

والله ظاهرة ان البنت بقت تكره اليوم اللي بيجيلها فيه عريس دي بجد حقيقة
سبحان الله والله...يعني ممكن يكون كل اللي بيتقدم ليها مش تمام...بس المفروض ان في ناس كويسين
والبنت تتعقد..وخلاص شكرا مش عايزين

ليكي حق...بس سؤال ..اللي كانت جيباهم اصلا كانو عاملين ازاي؟؟بتفرق من بنت لتانية في واحدة مش بيعجبها العجب.. وفي واحدة بيبقى ليها وجهة نظر في اللي قدمها وفعلا بتبقى صح

وياريت تسمعي بظبط بيقولو ايه:)..عشان عندي فضول اشوف عمو ديسكو جايب ايه معاه..قصدي جايب مين معاه:)

[quote="ربي_الله"]

هههههههههههههههههههههههههههه
بجددد اسلوب دمه خفيف جدا

مين طنط حشرية دي هههههه؟؟؟اسمها ميطمنش..واكيد برضه ماجيبها مطمنش

والله ظاهرة ان البنت بقت تكره اليوم اللي بيجيلها فيه عريس دي بجد حقيقة
سبحان الله والله...يعني ممكن يكون كل اللي بيتقدم ليها مش تمام...بس المفروض ان في ناس كويسين
والبنت تتعقد..وخلاص شكرا مش عايزين

ليكي حق...بس سؤال ..اللي كانت جيباهم اصلا كانو عاملين ازاي؟؟بتفرق من بنت لتانية في واحدة مش بيعجبها العجب.. وفي واحدة بيبقى ليها وجهة نظر في اللي قدمها وفعلا بتبقى صح

وياريت تسمعي بظبط بيقولو ايه:)..عشان عندي فضول اشوف عمو ديسكو جايب ايه معاه..قصدي جايب مين معاه:)

[/quot كل اللي بيتقدم للبنت يا عيني مش تمام حظها كده بقه طنط حشريه متوصيه بيها علي الاخر بس فيه بنات بتطلع القطط الفطسانه في اللي قدامها تلاكيك بقه هتعملي ايه ربنا معاهاااااااا اصلي متعاطفه معاها اوى هههههههههههههههههههههه ميرسي يا ربي الله علي ردك الرقيق

السلام عليكم ورحمة اللة وبركاتة

اولا احب اشكرك يامي علي الحكاية الجميلة وياريت تكملي لينا حكايات طنط حشرية وعمو ديسكو عشان نعرف اخر اخبار العرسان ونتعلم من مجايبهم وربنا يستر علينا

يا ترى نفسك تتجوز طيب اتفضل معانا ....!!!؟ 062373c4eec

وعليكم السلام ورحمه الله وبركاته

ميرسي ليكي يا ثومه علي ردك الجميل وربنا معانا كلنا

علي فكره انا مضايقه من طنط حشريه دي البنت يا عيني غلبانه استوييت من عرسانها ادعولها يا بنات ربنا معاهاااااا هههههههه

» همتكوا معانا ياشباااااااااااااااااااب
» فكر واكسب معانا
» يا ترى مين معانا على المنتدى ...!!!؟
» نفسك فى ايه ..!؟ يا بنى ادم
» "جرىء اتفضل"