الاخت سما مصر
اسمحيلى ادخل فى موضوعك المميز دة
شوفى يا سيتى
السياسة هية الحياة السياسة هى الانسان فدخولك الجامعة سياسة وخروجك من الجامعة متلاقيش تاكسى دى سياسة وجودك على النت حاليا سياسة وكلامك مع زميلتك سياسة
سياسة يعنى اسلوب يعنى طريقة عيش يعنى سلوك انسانى والانسان هوة المخلوق الوحيد الى بيستخدم السياسة لانة درجة من درجات الفكر المتقدم وانتى بتشترى اى حاجة بتستخدمى السياسة بس طبعا مع الفرق بين السياسة الدارجة والعامية او سياسة الاقتصاد او الدولة
بالنسبة بقة لامريكا او غيرها من الدول فانا باكدلك ان فية مصريين كتيييييييييييييييييييييير يستاهلوا يتقدروا وتقدير مش عادى وعلى فكرة ابطال جدا فى تصرفاتهم وحركاتهم وفيهم ناس اى مجتمع بيستقبلهم بيحترمهم جدا ودة من ناحية المصريين
اما من ناحية المسلمين فعاوز ااكد لحضرتك ان المسلمين الى هناك اسلامهم لا يقاس باسلام اى شخص فى منطقة الشرق والسبب ان معظمهم بيدخل الاسلام بدماغة اى بتفكير
انا شخصيا اعرف واحدة حافظة سورة البقرة كاملا وتصوم كل يوم ويوم ولا تعرف العربية فلو سمحت حاولى تعدى لية كام شاب مسلم او شابة مسلمة تحفظ سورة البقرة كااااملة ومن اصل كام مسلم يعنى احسبيلى نسبة عدد الشباب من مواليد سنة 90 فى مدينة ما
كام واحد حافظ سورة البقرة والسبب هنا بقة ان الاسلام هنا وراثة هوة طلع لقة بابى ومامى مسلمين فخلاص الموضوع انتهى هوة نفسة محبش يدور او يفهم لية الاسلام
وفى نفس الوقت اعرف سيدة اخرى درست كل الاديان وبعدما درست اختارت دين الاسلام لانها حفظت جميع النصوص فى الاديان الاخرى وشعرت انة هناك خطب ما وبعض الاخطاء ومن خلال البحث اكتشفت انة اصح كتاب وان من نقل هذا الكتاب كيف يكون امى واذا كان امى فمن اين اتى بهذا الكلام ..ولما راحت المركز الاسلامى عشان تعلن اسلامها وبعد ما بدات تدخل وسط السيدات المسلمات الى هما عرب بالمعنى الاصح كان بيضحكوا عليها ويخلوها تغسل حمامات المركز 2 يوم فى الاسبوع بدل مرة فى الاسبوع ..اعتقادا منهم انهم اذكى وان دى واحدة اجنبية وان الموضوع دة طبيعى انهم يستغلوا الى جى جديد واحنا فاهمين الافلام دى كويس اوى كلنا ولللاسف كانوا من الجنسية الم........
المهم ونرجع للجزء الاخير وهوة احنا .
للاسف احنا العرب معتقدين دايما اننا الصح
واننا الاكمل
واننا الافضل وان دين الاسلام قاصر علينا احنا بس
نعم اكمل وافضل لكن عندما نحقق ما طلبة منا منهجنا نحن
وليس منهجهم
هم يعلمون اننا الافضل هم يعلمون اننا اقوى هم يعلمون اننا اقدر
لذلك دائما وابدا يحاولون من جميع الجهات افسااادنا وللاسف احنا عندنا قابلية للفساد
فى مشكلة عندنا وهية اننا بقالنا اكتر من 60 سنة بنتعلم غلط فى كل المجالات فاصبح هناك الان شيوخ ورجال وامهات تعلم اطفالها اصلا الغلط الى هية اتعلمتة فاصبح يجرى معنا مجرى الدم وللاسف هيستمر كمان للاجيال الى جية يعنى الى عندة 20 حاليا و 10 و 5 والى لسة جى هيتعلم الغلط وباسلوب غلط كمان
احنا معندناش ثقافة العيش مع الاخر معندناش ثقافة تقبل المجتمعات اصلا ودى واجهتنى انا شخصيا ولن يشعر بيها اى حد الا لما يغادر من بلدة...
وهقولك مثال فى دولة عربية ما يرفضون عمل العرب مع انهم دولة عربية وبالاخص جنسيتنا ويفضلون عمل الجنسية الهندية والباكستانية والافغانية عارفة لية ؟
عشان بيعرفوا يعيشوا مع الغير انما لو جاب واحد عربى تلاقية بيتعامل مع الناس باسلوب انة اعلى من دول وخد يلااااااااااااااااا روح يلاااااااااااااااااااااااا انتة اية انتةةةةةةةةةة والكلام دة انا بشوفة بعينى وعشان كدة لا يمكن لينا كبلد انها تكون رائدة لان مثلا مثلا العمالة دى لو جت عندنا عشان تقوم البلد مثلا مثلا هيموتوا من طريقة معاملتنا ومن اسلوبنا ومن انننا كلنا مديرين كلنااا بنقول انتة مش عارف انا بن مين ؟
طيب يا جماعة لما كلنا بقينا خلاص بنضرب مين الى هيضرب سؤال مش لاقى اجابة لية
فكل دة ثقافات كبرنا عليها واترعرعنا عليها وعندنا حالة من حالات التنوع للاسف وبكررها
الراقصة دلوقتى بتتكلم فى الدين والشرع والشريعة برة الراقصة بترقص بليل فى الملهى بس
الدكتور او الدكتورة بقيت مذيعة وبتدعى الناس للتوبة بس فى عيادتها هية برة الدكتور فى المستشفى بس
الداعية دلوقتى بيشوف القناة الى هتديلة فلوس اكتر والبس بدلة ولا تيشرت احلق ذقنى ولا احددها وساعة لما تكون الامة فى ازمة تدورى على الدعاة مستخبيين بيفكروا يعملوا فرقعة اعلامية عشان يتشهر اكتر وكلنا عارفين مين بيعمل كدة انما برة القسيس جوة الكنيسة والشيخ جوة الجامع والحاخام جوة المعبد
عم عبدة بتاع الفول دلوقتى عندة نت وموبيل ودش بس تسالية يا عم عبدة تعرف اية عن حسن البنا او سيد قطب يقولك يا بنتى انا مش بجيب افلام اجنبى ولا بحبها
وتلاقى واحد يقولك انا عربى مسلم او عربى مسيحى مثلا مثلا وتلاقية الصبح فى الجامعة فى شارع هندسة الخلفى مع الجيرل فيرند والومن والاديلت وبليل فى النادى بيشرب شوشو وكوكو وسوسو ودى اسماء لمكيفات بس متدلعة عشان الالتزام باداب الحديث واسمة اية
شاب عربى مسلم ولا واحدة لبسة ايشارب والبنطلون تحت مهوى يا ختى حلوة ولا واسع من فوق وضيق من تحت او واسع من تحت وضيق من فوق وتلااااااااااااااااقى شارع المشاية ايةةةةةةةةةةة فى رمضان عند الجامع الى اسمة السلاب كل الانواع موجودة وبعد رمضان ياعينى الجامع دة بالذات بيشحت الناس بعد كدة وكان رب رمضان بيجى فى رمضان بس
والمكياج يروح ومحلات العبايات السودا تكسب ويرجع العيد بالوانة المبهجة ولبسة الى احنا عارفينة كلنا وفاهمين وكلنااااااااااااااااااااااااااااااااااااااااااااااااااااااا بلا استثناء متاكدين ان انا وانتة وانتى عارفين الصح فين والغلط فين بس كل واحد عاوز يمشى على الى يريحة هوة
والله والله شوفت واحدة بتغيير ميعاد مجموعة او حصة مع زميلها بعد الصلاةةةةة يعنى حتة مصبرتش تستغفر الاول لا علاطول بدات بعد صلاة التراويح
احنا نفسنا نبقى حاجة مش عارفين ولا فى العصيان عارفين نبقة عصاة بجد لاننا من جوانا احنا كويسيين ولا فى الهداية عارفين نبقى هاديين عشان الدنيا بمؤثراتها الجامدة ماثرة علينا
وهية دى مشكلتنا والى حصل للجروب بتاعك او المجموعة بتاعتك دة اقل من القليل الى بيدل على تعصب العقول وعدم قابلية العيش مع الغير مع احترام كافة المبادىء والاخلاق
فانا لما يكون لية اصحاب مثلا من دولة اخرى او ديانة اخرى مفيش مانع انى اكون معاهم بس ساعة لما تبدا اى مخالفة لقواعدى انا بنسحب وصدقينى مع الناس دى باة هما نفسهم بعد كدة بيحترموا قواعدك ومبادئك ومش بيكرروها تانى قدامك
وربنا يهدينا ويهدى الناس كلها يارب
موضوع: .......... 
الجمعة ديسمبر 25, 2009 12:42 am
