الى كل من يعارض شرع الله

وفي يوم من الايام كنت جالسة وسمعت إحداهن تقول فلانة عنست
قلت في نفسي مسكينة فلانه لقد عنست .. ولكن.. فلانه أنه اسمي !! يا إلهي أنه اسمي
أنا اصبحت عانسة.. صدمة قوية جدا مهما وصفتها لن تحسوا بها.. واصبحت امام الامر
الواقع أنا عانس نعم حقيقة أنا عانس.. وبدأت اراجع حساباتي ماذا افعل.. الوقت يمضي
والايام تمر اريد ان اصرخ اريد زوجا اريد رجل اقف بظله يعينني ويقضي اموري.. نعم
أخي لا يقصر معي في شئ ولكنه ليس كالزوج اريد أن اعيش اريد أن انجب اريد أن اتمتع
بحياتي ولكني لا استطيع أن اقول هذا الكلام للمجتمع... يستطيع أن يقوله الرجال أما
نحن فلا .. سيقولون هذه لا تستحي ليس لي إلا السكوت ومجاراة المجتمع.. اضحك لكن ليس
من قلبي تريدون مني أن اضحك ويدي في النار كيف.. لا استطيع جاءني اخي الاكبر ذات
مرة وقال لي : لقد جاءك اليوم عريس فرددته.. ومن غير شعور مني قلت له لماذا ؟؟؟؟؟
حرام عليك قال لي لانه يريدك زوجه ثانية على زوجته وأنا اعرف انك تحاربين التعدد
وكدت اصرخ في وجهه.. ولماذا لم توافق أنا راضية أن أكون زوجة ثانية أو ثالثة أو
رابعة يدي في النار أنا موافقه نعم أنا التي كنت احارب التعدد اقبله الآن ولكن بعد
ماذا ؟ قال فات الأوان الآن أدركت حكمة الله في التعدد وهذه حكمة واحدة جعلتني اقبل
فكيف بحكمه الاخرى اللهم اغفر لي ذنبي فقد كنت جاهلة.. وهذه كلمة اوجهها إلى الرجال
أقول لكم عددوا تزوجوا واحدة وثانية وثالثة ورابعة بشرط القدرة والعدل واذكركم
بقوله تعالى (( فانكحوا ما طاب لكم من النساء مثنى وثلاث ورباع فإن خفتم ألا تعدلوا
فواحدة ))

أنقذونا من نار
العنوسة فنحن بشر مثلكم نحس ونتألم استرونا ارحمونا وهذه كلمة اوجهها الى أختي
المسلمة المتزوجة.. احمدي الله على هذه النعمة لانك لم تجربي نار العنوسة واقول لك
وارجو ألا تغضبي إذا أراد زوجك الزواج من اخرى لا تمنعيه بل شجعيه أنا اعرف ان هذا
صعب عليك ولكن احتسبي الاجر عند الله انظري إلى حال أختك العانس والمطلقة والارملة
من لهم اعتبريها اختك وسوف تنالين الاجر العظيم بصبرك.. تقولين لي يأتي اعزب
ويتزوجها اقول لك انظري إلى إحصائيات السكان أن عدد النساء اكثر من الرجال بكثير
ولو تزوج كل رجل بواحدة لأصبح معظم نسائنا عوانس لا تفكري في نفسك فقط بل فكري في
اختك ايضا اعتبري نفسك مكانها تقولين لا يهمني كل هذا المهم ألا يتزوج علي اقول لك
اليد التي في الماء ليست كاليد التي في الرمضاء.. وماذا يحدث لو تزوج عليك.. اعلمي
أن الدنيا فانية والاخرة باقية لا تكوني انانية لا تحرمي اختك من هذه النعمة لا
يؤمن احدكم حتى يحب لاخيه ما يحب لنفسه والله لو جربت نار العنوسة ثم تزوجت لسوف
تقولين لزوجك تزوج باختي واسترها..




منقول حقيقة قضية يدمي له القلب وتدمع له العين نسئل الله أن يرزق
بنات المسلمين أجمعين وأن يجنبهم قطار العنوسة وأن يحفظهم يا رب العالمين

انا شايفة ان قضية العنوسة زيها زي قضايا كتير فالمجتمع يعني البطالة مثلا لو كل رب عمل قال هاخد ثواب وبدل ميبقي عندي فالقسم دة مدير واحد يبقوا اتنين وعدد الموظفين فالمكان دة يتضاعف عشان يحل مشكلة البطالة اكيد الدنيا هتخرب وهيفشل العمل ويبقي دة مش حل

مشكلة المواصلات لو كل واحد استغل ان عندة ميكروباص وقال احل الازمة وبدل ميركب عشرة يركب عشرين علي بعض دة هيبقي حل لما الكل يتزنق لما الرجالة تبقي جمب البنات والستات لما واحد مريض يعدي كل الركاب
اكيد كتير هيقولي اني مش عارفة بتكلم فاية واني عيلة صغيرة ومش فاهمة وبقول اي كلام بس هي نفس المشكلة لو بررنا قضية العنوسة وقلنا ان حلها ان الواحد يطبق الشرع ويتجوز اكتر من واحدة هتحصل مشاكل اكتر من مشكلة العنوسة نفسها

واحدة هتتجوز وتقبل تبقي زوجة تانية بعد فترة هتحس شوية انها مهملة هتحس انها مش زي اي واحدة صاحبتها اختها اكيد كل واحدة بتقولها هي عايشة ازاي وهي مش زيهم اكيد هتحس بالنقص وممكن الموضوع يتطور لقدر اللة لطلاق ويبقي المشكلة مشكلتين بقت مطلقة ودة طبعا لقب اصعب بكتير من لقب عانس

انا مش بعارض تعدد الزوجات انا بعارض الطريقة اللي عايزين تحلوا بيها مشكلة العنوسة انا لما ابقي زوجة اقسم باللة كلام مني احاسب علية يوم مأقابل ربي اقسم باللة لو زوجي قالي انا بحب واحدة وعايزة اتجوزها وتبقي زوجة تانية هقولة مفيش مشاكل طالما دة شئ هيريحة ؛ انا كزوجة لو حسيت بنسبة واحد من مليون فالمية ان جوزي محتاج حاجة انا مش قادرة اعملها او انة مفتقد حاجة معايا اقسم باللة انا اللي هقول لية اتجوز

مش ضعف مني بس لان دة حقة ومش من حقي اني اتعسة بنسبة ضئيلة جدا لكن ابقي زوجة مثالية ومفيش حاجة ناقصة يعني مستحيل واحدة تعمل حاجة زيادة غير اللي انا بعملها ويتجوز دة اكيد هيبقي فية كلام تاني

ربنا لما خلق البنات والزكور كتب لكل واحد وواحدة نصيبها مفيش واحدة هتتوفي من غير متاخد نصيبها متسمحيش لنفسك كبنت منبع الحب والحنان والرحمة متسمحيش لنفسك ان غريزة جواكي تسمحلك تدمري حياة غيرك وتدمري حياتك قبلها العنوسة دي اختبار من ربنا بيختبر صبرك وايمانك اصبري ادعي ربنا افرحي لاي واحدة اتجوزت وانت لسة ربنا هيجازيكي علي دة بالثواب وبالزوج الصالح

اصبري قربي لربنا اقسم باللة لو واحدة قريبة من ربنا هتحس بالامان وهي بين ايدين ربنا هتحس بكل حاجة وهي مؤمنة ومش هقولكم ان امان ربنا والاحساس انك مؤمنة وربنا بيحبك دة احسن من الاحساس انك معاكي راجل يحميكي ويحبك لان اكيد انتم عارفين ان امان ربنا احسن بكتير صدقيني ممكن تتجوزي راجل ليكي لواحدك يندمك وممكن تتجوزي راجل صالح يفرحك بس اصبري

انا مش بعارض شرع ربنا لكن متفكريش فنفسك بس فكري فالاسرة للي انتي داخلة فيها فكري هتدمر ولا مش هتبقي سبب فتدميرها انا عارفة اني اتكلمت كتير وطولت جدا بس نصيحة لاختي الغير متزوجة اصبري وقوي ايمانك واعرفي ان نصيبك موجود لكن ربنا لسة مأردش اصبري الصبر مفتاح الفرج اصبري وقربي لربك
لو نصيبك تبقي زوجة تانية هتبقي وعلي فكرة الرجالة مش ليهم اي كلام يتوجهلهم فموضوع زي دة هو لو راجل صالح هيعرف يتقي ربنا فواحدة او اتنين وربنا يهدي كل بنات المسلمين الزوج الصالح