"جرىء اتفضل"

بسم الله الرحمن الرحيم
السلام عليكم ورحمه الله وبركاته

اتمنى تعجبكم الآسئله حلووه ومفرفشه


اكيد حلوه طالما منك





_ هل انت تفعل ما تقوله هنا بالمنتدى ..؟؟

اه الحمد لله
ساسات ممكن كلامى يبقى مافور حبه بس بيبقى دا تفكيرى وقتها ودا اللى جوايا
انما الكدب لا الحمد لله بعيده عنه

_ اعتذار تريد ان تقدمه لمن ..؟؟

لاى حد متضايق او زعلان منى


_ ما ردة فعلك عندما يقول لك حبيبك : أحبك نعم أتزوجـــك لا ..؟؟


عمرى ما احط نفسى ف موقف كدا ابدا (الحمد لله يعنى)
ولو كدا مش هلوم الولد قد ا هلوم البنت

_ ماذا ستكتب لنا لتعبر عن حياتك التي عشتها الى الان في كلمات قليله ..؟؟

حياه عاديه
شويه حلوه وشويه صعبه وف الاخر كله بيعدى
قابلت فيها ناس كتير كويسين ووحشين واتجرحت وبحاول اتعلم
بس فعلا مستغربه الدنيا قوى ومش عارفه افهمها
دنيا غريبه بناسها

_ اذا اردت ان تبكي الان , فعلى من تبكي ..؟؟

ع الدنيا والناس اللى بيموتوا بعض علشانها

_ من ستختار ليمسح دموعك ..؟؟

اى حد احس انه معايا وفاهمنى وصادق معايا وحاسس بيا (من غير اى مصالح بيننا)

_ لو خيروك بين حبيبك وبين اعز صديق فمن تختار ..؟؟

مش فاهمه برضو حبيبى دى ع فكره المقصود بيها ايه
بس عموما هو كل حاجه بالعقل لو حد كويس عمرى ما هخسره

_ماهو تقييمك لهذا المنتدى بصراحه ..؟؟


حلو قوى بجد
وكفايه ان اللى بيجمعنا بس الاخوه والحب ف الله
ومفيش اى مصالح ولا نفاق ولا غيره


_ من يسكن قلبك ..؟؟


بعد حب ربنا والرسول-صلى الله عليه وسلم-
فعلا من جوايا حسه انى بحب الناس كلهم قوووووى
بالزات طبعا اهلى وتيته واخواتى (ومش اخواتى اخواتى بس فيه مش اخواتى بجد بس ربنا اللى عالم غلاوتهم عندى كانهماخواتى بجد)
واصحابى طبعا
وانتوا

_ هل تعتقد ان حظك سيئ ..؟؟

لا الحمد لله

_ هل تدخل الشات ..؟؟

لا
مبحبش الكلام لمجرد الكلام دا بتخنق منه

_ هل هزمك حزنك في يوما من الايام ..؟؟

اه ساعات بس مش بطول
الحمد لله كنت بقوم من تانىبسرعه

_ ((مستحيل انســـاك)) لمن تقولها ..؟؟

ممممممممممم
لواحده صحبتى
حتى لو الدنيا بعدتنا او هى بعدت بمزاجها عمرى ما هنساها ولا هنسى اى حاجه مرينا بيها سوا حلوه او وحشه ...لانه فعلا حتى المواقف الوحشه بتهون طول محنا سوا

الحمد لله ع كل حال

_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ..؟؟


فيه مواقف كتير بتعدى عليا وبرجع اندم عليها وعلى تصرفى فيها ودا بيضايقنى بجد
بقعد الوم ف نفسى كتير وارجع واقول هحاول اتعلموخلاص

_ (( انت كل شيء بحياتي )) لمن تقولها ..؟؟
لاهلى

_ متى اخر مره بكيت ..؟؟


مممممممم
ليه بس كدا
عموما ممكن تقولى النهارده


_ اي الدول تتمنى ان تزورها ..؟؟

سوريا

_هل لديك الجرأه ان تقول عمرك أمامنا ..؟؟


عادى وايه المشكله
ف 30 مارس الجاى ان شاالله هكمل 21 سنه
_هل انت راضي عن نفسك ..؟؟


الحمد لله ع كل حال
بس مش قوى بصراحه والحاجات اللى مضايقانى من نفسى بحاول اغيرها واعدل فيها
انما بصفه عامه اه الحمد لله راضيه

_بماذا تقر وتعترف أمامنا الان ..؟؟

مممممممم
خايف من بكرا شويه
مش عاوزه الروتين يبقى ف حياتى
عندى حلم وخايفه ما يتحققش وادينى بحاول على قد ما اقدر اعمل اللى عليا انى احققه (حلمى دا بالنسبه لدراستى وشغلى ع فكره مستقبليا ان شاالله)


حاجه كمان اوقات كتيرببقى حسه انىتايهه مش عارفه انا صح ولا غلط


الله اعلم
_ اغمض عينيك دقيقه لو سمحت, ماذا خطر على بالك وانت مغمض العينين ..؟؟

نفسى اقعد قدام بحر (وياريت اسكندريه)اواطلع رحله مع اصحابى

_هل تؤيد الزواج العاطفي ام الزواج التقليدي ..؟؟ ولماذا ..!!



الزواج التقليدى تقريبا
هو انا مش فاهمه قصدك قوى
لو الزواج العاطفى اتنين يحبوا بعض ويتفقوا ع الارتباط وكدا وبعد فتره يروح يتقدم لاهلها زى اللى بنشوفه ف الجامعه دا لاااااااااااا والف مليون لا

بس زواج تقليدى مش انه اى زواج وخلاص
يكونوا فاههمين بعض ومتفاهمين بس كمان اساسه بيكون صح
بتمنى تكن فكرتى وصلت لكوا


_ايهما اهم شهادتك الجامعيه أم الزواج ممن تحب ..؟؟


الاتنين مش متعارضين ع فكره
بس دراستى مهمه جدا طبعا
حتى لو ما اشتغلتش بيها
انا بحب دراستى لانها بتفيدنى ف حياتى كمان (علم نفس بقى)
القران كمان حثنا على طلب العلم
بس لو هيتعارضوا هختار دراستى غالبا ان شاالله

_ هل من الممكن ان تتحول الصداقه الى حب ..؟؟


ممكن قوى ليه لا
بس اصلا مش متخيله صداقه بجد بين ولد وبنت


_هل تعترف بشيء اسمه الصداقه بين الرجل والمرأة ..؟؟

لا

_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه ..؟؟

اتمنى اكون لا

_هل انت مدمن تفكير ..؟؟


بيتهيالى لا
بقالى فتره معدتش بفكر اصلا


_ من هو اكثر شخص تفكر فيه ..؟؟

مش حد معين ومش ف كل وقت

_ اذا تم تعيينك ملكا لجميع البلاد العربيه فما اول قرار ستتخذه ..؟؟

اى حاجه توحدهم بجد
بقلك بقالى فتره مش بفكر
عامله مقاطعه اه

_هل تكره شخص بشده في حياتك ..؟؟

لا الحمد لله عمرى ما كرهت حد موصلتش للدرجه دى

_ ما هو اقتراحك الذي تتمنى ان يحدث في هذا المنتدى ولم يحدث الى الان ..؟؟


هو منتدى حلو خالص ع فكره ما توقعوناش ف الغلط بقى

_هل ملابس الشخص امامك تؤثر فيك لتأخذ عنه انطباع ..؟؟


الى حد ما
هى بتاثر بنسبه
يعنى هى حاجه بس مش كل حاجه

_ماالذي يلفت انتباهك بسرعه في الشخص لكي تعجب به ..؟؟


كشكل ممكن العيون
بس مش شكلها
لكن فيه عيون مش مريحه


وكشخصيه الصراحه الطبيعيه حاجات كدا بتتحس اكتر
بس غالبا بتخدع ع فكره ما يغركيش الكلام الكبير دا كله



_ اذا احببت شخصا في الوقت الخطأ وفي المكان الخطأ فماذا تفعل ..؟؟

مش هسيب نفسى اوصل للدرجه دى اصلا
ولو حصل هبعد طبعا
بحاول اتقى ربنا ف اى تصرف بعمله علشان يعوضنى ان شاالله خير
_ حكمة تؤمن بها جدا ..؟؟

ان لم يكن من الموت بد فمن العجز ان تموت جبانا
_ عاده تفعلها دائما تتمنى ان تتركها ..؟؟


مش عارفه

_ ماهو اجمل اسم لولد واجمل اسم لبنت من وجهة نظرك ..؟؟

مؤمن
منه وسلمى

_ ماذا تفعل اول شيء اذا ربحت ملايينا او مليونا عشان مانكون طماعين ..؟؟
اعمل بجزء منهم حاجه مفيده
والباقى ولو حد قريب منى محتاج بساعده
وبصرف قد احتياجى والباقى بيتركن على جمب

_ هل انت من لديهم رغبة حب التملك واذا تملك الشيء اصابه الملل منه ..؟؟


معتقدش