بتعرفوا تتناقشوا مع إللي أكبر منكم؟

طبعا كلنا في مراحل عمرية صغيرة

وخصوصا لو محدش بيشتغل,خيبقى صغير صغير يعني

علشان مرة وإحنا صغيرين زمان

قاللنا مدرس اللغة العربية جملة

معناها

إن الإنسان لما يكون بيشتغل,بيكون رأيه,من رأسه

يعني,ليه رأي,فعلا

مش عارفة

زي ما هو قال,أنا حاساها كدة

فإنتم,بتعرفوا تتناقشوا بجد

مع إللي أكبر منكم

ولا حاسيين,نفسكم,صغيرين قوي,على إنكم تتناقشوا

لحد دلوقتي,بحسها كدة

مهو لإما أكون

المفروض متكلمش في موضوع ما

أو,أفضل أتكلم أتكلم,ومحدش يرد عليا :D

في البيت يعني

مع إللي أكبر مني,وكدة :)

ومش عارفة

الغلط مني,ولا أنا مش عارفة أتكلم

ولا هو

إحنا لسة صغيرين

فعلا,قدامهم

إللي أكبر مننا,دايما,ناس بتعرف أحسن وأفضل مننا,مليون مرة

بس مش عارفة

لو إحنا كنا,في سن قريب منهم

كنا نقدر

نتناقش معاهم,ونتكلم معاهم

مش عارفة

انتى بجد ثرتى موضوع بجد حاسة انة فعلا مهم لانى ساعات كتير بحس ان انا مبعرفش اتعامل مع ناس كتير بس مش عشان صغر السن دة لانة احنا ممكن نكون مش بنتعامل مع الناس كتير او انة يكون ثقتنا فى نفسنا مهزوزة او يمكن بنخاف نتعامل مع الناس وممكن دة بيكون سببة حاجات كتير منها انك مثلا اتعرفتى على ناس وكانو فى وضع ثقة بالنسبة ليكى ولكن هما مش يستحقوا المكانة اللى انتى ادتهلهم او صاحبتى ناس ولكن مش محل ثقة فدة ممكن تكون نتيجتة انك تتجنبى الناس وبينى وبينك الناس اتغيرت ولازم نكون على قدر من الحرص طبعا الكلام عشان محدش يفهم غلط مش بقصد حد هنا اكيد لانكم بجد ماشاء اللة عليكم ونعم الناس

بصى يا ايمى
محنا لازم نتناقش مع اللى اكبر مننا
ع الاقل علشان نتعلم منهم

اصل انا لما يبقى عندى فكره
سواء صح او غلط الفكره دى
ببقى محتاجه اتناقش مع حد
لو هى غلط يقنعنى انها غلط
لو صح ياكدهالى ويرفع من معنوياتى بيها ويخلينى اعمل بيها
واشوف افكار تانيه بقى

انما السكوت دا مينفعش

هىالمشكله يمكن ف اسلوب الحوار او المناقشه دى
وانا بتناقش مع مين
فيه ناس مينفعش نتناقش معاهم الكلام معاهم اخره طريق مسدود

وبعدين مش بالسن قوى قد ماهى بتبقى بالخبرات والتجارب والمواقف اللى عشناها

انا عن نفسى بحب اتناقش مع الناس
اصل مهما كان الحد دا سواء اكبر منى او اصغر منى
ممكن استفيد منه وافيده

ولو حد معندوش القدره دى المفروض يتجرا ويتكلم
برايى
ف حد زاته كويس قوووى انى احاول اتعلم من غيرى وحتى لو رايى او فكرى غلط ما اكابرش عليه واستمر فيه
ماهو مفيش حد ما بيغلطش

دارايى
وبتمنى انى اكون قدرت ارد عليكى واكون فهمت قصدك صح

سلام

» إيه العيب إللي إنت شايفه في شخصيتك؟!
» ارجو منكم جميعا الاهتمااااااااااااااااااااااااااااااااااااام
» عاوزة منكم خدمة
» محتاج منكم خدمه يا شباب ..!!!؟