هو الانسان ايه غير شوية فروق فردية فوق بعض

زائر

احب دائما وابدا ابدأ كلامى بسلامى
السلام عليكم ورحمة الله وبركاته
ازيكم يا شباب الخير ؟؟؟؟؟؟؟؟؟؟؟
شو اخباركم ؟؟؟؟؟؟؟؟؟؟؟؟؟؟؟
جتلى فكرة وانا قعده قولت لازم اقولها ونتواصل من جديد بشكل احلى بشكل اجمل بشكل يوصلنا لبعض بشكل يخلينا نفهم اكتر بعض بشكل يخلينا نقرب اكتر لبعض
بدون تطويل فى المقدمه
الفكرة هى :-
ان كل يوم نكتب كلمه
وكل واحد فينا يكتب الكلمه دى بالنسبه له بتعنى ايه ؟؟؟؟؟؟؟؟
اعتقد بالفكرة دى هتخلينا نقدر نتواصل اكتر
فى جزئين من الفكرة وانتم اختاروا
ممكن انا ادخل كل يوم اكتب كلمه وكلنا نكتب الكلمه دى معناها ايه بالنسبه له
او
نكتب كلمه وبعد ما كلنا نكتب معناها لينا كل واحد يجي فى دماغه كلمه وحابب يعرف الاعضاء الكلمه دى معناها ايه بالنسبه ليهم يدخل يكتبها وكلنا نجاوب
انا بصراحه حبه الجزء التانى جداااااااااااااااااااااا
ان كلنا نكتب كل حد فينا يكتب كلمه ونقول رأينا فيها
مش مقتصره عليه
ايه رأيكم
؟؟؟؟؟؟؟؟؟؟؟؟؟؟؟؟؟؟ :?:
اسمحولى ابدأ
كلمه النهارده
هى
الموت
ماذا تعنى لكم ؟؟؟؟؟؟؟؟؟؟؟؟؟؟؟؟؟؟؟؟؟
منتظره رأيكم
ومعنى الكلمه ليكم
وهجاوب اخر واحده فى معنى الكلمه بالنسبه لى
هتسألونى وايه دخل اللى انتى كتباه بالعنوان
هقولكم كل واحد فينا مختلف عن التانى وده بيتسمى الفروق الفردية وانا حبه ان احنا فعلا نستفيد من الفروق دى بشكل ايجابى
منتظره رأيكم ؟؟؟؟؟؟؟؟؟؟؟؟؟
وفى نهايه الكلام مفيش احسن من السلام
السلام عليكم ورحمة الله وبركاته

زائر

مش معقول 7 شافوا الموضوع ومش ردوا
طيب انا اتقلى من د/ رضوى ان اختيار الكلمه صعب جدا scratch

خلاص انا موافقه ان حد فيكم يكتب اى كلمه ونقول رأينا فيها مدام كلمه الموت Suspect

مش عجباكم نتكلم فيها
ونتكلم فيها بعدين :|
ياريت بجد نلاقى تواصل افضل من كده يا جماعه affraid

حتى لما الكلمه مش تعجبكم قولوا مش هيحصل حاجة Rolling Eyes

يلا منتظراكم Wink

يا مسهل يارب افرجها علينا :arrow:
لما ارش ميه قدام الموضوع يمكن يجيب زباين drunken

تتتتتتتتتتتتتتتتتتتتششششششششششش
drunken

رشينا

يلا ادخلوا برجلكم اليمين يا كماحه cheers

زائر

هههههههههههه
معلش يا بوسى والله دى اول مره اشوف الموضوع وادخله
فعلا يا بوسى عندك حق المفروض يكون فى تواصل اكتر من كده على المنتدى
انا حاسه انه فاضى ومواضيع بتتكتب وماحدش بيدخلها ولا بيعلق عليها بولا كلمه ودى حاجه مش كويسه على فكره
يعنى المفروض انه عدد الاعضاء هنا مش قليل وكمان فى ناس كتير كانوا على الجروب ومانقلوش معانا على المنتدى ليه ماعرفش؟ :?:
عموما يا ستى بالنسه لموضوعك فكرته حلوه جدا وعجبتنى وانت دايما افكارك حلوه قوى ماشاء الله
بالنسه لكلمة الموت بتعنى ليا نهاية اى حاجه كانت موجوده فى حياتى واختفت
ممكن انسان يموت بالنسبه ليا وهو لسه عايش بيتنفس وبيتكلم وممكن انسان يموت بجسمه وينتهى وتفضل روحه معايا شايفاها فى كل حاجه حواليا
مش شرط يكون معنى الموت مقتصر على الانسان بس ممكن القيم تموت وممكن المبادىء تموت وممكن الحب يموت وممكن القلب يموت وممكن الروح تموت لان الانسان مش بس جسم بيتحرك لكن الانسان كمان روح واللى بيعتبر نفسه جسم وبس بيعيش طول عمره تعبان ومش مرتاح

زائر

حلو قووي ردك يا رضوى عجبني جدا
اسفه يا بوسي مش هعلق
كنت كتبت تعليق وبصراحه حسيت اني هكتأب وهكإبكوا فشيلته
الجايات اكتر من الرايحات ان شاء الله

زائر

على فكرة يا رضوى احنا مش بنعمل المواضيع عشان نقول الكلام اللى لازم يتقال
احنا بنتكلم باللى جوانا مش مهم الكلام ده كئيب او كلام يضحك المهم انك بتقولى اللى جواكى واللى الكلمه بترمز له بالنسبه ليكى
وعلى فكرة انا مصممه اعرف رأيك على الكلمه
وده اول طلب اطلبه منك ياريت مش تكسفينى فى طلبى

زائر

الموت

Dilated Fixed Pupil

الموت يعنى الاستاذ جلال والد الاربع بنات اللى جالى بالليل بيعانى من قئ دموى نتيجة فشل كبدى

وضغطه واقع تحت الارض ومبينطقش

ويسهرنى معاه طول الليل وياخد كيسين دم

ويبدا يتحسن

والصبح يدخل فى غيبوبه

غيبوبه كبديه

وبناته يسالونى بابا ماله اقولهم كويس زى الفل

هيفوق قريب جدا

امتى يعنى يا دكتور؟؟؟

بكره الصبح ان شاء الله

وييجى بكره الصبح اجرى اسلم النبطشيه عشان محدش يسالنى

وبعد 3 ايام

يخرج من المستشفى ماشى على رجليه

ويبات فى بيتهم

ميصحاش من النوم

ويموت الاستاذ جلال

الموت يعنى الحاجه ام الخير

75 سنه وعمرها ما راحت لدكتور

جايه تعمل عمليه بسيطه جدا جدا جدا

سرطان قولون وهتشيل نص الامعاء الغليظه

عااادى جدا وطبعا محدش قالها

قبل العمليه شفت رسم القلب لقيت حاجات قلة ادب

طلع عندها خلل شديد فى ضربات القلب يستحيل معه اجراء العمليه

قعدت اسبوع كمان تتعالج من القلب وابنها بيحلف انها بتمشى بالشوارع عمرها ما اشتكت من حاجه

وتعمل العمليه

والجرح ميلمش وتفشل اول عمليه

تدخل عمليات تانى

برضه الجرح مبيلمش

وطبعا بلاش اذكر تفاصيل صعبه زى ان الجرح كان بيجيب فضلات الاخراج

كنت بشوفها وانا بغير عليه

ابنها كان بيرش الاوضه بالمعطر عشان امه متتضايقش

الغريبه انى اتصاحبت على ابنها

بيقولى نفسى امى تقوم بسرعه لان مراتى عندها جلطه وهى اللى شايله البيت

مكنتش عارف اضحك ولا ازعل

اقوله ايه ه؟؟؟؟؟؟؟

عشرين يوم

معاناه وتدهور

وتخرج ام الخير من المستشفى لتدهور حالتها

وتموت تانى يوم فى بيتها

الموت

محمد بكر

شاب فى سننا

بيته اتحرق

حروق من الدرجه التالته فى اطرافه الاربعه واجزاء من الوجه

عافاكم الله من الرائحه

يا رب ما يحكم عليكم لاتشوفوها ولا تشموها ولا تلمسوها

طول الليل وجع وارق

كان بيتوسل ليا اديله مسكنات زياده

وكنت بضحك عليه باى حاجه علشان ميدمنهاش

كل يومين يدخل العمليات عشان التقشير

وبعد تلت اسابيع

اهله زهقو من المستشفى وتكاليفها خدو شقه جنب المستشفى

مات بالليل

والله كان بقى كويس

وبدات حروقه تخف

وبطل يترعش

الموت

يعنى عامل واقع على راسه من سقاله

وشعر راسه داخل جوه مخه المهروس

لما جه الطوارئ كان لسه صاحى

برطو دماغه وسابوه

الموت

يعنى زوج عجوز بيشتكى من القلب بعد تعاطى الحبه الزرقاء

بعد يومين يخرج سليم من المستشفى ومراته الشابه تموت من غير ما تشتكى من اى حاجه

الموت بالنسبه لى يعنى قصص كتيييييييييييييييييييييييييييييييييييييييييييييير

زائر

مقدرش ارفضلك طلب يا بوسي
بس برده مش هكأبكوا لاني بجد اول واحده هكتأب
انا عارفه نفسي

الموت
يعني فراااااااااااق
ده الموت اللي شوفته ومش بحبه
فيه موت تاني لسه مشوفتوش
مش بكرهه
لاني عارفه ان من احب لقاء الله احب الله لقاءه
وبدعي ربنا يحسن خاتمتي
وتبقى حياتنا بعديه احلى يااااااااااااارب

زائر

تسلمى يا رضوى وتسلمى يا رضوى 2 وتسلم يا محمود
ايه يا جماعه فين التفاعل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بقالنا قرن على الكلمه دى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زائر

يااااااااااااااااةةةةةةةةةةةةةةةةةةةةةةةةةةةة

الموت

دى كلمة صعبة اوى

كل حرف بيشيل معانى الم

كل تشكيل بيشيل معانى حزن وفراق

الموت

يمكن هوة الشىء الوحيد الحقيقى فى الحياة

فان الناس نيام واذا ماتو استفاقو

انما هو نصيبة

ولها اجر عظيم لو اختتمت بالصبر كما قال نبينا الكريم

فنجد الموت احيانا عند اناس مطلب

ونجد عن البعض الاخر مهرب

وعند الغالبية الخوف الاكبر

لان يعلم بداخلة ما ينتظرة

الموت شبة بالدنيا كالصحراء والشجرة

فعندما نموت نعرف اننا كنا نسير بالصحراء . واخذنا قسطا من الراحة تحت ظل شجرة لمدة 5 دقائق فعند الموت نعلم حينئذ ان الشجرة هى الدنيا وان الموت هية بقية الرحلة

كلمة الموت من صعوبتها ليس لها شرح

ومن قسوتها ليس لها معانى او تفسير

ومن قوتها ليس لها اسباب او تحديد

فكما ذكر الاخوة والاخوات تاتى فجاءة وليست بشرط ان تكون لمريض او مسن

انما يختار كل دقيقة وكل ثانية اناس يمشون على الارض او فى المياة او فى الاجواء

سبحان اللة هناك قصة اتذكرها ان الله سبحانة وتعالى امر ملك الموت باخذ روح شخص فى مكان ما فاستغرب الملك لانة يعلم ان مكان اقامة هذا الشخص فى مكان اخر

وعندما بدا عملة الشريف وطاعتة لله سبحانة وتعالى وجد هذا الرجل فى المكان الذى حددة الله سبحانة وتعالى

فالرجل انتقل مؤخرا الى مكان موتة . نعم

ذهب الى مكان موتة

فقدر الموت مكتوب . ومحدد . ومعلوم

المهم ما بعد الموت

ماذا سيحدث

ومن ليس لة عظة فالموت يكفية

زائر

ربنا يكرمك يا باشمهندس
في رايي احسن رد على الموضوع

زائر

فين باقي الناس
لسه نهال ود/مصطفى و ا/حسام
يلا علشان عاوزين نحط كلمه تانيه
واللي عنده حاجه تانيه عاوز يقولها عن نفس الكلمه يقولها قبل ما نغيرها
مستنيين ردودكوا

زائر

بجد رد روووووووووووووووووووعة يا محمد جزاك الله خيرا
بالنسبه للقصه اللى كنت بتحكى عنها ان الله امر بموت احد كان موجود فى مكان اخر
دى قصة سيدنا ادريس عليه السلام لما الله عز وجل طلب من ملك الموت قبض روحه فى السماء الرابعه وقال ملك الموت كيف اقبض روحه فى السماء الرابعه وهو على الارض
والحديث اهوه

وقوله تعالى: {وَرَفَعْنَاهُ مَكَاناً عَلِيّاً} هو كما ثبت في "الصحيحين" في حديث الإسراء: أن رسول الله صلى الله عليه وسلم مرّ به وهو في السماء الرابعة. وقد روى ابن جرير عن يونس عن عبد الأعلى، عن ابن وهب، عن جرير بن حازم، عن الأعمش، عن شمر بن عطية، عن هلال بن يساف قال: سأل ابن عبَّاس كعباً وأنا حاضر فقال له: ما قول الله تعالى لإدريس {وَرَفَعْنَاهُ مَكَاناً عَلِيّاً}؟ فقال كعب: أما إدريس فإن الله أوحى إليه: أني أرفع لك كل يوم مثل جميع عمل بني آدم - لعله من أهل زمانه - فأحب أن يزداد عملاً، فأتاه خليل له من الملائكة، فقال "له": إن الله أوحى إلي كذا وكذا فكلم ملك الموت حتى ازداد عملاً، فحمله بين جناحيه ثم صعد به إلى السماء، فلما كان في السماء الرابعة تلقاه ملك الموت منحدراً، فكلم ملك الموت في الذي كلمه فيه إدريس، فقال: وأين إدريس؟ قال هو ذا على ظهري، فقال ملك الموت: يا للعجب! بعثت وقيل لي اقبض روح إدريس في السماء الرابعة، فجعلت أقول: كيف أقبض روحه في السماء الرابعة وهو في الأرض؟! فقبض روحه هناك. فذلك قول الله عز وجل {وَرَفَعْنَاهُ مَكَاناً عَلِيّاً}.

جزاك الله خيرا يا محمد كلامك كلام جميل جدا
ومنتظرين بقيت الردود عايزن تفاعل اكتر من كده يا جماعه
؟؟؟؟؟؟؟؟؟؟؟؟؟؟؟؟؟

زائر

ايه يا شباب هو الموضوع هيقف على كده ولا ايه
؟؟؟؟؟؟؟؟؟؟؟؟؟؟؟؟
فين النشاط فين الحيوية
طيب اقول انا مدام محدش عايز يقول
عايزه اعرف منكم معنى الرضا؟؟؟؟؟؟؟؟؟؟؟؟؟
يلا منتظراكم

زائر

احسن عضو ممكن يجاوبك يا بوسى عن الرضا

احمد راضى

لو عملتى موضوع عن التفرد ممكن اجاوبك عليه

زائر

اولا وحشتينا يا بوسي

ايوه كده كلمه جميله لمعنى جميل

انا سبب حبي لاسمي اني بحب المعنى ده

كلمه فيها كلام كتيييييييييير

مهما كان الواحد عنده نعم ومعندوش رضا عمره ما هيبقى سعيد

وبعدين في رضا ربنا عننا يا سلام لو ربنا يرضى عننا

يااااارب يرضى عننا كلنا

لسه فيه كلام كتير هكمل بعدين

اليومين دول مش قادره اركز في اي حاجه

سلاااااااااااااااام

زائر

بسم الله الرحمن الرحيم
يارب ارحم موتى المسلمين وارفع درجاتهم في الجنه واشفي مرضي المسلمين اللهم امين يارب العالمين

الموت كلمه صعبه جدا جدا ما يحسش بيها الا اللي جربها فعلا يارب ما يحرمكوا من حد بتحبوه ابدا الموت يعنى فراق ابدي فراق دون رجعه الموت يعنى عظه الموت يعنى حرمان الموت يعنى فقدان لحد كان بيملي عليك حياتك كلها ووفجاه راح ونصيحه منى ليكوا صلحوا اى حد مخصمينه قبل ما الوقت يفوت لو بينك وبين مامتك اى خلاف روح بوس ايديها وقولها سامحينى ولو بينك وبين والدك اى خلاف بوس ايده وقولوة سمحنى ولو بينك وبين صحبك صحبتك اى خلاف سمحوا بعض ولو بينك وبين اى حد اى خلاف ابدا انت بالتسامح
محدش بيحس بقيمه شيء الا لما يروح منه صدقونى

زائر

محمود فريد
عايزه اعرف رأيك بجد فى الرضا
عشان نفهم بعض اكتر يا محمود من غير هزار جد شوية يلا منتظراك

رودى
كلامك جميل يا رودى وبجد منتظره اسمع منك اكتر واكتر ومتشوقه لكلامك ويلا ركزى بقى مش وقته عدم التركيز ده يلا منتظراكى يا قمر

مى حبيبتى
كلامك جميل وطالع من القلب عشان كده مس وصل لقلبى بسرعه عندك حق فى كل كلمه قولتيها وده لان فعلا الدنيا لا تساوى جناح بعوضه واحنا اللى بنعمل ليها قيمه وساعات حاجات كتير حلوة بضيع مننا بسبب العند والكبرياء واللى بيكبرها فى دماغنا الشيطان مع انى عندى حب استطلاع معرفة سبب كلامك ده لانى حسه انك جربتى الموقف ده بس فى نفس الوقت مش حبه ارجعك لحاجات يمكن انتى متحبيش تفتكريها
بس احنا معانا كلمه دلوقتى بنتناقش فيها كلنا وكلمه تدعوا الى الامل
وهى الرضا
يلا منتظره اسمع رأيك فى كلمة الرضا

زائر

منا لازم اهزر يا بوسى

لان المواضيع الجد محدش كتير عبرنى فيها

فين ردك على موضوع مبرة الشناوى وموضوع الاورام الجديد؟؟؟؟؟؟؟؟؟؟؟؟

المهم

رايى عن الرضا فى كلمتين

ان ربنا ينعم عليا برضاه عنى

ولو فى حد من البشر احلم انه يبقى راضى عنى

امى وابويا

و استاذ محتوت Rolling Eyes

زائر

لو كل الناس ترضى ماكانش يبقى فى مشاكل
مع ان ربنا امرنا بالرضا لكن الشيطان مش بيسيبنا فى حالنا بيفضل يزن يزن لحد مايخلينا نبص للى فى ايد غيرنا
لكن طول ما كلمة الحمد لله على لسانا ومعاها احساس بالرضا بيبقى القلب مطمن والنفس هاديه وقانعه بقضاء ربنا

زائر

ازيك يا بوسي الرضا كلمه جميله ليها معانى كتيرمرتبطه بالقضاء والقدر والمؤمن لازم يرضي بقدره ونصيبه والا مش هيكون مؤمن الرضا بما قدره الله لي ومعترضتش علي قضاء ربنا وبيقولوا المؤمن مبتلي والابتلاء من الله فلازم اقول الحمد لله لان الابتلاء ده لحكمه يعلمها الله عندنا نعم كتير ربنا انعم علينا بيها والحمد لله زى مثلا الصحه ووالرضا مش مرتبط عندي بالمال مش لازم اكون عندي فلوس علشان يكون عندي رضا بالحياه اللي انا عايشه الرضا رضا النفس الرضا برده مرتبط بالقناعه طالما انتى مقتنعه باللي معاكي اذن هتكونى راضيه بيه وفيه ناس بتعمل معصيه وبتكون راضيه بيها وناس بتسعى دائما علي طاعه الله والمؤمن الحقيقي لا يفرح بدنيا تصيبه لا يحزن علي فواتها ولكن بيفرح بالطاعه وتحزنه المعصيه وكمان الرضا مرتبط بالايمان لو امنا بالله حق الايمان فلازم هنرضي بكل ما ياتينا من عند الله سبحانه وتعالي وجزاكي الله خيرا

زائر

كلمة مطاطة تحمل سرورا و تحمل حزنا ...
قد نحزن على موت عزيز علينا ...
و قد نفرح بموت الأعادي...
الموت يرتبط بالأشخاص قبل الحدث نفسه و الأشخاص هم العوامل المحددة لحالة الموت أو الحزن...
لا ارتباط بين الموت و الحزن و الفرح الا من هذه الناحية...
أما عن الموت كموت...
هو مرحلة نجهلها جميعا لأننا لم نجربها...
نخشى التجربة و نكره الكلمة و تحمل لنا كل معاني الفراق الأبدي...
لكن الأبد عندنا ليس عند الله بهذا المعنى الممجوج....
الله هو خالق الموت و هو خالق المخلوقات...
قد تكون المرحلة بائسة و قد تكون مبهجة و العلة تدور مع معلولها وجودا و عدما بمعنى أنه على حسب العمل جاءت النتيجة و لكن يجب الا ننسى رحمة الله....
لو كان الموت وحشا فنحن الذي جعلناه كذلك ....
لأن بلالا عندما حضرته الوفاة قال... غدا ألقى الأحبة محمدا و صحبه..
الموت ليس وحشا و الكيس من دان نفسه و عمل لما بعد الموت و العاجز من أتبع نفسه هواها و تمنى على الله الأماني...
الموت يمثل الفراق... الضجعة الأبدية... المثوى الأخير ...
معان دنيوية في عالم بائس حقير وضيع....
لكن عند أهل الإيمان الموت هو النعيم...
و من أحب لقاء الله أحب الله لقاءه و من كره لقاء الله كره الله لقاءه...
ثم ما هو الموت بشكل موضوعي....
هو خروج الروح من الجسد....
هل تتلاقى الأرواح لفترة....
أم تصعد إلى خالقها مباشرة..
و ما الذي يتعذب ....
الروح أم الجسد...
العذاب محسوس كجسد أم محسوس كروح....
أشياء لا ندري كنهها حقا ...
لكن ارتباط الموت بالروح أمر مبهم لا نعيه بعقولنا القاصرة العاجزة...
و لكم تعبت في محاولة ادراك حقيقة الروح.....
أو معرفة العلاقة المجهولة بين الجسد و الروح و الموت الذي يربط بينهما

زائر

بجد الموضوع جميل جدا و كل الردود عجبتنى فعلا ... انا بلنسبة ليا الموت نهاية كل حاجة فى حياتنا ..الموت هو فراق حد عزيز علينا اوى كان معانا عايش حولينا سمعينوا حسناه فاكرين كل حاجة كان بيعملها و فجاه مات بس بيبقى لية هوا عملوا الصالح ... كلام كتير فعلا جوايا بس مش عارفة اعبر علية ... ربنا يحسن ختامنا...
اما عن الرضا بقى دة شىء جميل اوى انى احسن بلحاجة الى ربنا ادهانى ارضى بيها معترضش عليها لو بصيت هلاقى انى احسن من غيرى كتير انا الحمد لله راضية بلى ربنا كتبهولى اكيد ربنا مبيعملناش حاجة وحشة كل حاجة مكتوبة بس الاختلاف هوا مين بيعترض ومين بيرضى ... والرضا انى ارضى بكل حاجة حوليا حتى لو قليلة مش لازم يكون عندى كل حاجة متوفرة علشان احس انى كدة راضية بلعكس فى ناس كتير بتكون حاجاتها قليلة بس راضية و الحياه جميلة اوى بلنسبلهم عكس الى متوفر ليهم كل حاجة و برضو مش راضيين ...

» الانسان ايام الكهف والانسان ايام الانترنت
» مش فاهمة,حد فاهم شوية
» لعبة عايزة شوية تفكير
» جبت لكم شوية معلومات غريبه ومضحكه عن طقوس الزواج
» أرقى ما يتعلمه الانسان فى الحياة