جدول العشر الاوائل من ذى الحجه

[size=24]
فى البدايه أقول السلام عليكم ورحمة الله وبركاته....

الصراحه انى قرأت الموضوع ده وعجبتنى فكرته وحبيت أنقله علشان الكل يستفاد

فى الاول لازم نعرف فضل العشر الاوائل من ذى الحجه:

قال فيها الرسول صلى الله عليه وسلم " ما من أَيَّامٍ الْعَمَلُ الصَّالِحُ فيها أَحَبُّ
إلى اللَّهِ من هذه الأَيَّامِ -يَعْنِي أَيَّامَ الْعَشْرِ- قالوا: يا رَسُولَ اللَّهِ ولا الْجِهَادُ في سَبِيلِ اللَّهِ؟ قال: ولا الْجِهَادُ في سَبِيلِ اللَّهِ إلا رَجُلٌ خَرَجَ بِنَفْسِهِ وَمَالِهِ فلم يَرْجِعْ من ذلك بِشَيْءٍ"

قال رسول الله : ((ما مِن أيّام أعظمُ عند الله ولا أحبّ إلى الله العملُ فيهنّ من أيّام العشر، فأكثِروا فيهنّ من التسبيح والتحميد والتهليل والتكبير))

الفكرة بمنتهى البساطة هي اننا نستغل افضل 10 ايام ونعيش فيهما أعلى روحنيات
طيب ازاى؟؟

مين فينا مش بيشتاق لرمضان؟؟؟....وبيدعي من دلوقتي اللهم بلعنا رمضان....

ايه رأيكم يا شباب؟

ببساطة الفكره دى عشان نشحن طاقتنا ونعيش جو الروحنيات

طيب يعني برضة هنعمل ايه؟؟؟.....

هنصوم....ونصلي النوافل كاملة.....ونقرا كل يوم 3 اجزاء من القرأن ونصلي قيام ليل ...ونعمل كل يوم من 10 ايام حاجة مفيدة...نصل الرحم...نطلع صدقة....ندعي كتيييييييييييير.....

وطبعا الذكر هيكون معانا في كل الاوقات على قدر المستطاع

ومننساش طبعا يوم عرفه

سئل النبي صلى الله عليه وسلم عن صوم يوم عرفة فقال: "يكفر السنة الماضية والباقية"

وخير الدعاء دعاء يوم عرفه:-

[size=24]"لا إله إلا الله وحده لا شريك له، له الملك وله الحمد، وهو على كل شيء قدير"

ويارب دعاءنا يكون مستجاب ان شاء الله

الموضوع مش صعب يا شباب...بالعكس والله هيدينا طاقة روحانية عالية جدا جدا...ونستغل افضل ايام الله في طاعة الله...مستنيه ردودكم....يارب ناس كتير تتحمس معايا للفكرة دى..
[/size][/size]

وبالمناسبه دى أحب أقول لإدارة وكل أعضاء المنتدى كل سنه وانتم طيبين وعيد سعيد عليكم وعلينا ان شاء الله

[size=24]وانتى بالصحه والسلامه ياياسمين وربنا يتقبل من جميع المسلمين ان شاء الله[/size]