تفتكرو بعد 5 سنين..ايه؟؟

تيجي نصحي فينا روح التخيل والاماجينيشن شوية ونسرح لبعيد

واسأل سؤال اكيد هيفيد اللي عندهم احلام وطموح وهيزود ثقتهم في نفسهم

وهيساعد اللي مش عنده هدف وحلم انه يكون له حلم

ياترى

يا هل ترى
تفتكرو بعد 5 سنين..ايه؟؟ 93412

بعد 5 سنين من دلوقتي..تظهر صورتك في احدى الجرائد

واسمك في مانشيت عريض...
تفتكرو بعد 5 سنين..ايه؟؟ 202753

المانشت بيقول ايه عنك..؟

وعاوزة او عايز اهلك واصدقائك يقولو ايه عنك اذا استضافهم الصحفي؟؟؟

بامانة...دة سؤال اتسألته في ندوة من سنتين واتسألت جمبيه شوية اسألة تانية ..بس ساعتها مكنش عندي اجابة

مش عارفة ليه

ممكن عشان اصلا كنت عيشاها كدة ..او يمكن عشان اصلا مكنش في هدف او كان موجود بس كان نايم شوية
تفتكرو بعد 5 سنين..ايه؟؟ 459923

الله اعلم

انا متخيله
هههههههههههههههههههههههههههههههههههههههه
ولا اقولك بلاش انا اتخيل بالذات الفترة دى
لانى مش هطلع غير كأببببببببببة واحباط
فخلى حاليا حد يتخيل مكانى
بس موضوع حلو يا نسرو بجد تسلم الايادى يا فندم

أنا في الجرايد,بعد خمس سنين : D

أنا, أنا : D

واحدة عادية,لقت نفسها

واحدة عادية,ربنا فتحها عليها وخلاص : )

خمس سنين : )

..

واحدة عادية,حلمت يمكن حلم,وربنا مخذلهاش,ويمكن,محدش كان واخد باله,منها

بس ربنا,مخذلهاش : )

يمكن أكون نجحت في حاجة,إيه,معرفش : )

..

أهلي وأصدقائي,يقولوا إيه : )

مش عارفة,مش قادرة أعرف,إيه ممكن يحصل : )

...

نفسي في حاجات كتيرة,أحلمها وتحقق

بس ربنا,عالم,ربنا وحده عالم,إيه الخير ليا وللكل,إللي هيعمله,خير

إيه الحلم,بعد خمس سنين,

مش عارفة,يمكن مبدأتش دلوقتي خطوة في حلم : )

عدد الرسائل : 25 تاريخ التسجيل : 22/09/2009

السلام عليكم

بعد خمس سنين من دلوقتي لو كنت محور المانشيت الرئيسي لأي وسيلة اعلامية صحافة او توك شو ان شاء الله احب يكون موضوع الخبر

أول حوار مع أصغر رئيس وزراء في مصر

نفسي أغير حاجات كتير أوي
نفسي أخلي في سلطة حقيقية لأجهزة الرقابة والبرلمان
نفسي استفيد من كل الكفاءات في مصر لعمل نهضة في مصر
كفاية اهلالثقة
يلزمنا أهلب الخبرة مع الكفاءات الجديدة عشان نوصل لمزيج من العمل الهاديء المتزن اللي يدفعنا خطوات للأمام

بحلم بمصر حاجة كبيرة
بحلم بمصر دولة عزيزة
بحلم بدولة يحس المواطن فيها بالعزة والشموخ
بحلم بمصر فيها القراءن والعلم والشهامة والمروءة
بحلم ببلدي نضيفة ومفيهاش بلطجة ولا خدش للحياء العام

أول قرار ليا ان شاء الله فرض عقوبة الحبس تلات ايام لي مواطن يشتم او يقول لفظ خادش للحياء في الطريق العام
نبدأ حملة الأخلاق لا للشتائم والاشارات والعبارات الصادمة
واللي ميلتزمش يتحبس
مش غرامة وكلام فاضي
الخطرين على الأمن العام يتعمل لهم معسكر في الصحراء يزرعوا الأرض اللي مش بلا قية حد يزرعها وفرصة ياكلوا بالحلال بدجل البلطجةو تزوير الانتخابات واغتصاب حقوق الناس

المرتشين والبهوات اصحاب المرتبات فوق العشرين والتلاتين ألف جنيه
نقيم عملهم ونشوف تلاتين الف في الشهر ليه ؟ ياترى بيشتغل بيهم كم ساعة في اليوم وبيخدم مصتالح كم مواطن ؟
ونوزع المرتبات بشكل عادل
نفتح اسواقنا التجارية ونشجع المشاريع الصغيرة وندرس تجارب ماليزيا وسنغافورة وتايوان ونقلدهم وناخد منهم الصح واللي يناسب طبيعتنا ومجتمعنا

امنع اي بنت تدخلبالجامعة معدتش اهختبارات الذكاء
لأننا مش ناقصين المناظر اللي بنشوفها والفاضايح في الجامعات
لو نص البنات بس قعدت بعد الثانوية هنوفر البهدلة وقلة الأدب والمصاريف واللبس والماكياجات والمعاكمسات وزحمة المواصلات
يكفينا مدرسات وطبيبات
مش محتاجين محاسبلات ولا محاميات
وحاجات كتيرة بس كفاية عشان كده هاخد المانشيت الرئيس وكل صفحات الجريدة
وطبعا براحتي مانا هبقى رئيس وزراء بقى
وسلام

سلام الله عليكم ورحمته وبركاته
بجد بجد تسلمي يا نسرين ع الموضوع الرائع ده
بجد من زمان مقرتش توبيك حلو غير منقول زي ده
بجد فكرة رائعة
والأروع رد عماد باشا بجد أكثر من روعة
بجد أنا كنت هعترض على عماد في آخر رده على جزئية نص البنات تقعد بعد الثانوية
بس لما كمل كلامه لقيت معاه حق إلا حد ما
عاوزين من البنات فقط ما يفيد المجتمع
مطلوب طبيبات للنساء
مطلوب مدرسات
ويمكن مطلوب مهن أخرى كمان
بس بجد المعظم ملوش لازمة
وضرره أكتر من نفعه
بس بجد أنا مش حابب نعمل زي أفغانستان ونمنع التعليم للبنات
بس احنا ممكن نعمل تشريعات أخلاقية مناهضة للعرى والتبرج
أما عن ردي على السؤال أصلاً
بجد مش عاوز أجاوب أصل يقولوا عليا ساذج
بس بجد أنا طول عمري أحب الشغل العملي أكتر من النظري أو الإدارة
بس لما لقيت مستوى الإدارة في مصر متدهور للغاية
جه في بالي إن لو أي حد صغير عنده طموح وعلم وطاقة هيعمل شغل أحسن من اللي في موضع القيادة والمناصب القيادية المسئولة اللي في البلد
بجد نفسي أدير مكان حتى لو مش كبير أوي
وممكن أضحي بحياتي العملية من أجل تغيير الوضع الراهن بكوني إداري
بمعنى إيه
أنا دلوقتي طبيب أسنان
بمارس حياتي العملية كطبيب أسنان
أجد الكثير من المعوقات التي تحول دون ممارسة عملي بشكل جيد
المعوقات دي سببها ابتداءاً من مدير المستشفى وصاعداً حتى وزير الصحة
المقصود بكلامي إني ممكن أضحي بممارسة مهنتي كطبيب أسنان داخل العيادة بالمستشفى لصالح مجمل العمل في الإدارة أو المديرية أو الوزارة التي اتبعها
هنخسر مجهود طبيب متحفز للعمل ولكن مستوى الخدمة في باقي الأماكن ستتحسن
إذن النتيجة بوجه عام في صالح المهنة
مش عارف فهمتوني ولا لأ
أما لو ده مستحيل حدوثه فأنا أتمنى قراءة مانشيت يفيد بحصول طبيب أسنان مصري على براءة إختراع شيئ معين في بلد أوروبي
ده مجرد إيماجيناشن فقط
وأخيراً أحييكي ع الموضوع يا نسرين
وتحية لكل أهل إسكندرية
تفتكرو بعد 5 سنين..ايه؟؟ 202753

بس بجد المعظم ملوش لازمة
وضرره أكتر من نفعه

لا اله الا الله
ربنا يهديكم
ويهدي كل انسان
ايه ملهومش لازمه دى
هو انت يا مصطفى اللى خلقتهم عشان تعرف ليهم لزمه ولا لأ
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مين يقدر يقرر ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ربنا زى ما خلق الرجال خلق النساء
مفيش حاجة اسمها ملهومش لازمه دى
بلاش الكلام الغريب اللى بتقوله ده
عشان مش انتم اللى مدبرين الكون
ربنا اللى خلقه وعارف بيخلق كل بنى ادم ليه مش انتم اللى هتقرروا ان كان لهم لزمه ولا لأ

امنع اي بنت تدخلبالجامعة معدتش اهختبارات الذكاء
اعتقد ان ده مش لازم ابدا يبقى على البنات بس يا عماد
ولا انت خايف الولاد يدخلوا لانك عارف النتيجة هتبقى ايه ؟؟؟؟؟؟؟؟؟
لما تبقى فى وضع مسئولية لازم تبقى عادل فى قرارتك ومش تفرق وخاصة لما تبقى حاجة الطرفين محتاجينها مش البنات وبس

عدد الرسائل : 25 تاريخ التسجيل : 22/09/2009

السلام عليكم

ازيك يا بوسي

انتي زعلانة ليه ؟ انتي عديتي وخلصتي الجامعة خلاص
يعني القانون ده مش هيطبق عليكي

ثم أكيد انا مقصدش البنات بس
لازم كمان الشباب
بس قصدت من كده ان البنت الليب تخرج للتعليم بتصرف اضعاف الولد من لبس ومواصلات وخلافه ومصاريف البنت اكتر بكتير من الولد غير ان الأمن معدش موجود

وكفاية يا بوسي ان نص بنات الجامعة ان مكنش الأغلبية مبتعرفش تطبخ ولا بتعمل حاجة في البيت بحجة المذاكرة والكلية والشهادة

ومعلش سؤال صغير ؟
انيت استفدتي من الدراسة في الجامعه ؟
استفد
تي ان معلوماتك العامة زادت
بس ده عن طريق الجامعه ولا عن طريق المعايشة مع الناس ؟

يعني فعلا المحاضرات كانت مفيدة واتعلمنا منها حاجات تنفعنا في حياتنا
ولا نص اللي في الجامعه مهمتم انهم يزاحموا اللي عايزين يتعلموا بجد
بلو صفيبنا الولاد والبنات هنريح ناس كتيرة من هم التعليم الجامعي ونريح التعليم الجامعي من الزحام والتكدس الفاضي

ومفيش تحيز
ومفيش حد مالوش لازمة

[size=24]
السلام عليكم ورحمه الله وبركاته
بصراحه ياجماعه انا مش عاجبنى الكلام دا وسبحان الله ب\لقيت بوسى بترد هههههه
اولا الاول اقول انا ممكن ابقى ايه او اتخيل نفسى ازاى بعد 5 سنين براحه الموضوع مخترش ع بالى بس ممكن لو ربنا قدرنى وبقيت فى مكان اقدر اعمل فيه شىء
ايان كان بقا ممكن دا يكون العنوان

ثانيا
طبعا الاختلاف فى الراى لا يفسد للود قضيه بس
زى ما الولد محتاج انه يتعلم البنت برده من حقها انها تتعلم
[/size]مش محتاجين محاسبلات ولا محاميات
طبعا ردا ع الجمله دى ضايقتنى جدا
لانى المفروض ان شاء الله هكون محاسبه هههه
فطبعا دون تحيز لاى طرف سواء بنت او ولد بس
فطبعا التعليم مهم للبنت زى ماهو مهم للولد
بالعكس انا شايفه ان فى بنات ملتزمه ومتفوقه فى دراستها كتير عن الولاد ودا انا بشوفه حتى ف الكورسات معانا
تعالى شوف وقارن بين ولد مثلا وبنت هتلاقى
ان فى المعظم البنات ملتزمه وبتذاكر بعكس ان ف شباب مكبرين دماغهم ولا بيذاكروا ولا اى حاجه
ومع ذلك عمرنا ماقلنا البنات تتعلم والولاد تقعد فى البيت
وعمرنا ماقارنا خالص
بصراحه دا رايى
ولكن انا اكون معاك ياعماد فى حاله واحده بس ان لو البنت نفسها ملهاش اصلا ميول انها تكمل وتتعلم
يبقى دى ساعتها اهلها فعلا طالما دى رغبتها تقتصر ع اى معهد والسلام
وربنا يستر ومتبقاش مسئول فى يوم هههههه انت مش بعيد تدخل البنات الجيش

رقم واحد برحب بكم في الصفحة بتاعتي بجد سعيدة ب ردودكم جداا

رقم اتنين انا مهتمة اوي اني اعرف حلم كل حد فيكم وغير كدة بشوف الايماجينيشن بتاعكم شغال ولا لأ هههه لا يكون بايظ ولا حاجة ازعل اوى

رقم تلاتة..ردا على بوسي اللي هتكأبنا ..اكأيبينا يا بوسبوس انا هنا عشان اسمعك هههه..وغير كدة دة انتي اللي اخترعتي الايماجينشن اوعي تكوني ناسية اللي كنتي بتعمليه فينا في الجروب القديم ..عاوزة الحاجات دي تشتغل !!!

اربعة بقى..دكتور عماد اسمحلي اقوللك ان ردك جميل بجد...انت عارف ان 3\4 شباب مصر بيحلم يبقى رئيس جمهورية عشان يطبق العدل...اه انت مش هتخللي في فساد ..اه انت هتستغل مواهب الشباب..اه انت هتخللي مصر عزيزة.. بجد حاجة كويسة اوى....بس ازااي ونظامنا التعليمي ضاايع ازاي واحنا مش عارفين نطلع اي طاقات كامنة جوة شبابنا ولا قادرين نستغل دة ف حاجة صح..ازاي واحنا مش عارفين نحط مناهج..ازي واحنا اصلا مش بنزرع فيهم وهما صغيرين هدف وطموح وانتماء للبلد ازاي واحنا مش قادرين نوظف طاقتهم دي ونحط كل واحد في مكانه..البلد مش بس سياسة وتشريع.. البلد افراد بدايتا من عندك يا ريسنا ؛) الي اصغر طفل فيها ..يعني لو الرئيس غير نفسه هيعرف يغير اللي حواليه..الغريبة انك مذكرتش دة في ردك واكتفيت انك قولت نعملو اختبار ذكاء ووضحت بعد كدة انه ولاد وبنات...مع ان اساس نهضة اي امة هوة نظامها التعليمي..لكل من شبابها وبناتها

عشان كدة اتولى انت امر الدولة من كل جوانبها وسيبلي انا النظام التعليمي وطلعه من السياسة خالص

عشان كدة حلمي بعد 5 سنين ابقى تحت ايد رئيس جمهوريتنا دكتور عماد:)وابقى وزيرة التربية والتعليم اها ليه لأ واعمل مدرسة كبيرة ..والمانشت بيقول ايه بقى

التحاق اكتر من نصف سكان مصر بمدرسة نسرين زهران..ودي بقى هتبقى على ارض مساحتها كبيرة رئيس الجمهورية اتبرع بيها للمشروع دة

بحلم بمدرسة بجد فيها الادمية والانسانية والتعليم على حسب قدرات الافراد ومواهبهم وحبهم للمواد مش تعليم عشان سياسة الدولة عايزة كدة..وانا قولت سكان لاني هاخد من مرحلة الطفولة للمراحل المتقدمة من العمر الناس اللي نفسها تلاقي نفسها واللي ضاعت في زحمة الحياة...صدقوني ساعتها معظمم مشاكل البلد هتتحل وساعتها كل فرد هيبقى راضي عن نفسه وعن حياته

وعليكم السلام ورحمة الله وبركاته يا عماد

انا الحمد لله ازيك انت وازاى عبير ؟؟؟؟؟ يارب تبقوا كويسين يارب

وحتى لو اطبق يا عماد انا واثقه من نفسي ولله الحمد تفتكرو بعد 5 سنين..ايه؟؟ 211988

يا عماد انت اللى خصصت انك عايز تعمل اختبارات ذكاء للبنات وخصصتها بالذات للبنات

يا عماد انت بتحكم على البنات على مصاريفهم الكتير ههههههههههههههههههههه شكلك زهقان من المصاريف هههههههههههههههه مش مسئلة انهم يبقوا متعلمين ولا لأ

وبعدين انا الحمد لله متعلمه وبطبخ وبنظف وبعرف اعمل كل حاجة الحمد لله فى البيت ومن قبل ما اتخرج والحمد لله وده راجع للتربية الام بتدخل بنتها المطبخ ولالأ

وده مش مجال خلاص للمقارنه يا عماد

ان البنت بتصرف اكتر من الولد او بتعرف فى امور البيت ولا لأ هههههههههههههههههه معلش دى مقارنه عجيبه جدااااااااااااااا

ما هو زى ما البنت بقت مش بتعرف فى امور البيت الولد معدش عنده استعداد لتحمل المسئولية بقى كتير من الشباب دلوقتى معندوش استعداد لتحمل المسئولية فى شئ

يبقى كده بما انك هتبقى رئيس الوزراء اعمل مادة اساسية لغايه الجامعه وهى مادة الطبيخ واعمل للشباب مواد من الحياة لتحمل المسئولية لانها فعلا بقت ازمه وصعب تحلها يا رئيس الوزراء

اما بالنسبة لدراستى اه فعلا استفدت منها كتير واستفدت منها معلومات عامه كتير جدا لان مجالى مجال المجتمع والناس ومشاكلهم وحلولهم فده افدنى بشكل شخصى لكن كتطبيق اكاديمي ده صعب لان مفيش شغل فمقدرتش احقق ده فى شغل اشتغله واطبق اللى اتعلمته بس طبقته على حياتى انا واعتقد ده كفاية انى استفيد بالتعليم اللى اتعلمته على الاقل لنفسي واعتقد ده مش شئ وحش

اما بالنسبة للتصفيه ده بقى محتاج تصليح عام وشامل فى التعليم من الابتدائية للجامعه ساعتها هتقدر تصفى مين يبقى عنده استعداد للتعليم ولالأ

واكيد مش هتعلمهم وتسبهم الموضوع مش هيقف على كده ولا يبقى انت مش عملت حاجة

هتعلمهم عشان توجد لهم عمل ومصدر رزق يليق بهم وبكل تخصص وبعدل فى توزيع المرتبات

شفت بقى ان تعليمى جه بفايدة يا عماد لان كل اللى بنتكلم فيه ده خاص بعلم الاجتماع

وعلى فكرة كل كلمه قالتها ريهام مضبوط لان على مدار حياتى نادر لما اشوف ولد متفوق على بنت كانت دايما الاول على المدرسة بنت مش ولد وده دليل التفوق يا فندم

اتعلموها بقى ولا نيجى نعلمكم

هههههههههههههههههههههههههههههههههههههههههههه

تفتكرو بعد 5 سنين..ايه؟؟ 742981

هههههههههههههههههههههههههههههههههه
ايه الرديين اللى كانو بيتكتبوا فى نفس ذات اللحظة دى يا نسرو يا حبى
تفتكرو بعد 5 سنين..ايه؟؟ 742981

ايماان اللي اختفت ومش اعرف عنها حاجة:(..يارب ياموني تكوني بخيير

وتبقي احسن حد..ويرزقك يارب من حيث لا تحتسبي انا هدفي من الموضوع دة ...ان احلمي حتى لو الحلم كبير عليكي وحاولي توصلي لان كدة هتبقي حققتي نفسك وذاتك ...و5 سنين حتى لو مدة قليلة انا بس افترضته.. ادي لنفسك الوقت اللي انتي عوزاه انتي مش وراكي حاجة بس متنسيش في الاخر انك بنت وهيبقى ليكي بيتك واسرتك..عشان كدة ارسمي حلمك وانتي بتبصي لبيتك ..وزي ما هتحلمي وتفيدي نفسك وغيرك ف انتي كمان بتحلمي عشان تفيدي اسرتك اللي هتكونيها ان شاء الله

دكتور مصطفى ..بجد ربنا يكرمك على الكلام المشجع دةوالمنتدى بجد مفتقدك ...وحلو اوى الايماجينيشن بتاعك سواءاكنت هتعمل اداري او طبيب اسنان او تاخد براءة اختراع..جميل انك عاوز تحسن من حاجة انت شايف ان فيها تقصير وجميل برضه ان يبقى عندك الطاقة دي والاجمل انك تستغلها بشكل او بآخر وبتوفيق ان شاء الله

ويابوسبوس افتكر دكتور مصطفى خانه اللفظ مش اكتر ان في بنات ملهاش لازمة...كل الحكاية انه في بنات بالفعل بقت مستهترة الي ابعد درجة ومفهوم الحرية عندهم اتحول واتبدل لاسوأ شئ ...بس زي ما في بنات مستهترة في ولاد كتير مستهترين ومش قادرين يتحملو مسؤلية قرارتهم وافعالهم ومش قادرين يتابعو بس تعليمهم...يعني دة مش له دعوة بنوع الفرد

دي تربية ثم التعليم

ريهاام منوراني وميرسي على ردك وربنا يوفقك ان شاء الله ..وتبقي في مكان تقدري تفيدي فيه غيرك

وانا معاكو انتي وبوسي ان التعليم مهمم جداا للبنت .محدش يقنعني ان في شاب دلوقتي ممكن ياخد بنت لمجرد انها بتعرف تطبخ

التعليم مهما كان بيوسع الافق ولو حتى معلومة بسيطة ممكن تأثر في حياتك ..التعليم في الجامعة انا معاك يادكتور عماد انه مش بنفس جودة التعليم في اي دولة تانية بس متنكرش ان في الجامعة عرفت حاجات عمرك ما كنت هتدرسها كدة لوحدك او ب اختلاطك بناس

ههههههه

توارد خواطر

والله منورة الصفحة بردودك يا مشرفانا

سلام الله عليكم ورحمته وبركاته
كنت لسه بجد هحضر نفسي للرد عليكي يا بوسي وتصحيح الفهم الخاطئ لديكي
بس بجد ربنا يكرمها نسرين اتكلمت بلسان حالي بالضبط
ربنا يكرمك يا نسرين ومعلش أنا فضلت كام شهر كده مفيش عندي نت خالص
بس الحمد لله وصلت تاني نت من مصدر آخر
وبلاش تاخدي الكلام على أعصابك كده يا بوسي
ماهو برضه فيه ولاد قلتهم أحسن فعلاً
بس مش معنى كده إن احنا بنتدخل في خلق الله وتدبيره
ده كلام كبير أوي يا بوسي
هو احنا عيال صغيرين علشان نعمل أحزاب رجال ونساء
تفتكرو بعد 5 سنين..ايه؟؟ 178132

ايوووووووووووووووون هو ده الكلام
يبقى لازم تعرف ان مش لازم ابدا الطرفين يتكلموا عن بعض بالشكل ده
يعنى انا مقدرش اهاجم الرجال واعمم كلامى على الكل
وبردوا انت مينفعش تعمم كلامك على كل البنات او حتى معظمهم
وده المقصود من ردى عليك يا مصطفى
زى ما فى الوحش فى النساء
فى الوحش من الرجال
وربنا يهدي كل عاصى
وشكرا لردودكم يا شباب
تفتكرو بعد 5 سنين..ايه؟؟ 211988

ربنا يسعدك,ويسعد الجميع

بصي,أنا بعد خمس سنين إن شاء الله,لو ربناأراد إني أعيش,لازم أكون اشتغلت,مينفعش أقف كدة,وربنا مش هيخذلني بإذن الله,وهكون إن شاء الله,اشتغلت

بعد خمس سنين,إن شاء الله

مش هكون سلبية

وهكون إيجابية قوي قوي

وهكون,صححت علاقتي بشخصية قريبة مني إن شاء الله

واعتذرت لها,عن أي غلط في حقها

ده إللي في نيتي أعمله

..

بعد خمس سنين

إن شاء الله,هكون قرأت كتير بإذن الله

وبطلت سلبية بقى,دي أهم حاجة

عرفت,قيمة نفسي,ومسمحتش لأي حد,يقلل مني :)

..

بعد خمس سنين

هيكون عندي,30 سنة,,

هبقى,ناضجة قوي

ساعتها,هيقولولي,اتغيرتي

,,

امم,مش خمسة,قليلة شوية :)

,,

سيبك دلوقتي,من موضوع اللقاء والكلام ده :D

,,

خلينا في نيتني إعمل إيه,لمدة خمس سنين

هكون,بطلت أهتم,بالحاجات إللي مالهاش لازمة بجد

التليفزيون,اقتنعت بعدم أهمية,الحاجات الكتيرة اللي مالهاش لازمة

واتغيرت والله :D

,,,

بعد خمس سنين المهم

هيكون احترمني,ناس كتيرة :)

وكل الصغيرين في عيلتي,بجد,عرفوا قيمتي ساعتها,ده المهم بالنسبة لي

حاجات كتيرة,هتتبنى من جديد

وحاجات,تانية,تتهد نهائي

وأكون إنسانة جديدة,كل إللي يعرفها وقتها,من قرايبها وكل الناس اللي تعرفهم,بيحترموها ويقدروها,ومبيقللوش منها أبدا

..

ده المهم عندي,كمان خمس سنين,,

انا بقى شايفة نفسى بعد 5 سنيين ا ن شاء الله فى مانشيتات الجرايد والتليفزيون

جايببنى فى فعاليات مسابقة الخرافى للقرآن الكريم عشان بنتى طلعت الأولى فى اتمام حفظ القرآن الكريم مجود تفتكروا ممكن ادعولى

او ممكن عشان زوجى فاز بجائزة الدولة التشجيعية على أعمالة فى مجال الكمبيوتر ونظم المعلومات والحلم دا اققرب شوية لأنه بالفعل حاز على جائزة سوزان مبارك فى البرمجيات للناشئين قبل كده

ربنا يبارك فيكي يا ايمان

وان شاء الله بعد 5 سنين اسمع عنك كل خير..والتغيير طول ماهو في الاخر لرضى ربنا وافادة الناس

يبقى انتي كدة قطعتي مسافة كبيرة اوى عشان توصلي لاعلى درجة عند ربنا ومش مهم هما يقولو المهم ايمان تقول

وكلامها يمشي:)).....وربنا اختار لكل واحد فينا ميزة تميزه عن غيره..عرف يطلعها ويستغلها..يبقى عرف يجتاز

اصعب مرحلة

منورة ياهاجر الموضوع ..سيرين اخدتك مننا ولا ايه؟:(

ربنا يخليها ليكي ويبارك في عمرها..وافتكر انها هتحفظ وتختم القرآن ان شاء الله بعد 5 سنين ويمكن قبل كدة:)..طول ما دة حلمك

انتي في ايدك تحققيه بعون من الله

ازيك يانسرين اخبارك ايه والله مش سيرين بس

الشغل كمان والله وهوا انتم يعنى بتسألوا على لا لا لا انا زعلانة زعلانة جداجدا

يللا المسامح كريم ههههههههههههههه

» تخيل انك غبت عن المنتدي عشر سنين؟؟