التزمت

موضوع: التزمت الأحد أكتوبر 18, 2009 12:39 am

هو إيه تعريفكم للتزمت

علشان دي حاجة بتحيرني

يعني إيه ؟!

يعني حد مش بيقبل وجهة نظر التاني؟!

أيا كان يعني

يعني حد مش متفتح ؟!

يعني,مش مرن في تفكيره,!

أنا مش عارفة التعريف بالضبط

بس ساعات,,كتير,,,أحيانا,,مش عارفة

مش عارفة,المهم,

ساعات

بشوف حواليا

كدة في الدنيا

ناس كتيرة,وبأفكار مختلفة

مبيحاولوش,يتفقوا,أو يفهموا وجهة نظر الآخر

والمشكلة,إنهم عايشين مع بعض

ليه مبيحاولوش,يفهموا وجهة نظربعض

ليه بيكون,كل حد فينا,متزمت

معرفش,بقول أي كلام

بس,بتضايق قوي

من حتة التزمت دي

مش بس في الدين

في حاجات كتيرة قوي

بحتار فعلا

يا ترى

مين صح,ومين غلط

بنشوف في الدنيا

ناس,متمسكة برأيها قوي

بس انت شايف,إن ده,صعب

شايف أحيانا,إنك بالرأي ده,بتحبس نفسك

مش حاسس فيه,بالحرية

ناس تانية

رأي تاني,مناقض تماما لده

بس,كل لرأيه متزمت

الله أعلم,

مين الصح ولا الغلط

ربنا,رب قلوب

كلامي,والله مفيش حاجة أقصدها بيه خالص

كلامي,حيرة :)

ويمكن,بقول أي كلام,ملهوش معنى وبس :)

موضوع: رد: التزمت الإثنين أكتوبر 19, 2009 8:30 pm

التزمت هو التعصب ف الراى ف الافكار ف التفكير

دا رايى برضو

بس ليه يا حبيبتى حسه ان افكارك وكلامك ملهوش معنى او لازمه
كفايه انه له معنى بالنسبالك وانك بيه بتعبرى عن حاجه جواكى

واللى ما يحترمش رايك يبقى ما يستحقش حتى انك تناقشيه او تدخلى ف حوار معاه

وعموما التعصب وحش ف كل حاجه
ودا مش من الاسلام كمان طبعا ..الرسول (صلى الله عليه وسلم ) كان بيشاور الصحابه ويسمع آرائهم

وبعدين مفيش حد ما بيغلطش وارءاه كلها صح
احنا بشر

موضوع: رد: التزمت الثلاثاء أكتوبر 20, 2009 1:37 am

ازيك يا ايمان رأى ان التزمت ده التمسك برأى سواء صح او غلط مع عدم الاقتناع بعدم تغير الرأى ده يعنى واحد متمسك برأيه الغلط ومش مقتنع باى كلام حد تانى زى ما انتى قلتى فى ناس مفكره ان المتمسك برأيه سواء غلط او صح مفكر ان كده شخصيته قويه فى شخصيات كتير معندهاش استعداد تسمع لأى حد بس النوع ده من الناس معتقدش انو ناجح فى حياته بعكس الشخص اللى ممكن يفكر فى كلام الشخص اللى قدامه وعنده استعداد يقتنع وبعدين الحياه محتاجه الواحد يكون مرن فى تفكيره انا مع ان الواحد يكون متمسك برأيه بس يكون متأكد تماما انو صح وساعتها ممكن يقنع الناس اللى قدامه برأيه ده

موضوع: رد: التزمت الخميس أكتوبر 22, 2009 12:09 am

أحيانا أنا كمان بتمسك برأيي

بس ممكن إللي قدامك على فكرة,يشوفه غلط

بس بتكوني متمسكة بيه

بتعصب أحيانا كمان :)

عدد الرسائل : 25 تاريخ التسجيل : 22/09/2009

السلام عليكم

كلام مهم وخطير
مهم لأن التزمت أصبح له مفهوم خاطئي في عقولنا
في ناس بتنظر لتطبيق الشريعة الاسلامية أنه تزمت وان اللي بيحكم بالشريعة بيقعد الستات فقي البيت ويمنع تعليمهم او شغلهم وده مش في الشريعه خالص
فالمستشرقين والعلمانييون وكثير من المثقفين والافنانين بيطلقوا ‘لى أي متدين وصف متزمت مع أن التدين ليس فيه تزمت
خطير كمان لأن كتير مننا بينظر للموظف اللي بيحترم شغله والنظم أنه متزمت
يعني واحد عايز يخلص مصلحة وورقه ناقص يطبلع يشتم في الموظف ويقول بيحبكها ومتزمت
في حين لو التزمت وقدمت الأوراق المطلوبة ميقدرش أي حد يوقفلك مصلحتك لأن ساعتها هتبقةى واثق في نفسك وتدخل لأي مدير وتاخد حقك
فكثرة الفساد والشروة خلت مفي حد منتصور أن في حد بيحترم نظم العمل وبالتالي أي مسؤل في اي مكان عام او خاص بيلتزم بالنظام نقول عليه متزمت
ولو تساهل معانا يبقى كويس وطسيب
ولو تساهل مع غيرنا واحنا لأ يبقى مرتشي وفاسد
ولو التزم بالنظام على الكل نقول متزمت ؟
طب ليه

التزمت هو التشدد بدون داع
امنا التشدد في بعض الأمور الدينية فليس بتذمت لأان الدين ليس فيه أمور صغيرة ولا كبيرة
انا مشرحتش بالظبط ايه هو التزمت لكن عرضت لفكرة بضعنا عن التزمت سواء خطأ او صح

موضوع: رد: التزمت الثلاثاء نوفمبر 03, 2009 5:05 am

لا بجد كلام حلو اوى

والتزمت لزم يكون عند كل انسان

مش لزم عند واحد بس

والتزمت ساعات بينجى من حاجات كتير

وبجد موضوع هايل شكرا على الموضوع المتالق

موضوع: رد: التزمت الثلاثاء نوفمبر 03, 2009 10:01 am

بصى يا ايمان اشكرك على فتح موضوع حيوي وهام وده بنشوفه فى حياتنا

الانسان عادته وسلوكياته وتفكيره بيتغير من مجتمع لمجتمع اخر وحسب ثقافة كل مجتمع
وحسب الحالة الاجتماعية والظروف المحيطة علشان كده من النادر تلاقى توافق كتير فى الاراء والافكار

والاهم بقه من الكلام النظرى دى ان ياا ايمان بالبلدى كده الوقتى معتش ثقة متبادلة وعملية الاحترام بداءت تختفى لاسف وكمان الانا كترة فينا وفى والنفوس معتش صافية والكل معتقد انه صح والى حوليه غلط علشان كده جسر التواصل والتفاهم بينا بداء ينكسر بشكل خطير

وده لالاننا بعدنا عن ربنا وبعدنا عن القدوه الى من خلالها هنكمل طريقنا لذلك بنصح نفسى قبل حضرتك بالتمسك بتعليم دينا الحنيف وقدوتنا الرسول حبيبنا صلى الله عليه وسلم

التزمت ده يا جماعه اساسا كلمة خطا لا تصلح ان تقول عليك ان تكون متزمت فى الصلاه ولا الدين ولا تقول انا متزمت فى الحق لان ده معناه انك بالغت فيه وده شىء غير مرغوب فيه فى الدين

لكن ممكن اوى انك تقول انك ملتزم الدين والحق والصلاة وليس متزمت فيها على سبيل فقط

التزمت تعنى المبالغة فى الامر على غير الطبيعى

وجزاكم الله خيرا جميعا