بعدستي

كان يوم,أنا وزميلتي,مسافرين,عاوزين نقدم,في الطب الشرعي,وظيفة أعلنوا عنها,وسافرنا للقاهرة :)

سافرنا,ورحنا أكتر من مرة :)

آخر مرة للتقديم :)

قلت لصاحبتي

بصي يا ستي,وإحنا مروحين

إحنا لو ركبنا المترو

ونزلنا التحرير

قبل كدة,شفت وأنا هناك,البرج ظاهر من هناك,

إحنا بس,ننزل,التحرير,وهنلاقي البرج على طول,ونطلعه :)


كنت متصورة إنه قريب,وقلت لها,بجد طالما يمكن تبقى المرة القبل الأخيرة نجيها,نروح البرج,ماشي :)


..

المهم :D


في الأول,نزلنا السيدة زينب,رحنا قدمنا في الطب الشرعي


وبعدين,من هناك,ركبنا مترو ,تقريبا لرمسيس,وبعدين,ركبنا مترو للتحرير

لأ,إحنا تقريبا ركبنا للتحرير على طول:)


نزلنا التحرير :)

في التحرير,قلت لها,البرج هناك أهو :D

نيجي نبص

البرج بعيد قوي :)


بس لقينا في طريقنا,وإحنا في التحرير


فيه تمثال في النص كدة,وفيه مكتوب,إنه موجود جامعة الدول العربية تقريبا,ومسجد عمر مكرم,يمكن بقى المتثال لعمر مكرم :)


ورحنا:)

المتحف,المتحف المصري :)


دي بقى,كنا في المتحف :)

أقول لصاحبتي,نصور جوة :)

قالت لي,لا مينفعش,التماثيل دي حساسة ومينفعش نعمل حاجة زي دي جوة المتحف :)

قمنا إحنا إيه بقى,لما خلصنا مشوارنا جوة المتحف

وإحنا برة


قلت لصاحبتي,تصورنا


اتصورنا :)

هنا,ده كان تمثال :)

كان فيه,راجل أجنبي,قاعد,فلقانا عاوزين نتصور :)

قام هو,بكل زوق بجد,قام,واعتذر لنا,زي ما يكون بيقولنا,اتفضلوا,كان هو بس قاعد هناك :)


واتصورنا هنا جنب التمثال ده :)





لأن نسيت,هنا كان فيه,واحدة وبنتها قاعدين,وكنا بنصور,وكانت البنت بتضحك لنا :)



ده,تمثال لقيته هناك,أنا بقى مكنتش عارفة,ده تمثال,واحدة ولا واحد,بس باين,تمثال لواحدة,الله أعلم :)

اتصورنا جنبه :)



عادي يعني :)


دي برضه,مسلة صغيرة كدة هناك,وقفنا جنبها,واتصورنا :)




صح,هو ده التمثال,إللي الراجل قام واعتذر لنا,وقالنا اتفضلوا :)




هو شكله زي أبو الهول :) التمثال :)


وبعدين,طلعنا من المتحف,

أقول لصاحبتي,نقول للناس,You are welcome


تقولي,هو إحنا هنمشي نقول للناس You are welcome


فخرجنا


عدينا تاني تقريبا,على الجامعة الأمريكية
وعدينا على مكان,قدامه واقف عساكر,

مش عارفة هو ده جامعة الدول العربية ولا لأ,أنا مش عارفة :)

سألنا عسكري

نروح البرج إزاي :D

أنا فاكراه قريب


قال,إنتم هتمشوا,من على برج قصر النيل ده,وتكملوا,لحد,هناااااااك,برج الجزيرة هناك

مشينا :D


وإحنا على البرج,قصدي على الكوبري,اتصورنا


كان باين,البرج أهو,من على الكوبري :)




طبعا,مشينا كتير :)


جدااااا

ووصلنا,كان فيه نادي الجزيرة


و,تهنا شوية

المهم,دخلنا ورحنا البرج :D


وأنا فرحانة جدا :D


كان يومها تقريبا,اليوم إللي كان بيسبق,يوم تجديد البرج


كنا في يوم, 9/4/2209




وطلعت أنا وصاحبتي البرج :)




وبصينا تحتنا

كان فيه ناس بيلعبوا :)

إللي أخدت بالي بعد كدة,إن ده,كان النادي الأهلي :)


ياريتني كنت ركزت :)


كان التلسكوب مقفول وعليه قفل :D علشان ده كان اليوم إللي قبل يوم التجديد تقريبا أو بيجددوا أو حاجة كدة :D


زعلت قوي :D


المهم,كان فيه إيه يا ربي

تقريبا,من فوق البرج,شفنا القاهرة كلها


الأوبرا

وكوبري قصر النيل


والقلعة


وكل مكان في مصر :)


أنا كنت فرحانة :)


وشفنا بنت صغيرة,وإحنا ماشيين فوق البرج,كانت بتمشي مع باباها ومامتها


ماشاء الله عليها,كانت شكل بنت صغيرة في مسلسل تركي,كنت بحسبها هي,وقلت لباباها ومامتها :D


خلص اليوم,,

نزلنا,وروحنا


بعد ما خلصنا مشوارنا


الحمد لله,المشوار الأساسي إللي سافرنا له القاهرة,مش وفقنا فيه


لكن,كان يوم,جميل في القاهرة :)