مشروع الاسبوع كفاله اسر فقيره

بسم الله الرحمن الرحيم
لم اجد ابلغ من كلام الله و الحبيب المصطفى سيدنا محمد صلى الله عليه وسلم لابدا موضوعى

وَمَا تُنْفِقُوا مِنْ خَيْرٍ فَلِأَنْفُسِكُمْ وَمَا تُنْفِقُونَ إِلَّا ابْتِغَاءَ وَجْهِ اللَّهِ وَمَا تُنْفِقُوا مِنْ خَيْرٍ يُوَفَّ إِلَيْكُمْ وَأَنْتُمْ لَا تُظْلَمُونَ"

]

قال النبي صلي الله عليه وسلم
]أكثروا من الصدقة في السر والعلانية ترزقوا وتنصروا وتجبروا
1- قال رسول الله صلي الله عليه وسلم
" ان مما يلحق المؤمن من عمله وحسناته بعد موته علما علمه ونشره ،
وولد صالحا تركه ، ومصحفا ورثه ، أو مسجدا بناه ، أو بيتنا لابن السبيل بناه ،
أونهرا أجراه ، أو صدقة أخرجها من ماله في صحته وحياته يلحقه من بعد موته "
أخرجه ابن ماجه

كتير مننا نفسه يساعد اسر فقيره محتاجه
اللى فى منها يكاد لايملك قوت يومه
لكن فى منا مش بيكون عارف يساعد الناس دى ازاى؟؟؟

او ممكن ميكونش معاه المقدره الماليه الكبيره اللى يقدر يساعدهم بيها
هقولك انا بقا مش شرط انك تساعد بمبلغ كبير
ممكن مبلغ بسيط منى ومنك ومن غيرى ومن غيرى
هنكون ليهم مبلغ نقدر نساعدهم بيه
ايه رايكم؟
علشان كده مشروع الاسبوع

]
(مشروع كفاله اسر فقيره ان شاء الله)
المشروع دا خاص بكفاله اسر فقيره محتاجه
هنقدر هنا نشارك انا وانت وانتى فى اننا نساعد الناس دى
انا بحاجه منى وحاجه منك نوفرلهم احتياجتهم
يا ترى هنقدر ندخل الفرحه على قلوب الناس دى ويحسوا بجد ان المسلمين لسه بيحبوا بعض وبيحبوا الخير لبعض ..!؟
بصراحه ياجماعه انا متحمسه للموضوع

و خصوصا بعد ماعرفت مدى عظمه الصدقه قد ايه هى فعلا حاجه جميله
شوفوا معايا كدا

]

الصدقة تعالج المرضى]قال صلى الله عليه وسلم: ( داووا مرضاكم بالصدقة ) صحيح الجامع]

الصدقة تطفئ غضب ربك ,
- الصدقة تمحو خطاياك

الصدقة تحسن ختامك
- الصدقة سترك من النار ,
قال صلى الله عليه وسلم: ( يا عائشة استتري من النار و لو بشق تمرة ، فإنها تسد من الجائع مسدها من الشبعان ) صحيح الترغيب

الصدقة ظلك من اللهب ,
قال صلى الله عليه وسلم: ( إن الصدقة لتطفئ عن أهلها حر القبور ، وإنما يستظل المؤمن يوم القيامة في ظل صدقته ) السلسلة الصحيحة

ايه رايكم ف الكلام دا ؟
بصراحه انا حابه الفكره وحابه اننا كلنا نكون ان شاء الله ايد واحده عشان نعمل المشروع دا ونكبره ان شاء الله
هدفنا
نساعد انسان يشترى علاجه

نساعد ام بتربى ايتام
نساعد اب عاجز مش قادر ينفق على اسرته
وغيره وغيره

حاجه جميله اوى انك ترجع البسمه والفرحه لقلب انسان قاعد حزين ومهموم
احنا هنا عشان نكون كلنا ايدى كثيرة وامل واحد على طريق واحد
الخير فى اى مكان و اى وقت
ها ميييييييييين هيكون معانا ف المشروع دا؟
وان لم يكن بالمال يكون انك ترشد عن الخير دا الناس
الدال ع الخير كفاعل
وهيكون مسئول ان شاء الله عن المشروع بالنسبه للشباب:حسام الهلالى
وبالنسبه للبنات:انا (ريهام فتحى)

وربنا يجازيكم كل خير يارب
ويجمعنا كلنا ف الجنه ان شاء الله ز ى ماجمعنا فى الدنيا ع طاعته يارب

مشروع الاسبوع كفاله اسر فقيره A-7c1efe0bf5

جزاكى الله خيرا يا ريهام
ان شاء الله نحقق ده
والله المستعان

السلام عليكم ورحمة الله وبركاته

ان شاء الله ياريهام بس حددى المطلوب بالظبط وامتى واازى وان شاء الله ربنا يقدر نعمل حاجة كلنا ان شاء الله تكون سند لينا فى أخرتنا

السلام عليكم ورحمة الله و بركاتة....

الموضوع دة جميل طبعا يا ريهام و سبق و احنا عملاناه فعلا كان جميل جدا بس المشكلة فى الموضوع دة ان كل شهر لازم انتى الى تفكرى الناس الى مشاركة معاكى فى ناس كانت بتفتكر علطول من غير ما تحتاجى تفكريه و ناس لاا ... انا يمكن الموضوع دة كنت متحمسة لية وكنا بنعملوا وناس كتيرة شاركت فية بدون ذكر اسامى بس الوقت الحالى توقف بس كويس انوا اتفتح تانى و ياااريت بجد يفضل ماشى تانى لان والله والله فرقت كتييييير اوى و فعلا مش شرط مبلغ كبير 5 او 10 حسب مقدرة كل واحد مش فرض حاجة معينة ... ربنا يبارك فيكى يارب و انا اكيد ان شاء الله معاكو

جزاكم الله كل خير يابنات
وان شاء الله المفروض اللى ماسك الموضوع دا انا بالنسبه للبنات فاللى ان شاء الله هيقدر يساهم معانا ياريت يبعتلى مسج برقمه او ميله وانا هكلمه ان شاء الله
وزى ماايه قالت فعلا
المشورع دا مشروع كويس ومش شرط نساهم فيه بملغ كبير
يعنى
كل واحد ومقدرته
واللى مش هيقدر
الدال ع الخير كفاعله
يقول لصحابه
قرايبه
اخواته

يعنى عاوزين الكل يبقى معانا
ان شاء الله
بالنسبه للشباب هههههههه انا مش لايه اى تجاوب ليه معرفش ههههههههههه

عاوزين مشاركتكم معانا ياشباب برده والمسئول معاكم حسام ان شاء الله

عايز قبل اى شىء ارحب بكل الناس الى شاركت وفعلت الموضوع جزاكوا الله خيرا

واقول لكل الناس الى وقفه على باب المنتدى تخش طبعا مش كل الناس كل الناس هههههه

الحلوين بس
الوحشين ربنا يبعدنا عنهم

المهم اخباركوا ايه شباب

بخصوص مشروع الكفاله باذن الله ناوين نكفل الشهر ده 10 اسر محتاجه باذن الله ويله بقه همتكوا معانا وباذن الله متوقع نتائج ايجابيه جدا فى المشروع ده والى اثبت ناجحه فى الشهور السابقه وربنا يتقبل باذن الله

الوقتى مطلوب من حضراتكم فى اسرع وقت خلال ايام بسيطه الكل الى يقدر الى شىء يوفره ويجهز المبلغ لو بنت هتكلم ريهام تقولها الفلوس معايا وسهل تتقابلوا خلال الزياره او من خلال النت او من خلال الموبيل بينكوا كبنات

اما الشباب سهل بردو يعرفنى من خلال المنتدى او من خلال الموبيل او من الزيارات الى جايا وربنا يتقبل منا جميعا

منتظر يله يا رجاااااااااااااااااااااااااااله فى اسر فى اعز الالاحتياج لكل جنيه تستر بيه نفسها .. تخيل ثوابك فى ستر مؤمن فقير ومريض محتاج للمساعده اخوه المؤمن ..!؟

وجزاكم الله خيرا جميعا

موضوع طبعا حلو وانا معاكو فى كفالة الاسره الفقيره

» سنة الاسبوع
» مشروع ادعونى للإسلام
» مشروع زيارة المنتدى الدخول اجبارى
» مشروع صلة رحم
» مشروع يجنن؟؟؟؟؟؟؟!!!!!!!!!