الساكن والمتحرك

فى ايه يا جرعان
؟؟؟؟؟؟؟؟؟؟
مالكم يا كماحه فى ايه
؟؟؟؟؟؟؟؟؟؟؟
شفيق يا راجل
غيرتوا مسار المناقشة
يلا ولا يهمنى على فكرة
طبعا كل الامهات سواء عاملات او ربات بيوت كلهم على دماغنا من فووووووووووووووووق وليهم كل الاحترام
بس فى نقطه فعلا اللى رضوى بتقوله ده اللى بيحصل وكلامها مضبوط مش غلط
اقولك على حاجه يا محمود

انا لى واحده صحبتى صيدلانيه اتجوزت بعد التخرج على طول وسافرت السعودية
مجننه جوزها بسبب الفراغ ده غير انه طول النهار فى الشغل وعايز لما يرجع ولا يتكلم ولا حتى يسمعها ودى نقطه غلط منه جدا بس بردوا الواحد بيرجع يقول ما الراجل بردوا تعبان بس بردوا حقها واقل حقوقها عليه انه مش يكبتها لان حتى يوم الاجازه بيقضيها نوم مش بيحاول حتى يخفف عنها الغربه
طلعت عينه كل شوية تتصل به ازيك ايه اخبارك
يقولها عندى شغل
تقفل
عايزه تكلم مامتها مش بتعرف لان الفلوس والاتصال الدولى والحاجات دى
عندهم لاب توب بس معه طول النهار مجرد ما بيجى بتبقى عايزه تفتحه عشان تكلم مامتها بيضايق وبيخليها تقوم من عليه عشان تقعد جمبه ساكته فقط لا غير
طلعت عينه جننته بقى بيجرى فى اى حته يدور لها على شغل حتى ولو حضانه عشان يرتاح من اللى هى بتعمله برجع اقول انها مش صح تعمل كده ولا هو كمان صح انه يعمل كده مفروض انه يراعى انها عمرها ما اتحبست كده فى مصر ولا حتى ليها هناك ولا اصحاب ولا اخوات ولا ام معاها تقدر تتكلم او تشكى او تعيط كل اللى حوليها اجانب وطبعا انتم عارفين ان الافضل فى السفر ان الواحد يبقى فى حاله
وهى ولا حامل ولا ام لسه وهو يا عينى طول النهار بيشتغل وطول الليل نايم ما هو بردوا تعبان عشان يكون نفسه ومستقبله ومستقبلها
معادله صعبه بس اكيد يقدروا يضبطوها اذا كان فى حوار كويس بينهم مش مجرد اوامر
واللى يتفقوا عليه يبقى مريح للطرفين مش طرف يجي على التانى وفى نفس الوقت يقفوا فى نقطه تلاقى تساعدهم على سعادته وسعادتها يعنى مفيش طرف يبقى انانى مش يفكر الا فى نفسه وبس وساعتها هيوصلوا للصح وينفذوه وهيبقى سعداء بس الرك على الرجل لان زى ما الست لازم تحتوى الراجل لازم كمان الراجل يحتوى الست
وربنا يهدى الجميع