ازيكوا يا شباب المنتدى ...!!

ازيكوا يا جماعه

كل عام وحضراتكم بخير بمناسبه شهر رمضان

عايز اطلب منكوا خدمه ..

كان نفسى حد يعرف يعمل شعار مناسب للمنتدى شباب الخير يا ترى مين يعرف يعمل شعار حد يبتكر شعار بسيط وجميل يعبر عن المنتدى على طول ويبقى شعار فى كل مواضيعنا ومشاريعنا القادمه باذن الله

مين يعرف يعمل شعار .. هااااااا ..!؟

ثانيا بخصوص مشاريع الخير فى رمضان

احب افكر حضراتكم ان عندنا مشاريع كتيره وعايزين الكل يبدا يشتغل فيها باذن الله

اولا احنا ناويين قريبا نودى 15 شنطه خير لمركز الاورام باذن الله

ثانيا ناويين نعمل زياره مميزه جدا خلال شهر رمضان لمركز الاورام هضم 150 كيلوا عسل و 150 مصحف وغيرها وغيرها من الهدايا فى الزياره باذن الله

علشان كده عايزين كل متطوع يتبرع بمصحف لصالح مركز الاورام

وعايزين يا جماعه نعمل اطعام صايم ايه رايكوا ...!؟

انا مش هتكلم فى باقيه المشاريع لانى محتاج انتوا تتكلوا ايه رايكوا فى المشاريع وايه رايكوا يا ترى نعمل ايه تانى .. هاا يا شباب

منتظر اسمعكوا كلكوا باذن الله

جزاكم الله خيرا

فعلا ديه حاجه مهمه جدااااااا وكانت ناقصانا

انا للأسف مش بعرف فوتوشوب

بس ممن على الأقل حتى لو مش بنعرف كل حد يفكر ممكن الشعار ده يبقى فيه ايه أو شكله ازاي

علشان يبقى اللي ناقص التنفيذ بس

انت مش مدينا فرصة نفكر في مشاريع ربنا يكرمك ويوفقك و احنا وراك بإذن الله

بس ممكن ننفذ المشروع الي كنت مقترحه من مدة الصيام وعودة المريض واتباع جنازة واطعام نعمله في يوم واحد(ما اجتمعوا في عبد في يوم الا ودخل الجنة )

أنا مش عارفة قوي,معلهش بس,حبيت أجرب,أعمل صورة, ببرنامج زي,الفوتوشوب,وبعدها برنامج الصور ACDSEE فمعلهش جربت اجرب بس في دول فمعرفش,ممكن حد يعرف أحسن لأن,فيه ناس,تعرف تعمل تصماميم وكدة,وتضيف لها حاجات كبيرة,أحسن :)

أكيد حد يقدر يعمل حاجة كويسة :) أحسن مليون مرة زي التصاميم والشعارات,حاولت معرفتش كتير للأسف معلهش :)

وفيه حاجة حبيت مرة أعمل جروب على الفيس بوك باسم المنتدى

https://www.facebook.com/groups.php?id=679306880&gv=12#/group.php?gid=231289150262

ومدونة باسم المنتدى :)

http://mansourayouth.blogspot.com/

فمعرفش,مكن تكون فكرة,مالهاش لازمة :) لكن فكرت فيها في
يوم فلو مالهاش لازمة,معلهش :) معرفش,ممكن مش مهمة,بس فكرت,يعني,أعمل للمنتدى,حاجة خاصة باسمه,جروب ومدونة,لو فاد,لكن,ممكن ميفيدش,معلهش :) فإيه رأيكم,لو مش مهم,فمفيش مشكلة معلهش :)كان قصدي بس,أكتر من موقع,لو جربتم تبعتوا منه للناس,أكتر,ممكن يفيد,في فكرتكم,الله أعلم,تفكيري غلط,مش مهم مش لها لازمة,معلهش,هسيبها فاضية آسفة:)

وصح :)

ليه,مش تشتركوا كلكم,بالمنصورة

صناع,ورسالة,شباب الخير,وجروب أنا كمان عاوز أعمل خير

في يوم

أكتر من يوم في رمضان

مع بعض

تشتركوا مع بعض

في الإعداد

والتوزيع

والزيارات

وفي مقرات بعض كمان :)

ليه لأ :)

تقدروا تفيدوا الكل كدة :)

وتشتركوا في جروبات بعض,ومنتديات بعضكم,تتفقوا على كدة مع بعض,وكل فترة مع بعض,تعملوا حاجة

لو فيه نقص عند حد

يعوضوا الحد التاني :)
,,
وحتى مع بعض في أنشطة بعض عموما,وتساعدوا بعض,وأي مجموعة جديدة :)

ازيكوا يا شباب

هوه ده الشغل والله فرحان بيكوا

ايوه كده نصحى بقه ونفكر ونشتغل

بخصوص رضوى قطب ازيك الاول

بصى يا حاجه رضوى انا موافق بشده بس انا راى باذن الله نعملها فى رمضان يعنى باذن الله فى اول رمضان هنبقى صايمين وكمان نزور مريض وكمان نمشى فى جنازه وبكده يبقى عملنا بحديث الرسول صلى الله عليه وسلم

وباذن الله ده اول مشروع هنعمله فى رمضان باذن الله

وبخصوص الشعااااااااااااار بجد محتاجين الكل يفكر ايه اجمل شعار وبجد اشكرك جدا يا ايمان على شغلك ومجهودك الطيب بجد اضافتى للمنتدى كتير جزاكى الله خيرا كثيرا

وياريت الكل يشارك فى شعار للمنتدى شباب الخير

فى حاجه مهمه عايز اخد رايكوا فيها لازم انهارده تردوا عليا فيها كلكوا

فى شباب كتير طلب منى ان زياره مركز الاورام تبقى يوم الثلاثاء القادم باذن الله علشان ظروفهم لان الكل متعلق اوى بالزياره و طلبوا منى انهم يشاركوا فى زيارتنا علشان كده انا بعرض الامر على حضراتكوا ايه رايكوا نعملها الثلاثاء باذن الله .........!؟

منتظر من الجميع يقول رايه موافقين على يوم الثلالالالالالالاثاء نعمل زياره مركز الاورام باذن الله

رجاء اخير من كل المتطوعيه محتاجين لعب لاطفال مين حابب يشارك فى الثواب ده

وجزاكم الله خيرا جميعا

ربنا يكرمك يا حسام :)

يارب حد يعمل حاجة حلوة بقى :D

يللا يا جماعة :D يللا بسرعة :D

يوم التلات :(

أنا يمكن أسافر اسماعيلية :) ويمكن لأ :D

يللا,زي ما ربنا يكتبها بإذن الله :)

شكلي كل زيارة,كدة,حظي أشوف صوركم بس :D

لاززززززم ازعق يعنى

ازيكوا يا شباب

يارب تكونوا بخير وكل عام وحضراتك بخير جميعا

نخش فى الموضوع

شباب رساله دكرنس اين انتم جميعا

شباب منتدى المنصوره انتوا فين

رضوى قطب
ضوى عادل الى معروف عنها انتها بتخدم فى الحوارات دى
مصطفى عبد الرحمن يا ترى هترجع امته من مارينا ..!؟
بوسى .!؟ فين معارفك يا بوسى
محمد عبد الحميد يا ترى ممكن تخدمنا فى شعار جميل كده على زوقك للمنتدى .؟!
رغده ..!؟
رنا فين شغلك يا رنا على المنتدى
شيماء متطوعه جديده معانا على المنتدى بس اعتقد تقدر تضف كتير باذن الله ..!؟
نبيل انته فين
احمد راضى
هاجر باشا ام سرين

كل الناس الى معانا ومنورينا على المنتدى عاااااااااااااااااااااااااااايزين شعار مناسب للمنتدى شباب الخير

بالمناسبه انا جااااااااااااايب ليكوا خبر جااااااااااااااااااااااامد

تم التبرع لصالع مشاريعنا فى رمضان فى شنطه الخير

ب 100 كيلوا ارز ايه رايكوا يا شباب ولسسسسسسسسسسسسسسسسسسسسسه التقيل جاااى

وجزى الله خيرا من تبرع بيهم وهوه على فكره متطوع معانا فى المنتدى مش هذكر اسمه ربنا يجزيه كل خير

يله يا شباب فى شغل كتير وعايزنكوا تجهزوا

هاااااااااااااااااا مين يقول انا معاكوا

ههههههههههههههههههههههههههههههههههههه
عايز معرفى تعمل بيهم ايه يا حسام
ههههههههههههههههههههههههه

من غير زعيييييييييق
براحه بس

انا معاكوا اهو

بالنسبه للشعار
انا ممكن احاول اوك
لانى متعلمه شويه على قدى كدا فوتوشوب
بس حد يعيطينى افكار شوية

وعاوزه حبة وقت كمان الجهاز اتفرمت ولسه هجيب الفوتوشوب تانى
حاولوا تفكروا تفتحولى مجال يعنى
وانا ان شاالله هحاول وربنا يسهل

الصور دى لقيتها زى ماهى كدا وعجبتنى يمكن تفتحلكوا افكار:

بغض النر عن الكلام اللى ع الصوره دى لانهم قصدهم ع الحجاب تقريبا

ودا اللينك بتاعها
http://up4.m5zn.com/9bjndthcm6y53q1w0kvpz47xgs82rf/2009/8/15/02/ztf2ts17c.jpg
ودى عاجبانى اكتر بصراحه

ودا اللينك بتاعها
http://up4.m5zn.com/9bjndthcm6y53q1w0kvpz47xgs82rf/2009/8/15/02/iwod8s0j4.jpg

وف أى حاجه تانى انا اقدر عليها مش هتاخر ان شاالله واكون معاكوا

وبس بقى
خلاص
سلام

سلام عليكم :)

فكرة رغدة,جميلة قوي:)

وطلبي,يا حسام,أتمنى تشوفه يارب,بعته في رسالة,حد هيساهم بإذن الله,معانا,في موضوع الشعارات :) اتصل به,وقابله بإذن الله,هو أخ ليا :)

مش عارف اشكركوا بجد و الله

شباب عايز يساعد

شباب بيحب يعمل خير

شباب كله عطاء

جزاكم الله خيرا كثيرا

وباذن الله المنتدى ومشاريعنا وشغلنا يبقى على مستوى مناسب لاعضائه ومشرف و مجهود طيب وموفق لكم جميعا باذن الله

اللهم اجعل التسامح غذاء لقلوبنا .. والمحبة علاج نفوسنا .. والرحمة سكن أرواحنا .. والريان بابنا .. والكوثر شرابنا .. والفردوس الأعلى دارنا ومقامنا

» عاااملين ايه فى امتحانتكم يا شباب المنتدى ...!!؟
» منتدانا الصحي اقوى مشروع هيطلع بعون الله من منتدى شباب المنصورة الشغل بدأ يا شباب مين معانا ؟؟؟
» لمحه لكل اعضاء المنتدى (هام جدا)
» الى ريحانه المنتدى
» مفاجأة المنتدى