زيارة جديدة بشكل جديد

احب دائما وابدا ابدأ كلامى بسلامى

السلام عليكم ورحمة الله وبركاته
[center]

بين لنا الرسول حق المسلم على المسلم فقال: ((حق المسلم على المسلم رد السلام وعيادة المريض واتباع الجنائز وإجابة الدعوة وتشميت العاطس)).

صلى الله على الحبيب المصطفى صلى الله عليه وسلم

النهارده ان شاء الله جيبين زيارة جديدة ولها طابع خاص عند كتير مننا

طبعا عارفين زيارة ايه

؟؟؟؟؟

اكيد الزيارة اللى كلنا بننتظرها وبنحبها

مستشفى الجامعه
هتقولولى ان الزيارة عادية زى بقيت الزيارات

هقولكم لأ والف لأ كمان

بصوا يا شباب

بما اننا شباب بيحب التجديد فبإذن الله

الزيارة بتاعتنا هتبقى يوم الاحد القادم الساعه 5

الاحلى بقى من كده

هندخل عليهم بإيه ؟؟؟؟؟؟؟؟؟؟؟؟

سؤال جميل

ببلح

عسل

موز
عصير
كتيبات ادعية من السنة والقرآن الكريم

و ورقة منتدانا لزيارة المريض

زيارة لها طابع خاص

ان شاء الله هتبقى احلى زيارة

محتاجين ناس كتير معانا

ومتطوعين كتيررررررررررررررررر

عايزين الزيارة دى تبقى زيارة محصلتش

بإذن الله

ان شاء الله مسئولى الزيارة دى

هيبقى

ابراهيم زهران

و بوسي ابو المجد

مسئول التنظيم

حسام الهلالى

مسئول الورقة

رضوى عادل

مسئول الادوية

رضوى قطب

مسئول البلح

آية

مسئول الموز

ايه رأيكم نجدد الدم للمتطوعين

أيه رأيكم ان شاء الله مسئول الموز

هتبقى ايمان

سما مصر

:D

ان شاء الله يا ايمان احنا بنحطك فى وضع مسئولية عشان تبقى معانا

وانتى بإذن الله قدها وقدود

ومش تخافى هنبقى كلنا معاكى لان دى اول مرة ليكى معانا فى الزيارة بس مش هتبقى اخر مرة بإذن الله

مسئول العسل

بوسي ابو المجد

كده الادوار تم توزعها
وان شاء الله هيبقى معانا اكبر المتطوعات اللى معانا
وهى عبير ابو النجا

واكيد هيبقى فى شغل كتير جدا مع المتطوعين اللى هيجوا الزيارة بإذن الله

ونقدر كلنا نجيب معارفنا وكل اللى نعرفهم يحضروا معانا الزيارة دى

بجد الزيارة دى بقى الواحد بيستناها وبقينا بنحبها جدااااااااااااا

وبقينا بنتعلق بيها جداااااااااااااا

بس بما اننا هنوز مريض حبيت اعمل لكم كوبى عن فضل زيارة المريض وبإذن الله هنتظر ردودكم بإذن الله وان اشاء الله الزيارة دى محدش فيها يعتذر وتقدروا كلكم تيجوا بإذن الله

فضل زيارة المريض فهي كثيرة ونذكر منها :

1. إن زائر المريض يحظى ويتمتع بثمار الجنة حتى يرجع من زيارته قال الرسول : ((إن المسلم لم يزل فى خرفة الجنة حتى يرجع قيل: يا رسول الله وما خرفة الجنة؟ قال: جناها)).

2. أما البشرى الثانية التي يزفها لنا رسول الله يقول عليه السلام :((ما من مسلم يعود مسلما غدوة إلا صلى عليه سبعون ألف ملك حتى يمسي، وإن عاده عشية إلا صلى عليه سبعون ألف حتى يصبح وكان له خريف فى الجنة))

آداب زيارة المريض :

1. المسارعة إلى زيارته وهذا يفهم من قوله ((إذا مرض فعده)).

2. أن تكون زيارة المريض بعد ثلاثة أيام من مرضه لما رواه ابن ماجة والبيهقى قال: ((كان النبى لا يعود مريضا إلا بعد ثلاث)) , وذلك بشرط الا يكون المرض خطير يخشى على المريض من جرائه الموت ولم يتأذى من الزيارة تكون الزيارة مباشرة.

3. ومن السنة تخفيف الزيارة ولاسيما عند ضعف المريض أو عند كثرة الزوار أو عند ضيق المكان، ويكون الدخول |لى المريض بحسب حالته واحتياجه لما روي عنه أنه قال: ((زر غبا تزدد حبا))

4. يجب الا ننسى الهدية للمريض ومن أعظم ما يهدى للمريض عند الدخول عليه الدعاء له، لا تهريب ما منعه الأطباء منه من شراب أو غذاء، لاسيما إن كان محرما كدخان أو نحوه.

5. أن يفعـل الزائر كما كان يفعل النبي يمسح يده اليمنى عليه ويقول: ((أذهب البأس رب الناس واشف أنت الشافي، لا شفاء إلا شفاؤك، شفاء لا يغادر سقما)), أو يقول سبعا: ((اسأل الله العظيم رب العرش العظيم أن يشفيك)) عن ابن عباس عن النبى قال: (( من عاد مريضاً لم يحضر أجله فقال عنده سبع مرار: أسأل الله العظيم رب العرش العظيم أن يشفيك إلا عافاه الله من ذلك المرض))

6. ومن الود والأدب أن يسأل المسلم أهل المريض عن حاله، فقد سأل الناس عليا لما خرج من عند النبي في مرضه فأجابهم على بقوله : (يصبح بحمد الله بارئا).

7. ويستحب قعود الزائر عند رأس المريض، ويستحب تطييب نفس المريض بالشفاء العاجل والعمر الطويل: ((إذا دخلتم على مريض فنفسوا له في أجله (بطول العمر) فإن ذلك لا يرد شيئا ويطيب بنفسه))

8. طلب الدعاء من المريض: ((إذا دخلت على مريض فمره أن يدعوا لك، فإن دعاءه كدعاء الملائكة))

9. وأخيرا تذكيره بلا إله إلا الله عند الاحتضار لقوله ((لقنوا موتاكم لا إله إلا الله))

ارجوا ان احنا نطبق الكلام ده يوم الزيارة ان شاء الله

وكلنا هنبقى مع بعض ايدينا فى ايد بعض لعمل الخير بإذن الله

اللهم ارزقنا الاخلاص ونعوذ بك من الرياء والنفاق

وفى نهايه الكلام مفيش احسن من السلام

السلام عليكم ورحمة الله وبركاته

[/center]

ربنا يكرمك يا بوسى
فعلا خبر حلو قوى
ان شاء الله نبدأ نستعد عشان الزياره تكون منظمه ونقدر نحقق اهدافنا منها
وايمان سعيده جدااااااااااا بالدور اللى وزعتيها فيه
هههههههههههه
لدرجة انها بتسألنى هانوزع الموز كده ولا هانقشره

بس يا ريت يا بوسى تبقى تظبطى الخط لانه صغير قوووووووى

ههههههههههههههههههههههههههههههههههههه
والله انتى عسل اوى يا ايمى
ههههههههههههههههههههههههههه
لا يا حبيبتى احنا بنوزع عليهم الموز وهما برحهتم بقى يأكلوا وقت ما يحبوا
بس اذا انتى حبيتى لطفا منك انك تقعدى جمب مريضة وتأكليها بإيدك ده يبقى ثواب كبير وربنا يجزيكى عليه خير وعلى روحك الطيبه دى يا ايمى
دلوقتى يا رودى انا معايا ورق من الزيارة اللى فاتت حوالى 24 ورقه
انتى محتاجة اكتر من كده ورق نطلع فلوس قد ايه عشان تصوير الورق ده
؟؟؟؟؟؟؟؟؟؟؟؟؟؟؟؟
تقترحى العدد يكون قد ايه
؟؟؟؟؟؟؟؟؟؟؟؟؟
ياريت يعنى بعد اذنك انتى عارفه الزهيمر عندى قاضى عليا
اتصلى بى بكرة معلش قبل الاجتماع فكرينى بالورق عشان اديهولك لانه عهدتك
دلوقتى يا شباب
انا محتاجة 2 بنت عشان يوم السبت هنكيس البلح
مين يقول انا جاى ؟؟؟؟؟؟؟؟؟؟؟؟؟؟؟؟؟؟؟؟؟
منتظره رددكم
ها يا رودى الخط كده كبر ولا لسه صغنن

كده تمام الخط كده حلو قوى
يا ريتك بقى تظبطى اللى فوقه بتاع الاعلان نفسه عشان اللى يدخل يعرف يقراه
بصى يا ستى بالنسبه للورق احنا ممكن نطبع نفس العدد بتاع الزياره اللى فاتت ان شاء الله شوفى كنتم عملتوا كام نسخه ونعمل زيه
بس متهيقلى مش اقل من خمسين ورقه
هاكلمك بكره ان شاء الله افكرك بس يا رب انا اللى افتكر اتصل بيكى
اه بوسى
شريط الاخبار راح فين؟؟؟؟؟؟؟؟

ادينى شيلته يا بوسى ماتزعليش
بس يا ترى شريط الاخبار بقى عيب فاير فوكس برده ولا ايه؟؟؟؟؟؟؟

هههههههههههههههههههههههههههههههههه
ايه اللى انتى عملاه ده يا رضوى على فكرة الفونت كبير وتمام اظاهر الغلط عندك مش عندى
ههههههههههههههههههههههههههههه
البسي نظارة يا حبى
ولا ايه يا جماعه الخط عندكم صغير ولا الخط بتاعى كويس حد يرد عليا غير رضوى
لانها نوية تغير النظارة
tongue

معقوله دى
بس ده يبقى عيب فاير فوكس بقى مش عيب نظاره

لا فعلا شريط الاهداءات واقع من امبارح او كتر اكمان ياريت يا رضوى تشوفيه وتصلحى الموضوع

طبعا
وبدون مقدمات

كانت اول مفاجاتنا على المنتدى فى الصيف الساخن ده

ان باذن الله نعمل زياره مميزه جدا لمستشفى الجامعه

فكرين طبعا ايام زمان يا باشباب فكرين الزيارات الحلوه فكرين روح الجماعه

فكرين الحب فى الله والتعاون فى الخير

جه الوقت يا شباب الى باذن الله هنحس بطعم العطاء

جه الوقت الى مش نضيع وقت ونعمل حاجه انسانيه وايجابيه تجاه اخوانا واهلنا الى محتاجين دعم نفسى اكتر من اى دعم تانى ...!!!

اكيد كلنا بنحب نزور اهلينا واكيد كلنا نحب ناخد ثواب فى طريق مليان حسنات وربنا يتقبل منا ويجزينا خير ويعافينا يارب

الحمد لله اتفقنا طبعا على زياره فيها

1- عسل

2- بلح

3- عصير

4- موز لقسم الحروق مخصوص

5- كتبينات

6- ورقه التعامل مع المرض واستحضار النيه لله ..

بجد جزى الله خيرا كل ما ساهم فى اعداد الزياره الطيبه دى وبجد زياره موفقه باذن الله وربنا يتقبل منا

شباب كتير رحب وجاهز للزياره باذن الله

يله مين معانا ...!! فى طريق حسنات فى حسنات

زياره موفقه ان شاء الله ولو اننا كنا متعشمين تبقى للأورام بس متعوضه ان شاء الله
نسينا نسألك عن حاجه مهمه يا حسام فى الاجتماع امبارح
هانطبع ورق قد ايه؟؟؟؟؟
يا ريت ترد بسرعه ومش تتأخر عشان الورق يكون جاهز قبل الزياره ان شاء الله

ربنا يسعدكم يارب ويهنيكم يارب :)

وبإذن الله يارب,إن شاء الله,ربنا هيسهلها بإذن الله :)

تسلمي يا بوسي,وتسلموا كلكم بإذن الله :D

باذن الله يا رضوى محتاجين 100 ورقه باذن الله

لان الورقه بتوزع على المتطوعين الجدد الى من خلاله بيعرفوا موقع المنتدى وبيستفيدوا من ثواب الورقه بردو

وكمان اى زياده هتوزع على اى حد محتاجها لانها صدقه جاريه للجميع

وحساب التصوير معابا باذن الله بس المهم الورقه تتصور ب 8 قروش لان ده عدد اوووك !!.؟

وربنا يتقبل

وياريت يا شباب الناس تشتغل معانا يوم الزياره ونكون فى الجمعيه الساعه 5 بالظبط علشان ننقل العصير والبلح باذن الله

وجزاكم الله خيرا جميعا

السلام عليكم ورحمة الله وبركاته
ازيكم يا بنانيت ايه مفيش غير ايمان قالت انها هتيجى يوم السبت
انا محتاجة بنوته كمان عشان نكيس البلح بكرة بإذن الله
مين قال انا جىىىىىىىىىىىى
يلا يا فرفيروا قصدى يا بنانيت
مستنظراكم
ايمى السبت هيبقى على الساعه 6.30 ان شاء الله فى الجمعيه فى اوضة الزيارات اللى كنا عملين فيها الاجتماع بتاع هاجر
المعاد مناسب ليكى ؟؟؟؟؟؟؟؟؟؟

خمسة أو ستة ونص :)

صح,

إن شاء الله بإذن الله,ربنا إن شاء الله يسهلها :)

بخصوص تكيس البلح الحمد لله متيسر يا بوسى وفى ناس فعلا هتيجى بكره

المهم باذن الله ان يبقى معروف مين هينقل البلح ومين يهنقل العصير من الجميعه ومين معاه الورق وهوه جاى

ومييييييييييييييييييين هجيب الموز يوم الزياااااااارة ...!!!؟ وعلى فكره الموز بردو محتاج تقريبا يتكيس قبل الزياره كل كيس فيه نص كيلوا تقريبا

لو حد معاه عربيه يا جماعه او يقدر ينسق مع عربيه رساله يبقى جزاه الله خيراااا

ده المطلوب حالياااااااااااااا

السلام عليكم ورحمة الله وبركاته

ان شاء الله هعدي اخد العصير والبلح قبل الزيارة

يا حسام
تم توزيع الادوار على الناس
وكل واحد دلوقتى بقى مسئول عنحاجةمن الالف للياء
يعنى رضوى مسئولة الورقة هى اللى هتجبها معاها
رضوى جزاها الله خيرا البلح والعصير
ايمان الموز
كل واحد دلوقتى مسئول عن الحاجة دى هيتم التنسيق معانا عشان يهتم بيها سواء فى التكيس او وصولها للمستشفى
اما بالنسبة للعسل انت قولتلى انه مسئولة ابراهيم زهران
ياريت يا جماعه كل حد مسئول عن حاجة يبقى مسئول عنها من الالف للياء
وجزاكم الله خيرا

انا هاااااااااااااااااااااااجى اكيد ان شاء الله ...

و هروح الجمعية الاول علشان اجيب معاكوا الحاجة ...

احمدك يارب

بجد بجد بجد اعجز عن وصف زياره جميله وهادئه فى مكان يحتاج لكل ابتسامه ولكل معونه نفسه ولكل عطف وحنان

جزى الله خيرا كل ما ساهم فى انجاح الزياره

ولاسف مش هعرف اقول اسامى بجد البنات كتير جداااا مش هعرف احصرهم

والشباب جزاهم الله خيرا

الحمد لله والشكر لله على التوفيق فى الزياره

تم بحمد لله عمل الزياره والترتيب ليها بالشكل المناسب

و طلعنا على قسم الحروق وعلى قسم الكبد والجراحه رجال ونساء

وبفضل الله تم توزيع ما يقرب من 115 كيس عصير وتمر

و 15 عبوه عسل على قسم الحروق

وتوفير 15 كليو موز تم توزيعهم على قسم الحروق

وتوزيع 130 كتيب

وتوزيع 80 ورقه كيفيه التعامل من المرض واحتساب الاجر

وباذن الله ننزل الصور لحضرتكم انهارده والتعليق على الزياره

وجزاكم الله خيرا جميعا

» زيارة مستشفى الجامعة
» اعلان زيارة دار الامل للمسنين
» زيارة جامده( زيارة دار المسنين 15-3-2010)
» فيديو زيارة الاورام اطفال
» زيارة مركز الاورام اطفال