دي مصر ومصر ومصر

بوسي كتب:

موضوع حلو اوى يا سما ياريت تعرفينا بيكى
انا بوسي ابو المجد
ندخل بقى فى الموضوع الجميل اللى انتى كتباه
بصى يا ستى
مفيش حد فينا مش بيحب مصر
كلنا بنحبها
بس كل واحد فينا شايف سلبيات كتير فى البلد سلبيات مش فى البلد لان البلد مش عملت حاجة لينا هى سلبيات فى اشخاص فى البلد الكل بقى سلبى حتى فى نظافه الشارع اللى هما عايشين فيه
كل حاجة هنا بقت سلبيات
مش غلط ابدا نتكلم عن سلبيات البلد بل بالعكس
احنا ممكن نتكلم عن السلبيات عشان نحل المشاكل دى وبما اننا شباب مصر ونقدر نغير ونصحح اوضاع كتير موجوده غلط من حقنا نقول شفنا كذا يلا نحلها ونفكر مع بعض نحلها ازاى
لكن مصر كمصر معملتش حاجة فينا
وزى ما اى بلد ليها سلبيات فيها ايجابيات
وفى مصر سلبيات وايجابيات
بس السلبيات كترت اوى ولازم نغير منها
بس فى ناس بتبالغ فى ردود افعالها لدرجة انها بتوصل فكرة وحشه عن مصر
مع انى والله عمرى ما شفت احسن من الشخصيات المصرية
ده غير اللى بيتغربوا بره مصر
معرفش ليه الجاليه الوحيدة اللى بيبعدوا عن بعض مش بيقربوا
مش فاهمه ليه
واكتر ناس تعمل ذونب فى بعض
ده شئ غريب
يقولك بره لو فى اتنين مصرين فى مكان محدش فيهم يتعامل مع التانى اتعملى مع اى جنسية الا اللى من بلدك وده شئ عجيب
فى حين اننا فى بلدنا اتعودنا على اللمه والحب والود
فى امور كتير غريبه بتحصل عن مصر والمصريين
واكيد اللى مشوهه صورتنا ناس
ده غير ان الجاليات التانيه مترابطين جدا مع بعض
معرفش ليه بنخاف من بعض فى الغربه
سبحان الله بجد تحسي انى فى تناقضات كتير اوى
بس اكيد دى سلبيات اشخاص مش لازم ابدا ننسبها لمصر وكل المصريين
عندى كلام كتير بس مستعجله دلوقتى
شوية واكملك يا سما
بس ياريت تعرفينا بيكى اكتر

أنا إيمان,اسمي إيمان سرحان يا بوسي,أعرفك بيا,بصي يا ستي,أنا من نفس البلد برضه:) وبكالوريوس علوم,يعني :) وإن شاء الله يارب,أتعرف عليكي على الطبيعة أكتر بإذن الله يارب


:)

ربنا يوفقك :)


موضوع,نضافة الشوارع وغيرها,والمصريين برة :)

فكرتيني والله,بأخويا :)

يوم ما جه,من برة,

كنا بنتكلم,

قاعد,يعدد في صفات البلد,إلي كان فيها :D

البلد نضيفة,الراجل لو ماشي فيها سكران,وخبطك,يعتذر ليكي, و و و

يا سلام,إيه الجمال ده في كلامه :D

خلص كلامه,من الشباك ,رمى حاجة كانت في إيده :D


قلت له,الله,مش انت,كنت لسة,بتقول,

البلد دي مش نضيفة,مش انت اللي دلوقتي رميت فيها الورقة إللي كانت في إيدك :D


قاللي,مهي كدة كدة مش نضيفة :D

يا سلام :D

...


الشخصيات المصرية,كتير فيها متميزين قوي,الحمد لله,إن فيه ناس فيها كويسة,الحمد لله طبعا :)

وكفاية,شباب زيكم,ربنا يحميكم يارب :)

ومش عارفة,


أنا دايما,شايفة,إن إللي فيها,رمز

مهما يكن


حتى,كتير,من إللي بشوف,ناس كتيرة بتنتقدهم


مش عارفة ليه,مش شايفاهم كدة..


كتير قوي,,اعتبروني معرفش حاجة بجد,ومتتكلميش,

فمش عارفة,يمكن,أنا جاهلة شوية,,في نقاط معينة


بس شايفة,كل حاجة فيها,زي ما بتيجي في الإعلام المصري تمام,أو يمكن,أنا إللي عاوزة أشوفها كدة :)

هو آه,الواحد لسة مشتغلش,,بس ربنا يسهلها يعني :D ربنا يسهلها :)

....

المصريين,برة مصر


والله يا بوسي,سمعت زي ما بتقولي كدة :)


بس,,مش عارفة


المفروض,يخافوا على بعضهم أكتر :)


يعني,بنشوف في الأفلام,المصريين برة,إنهم,مع بعض,وبيساعدوا بعض


في الواقع,بيقولوا,إنهم بيتنافسوا,وكل واحد,بيحاول ياخد مكان

والله,ما أعرف,وخايفة ومش عاوزة أعمم ده


إن شاء الله,يبقى خير يارب :)


بوسي,اتشرفت بيكي جدا :)

under_maker كتب:

مصر

انا دخلت الموضوع عشان شوفت الكلمة دى بس

مصر

عمر ما حد هيفهم معنى الكلمة حد الا لما يخرج منها

مصر

كل حرف فيها لة قصة

حد عمرة شاف ورة بلدى بريحة حلوة من غير شوك

حد عمرة شاف واحدة ملكة جمال مش مغرورة

حد عمرة شاف عسل بيخرج الا من نحلة بتقرص

كل حاجة حلوة دايما بيكون فيها نقطة مرار

لان لا يمكن تحقيق الكمال الا للة وحدة

مصر مهما زاد الاجرام فيها تقدرى تنزلى تصلى الفجر لواحدك

مصر مهما زاد الفقر فيها تقدرى بنص جنية تجيبى رغيف مع حتة جبنة

مصر مهما زاد التلوث فيها تقدرى تروحى ارض خضراء تشمى هواء

مصر مهما زاد المرض فيها تقدرى تروحى تتعالجى باقل اسعار فى الدنيا

مصر مهما زاد حرها تقدرى تشربى مية من الحنفية وتحسى انها ساقعة وليها طعم

مصر مهما زاد بردها تقدرى تشربى شاى سخن من اى قهوة بنص جنية

مصر مهما زاد كرها تقدرى تلاحظى الحنين فى عيون الناس

مصر مهما زاد شر الناس فيها تلاقية وهوة بيعمل الجريمة وبعدها ندمان وخايف مش بيتفاخر او عندة استعداد تانى

مصر مهما كبرتى او عجزتى تحسى انها معاكى فى المشوار

انا بتكلم على مصر الارض . مصر الى ملاينة بالتاريخ . مصر الامان الى بيتحمى فية الغريب قبل القريب

كل ما افتكر كلمة ممثل فى فيلم ما واللة بدمع

مش بدمع على مصر لا بدمع على ظلمنا لنفسنا عليها

العيب مش فيها. العيب فينا احنا .هما عا رفين قيمتها احنا الى مش عارفين

وهما عاوزين يخلونا مش عارفين . عشان نفرط فيها بالساهل

وبالفعل كانوا زمان بيدفعوا الدم والغالى عشان ياخدو شبر

دلوقتى عندهم المال والفكر وهيبقوا السادة واحنا العبيد

كلمة شبر من مصر ليها معنى كبير اوى محدش يفهمة

مش عارف اقول اية

بس صدقينى مصر نعمة زى الصحة والمال والابناء

لبا يمكن تحسيها الا لما ربنا ياخدها منك

وربنا يحمى مصر

عليكم السلام ورحمة الله وبركاته

إزي حضرتك :)


مصر,


أنا كتير,زي غيري,والله


بكون,عاوزة,أسافر برة البلد,رغم,إني بقول بحبها,مقدرش أنكر ده :)

بس إللي أعرفه,إن بلدي,كاسم بلدي,بغير عليها,بالضبط,زي ما الواحد ,بيغير على أمه :)

مرة,والدي,قاللي,كلمة :)

قاللي,البلد,زي,الأم

وحتى الحاكم,إللي اختلف معاه ناس كتيرة,يعتبر,رب العيلة


فبيقولي مرة,ترضي حد,يغلط في أبوكي برة,,

قلت له,لا,,

قاللي,بالضبط,زي المصريين,إللي يروحوا,لإعلام برة,يغلطوا في بلدهم براها,,,زي الابن العاق,المصري إللي يغلط في بلده,ويقولوا,بنلجأ للأمم المتحدة,أو,مش فاهمة بالضبط,بس كانت فيه أحداث,سياسية,بلاقي ناس فيها,بيقولوا كدة,أنا مش فاهمة قوي,بعتذر لو أخطأت,برضه معرفش كل حاجة,ومش عاوزة أقول حاجة معرفهاش,أنا آسفة :)

وقاللي,مثلا,إللي,بيجوا,قدام,الإعلام,يعني,الغربي مثلا,ويقولوا,يعني,حصلت مرة,شخصية ما قالت اللعنة على شخصية ما في مصر,,واللي,بيرحوا,لتليفزيونات عربية تانية,ويقعدوا يقولوا على بلدهم,حاجات كتيرة,البلد,وحكومة البلد,و و,,طيب ليه,,,تروحوا برة,وتقولوا كدة,,وتتكلموا بلسان الكل,مين وكلكم,,معرفش,يمكن أنا غلطانة


آسفة,يمكن أنا غلطانة,ويمكن خرجت عن الرد:)



بس البلد,أنا والله


معرفش,بحبها ولا لأ,,

بس وقت

ما حد,ألاقيه,بيقول,مصر

مش مصري

ويغلط فيها

بحس,إن زي ما يكون حد,بيغلط في أمي مثلا,ساعتها قلت,يمكن,إحنا,بنغير عليها

يمكن بجد,بنغير على البلد


وده معناه,إننا بنحبها بجد


البلد

والله,كنت بحسبها بس

بلدي,والزحمة,و و

وساعات,بزهق من الزحمة دي

ومن حاجات كتيرة

جت لي فرصة,السنة دي

أسافر

مناطق كتيرة,جوة البلد


إسماعيلية,وبورسعيد و و

والله شفت,أماكن,في منتهى الروعة

وشفت في النص,مدن سكنية جديدة في وسط الصحرا

وشفت,الصحرا مزروعة

وحاجات كتيرة قوي

وشفت,مناطف,روعة جدا


قلت,مهي مصر أهي

فيها أماكن,مش زحمة,وأماكن,حلوة جدا


ده مصر,واسعة قوي :D

وعجبني,الصحرا المزروعة,وعجبتني حاجات كتيرة جدا :D

...

بس والله,ساعات,أفكر أسيب مصر,كنوع من التغيير

أشتغل براها,,

وأرجع لها تاني


.........

بس برضه

أي بلد,برة مصر

أهلها,مش أهلي :)


مهما ,فضلت وسطهم:)

وحسيت,إني مستريحة,في بلد أحسن

هفضل,غريبة :)

وهتفضل هي,بلدي :)


فأنا لازم بس,أعرف قيمتها,وأخاف عليها,وأقدرها :)


علشان أهلي,ومليون حاجة جواها,وأنا,يعني,أو غيري,مش حاجة تانية,غير الناس اللي فيها,حتى لو اتضايقت من فئات كتيرة,وتصرفات كتيرة بتحصل,

هي بلدي برضه :)

R.A.A كتب:

على رأى اللى قال
لو سألتك انت مصرى تقوللى ايه
قوللى مصرى ابن مصرى وابن مصر الله عليه
.............
وكل مصرى الله عليه

أيوة,مين إللي قال بقى :D

مين الشاعر,إللي كتب الاغنية :D

الله عليكي :D

:)

مش عارفة ليه موضوع الحكام :)

مش عارفة :)

بس آسفة والله :)

مالهم بس بجد :)

يعني حاليا,أنا مش شايفة ظلم :)

ولا أنا شايفة غلط بس :)


أنا آسفة لو مش فاهمة

بس,

فيه فقر وفيه وفيه

هو أنا مش فاهمة

بجد والله مش فاهمة

هو أنا شايفة,إن فيه مشروعات بتتعمل

وبرضه شايفة,فيه فقر,وبطالة,,

وبجد,أنا والله مش فاهمة :)


هو علشان عددنا كبير :)

ولا علشان,فيه حاجة غلط بدون قصد :)


أنا حاسة إني جاهلة قوي,مش فاهمة بجد :)

...

بجد بسأل

هل كل بلد,حتى البلاد الغنية,فيها كل ده,مش مصر بس :)


..

طيب..


هو غلط الحكام في الأساس,زي ما كلنا بنقول كدة :)

طيب,مهو حاليا,شايفة,إن إللي بيحكم البلد,بيعملوا إللي عليهم,أنا شايفة ده :)

طيب برضه,فيه كل ده :)


فين الغلط برضه :) مش عارفة :)


أنا آسفة والله,يمكن أنا جاهلة قوي مش فاهمة بجد :)

بعتذر :)


....

هو إحنا إللي نساعد بعض,الحكومة بتعمل إللي عليها

ولا فيه حاجة غلط برضه :)