اقتراح يوم 30.1.2009 الساعة 6

زائر

السلام عليكم
الاخوة الاعزاء
كان عندى اقتراح اتمنى ان ينظر لة بعين الجد
حيث اننى اكتب الان وانا الوحيد المتواجد فى المنتدى من خلال الخدمة التى تقدموها
واخر مرة كان هناك اعضاء متواجدين سويا كانو 7
انى ارى ان برتيشينات المنتدى ازيد من 25
وهو المكان الذى يتسع 1900 عضو
ونحن 17 عضو
ارجو دمج البرتيشينات او الغاء مالم يتم تفعيلها حتى نجتمع فى مكان محصور
وتقوى شوكتنا
ومع اعضاء جدد تتم عملية التوسيع والانفتاح
انما الان نحن او انا بالذات اشعر اننا فى صحراء جرداء وكل واحد بيدور على التانى
ولكم جزيل الشكر
المنتديات الجميلة ليست بكبرها انما بفحواها

زائر

[size=24]انا معاك لازم فعلا يتم تفعيل المنتدى اكثر من كده بالفعل على الاقل الى هينسحب يقول او لو حد عنده ظروف يعرفنا بردو

ونحاول نركز اكثر على الشغل

وهقول حاجه مهمه وقولتها مليون مره قبل كده على الخاص مع الادراه وبعض الاعضاء لابد من تفعيل المنتدى من خلال اعضاء مميزيين على سبيل المثال كل واحد فينا يعرف واحد او اتين يثق فيهم يدعوهم للتفاعل هنا ونحدد اهدفانا سوى وشتغل كل واحد عنده طاقه وعنده قدارت يقدر يفيد بيها المنتدى ويفيد مجال وباب الخير

واكررر لابد من وقفه يا جماعه اعتقد انى بخاطب ناس كبيره الحمد لله [/size]

السلام عليكم ورحمة الله وبركاته
إزيك يا م/ محمد
أخبارك إيه ؟
أنا فعلاً معاك إن المنتدى فيه أقسام كتير (29 منتدى فرعي)
أنا معاك فعلاً إن احنا بنتوه فيه
بس كان المقصود من التقسيمة الكبيرة دي إن احنا نرضي جميع الأزواق
يعني مش أقسمه على حسب إهتماماتي أنا وبس
أنا كنت قاعد مع بعض أعضاء المنتدى أونلاين من خلال إيميل الجروب
وأخذنا رأيهم في الأقسام مع بعض الإقتباس من منتديات أخرى
يعني مثلاً فيه بنات قالوا احنا عاوزين قسم للبنات فقط
وفيه ناس بتحب الأناشيد الإسلامية وناس تانية مهتمة بالرياضة وهكذا ..
وبما إن المنتدى تصنيفه (منوع) كان يجب إنه يكون منوع
لكن على أي حال أنا معاك برأيي الشخصي إن ياريت المنتدي تقل أقسامه شوية علشان نركز فيها أكتر
وطبعاً لازم نلعب على محاور تانية لتنشيط المنتدى زي ما قال حسام بالإضافة لتقليل عدد منتدياته الفرعية وهي على سبيل المثال إضافة أعضاء جديدة ومميزة على المنتدى
خلاصة رأيي ياريت تقولنا رأيك في الأقسام التي يجب إلغاؤها والأقسام التي يجب دمجها مع الأقسام أخرى ..
وياريت كل الأعضاء تدخل وتقول رأيها في الموضوع ده وإيه اللي يجب حذفه واللي يجب دمجه
في إنتظار ردودكم ...
أنا رأيي الشخصي مثلاً إن ملوش لازمة منتدى أخبار الرياضة وأخبار السيارات ودمج أقسام حواء في قسم واحد وهكذا ..
ده رأيي الشخصي .. في انتظار ردودكم حتى يتم التعديل
السلام عليكم

زائر

مش عارفه والله كده هيبقي فيه تواصل اكتر ولا ايه

بس لو هتقللوا الاجزاء
فعلا ممكن تخلوا جزء حياه حوا جزء واحد
واسلاميات برده جزء واحد
وبرده القسم الادبي يبقي جزء واحد
ونشيل الكام حاجه اللي محدش كتب فيهم اي حاجه لحد دلوقتي من منوعات ديه
وبس

على فكرة أنا كتبت الرد ده من إسبوع تقريبا ً ولم يرسل ..
هكتبه تاني ..

طبقاً لمشاركة الأعضاء الموجودة حتى الآن بالموضوع
أجرينا بعض التغييرات في المنتدى وهي ؟
1- حذف منتديات أخبار السيارات وأخبار الرياضة وأثاث وديكور ورسالة إلى عضو (لعدم جدواها لأن الأمن مستقر حتى الآن وربنا يستر)
2- دمج طرائف وغرائب في نكت وفكاهات ومسابقات وألغاز
3- دمج القصص الروايات في الشعر والنثر

أي اقتراح يتفق عليه أكثر من عضو سيتم تعديله إن شاء الله
وحتى نلتقي إن شاء الله ..

زائر

لا اله الا الله

يعنى الموضوع ده موجود قبل موضوعى اللى كتبته فى الحوار العام وتقريبا نفس الفكره

والله ما شفته يا بشمهندس اسف جدا

وطبعا ده نتيجه ان المنتدى فعلا ممزق

للاسف محدش تقريبا ليه فى الرياضه او الكوره غيرى فمش هينفع اطالب بقسم لوحدى

والسياسه اترفض مع ان م/محمد و د/عماد كانو هيبقو معايا اكيد وافكارهم ممتازه الصراحه

وفعلا موافق جدا على دمج قسم حواء

ودمج المنوعات كلها

وممكن نخلى المناسبات فى الحوار العام

قسم الانجليزى ممكن يتساب عقبال ما احمد راضى يرجع بالف سلامه

القسم الدينى ممكن يتدمج لان ايات القران والاحاديث برده ينطبق عليها كلمة الدين المعامله

شكرا

زائر

السلام عليكم ورحمة الله وبركاته
انا بردوا رأيي من رأيكم يا شباب
لازم فعلا نغير المنتدى ونصغره حبه عشان نعرف نتفاعل اكتر مع بعض
لانى فعلا تايهه فى المواضيع والاقسام

انا رأيي
ان مثلا
نترب وتضغط الاقسام
يعنى
اول قسم يبقى قسم المناسبات
يليله قسم الحوار العام يليه قسم عمل الخير
ونشيل الجزء بتاع انجليش كورنر
اما القسم الدينى فأعتقد انه كده كويس
اما بقى الجزء اللى بعده حياة حواء جزء الاناقه يتحط مع جزء بتاع حياة حواء وجزء الطبيخ يبقى منفصل
جزء الخواطر يضغط كله فى جزء واحد خواطر وابداعات
اذا حبين جزء للغات يبقى جزء واحد لان احنا مكررين نفسنا فى جزء بتاع انجليش كورنر
واذا اتعمل جزء واحد يبقى افضل

معلومه لصحتك مش عارفه انتوا موافقين نخليها ولا ايه ؟؟؟؟؟؟؟
عامه انا مش شايفه فيها اى ضرر
اما بقى جزء الكمبيوتر والانترنت والجوال اعتقد يضغط فىجزء واحد ويتسمى تكنولوجيا او عالم جديد فى جديد

اما جزء النكت والفكاهه انا من رأيي انهم كلهم فى جزء واحد اما جزء الصوتيات يبقى جزء لوحده واذا هنعمله جزء لوحده يبقى نشيل الجزء بتاع اناشيد اسلامية ويبقى كل الفيديوهات والدون لود يبقى من عليه
ايه رأيكم ؟؟؟؟؟؟؟؟؟؟؟
اقترح ان الترحيب بعضو جديد يترفع لفوق تحت مناسبات
وبعد كده الشكاوى لوحدها
ايه رأيكم فى رأيي يا شباب الخير ؟؟؟؟؟؟؟؟؟؟؟؟؟؟؟؟؟؟؟؟؟

ننتظر مشاركات باقي الأعضاء

زائر

مصطفى عايز اقولك انى مش راضى عن وضع المنتدى حاليا

اولا عدد الاعضاء المتفاعلين حالين قليل جداااا واعتقد الحل فى اننا نفعل الاعضاء الموجوودين اكتر بجانب دعوه الاعضاء الاكثر تفاعل وراى كمان تبعت لاعضاء الى غابو عننا وخلال فتره يتم تحديدها يتم الالغاء عضويتهم علشان نعرف راسنا من رجلينا

وكمان شايف ان تقسيم المنتدى حتى الان وااااااسع جدا بالمقارنه بالعدد الحالى بجانب كمان تداخل الاقسام مع بعضها علشان كده راى لابد من دمج المهم بالاهم يعنى تبقى اقسام رائيسيه منظنمه ::

راى الشخصى
دمج

تفسير ايه وحديث شريف

2- عالم الطبخ وازياء وكل ده يتم دمجه فى حياه حواء فى قسم واحد فقط

3- خواطر وإبداعات الأعضاء يتم دمجها فى الشعر والنثر والقصص والروايات او العكس مش مهم .

4-فيديوهات وصوتيات يتم دمجها فى اى قسم مناسب على سبيل المثال خبر * صورة لانها مش مهمه لدرجه .

وياريت كمان يتم رفع ترحيب بعضو جديد فوق المناسبات علشان تبقى ظهره ويتم ترتيب وتنسيق المنتدى فى اسرع وقت ياريت يا ادارة وجزاكم الله خيرا

وليا رجاء لكل الاعضاء فين يا جماعه تفاعلكم وفين نشاطكم وانا طبعا اولكوا يا ترى فيه مشاريع الخير الى اتفقنا عليه يا ترى فين الهمه وفين النشاظ فين النقاش البناء والمفيد يا ترى فين اصحابكوا واحبابكوا على المنتدى هنتظر كل من هوه يريد العطاء بدون مقابل وجزاكم الله خيرا جميعا

زائر

حد يعبرنا يا حكوووووووووومه

» ليه الطواف عكس عقارب الساعة
» ظهور نار الحجاز من علامات الساعة
» عندى اقتراح
» اقتراح للمناقشه..... يا ريت الكل يشارك
» اقتراحتكم لزياره دار العز القادمه ( 3 ابريل)