كل واحد يدخل يقول ايه هدفه من مشاركته في المنتدى

زائر

السلام عليكم ورحمه الله وبركاته
طبعا كلنا عارفين ان كل واحد فينا المفروض ينوي قبل كل حاجه يعملها
علشان ياخد ثوابها لانها حتى لو حاجه عاديه بيعملها كل يوم لو نوى قبلها
اولا بيثاب عليها
ثانيا بيستشعر برضا ربنا في كل وقت بيقضيه فيها فبيكون مبسوط وهو بيعملها

يعني مثلا اي واحد بيقضي شغله
لو محدد نيته وهدفه اكيد هيبقي الوضع مختلف
وبرده لو بيذاكر او واحده بتشتغل في بيتها

انتو عارفين ان الصحابى كان بيتقال عليهم تجار نوايا
علشان كانوا بينووا اكتر من نيه في كل عمل

يلا كل واحد يدخل يقول نيته او هدفه من اشتراكه في المنتدى ده
اولا و يا سلام بقه لو نكمل اهدافنا ايه في حياتنا

ربنا يكرمكوا ردوا
احسن انا حاسه اني بقالي كام يوم بكلم نفسي
مستنيه ردودكوا

زائر

انا برضة حاسس كدة
هههههههههههههههه
بس انا مقدرش اقول الكلمتين دول
اصل انا لاجىء سياسى
الموضوع جميل
بصراحة انا كنت ناوى اطرح مواضيع تعليمية بس بقى البرد عامل شغل مع الناس
فقولت افضل فى جنب لحد ما النور يطلع
بس المهم ان فى ناس بترد او بتشارك
واى منتدى كدةن فى البداية بس عاوز شوية صبر قيمة سنة او ازيد كدة
فهل من مثابر ؟؟؟؟

زائر

زمان اتجمعنا فى مكان واحد عارفه ليه يا رضوى
علشان كلنا حبينا نفيد بعض ونستفيد من بعض

عارفه كنا ساعات نتخانق ونزعل من بعض لكن عارفه وقت الشغل كنا نصصم نتعاون مع بعض ونسابق بعض فى عمل الخير سبحان الله

عارفه كنا نتفق على ان نتعاون فى الخير والحب فى الله مهما اختلافنا فى الاراء والاتجاهات

كنا صعب اوى نسيب المكان الى اتجمعنا فيه عارفه ليه لاننا كنا نؤمن بالولاء للمكان الى بنحس فيه بمتعه العطاء

كنا فى المكان الى بيجمعنا ديما بنشوف ناس بجد بجد فخورين اننا بنشوفهم ولولا هذا المكان لما رايناهم ..

عايز اقول يا جماعه بجد ايه دليلك على ولائك للمكان وحب الخير والحب فى الله
يا ترى فين التضحيات يا ترى فين الافكار والانشطه يا ترى فين الناس الى بتقول انا عايبز اشتغل بس ومش عايز اتخانق ولا احادل مع حد

يا ترى فين الناس الى بتقول انا مسحمك ولونى قادر ارد لكن مش فاضى ارد لانى عايز اشتغل بس

يا ترى فين التعاون والاخوه فى الله

فكرين يا جماعه زمان لما كنا بنخش على الجروب بتاعنا وبتاع م/ محمد وبتاع رساله يااااااااااااااه مش فكرين لما بنخش عليهم كل دقيقه لا ده كان كل ثانيه عارفين ليه يا جماعه علشان حبينا فيه كل شىء علشان كنا عندنا ولاء لمكات يجعمعنا فيه الود والخير والتعاون والاخص والصراحه والادب وكل شىء ممكن نتعمله فى حياتنا

يا ترى فيه امل ام لا

اترك الحواب لحضراتكوا واتمنى ان نفكر ونعمل كثيرا افضل ان نتحدث كثيرا

وجزاكم الله خيرا جميعا

زائر

م/محمد
لاجئ سياسي ايه بس
اومال انا اقول ايه
المهم نعم مثابرون وثابتووووووووون
بس كنا عاوزين اجابتك على السؤال

ا/حسام
جزاك الله كل خير علي الرد
ويااااااااااارب يوصل

زائر

السلام عليكم ورحمة الله وبركاته
موضوع جميل يا رضوى
انا عن نفسي وأعوذ بالله من كلمة انا بحب جدا لما توصلني معلومة مفيدة سواء كانت معلومة دينية او معلومات عامة او حتى موضوع طريف اشارك فيه اكبر قدر من الناس عشان تعم الفايدة والثواب ان شاء الله،
ده اول هدف من اشتراكي فى المنتدى
اما الهدف التانى انى فرحت جدا بانضمامي للجروب على الهوت ميل وعشان كدة كان صعب عليا ماكونش معاكو فى المنتدى
على فكرة انا مشتركة فى منتديات كتير بس عمرى ما كنت بشارك زى ما بشارك على المنتدى ده لاني فعلا بعتز به جدا لانه اول منتدى اشترك فيه بمجرد عمله
يعنى حاسة انى من المؤسسين "اتبنى على كتافي" ههههههههههه
أخيرا ربنا يثبتنا وينفع بنا ويجعل اعمالنا خالصة لوجهه الكريم
بس لاحظو انى بقيت هنا مشرفه على المنتدى ومن حقي الغي اى موضوع مايعجبنيش فاحذرو منى وحاولو ترضوني باي شكل "بين قوسين طبعا بهزر"
جزاكم الله خيرا

Keep GOD In Your And Mind

Nagwa_Elkady

السلام عليكم ورحمة الله وبركاته
مشكورة يا د/ رضوى على الموضوع المهم ده
أنا عن نفسي أهداف انضمامي أو إنشائي للجروب أو المنتدى ده الحمد لله اتحققت
الحمد لله استفدت كتييييييييييييير ومازلت استفيد من كل عضو هنا
استفدت كتير بالمواضيع الحوارية العامة وعرفت طرق تفكير مختلفة وبقيت بنظر للمواضيع من زوايا كتير مختلفة
استفدت بمواضيع الكمبيوتر والنت والشبكات من الأعضاء المهتمين بهذا المجال والذين لا يبخلوا علينا بمعلومة وعلى رأسهم م/ محمد عبد الحميد
استفدت إني موجود في وسط مجموعة محترمة بعتبرهم زي إخواتي .. كل لما أعوز آخد رأيهم في حاجة بلاقيهم موجودين
استفدت بالمواضيع الدينية اللي دايماً بتذكرني بربنا وفيها عظات وعبر وبعتبر إننا فعلاً بنخاف على بعض وعاوزين ناخد إيد بعض للطريق الصح
استفدت كتييييييييييير
أنا وصلت لدرجة إني لما بفتح النت بيبقى المنتدى هو أول إهتماماتي وأهمها
بنعرف أخبار بعض ومناسبات بعض وثقافة وتفكير بعض وخاصة إن معظمنا يعرف بعض
الحمد لله أنا بحس دلوقتي إننا أسرة واحدة لما حد فيها بيغيب بنحس بغيابه
بكده أنا جاوبت على السؤال بس بطريق مختلفة

زائر

نجوى

ربنا يجازيكي كل خير علي كل معلومه بتفيدينا بيها
فعلا لازم كلنا نبقي كده
كل حاجه نعرفها نحاول نوصلها لكل اللي حوالينا
انابرده كده
بس في الحقيقه مش في المنتديات
لما خلاص بقيت رغايه رغايه

د/مصطفى

ربنا يكرمك

فعلا طريقة الاتصال ديه الواحد استفاد منها كتييييير
جدا
وفرقت جدا في طريقه تفكيره
لان الاختلاف ده بجد حاجه حلوه جدا ومفيده جدا
في التفكير في الشخصيات في كل حاجه
مش متخيله اساسا لو الناس كلها زي بعض الدنيا كانت تبقي عامله ازاي

يلا كله يقول هدفه

زائر

moustafaabdelrahman كتب:: السلام عليكم ورحمة الله وبركاته
مشكورة يا د/ رضوى على الموضوع المهم ده

استفدت إني موجود في وسط مجموعة محترمة بعتبرهم زي إخواتي .. كل لما أعوز آخد رأيهم في حاجة بلاقيهم موجودين

الحمد لله أنا بحس دلوقتي إننا أسرة واحدة لما حد فيها بيغيب بنحس بغيابه

حلوه الحته ديه
ياترى مييييييييين؟؟؟؟؟؟؟؟

والله أنا بتكلم بجد ..
مش كلام متزوق ..
فيه ناس دلوقتي غايبة عن المنتدى أنا حاسس بغيابهم ..
وأكيد إنتم كمان حاسين بالغياب ده ..

زائر

اقول انا هدفي

ما شاء الله معظم الناس اللي في المنتدى ان ما كانش كلهم
من رساله المنصوره
اللي الواحد بيحبها جدااااااااااااااااااااااا
بيته التاني
واحلي حاجه في الناس اللي هنا ان كلهم عندهم نفس الاحساس ده

يعني مثلا انا اعرف حد في رساله كل شويه يقول انا معتش ينفع اكمل
مستقبلي هيضيع ووقتي وكلام من ده
وتلاقيه هناك كل يوم مش قادر خلاص ادمنها
ده لانه جرب متعه العطاء
الحاجه اللي جربناها كلنا ومعدناش نقدر نعيش من غيرها

اه بالمناسبه ما انا قولت ان انا رغايه بقه استحملوا
كنت بسمع حاجه لعمرو خالد من كام يوه كده
قال فيها حاجه حلوه قووووووووي عجبتني
قال (طبعا انا هقول المعنى)
انه قيل في الاثر ان ربنا سأل سيدنا ابراهيم انت عارف ليه انا اتخدتك خليل
قال له ليه يا رب
قال لان حبك للعطاء اكتر من خبك للأخذ

حلو قووووووووي ان الواحد يتكلم مع حد عارف انه بيحب يعطي
وديه حاجه مميزه لكل متطوع
طبعا كل واحد بشخصيته المختلفه وطريقة عطاؤه
وديه حاجه كلنا هنستفيد منها

و ميزة المنتدى ده عن اي منتدى تاني اننا في اي منتدى ممكن نفكر مع بعض نخطط لحاجه
يبقي فيها نقل ثقافات
لكن مش هنقدر ننفذ مع بعض
لكن هنا نقدر نفكر وننفذ كمان

radwa kotb كتب:: يعني مثلا انا اعرف حد في رساله كل شويه يقول انا معتش ينفع اكمل
مستقبلي هيضيع ووقتي وكلام من ده
وتلاقيه هناك كل يوم مش قادر خلاص ادمنها
ده لانه جرب متعه العطاء
الحاجه اللي جربناها كلنا ومعدناش نقدر نعيش من غيرها

تصدقي أنا كمان عارفه ..
ههههه

زائر

moustafaabdelrahman كتب:: والله أنا بتكلم بجد ..
مش كلام متزوق ..
فيه ناس دلوقتي غايبة عن المنتدى أنا حاسس بغيابهم ..
وأكيد إنتم كمان حاسين بالغياب ده ..

يالله يا اللي غايبين
تعالوا بقه
يعني نعملكوا ايه تاني
اظهر وبان عليك الامان
لو عندكو اهداف من اشتراكوا في المنتدى ده اكبر من زعلكوا
اكيد هترجعوا
مستنيين باقي الاهداف

زائر

[center]ازيكم كلكم عاملين ايه
موضوع رااااائع يا دودو (اسمحيلى اقوللك كده ولو تضايقى مش اقولها تانى) :)
المنتدى بجد رائع وانا فعلا مشتركه على منتديات كتير لكن مش بشارك فيهم خالص زيك يا نجوى
هنا يمكن اللى بيميز المنتدى اننا فعلا نعرف بعض من رساله
انا يا ستى هدفى من المنتدى انى افيد الناس بالمواضيع الفظيعه بتاعتى هههههههههه
لا والله بجد انا فعلا لما اقرا موضوع كويس من زمان من قبل ما اشترك فى المنتدى او حتى الجروب كنت ببعتها لكل الناس اللى عندى لدرجة انهم كانوا بيزهقوا منى وطبعا بعد ما اتشتركت هنا اتحرموا من مواضيعى ههههههه
وطبعا كمان بستفيد من مواضيع كتيره قوى هنا جميله ومميزه
احنا هنا فعلا اسره واحده بنشجع بعض وبنفيد بعض
ربنا يقدرنا نستمر والكل يستفيد
شكرا ليكى يا رضوى مره تانيه على الموضوع ده وعلى كل مواضيعك المميزه جدا[b]

زائر

Radwa.A.A كتب:: [center]ازيكم كلكم عاملين ايه
موضوع رااااائع يا دودو (اسمحيلى اقوللك كده ولو تضايقى مش اقولها تانى) :)
المنتدى بجد رائع وانا فعلا مشتركه على منتديات كتير لكن مش بشارك فيهم خالص زيك يا نجوى
هنا يمكن اللى بيميز المنتدى اننا فعلا نعرف بعض من رساله
انا يا ستى هدفى من المنتدى انى افيد الناس بالمواضيع الفظيعه بتاعتى هههههههههه
لا والله بجد انا فعلا لما اقرا موضوع كويس من زمان من قبل ما اشترك فى المنتدى او حتى الجروب كنت ببعتها لكل الناس اللى عندى لدرجة انهم كانوا بيزهقوا منى وطبعا بعد ما اتشتركت هنا اتحرموا من مواضيعى ههههههه
وطبعا كمان بستفيد من مواضيع كتيره قوى هنا جميله ومميزه
احنا هنا فعلا اسره واحده بنشجع بعض وبنفيد بعض
ربنا يقدرنا نستمر والكل يستفيد
شكرا ليكى يا رضوى مره تانيه على الموضوع ده وعلى كل مواضيعك المميزه جدا[b]

قولي براحتك يا رضوى اكيد مش هتضايق

الصوره اللي انتي حاطاها تحفه علي فكره

فييييييين باقي الناس
يلا علشان هنجمع الاهداف ديه وكل النوايا
ونخلي حد من المشرفين يثبتها في موضوع
مستنيييييييييين باقي الناس

زائر

السلام عليكم و رحمة الله و بركاته

مقدرتش اغيب عنكم اكتر من كده

يمكن اكون عملت خلافات مع فلان او فلانه

لكن بصراحه الموضوع ده بعتبره وسام على صدرى خاصة كلام مصطفى و رضوى

حقيقى ربنا يخليكو

انا سعيد جدا انى اتعرفت على ناس صعب كنت اتعرف عليهم الا من اجل الخير

واسعاد الناس

عايز اقول بس ملحوظه صغيره يا ريت يتسع صدركو ليها

hالردود اللى بكتبها و بتبقو شايفين انها رخمه او غلسه دى بتبقى عباره عن محاولات فاشله للهزار

يعنى انا مش بحب ازعل حد منى

لدرجة ان احد الاعضاء بدون ذكر اسماء بيقولى محمود فى الحقيقه غير محمود اللى على النت خالص

كل ما فى الامر ان فى الحقيقه بتشوف تعبيرات وشى وبتعرف انى بضحك فبتاخدها هزار

انما على النت الكلام بيبان انه متنشن شويه

وطبعا لا اعفى نفسى من الخطا فى اكثر من موضع

لكن انا واثق ان فى صفحه جديده باذن الله تعالى

بالنسبه للموضوع

هدفى من المنتدى

1-فعل الخير

2-علاقات

3-نشر الوعى الدينى و الثقافى

ومن اجل الهدف التالت انتهز الفرصه واطالب د/مصطفى بانشاء قسم سياسى

معظم المنتديات فيها اقسام سياسيه

ومش معقول نكون شباب ناضج و مثقف ومش عايزين او مش قادرين نتكلم فى السياسه

واوعدك يا ادمننا العزيز مفيش شتايم فى حسنى ولا جمال و لا الحزب الوطنى

قلت ايه؟؟؟؟؟؟؟؟؟؟؟

زائر

شكرا على زوقك يا دودو
دكتور محمووووووود ازيك هههههههههه اخيرا اعلنت الاستسلام ورفعت الرايه البيضاء يعنى ماعنتش هاتضايق حد تانى ههههههه لا انا بهزر انت اصلا ماضايقتش حد اولانى لما هتضايق حد تانى
احنا كلنا هنا بنحترمك و يمكن انا قلت الكلام ده قبل كده على الجروب وطبعا كلنا عارفينك انا بتكلم بصيغة الجمع لكن اعتقد ان ده راى الكل
وعامة ده اعتراف علنى منك انك هاتفتح صفحه جديده اهو ومش عايزين حوادث بقى وننسى اللى فات وادى جزاء اللى مايسمع كلمه بوسى تقولها هههههههه
مش بوسى قالتلك سمى وادخل الجروب عشان مش يولع بينا اهو انت ماسمتعش الكلام
وبعدين انا لا ارجح فكرة قسم سيايى لانك مش هاتقدر تعمل الحاجات اللى قلت عليها دى مش هاتقدر تمسك نفسك من كتير البل....................وى.
احلى منتدى واحلى جروب واحلى وقت بنقضيه هنا
[b]

زائر

انا على كده بقى اعمل نفسى غايب كل مده عشان الاقيكو بتجبرو بخاطرى

هههههههههههههههههههههههههههههههههههههههههههه

ربنا يكرمك يا رضوى على الرد الرائع ده

كل ما فى الامر انى لما باخد على حد بكلمه و ارد عليه بتلقائيه وصراحه يعنى اللى بييجى فى بالى بقوله على طول

فاحيانا بتطلع غلاسه شويه مع انى مبكونش قاصد كده

وادينى اهو غيرت اسمى

يبقى كده فتحت صفحه جديده اهو ههههههههههههههههههههههههههه

اظن انتو كده فهمتونى يبقى اكيد هتستحملونى

هههههههههههههههههههههههههههههههههههههههههه

زائر

برده انا مصمم على القسم السياسى

مش علشان حاجه لكن احنا بنشوف الواقع حوالينا و لازم نحلل ونفكر

يعنى اكتب اللى انا عايزه فى الحوار العام؟؟؟؟؟

مسمعتش راى الادمن

اللى بطنه بتوجعه

وبيعانى من مضاعفات علاج فاشل هههههههههههههههههههههههههههههههههههههههههههههههههههههههههههه

زائر

اهلا اهلا اهلا د/ محمود
عودا حميدا نورت بيتك
ربنا يكرمك
والف شكر علي الكلام الكبير ده (بجد كتير علينا )
واتكلم براحتك محدش هيزعل
وميتهيأليش ان كان في حد زعلان من الاول
انا عن نفسي مكنتش زعلانه
وزي ما قولت فعلا الانطباعات مبتبانش هنا فده اللي بيخلي الناس تفهم غلط
بس حصل خير

فتحنا صفحه جديده
وعاملين نيو لوك ( احسن من الاسم الاولاني على فكره )

وياااااااارب كل مشاكلنا تتحل بسهوله كده
شوفتوا بقه تحديد الهدف مهم ازاي
لما الواحد يحدد هدفه من حياته اساسا
بجد عمره ما هيزعل علي اي حاجه الا الحاجات اللي تستاهل بس
واللي بتمس الهدف ده

يااااااااااارب نتجمع دايما على كل خير

زائر

بالنسبه لموضوع قسم سياسي ديه
رأيي من رأي رضوى صعب بصراحه
إلا إذا لو كنت عاوز تكتب براحتك
وبعدين تروح تبلغ عن د/ مصطفى
ده كلام تاني بقه
ههههههههههههههه

زائر

الاهداف لحد دلوقتي

1- التعاون في الخير والحب في الله ( ا/ حسام الهلالي )

2- تبادل المعلومات و الثقافات (نجوى القاضي)

3- الافاده والاستفاده وكمان ناخد بايد بعض للطريق الصح ( د/مصطفى)

5- التفكير في عمل الخير وتنفيذه معا (رضوى قطب)

6- نشجع بعض ونفيد بعض و نستفيد من المواضيع الفظيعه بتاعة رضوى عادل Wink

(رضوى عادل)

7- فعل الخير وعلاقات ونشر الوعي الديني والثقافي (د/محمود)

مين هيقول كمان؟؟؟؟؟؟

زائر

عماد كان نفسه يدخل يتكلم

بس مفيش نت فى البيت الجديد

ده غير انه رايح سفاجا تقريبا دلوقتى او بكره

الله يسهلوووووووووووووووووووووووو

هههههههههههههههههههههههههههههههههههههههههههههههههههههههههههههههههههههه

سلام الله عليكم ورحمته وبركاته
أهلاً بيك يا دكتور محلول ( قصدي محمود ) فريد
بجد احنا بنعتز بيك جداً على المنتدى وربنا يعلم
بس أوعى يغرك كلامي وترجع ريما لعادتها القديمة

بالنسبة لموضوع أهداف اشتراكك في المنتدى .. أنا ملاحظ إنك نسيت أهم وأكبر هدف ليك على المنتدى
وهو إشتغالة الإعضاء وتطفيشهم .. وإوعى تقول لأ .. إنت كتبتها على الجروب القديم بنفسك
ده مجرد تعقيب بس على كلامك
واحنا اتفقنا مفيش زعل ..
يلا اضحك بقى .. هههههههه

أما بالنسبة لإقتراحك بإنشاء قسم سياسي :
أحب أقولك إن احنا جروب متنوع .. ولم نمنع على الإطلاق مناقشة الموضوعات السياسية في إطار محترم
بعيداً عن التنكيل والسب والقذف في حق أي إنسان وليس شخص أو فئة بعينها
عاوز حضرتك تناقش سياسة اتفضل اكتبها في الحوار العام ولو لاحظنا إن فيه مهتمين كتير بالسياسة
هنعمل لها قسم خاص وننقل الموضوعات فيها وده طبعاً لأن مفيش حد طلب هذا الطلب من قبل
و بفكرك تاااااااااااااااني وتااااااااااااااااالت إن ممنوع السب والقذف والتشهير بحق أي شخص هنا على المنتدى
لأن هذا ليس من أهداف المنتدى وأظن أنا قلت لك قبل كده إن إسلوب الحوار والنقاش تعبر عن شخصية الفرد
وافتكر انك زعلت مني بسببها
أخيراً وليس آخراً .. أهلاً بيك وعوداً حميداً مرة أخرى على المنتدى
وكجزأ من رد الجميل هصيحلك على المنتدى وأشكرك على الكشف المجاني بتاعك ليا ووصفك للعلاج المناسب ليا ..
بالرغم إنه مش اشتغل إلا بعد يومين تلاتة فضلت أتألم فيهم .. بس برضه شكرااااااااااااا يا دوك
سلام عليكم

زائر

بمناسبة الاسم الجديد يا دكتور محمود ايه رأيك فى اسم سرنجه هههههههههههههه
وتحط صورة سرنجه بقى كده بس بلاستيك طبعا مش ازاز زى زمان وتعقيم بقى وغليان والكلام ده
انا قلت اقترح عليك يمكن تحب تغير اسمك تانى ولا حاجه

:D :D :D :D

زائر

مصطفى

هو يعنى الدوا ده سحر يا باشا

واحد بيجيب مخلل من عند ابو قوره

طبيعى يتعب براحته ههههههههههههههههههههههههههههههههه

رضوى

والله العظيم فكرت فى اسم سرنجه

شئ غريب جدا

بس محبتش الاسم

حسيت انه هيبقى مؤلم عليكو شويه

ههههههههههههههههههههههههههههههههه

» اقتراح بتغيير شكل المنتدى كله يدخل و يقول رايه
» كل واحد يدخل يعرف صفاته !!! أنت مواليد شهر إيه؟؟؟
» اقتراح ومن الضرورى الجميع يقول رايه في الاقتراح
» مين يقول انا معاكى؟؟؟؟؟؟؟؟؟؟؟
» كله يقول لبوسي كل سنه وانتي طيبه