من كام يوم كده كنت بكلم واحده صاحبتي فبقولها اني بخطط لحاجه
قالتلي وقريتي حاجه عن التخطيط بقه
وادتني فعلا محاضرات حلوه قوووي عن التخطيط
انا لسه بقرأ فيها ياريت تتابعوها معايا
وان شاء الله نستفيد كلنا
د/مصطفى انا معرفتش احط الموضوع ده في اي ساحه
لو في ساحه تنميه بشريه تبقى مناسبه جدا
اولا افتتاحيه عن التخطيط
عارفين ..... إحساس جميل اوووى
وإحساس بالنجاح رااائع اما تكون مظبط حياتك كلها
عارف أنت رايح فين وجي منين
دارس كل خطوة بتخطيها
عارف امتى هتوصل لأهدافك
والله بأه
لما تبقى ماشى في طريقك
مش بتضيع ولا دقيقه ولا ثانيه في حياتك الا وبتستفاد منها وبتضيفلك حاجة
وتلاقى هدية من ربنا فى طريقك
هديه جميلة يكرمك بيها ربنا ويديهالك
ممكن تختصر طريقك كنير
ساعتها بس بتحس بالمعنى الحقيقي للنجاح في الحياة والتوكل على الله
انك تعمل كل اللي عليك
ومن عند ربنا التوفيق
بجد يا جماعه متعه بجد انك تعلو وتسمو فوق كل شئ
تسمو فوق الغضب والحزن والزعل و....و....و.....
وتكون ليك نهج في حياتك عمر ما حد يقدر يكسره أو يخليك تغيره وتبعد عنه
لكن ساعات ممكن تقابلك مشكلة أو عقبه صغيرة
ساعتها ممكن تحس بالانكسار والتراجع
تلاقى أهدافك بترجع لورا
تلاقى أحلامك بدأت توقف
أنت بدأت تقف
لاء ياجماعه لاء
متخلوش حاجة تهزكم ولا تكسركم ابدااااا
خلى دايما الحماس في بالكم
خليكم مقتنعين بقدراتكم وبمواهبكم وأمنوا بيها وانتو هتوصلوا ان شاء الله
ساعات بحس أنى تعبت من كتر مانفسى أكون حد كويس في كل شئ
وألاقى حاجة صغيرة تبوظلى الدنيا
بس قررت أنى مش هقف تانى ومش هتراجع تانى
هفضل ماشيه في طريقي
هفضل مصممه على النجاح
هفضل مقتنعة أنى ممكن أحقق حاجة جامدة لبلدي ولديني
هنبدأ الكورس من جديد
بداية جديدة بحماس وانطلاقه جديدة
هنبتدى ان شاء الله خطوة خطوة
لو جينا نتكلم عن اهميه التخطيط للحياة كبدايه
التخطيط يعتبر ياجماعه من اهم الأمور اللى المفروض نظبتها فى حياتنا ان مكنتش الأولى
لأن تخطيط للحياة معناه انى اعرف طريقى معناه انى اعرف اهدافى ورسالتى ومعناه انى هعرف انا عاوز اروح فين وعاوز اوصل لإيه الخطوات اللى المفروض امشى فيها عشان احقق الحاجة دى واوصلها
بدون تخطيط .... بدون اهداف .... بدون نقطه هتوصل ليها .... بدون حياة
تخيلوا ياجماعه
واحد مش عارف هوا عاوز ايه ومش عارف هيروح فين وملهوش رساله وحلم عايش عشانهم تخيلوا هتبقى حياته عامله ازاى
مجرد عيشه وخلاص بدون اى طموح واحلام بيحاول يوصلها
القصه دى رائعه جدااا كنت قريتها
تخيل انك بتتفرج على ماتش كوورة
تمام ... وتخيل ان المكان بتاع الأجوان دوت مش موجود
تخيلوا الاعيبه هيكون شكلها ايه ؟؟؟؟
ناس بتخبط فى بعضيها وخلاص
لأن مفيش حاجة معينه يحققوها مفيش هدف هيوصلوله
هى دى حياتنا ياجماعه بدون اهداف
صراع لمجرد الصراع
كمان عاوزاكم تتخيلوا حاجة
صورة غرفه متبهدله والورق مرمى فى كل حته والأدراج واقعه وبايظه واللى فيها مرمى على الأرض واخر دمار
وصورة تانيه لغرفه كل درج فى مكانه وكل ورقه فى مكانها وكل حاجة متنظمه ومترتبه
اولا الصورة الأولى الغير منظمه " حسيت بإيه "
عدم ارتياح نفسى
عدم ارتياح بصرى
اما تيجى تحتاج منها حاجة سنه عشان تدور عليها ان لاقتها اصلا
الصورة التانيه المنظمه
ارتياح نفسى وبصرى
سهوله حصولك على اى حاجة تحتاجها لأنك عارف هتلاقيها فين
نفس الكلام ياجماعه على اشخصنا
التخطيط بيظبتلك وبيرتبلك حياتك
بيخليك تحس بتوازن جميل بتعمل كل حاجة انت عاوز تعملها والمفروض تعملها بجد شعور رائعه ورضا عن النفس وارتياح جميل مش هيحسه الا اللى جربه
ياريت تكون دى بدايتنا اننا ناخد النيه فعلاا بالبداية والتخطيط للحياة وتظبيط امورنا كلها والله والله شعور رائع هتحسوا بيه بس الصبر
واهم حاجة زى ماكنا اتكلمنا فى الأول
اهم حاجة التطبيق
كلام على المنتدى او كلام على ورق ملهوش اى لازمه بدون تطبيق عملى
لو فعلا عاوزين نحس بمتعه التغيير
لازم نجرب بنفسنا ونعيد المحاولات مرة واتنين وتلاته
لغايه اما نوصل للى احنا عاوزينه
بإذن الله
موضوع: التخطيط 
الخميس يناير 29, 2009 2:44 pm