الاحتفالية الاولي لمركز الاورام جامعة المنصورة

السلام عليكم ورحمة الله وبركاته
═══════════════════

فى ناس عايشين بيننا .. محتاجيننا جدا .. عمرهم ما طلبوا مننا حاجه .. ولا هايطلبوا

هما دول اللى ربنا (سبحانه وتعالى) قال عليهم :
بسم الله الرحمن الرحيم :"تحسبهم اغنياء من التعفف لا يسألون الناس إلحافا" صدق الله العظيم

للأسف كتير مننا مش حاسين بيهم .. آن الأوان إننا نحس بيهم وبإحتياجاتهم .. حتى من غير ما يطلبوا ..

عارفين الناس دول فين؟ .. فى مركز الاورام فى المنصوره .. الدور العاشر

امهات شايفين اولادهم قدام عينيهم بيموتوا فى اليوم الف مره .. مش عارفين يعملوا لهم ايه؟ .. الضغوط عليهم من كل ناحية ..
الظروف اللى عايشين فيها أرهقتهم ..
عاوزين اللى يقف جنبهم .. عاوزين يلاقوا ايد اتمدت لهم بالخير ..

وأولادهم .. بيتألموا .. فى كل ثانيه مرضهم بيعذبهم ..
محتاجين مننا لمسه حنان .. مش أكتر ..

بجد الناس دول اولى بكل دقيقه من وقتنا ..
تعالوا نقضى معاهم وقت .. ولو حتى قليل ..
بس فى الوقت ده .. نرسم على وجوههم بسمة جميلة.. بسمه طالعة من القلب ..
بسمه قيمتها لا تقدر بمال .. بسمة ندفع عمرنا كله علشان نشوفها تانى ..

تعالوا نعمل لهم ايام ترفيهيه.. حفلات
ننسيهم اى حاجة مؤلمة عاشوها او حسوا بيها ..
تعالوا نخليهم يحسوا بفرحه طالعه من القلب ..

عاوزين كلنا نبقى ايد واحده ..
عاوزين نتفق على حاجه واحده ..
اننا هاندى كل وقتنا وطاقتنا لغيرنا مش هانبخل بأى حاجه من النهارده

هانلعب مع الاطفال ونتشاقى .. نجرى .. نضحك ..
هانعمل لهم مسابقات جميلة ..
هانقضى معاهم وقت هانفضل فاكرينه طول عمرنا ..
هانجيب لهم كمان الادويه اللى هم عاوزينها ..
هانوفر لهم العسل ..
وكمان هانجيب لهم فاكهه وعصائر طبيعيه

ومش بس كده ..
هانقعد مع الامهات .. نواسيهم .. نحاول ننسيهم الحزن اللى جوه قلوبهم على قدما نقدر
هانوعيهم دينيا ونقوى فى نفوسهم املهم فى ربنا

طب هانروح فين علشان نعمل كده؟؟
مركز الاورام جامعه المنصوره : شارع جيهان . بجوار مستشفي الطواري .امام مستشفي الدلتا . بوابة عيادات جيهان
الدور العاشر (اطفال)

-------

طيب وهانكون موجودين هناك امتى؟؟
يوم الجمعه 26/6/2009 الساعه 2 ظهرا
بإذن الله
والتجمع هايكون فى الدور الارضى

-------

طيب والاطفال هايحتاجوا ايه نجيبهولهم؟؟

30 كيلو عسل
فواكه طبيعيه
لبن
زينه وبلالين
العاب وهدايا

--------

Unictam 1500 mg ═══ يونيكتام 1500 مجم فيال
Unictam 750 mg ════ يونيكتام 750 مجم فيال
Hepa-Mer ════════ هيبا ميرز اكياس
Hepa-Merz amp ═════ هيباميرز امبولات
Ursogall ════════ اورسجول شراب
Ursogall 300 ═════ اورسجول 300 كبسول
Sulide ════════ سوليد شراب
Pennel caps ════ بنل كبسول
DDB ═════════ دي دي بي اقراص
Xilone ═════════ زيلون شراب
Solupred ═══════ سوليو بريد
Mepasil ════════ ميباسيل اقراص
hepaticum ═══════هيباتيكم شراب
كانيولات صفراء
كيفاديم 1 جم
كيفاديم 0.5 جم
فورتم 1000 مجم فيال
فورتم 0.500 جم فيال
ابيكوتيل امبول
سيفرون اجم
ايموكس كلاف 312 شراب
نيو يورك

-------

كلنا هانكون هناك ان شاء الله
عاوزينكم كلكم تيجوا تشاركونا فى اليوم ده ..
هانستناكم

للاستفسارات

مسئول اليوم
أ/محمود الخليجى
0108531134

https://www.facebook.com/event.php?eid=48113059959

اتمنى باذن الله ان يكون االزياره تكون على مستوى عالى باذن الله

وجزاكم الله خيرا

ولو فى شىء نقدر نخدم فيه احنا موجودين باذن الله

[/b]

نسأل الله التوفيق لهم ولأي مجموعة تسعى إلى إسعاد وتخفيف آلام مرضى الأورام
ويشرفني أن أكون بصحبتكم في هذا اليوم

» مين هيشاركنا فى زيارتنا لمركز الاورام بالمنصورة
» معا لوضع منظومه عمل لمركز الاورام-مجموعات العمل مفتوحه الان
» فيديو زيارة الاورام اطفال
» زيارة مركز الاورام اطفال
» تقرير عن مهرجان الطفل السعيد مع رسالة المنصورة