دى عينه من اللى بتعمله فى الناس---ولسه الحساب فى الاخر

زائر

السلام عليكم ورحمة الله وبركاته

احنا شعب عاطفى

عاطفى لدرجه العبط والخنوع

تخيلو معايا كده

واحد بيسمح بكرامتك الارضك وظالمك وواخد حقك ومش قادر تطول منه حاجه ولا تاخد حقك منه

وفجاه تعب او ابنه مات

هتزعل وتعيط وتروح تعزى؟؟؟؟؟؟؟؟

باختصار كده اينعم الواد صغير وملحقش يظلم حد والله اعلم

لكن كل يوم فى قلب ام بيتحرق على طفلها بسبب ظلمك وفسادك وافقارك للشعب وخيانتك للامانه

وسرطانك

ده مصر حطمت جميع القواعد الطبيه لدرجة ان اورام الاطفال فيها طفل رضيع عنده لوكيميا

ودى سوابق طبيه تسجل فى مصر بلد الامن والامان ويوسف والى

محمد علاء ليس افضل ولا اعز ولا اغلى من اطفال مصر الفقراء الجوعى المظلومين ساكنى الشوارع

بصراحه شديده انا غير متعاطف

واتمنى ان يزيدهم حزنا بعد حزن

وعلى راى الاغنيه

يا رب كتر احزانه وعلى قد نيته اديله

زائر

السلام عليكم ورحمة الله وبركاته

يا دكتور محمود ما ينفعش نشمت في موت ابدا ديه مش اخلاقنا مهما حصل

وده لا عبط ولا خنوع

الراجل ده حسابه عند ربنا اه زهقنا وتعبنا وعاوزين تغيير

بس لحد هنا ونقف

حياته السياسيه نقول زي ما نقول غلطاته اللي بيغلطها وبنبقى احنا الضحيه نتكلم فيها براحتنا

ولو عاوزين ناخد فيها اي خطوة ايجابيه ده حقنا

لكن لما يحصل موقف زي ده مينفعش نعمل اي حاجه غير اننا نتعاطف

مع اب وام مكلومين ونتعظ وكل واحد فينا يشوف غلطاته

كلنا بنغلط مينفعش اقرر ان ده عقاب من ربنا لبني ادم

وهوه فعلا لا اعز ولا اغلى من اي طفل مصري تاني بس طفل برده وغصب عننا زعلنا ده

وبعدين لو فكرت شويه مش يمكن الابتلاء اللي هوه فيه ده يفوقه

هفكرك بحاجه بس النبي عيه الصلاة والسلام لما رأس النفاق عبد الله ابن أبي ابن سلول مات

النبي عليه الصلاة والسلام كان ايه موقفه

زائر

ليه يا رضوى كل كلامك موجه على انى بشمت فيه

وده مش عقابه --عقابه هناك باذن الله تعالى

انا اللى خهلانى اكتب الموضوع هو حرقة دمى بعد ما شفت القنوات اللى المفروض انها دينيه

حطى نفسك مكانى

لما تلاقى قنوات الكليبات مشغله قران كريم فتقلبى على قنوات الحق والدين تسمعى كلام مفيد تلاقى برنامج المسلمون يتسائلون فى قناة المحور مليان اتصالات الله اعلم بيها ناس عماله تعيط وتدعى للريس ربنا يخفف عنه

حد عيط علشان اطفال الاورام ابناء يوسف والى

حد عيط علشان اطفال الشوارع

حد عيط علشان اطفال الدويقه والصعيد

مش موضوع شماته موضوع اننا من كتر ما استعبدونا عشنا الدور واندمجنا وبقينا بنعمل عبيد حتى من غير ما يطلبو مننا

وده شعب مصر على مر العصور

ال مقبرة غزاه ال

الا ما فى امه فى التاريخ اتعلم عليها زينا من كل شكل ونوع

احنا مصيف للغزاه -مكان يأنتخ فيه الغزاه هههههههههههههههههههههههه

ولسه ياما هنشوف بكره نلاقى ناس بتعيط عليه لما يروح

زائر

سبحان الله

وانا بدور فى صفحتى ع الفيس بوك لقيت التدوينه دى

شوفى الكلام والصور والردود واعرفى ان دى وجهة نظرى المتواضعه بالضبط

https://www.facebook.com/note.php?note_id=87391290473&id=663286331&ref=mf

زائر

ربنا يستر شكلنا هاننقص واحد قريب

زائر

الحمد لله ولا بنخاف

عندى مبادئ

وعندى واسطه

هههههههههههههههههههههههههههههههههههههههههههههههه

سلام الله عليكم ورحمته وبركاته
دكتور محمود فريد
دعني أقول رأيي بصراحة مطلقة
بعيداً عن النفاق
وبعيداً عن الخوف
وبعيداً عن الزعل
أولاً: عنوان موضوعك يحمل في طياته الكثير من الشماتة وإن كنت قد نفيت هذا ولكنني أعلق على الكلام الذي أمامي
أما موضوعك فلم يعجبني شكلاً ومضموناً
ثانياً: لماذا لم تناقش الموضوعات السياسية وملفات الفساد في المنتدى من قبل ؟ ونحن لم نمنع هذا كما تعلم طالما التزمنا بآداب الحوار العام وقواعد وشروط المنتدى المعلنة والتي من أهمها عدم السب والقذف في حق أي شخص سواء كان من الشخصيات العامة أو غير ذلك
ثالثاً: الموت مصيبة وفاجعة على الغني والفقير وعلى الظالم والمظلوم وأنا ضد الظلم بجميع أشكاله ولكنني أتعجب من الذين يستبيحون لأنفسهم أن يشمتوا في مصيبة الموت في حق مسلم آخر حتى وإن كان على معصية وتذكر حديث الرسول صلى الله عليه وسلم الذي علمنا فيه " من كان يؤمن بالله و اليوم اللآخر فليقل خيراً أو ليصمت " فنحن أحوج إلى الصمت عن الشماتة في مثل تلك المواقف على الأقل احتراماً لمشاعر الآخرين الذين لا يزالون على قيد الحياة وفقدوا بعض ذويهم وتقديراً أيضاً لأحزانهم فهم بشر يحزنون مثلنا فلا تشفي في الموت أو المرض فلنقل فقط إنا لله وإنا إليه راجعون ومن الأفضل التفرغ لمشاكلنا وعيوبنا لنصلح ما بأنفسنا أولاً
رابعاً: أتعجب من هذا التصحر والتقشف الذي أصاب مشاعرك دكتور محمود إلى الحد الذي لا ترجو فيه من الله أن يرزقهم الصبر والسلوان !! يا أخي ده الواحد بيزعل على قطة أو كلب ميت في الشارع
خامساً: كلنا أصحاب ذنوب وأخطاء ولا أحد منا يعلم من سيعاقبه الله ومن يدخل الجنة !! وبغض النظر عن أي معاصي نراها فهذا لا يخولنا أن نقرر مدى علاقة الشخص بربه وأن هذا ابتلاء من الله وأنه سيتلقي عقاباً في الآخرة !!
فربما توبة واحدة نصوحة أو عمل صالح تدخل الشخص الجنة وتبقى ذنوبنا نحن في حقهم !! ولا تنسى أن الله غفر لإمرأة بغي ذنوبها لأنها سقت كلب ! وهنا علامة التعجب التي أضعها ليست لأن الله غفر لها ولكن لأن هذا العمل يبدو لنا صغيراً ولكنها حكمة الله ومغفرته الواسعة
سادساً: أرفض وبشدة أن تدعو أيضاً على مسلم وتطلب من الله أن يكثر من أحزانه وتقول في الآخر على رأي الأغنية !! بحسب هتقول على رأي الحديث الفلاني .. الأغاني أصبحت مرجع لنا ولا حول ولا قوة إلا بالله العلي العظيم
سابعاً: كونك غير متعاطف شيئ يخصك ولكنني لم أتوقع منك هذه القسوة وجفاء المشاعر !
ثامناً: أرفض أيضاً قولك على الشعب المصري أنه عاطفي لدرجة العبط والخنوع لأننا شعب ذو معدن أصيل يتجلى أثره في المحن والشدائد والموت كما تعلم من المصائب والشدائد ولا ينزل الموت في قوي إلا وأضعفه
هذا رأيي بصراحة كما تعودت أن أكون هكذا
سلام عليكم

زائر

عن جابر قال كنا مع النبي صلى الله عليه وسلم إذ مرت بنا جنازة فقام لها
فلما ذهبنا لنحمل إذا هي جنازة يهودي فقلنا يا رسول الله إنما هي جنازة
يهودي فقال إن الموت فزع فإذا رأيتم جنازة فقوموا " رواه أبو داود

يا عنى احلفلك علشان تصدقنى؟؟؟؟؟؟

انا من جوايا عايز اشمت بس حرام

فى بعض النقاط هرد عليك فيها باذن الله

1-لماذا لم اناقش ايه؟؟ موضوعات سياسيه من قبل؟؟؟؟؟

مصطفى انت بتهرج هو فى حد غيرى اصلا بيتكلم فى السياسه هنا

ده قبل عصر ظهور نبيل ماهر هههههههههههههههههههههههههههههههههههههههه

2-يا اخى ده الواحد بيزعل على كلب ميت فى الشارع

وهو شعب مصر زعل قوى على كل الكلاب الميته فى مركز الاورام ومستشفى الطوارئ والدويقه والعباره؟؟؟؟؟؟

وهو المفتى الاراجوز فقيه السلطان اللى طلع فى البيت بيتك وقال علاء وهايدى فى الجنه علشان محمد فى الجنه كان متحمس قوى كده لحد تانى؟؟؟؟؟

هو ده لب الموضوع

هذا الطفل ليس اهم من اطفالنا يا د/مصطفى

عايز تقلبها مناحه شعبيه تبقى تتعمل كل يوم على الاطفال اللى بتموت علشان مش لاقيين كيس دم او تمن دوا

3-ارفض ان تدعو على مسلم وتقول على رأى الاغنيه

وهو انت شايف اللى انا كاتبه ده صيغة دعاء ولا تريقه

يعنى انت شايف انى من انصار الاغانى وبستشهد بيها على طول؟؟

يا ريت بلاش اسلوب الاصطياد ده لانى الحمد لله بعرف ارد عليه كويس قوى

زائر

طب نتكلم عن العشرين ألف معتقل سياسي الللي ولادهم جاعوا و ماتوا و اللا الناس الي مش لاقية تاكل و اللا الجوع في مصر .... يجوز الدعاء على الظالم زي ما محمود دعا ... سورة يونس ( و قال موسى ربنا انك آتيت فرعون و ملأه زينة و أموالا في الحياة الدنيا ربنا ليضلوا عن سبيلك ربنا اطمس على أموالهم و اشدد على قلوبهم فلا يؤمنوا حتى يروا العذاب الأليم) و لسة

و لعذاب الآخرة أشد و أبقى

زائر

للأسف في بلاوي الناس مش عارفينها لو عرفوها حيفضلوا يدعوا انهم كلهم يموتو ليل نهار ... عموما دة مثال من ربنا ازاي لما هما بيخلوا الناس يموتوا أو يعذبوهم ... ربنا بيوريهم الذل .... و قال ايه واحدة تتصل بالمذيعة تقولها أنا عارفة محمد علاء كويس دة كان بيحب يعمل خير كتير و طول عمره سباق في عما الخير..... عيل عنده 11 سنة خير ايه اللي عمله .... صباح الفل... الدكتورة رضوى عادل بتقول شكل محمود حيختفي قريب ... أفكرها بقول الشاعر ... إذا لم يكن من الموت بد فمن العار أن تعيش جبانا .... لا حول و لا قوة الا بالله في بلد أصبح كل شعبه خائف مستكين .... ألم يقول رسول الله سيد الشهداء حمزة و رجل قام الى امام جائر فنهاه فقتله ... حديث آخر ... خير الجهاد كلمة حق في وجه امام جائر.... لقد استباحوا الأمانة و أفسدوا مصر و جعلوها أضحوكة للعالم و مأوى للمهمشين و المشردين الذين لا يجيدون الا سب الدين فحسبي الله فيهم جميعا ... و أسأل الله أن يأخذهم أخذ عاد و إرم

زائر

السلام عليكم ورحمة الله وبركاته

انا بصراحه مش عاوزه ادخل في جدال معاكو انتو الاتنين ما شاء الله مثقفين جدا

ربنا يبارك فيكوا

واحنا متكلمناش عن الدعاء عاوز تدعي ادعي ديه حاجه ترجعلك

بس على حد علمي ان الشماته لا تجوز

ولو كانت تجوز كان احق واحد بيها النبي عليه الصلاة والسلام كانوا أعدائه اد ايه برده على حد علمي المتواضع

ما قابلنيش اي موقف فيه النبي صلى الله عليه وسلم شمت في اي حد

لكن المواقف اللي عكس ده كتير جدااااااااااا

عن واثلة بن الأسقع -رضي اللهُ عنه- قال: قال رسول الله -صلى الله عليه وسلم-: ((لا تظهر الشماتة بأخيك فيعافيه الله ويبتليك)).

زائر

عيل عنده 11 سنة خير ايه اللي عمله

ايه المشكله يعني لما يكون عمل خير حتى لو اصغر من كده

ده خلاص تحت التراب بعيد عن الدنيا وصراعاتها اللي مكانش له فيها اصلا مش من حقنا اننا نقول في حقه كلمه الا بالخير

زائر

يا جدعان متخلونيش اشك فى ذكائكم

انا متكلمتش خالص عن الطقل

الرساله كلها موجهه لجده وللشعب العاشق للفرعون

فاستخف قومه فأطاعوه

زائر

وبعد كده اللى هيقول شماته مش هرد عليه لانه مبيعرفش يقرا عربى

زائر

السلام عيكم ورحمة الله وبركاته

د/محمود

الردود ديه مكانتش ليك على فكره و لو ركزت هتلاقيني عامله كوبي وباست لاجزاء من ردود ا/نبيل

انا فهمت خلاص انت تقصد ايه بغض النظر عن عنوان الموضوع اللي ميدلش ابدا على اللي حضرتك تقصده

زائر

الدكتورة
رضوى عادل بتقول شكل محمود حيختفي قريب ... أفكرها بقول الشاعر ... إذا لم
يكن من الموت بد فمن العار أن تعيش جبانا .... لا حول و لا قوة الا بالله
في بلد أصبح كل شعبه خائف مستكين
مين بقى اللى جبان يا استاذ نبيل ؟؟؟

السلام عليكم ورحمة الله وبركاته

د/ محمود فريد
وهو شعب مصر زعل قوى على كل الكلاب الميته فى مركز الاورام ومستشفى الطوارئ والدويقه والعباره؟؟؟؟؟؟
مين قالك إن احنا مش بنزعل وبنتأثر بيهم ؟

لكن في إيدينا نعمل إيه علشان نبقى إيجابيين ؟

وبعدين أنا مش من إسلوبي أصطياد الأخطاء لأني ببساطة جداً مع احترامي لك مش فاضي وعندي ما هو أهم من ذلك

وبعد كده اللى هيقول شماته مش هرد عليه لانه مبيعرفش يقرا عربى
طيب ياريت بقى يا دكتور محمود تنسخ كلامك ده
وتروح عند حد ضليع في اللغة العربية ويكون بيفهم كويس وبيعرف يقرا لغة عربية مش زينا
وتقوله إيه اللي يتفهم من الكلام ده وتبقى تيجي تقولنا قالك إيه ؟

أ/ نبيل
مش معنى إن احنا مختلفين في الرأي يبقى احنا جبناء ؟؟؟
وكمان انت راجل مثقف وبتفهم ياريت تبقى تفرق بين الهزار والجد
وياريت كلامك بعد كده لا يحتوي ضمنياً أو ظاهرياً على أي إساءة لأي عضو

وأخيراً
ممنوع الإساءة أو التهكم أو السخرية من آراء ومعتقدات الآخرين كالأعضاء وغيرهم
ويكون النقاش حول أي موضوع في إطار الإحترام المتبادل بين الأعضاء
وإلا ملوش لازمة النقاش
" ما يلفظ من قول إلا لديه رقيب عتيد "

زائر

لا لا لا يا دكتورة رضوى .... أنتي فهمتي الأمر خطأ انتي و مصطفى .... أنا لم ألمح و لم أصرح و لم أغمز و لم ألمز و لم يكن ذاك قصدي البتة انما سقت الحوار وفقا لتداعيات السياق العام للحديث ... لم أكن أقصدك بالطبع و إن كنت تعتقدين ذلك فأنا جد آسف .... و الله العظيم ما أقصدك و لا أقصد الإساءة لأي عضو في المنتدى ... كله كلام عام لا يتجاوز الرأي .... اعذريني إن كنت فهمتي الأمر خطأ .... أنا آاااااااااااااااااااااااااااااااااااسف .... آسف بجد ... و أرجو إن ما يكونشي حد زعل مني رجاء ....

زائر

ههههههههههههههههههههههههههههههههههههههه

بجد يا مصطفى انت مش طبيعى

ربنا يخليهوملك

هههههههههههههههههههههههههههههههههههههههه

ماشى يا سيدى عارفين انك مش فاضيلى وراك مستشفتك الخاصه والعيادات والعيال وامهم وحماتهم

ولما انت مش فاضى بترد ليه؟؟؟؟

وطبعا كلكو اسأتو الظن بنبيل اللى عمره ما غلط فى حد

بجد احيى نيل على هذا الاعتذار المهذب جدا

زائر

مصطفى قعد يلعب فى سمعتى لحد ما بقت سالب 3

ويقولك مش فاضى

نياهاهاهاهاها

زائر

لا يا أ/ نبيل الموضوع مش محتاج كل الاعتذارات دى
ألف شكر على زوقك والله
انا ماكنتش عايزه غير انك توضح كلامك
وانا مش عادتى انى اظن سوء فى حد يا د/ محمود قبل ما أتأكد
كلامك كله صح يا بوسى
جزاكى الله خيرا
ويمكن ده السبب اللى خلانى ما اقولش رأى فى الموضوع لانى حسيت اننا بنحاول نقنع بعض فى منقشاتنا مش بنحاول نعرض وجهات نظرنا وبس
يا ريت فعلا نقدر نحقق المستوى ده من النقاش الحضارى ودى تبقى حاجه جميله قوى فينا

زائر

أشكرك يا دكتورة رضوى على تقبل أسفي و اعتذاري و قد سعدت بهذا و لم أكن أقصد الإساءة و في النهاية كلنا إخوة في عمل الخير و كلنا روح واحدة و هدف واحد .... بالنسبة لموضوع الطفل يا بوسي محمد علاء ,,, نحن نلمح نوعا من contrast or contradiction تناقض في الكلام المنشور في الجرائد و الكلام الذي قيل في وسائل الإعلام المرئية على سبيل المجاملة .... الجرائد تقول أن الولد كان في مدرسة لغات و بيمثل في المسارح و بيشجع نادي برشلونة زيي أنا و الدكتور محمود ...هههههههه.... بس في المجاملات يقال إنه كان سباق في عمل الخير و خدمة الفقراء و .... هنا .... يتداعى سؤال مهم إلى مخيلتي .... إذا كانت الأسرة الحاكمة منعزلة عن جماهير الشعب و كل حياتها سفريات و مشاوير و بيزنس فكيف يستطيع هذا الطفل الالتحام بالجماهير الفقيرة التي أعتقد أنه ما اختلط بها مطلقا لأنه في مدرسة لغات بمصر الجديدة و يسري عليه قانون الحماية الملكية ( الحراسة الشخصية ) سريانها على عمه و جده و إن كنت أعتقد أنها لا تسري على والده ... يعني من الممكن أن نقول أنه كان مثلا يعطي عمتو سنية بتاعة النظافة عشرة جنيه و عم زكي الزبال 10 جنيه و هكذا .... أما أن يتم استغلال ذلك من أجل صنع show إعلامي لشخص فارق دنيانا تزلفا و تملقا في الأسرة الحاكمة فذاك مما لا يقبل من أحد لأنه من قبيل الدعاية الرخيصة الجوفاء الجافة الحمقاء.... طبعا كان هناك من يعملون الخير و هم صغار ... من الصحابة العبادلة الأربعة لأنهم أسلموا في العاشرة تقريبا باستثناء ابن عباس الذي ولد مسلما .... و لا أعترض على كلامك يا بوسي و لكني أحاول استجلاء ما قد يخفى عليك من سفه الإعلام و تزلفه الممقوت .... هذا هو بيت القصيد و شكرا

السلام عليكم ورحمة الله وبركاته

د/ محمود فريد
مش معنى إني مختلف معاك في وجهة النظر ابقى مش طبيعي
ولو وافقتك ابقى كده طبيعي
مبدأ غريب فعلاً
إيه اللي مش طبيعي فيا ممكن تقولي علشان استفيد منك ؟؟؟
ولو سمحت بلاش تريقة في الحوار وتقولي ربنا يخليهمولي وعياداتك ومستشفتك والعيال والكلام الفاضي ده
وبالنسبة للسمعة بلاش تسيئ الظن فيا
وحتى لو أنا اللي عملت كده
ده أوبشن في المنتدى
يعني حاجة عادية
الموضوع اللي يعجبك صوت بالموجب
واللي مش يعجبك صوت بالسالب
وأعتقد إنه من حقك انت كمان تعمل كده
وده مؤشر لينا إلى حد ما المفروض نستفيد بيه
مش نتريق عليه
انا اقفصد الادمن الزعيم اللى كل شويه يلزقلنا قانون من قوانين المنتدى ويفسر كل كلمه وكل حرف على انه تجاوز
ياريت يا د/ محمود تهدى شوية ومش معنلى إننا أصحاب تسوء فيها
مالها القوانين بتاع المنتدى ؟؟
الكلام فعلاً بيبقى ملوش إلا المعنى ده
وأحياناً بيحتاج توضيح من اللي كاتبه
بص يا د/ محمود أنا مش هقولك زي بوسي كفاية كده
لا
هقولك عاوز تتكلم إتكلم براحتك
بس بلاش تريقة وبلاش سخرية وبلاش نبعد عن الموضوع
وياريت مش تستفزني تاني
لأني بجد مش عاوز أرد تاني على الموضوع ده
وحاول تتنزه عن الصغائر شوية
وتركز في الأهم

أ/ نبيل
أنا فهمت الكلام بتاعك زي ما فهمته الدكتورة رضوى
وشكراً على التوضيح
وبالنسبة ليا أنا مش محتاج اعتذار لأن الموضوع مش يخصني أنا بالإسم
لكن شفت إن من دوري أن أتدخل في أي مشكلة هنا على المنتدى
وربنا مش يجيب مشاكل بعد كده

زائر

شكرا ليك يا نبيل على التوضيح وعلى اسلوبك الراقى فى المناقشة
وجزاك الله خيرا كثيرا

زائر

خلاص يا بوسي كبري دماغك مش مهم الكلام دة خلاص .... عموما اهم حاجة نفضل اخوات كلنا و انا بالنسبة ليا بقدر ارائك جدا و بحترم وجهات نظرك .... الدكتور محمود بيحب يهزر و متهيألي و دة بصراحة شيء معرفوش بس من منطلق خبرتي في الحياة بقول انك من النوع اللي بيتعصب بسرعة و الدكتور محمود لو في حد عصبي مش حيستحمله خالص ...عموما حولي طاقة الغضب السلبية لطاقة ايجابية و من جواك تحلي بالمسامحة و ضبط النفس ... خديها نصيحة من اخ كبير ليكي ... في النهاية كلنا اخوات و مش عايزك تزعلي من حد و هوني عليك و الصبر ثم الصبر ثم الصبر و تذكري حديث الرسول الكريم 0 ما اعطي احد عطاء اوسع من الصبر.... عايزك تفكري بهدوء و تروي ثم تستخرجي القرار الذي ستسامحي به و تهدئي اعصابك و تعودي كبيرة القلب كما انت لا تغضبين و الا تتعصبين ... بس كدة يا بوسي عشان خاطر اخوك نبيل

» قطار الخير وصل العريش يا شباب ولسه اسوان وغيرها باذن الله ... هااام جداا
» إذا جاوبت خطأ على هذا السؤال...معناه انت نسان طبيعي ومش محتاج طبيب نفسي
» مين اللى لازم يتغير؟!!!
» بعض الناس
» أنت مين من الناس دى