مسابقة رسالة اجا وجايزتها عمرة

زائر

زى ماانتو عارفين احنا فى رسالة عاملين حملة لتجميع التبرعات عشان دار رسالة اللى هيكون فيها الانشطة اللى جاية

كفالة ايتام _ مستشفى خيرى _ دار ذوى احتياجات خاصة _ دار للمكفوفين _ حضانة رسالة _ معرض ملابس دائم _ صيدلية رسالة _ بيت ضيافة للمسننين _ مركز دروس تقوية _ وغيره من انشطة تدر دخل يحقق استقرار للانشطة

بالاضافة لمكان ادارى ومكان للانشطة التى تقدمها الجمعية من مساعدات غذائية وقوافل وملابس ومعارض وتسديد ديون وترميم منازل وتجهيز عرائسومخازن للتبرعات وغيره الكثير بفضل الله

كان كل حلمنا شقة صغيره بس الحمد لله الاسر اللى بنساعدها شهريا زادت على 3000 اسرة والمكان هيفر ايجارات وهيوفر مصاريف كتير بل بالعكس _ حلوة بل دى _ هيوفر دخل كمان من المشاريع والحضانة والمستشفى وغيره مما يساعد فى توفير مساعدات لعدد اكبر كما وكيفا _ ايه الثقافة دى ؟ _

طيب احنا مالنا ؟؟

عيب السؤال دة اذا كان الرسالاوية مالهم ؟ يبقى مين اللى له ؟

الموضوع انه فيه معانا واحد متبرع كان هيتبرع بمبلغ للمبنى بس تراجع شوفتوا بقا ؟؟ عارفين تراجع ليه ؟؟ عشان حابب ياخد ثواب اكبر وده حسب نيته اقترح ايه ؟؟

الفلوس اللى كان هيتبرع بها للمبنى بردو هتكون للمبنى بس هتكون عبارة عن جايزة للى يجمع تبرعات اكتر نعمل مسابقه واللى يجمع يطلع العمرة .. طبعا فيه تساؤلات كتير هنجاوب على بعضها حالا والباقى تحت امركم

المسابقة هتكون من مرحلتين

المرحلة الاولى هى تسجيل الاسماء ( الاشتراك فى المسابقة ) ودى مش هتكون بتسجيل الاسماء وانما هتكون بتوفير تبرعات عبارة عن 1000 جنيه

ودى من اليوم 15/4/2009 وحتى 15/5/2009

المرحلة الثانية ودى من يوم 16/5/2009 وحتى 30/7/2009 ويتم اعلان النتيجة مباشرة ودى هيكون الفائز فيها من يقوم بجمع اكبر مبلغ من التبرعات بحد ادنى 5000

يعنى ايه ؟؟

** ملاحظات وحركات عشان تساعدنا فى الفوز ان شاء الله

نقول ببساطه فى حياتنا انا مثلا مااقدرش اوفر 1000 ج فى شهر لى شخصيا لكن اقدر انى اجمع 1000 تبرع للناس المحتاجه وده هيكون طووووال شهر كامل

بعد ال 1000 جنيه مااجمعه اكون كدا ضمنت انى موجود بالمسابقة وابدأ اجمع وهنعلن النتايج دوريا كل اسبوع على الاقل ان شاء الله عشان الناس تعرف المستويات اللى بيوصل ليها المتنافسين

تبدأ بعد كدا مرحلة تانيه وهى من نص خمسه لاخر سبعه ودى اللى يجمع فيها اكتر يفوز

طيب يبقى انا هتعب واشتغل وغيري يفوز ؟؟ اولا العمرة دى رزق _ مش مصطفى رزق _ يعنى اللى فاكر نفسه مش هيفوز مادخلش فى علم ربنا واعتقد اننا كلنا فى رسالة وعارفين اننا لما بنسعى فى الخير ربنا بيكرمنا فوق مانتخيل

ثانيا فيه متبرع حالا بجايزة عمرة واحدة ووانا بكتب الان فيه متبرع تانى ب 10 جوايز قيمة جدااااااااااااا للعشرة بعد الاول

ثالثا فيه متبرع صاحبى وصاحبكم ع المنتدى اتبرع بنص تكاليف عمرة كمان

شوفتى ربنا وكرمه لسه ماعملتوش حاجه والخير اللى ليكم بيكتر طيب لما تعملوا ايه اللى هيحصل ؟؟

يبقى عندنا دلوقتى الجوايز الاساسية الاول عمرة ومن التانى للحداشر جوايز قيمة جدا وكمان نص عمرة يعنى ايه نص عمرة يعنى ربنا كريم وتكمل يبقى عمرتين

طيب العمرة لمين ؟؟ انا بنت وكدا كدا مش هينفع اطلع ؟؟ او انا قادر اطلع ومش عاوز مسابقات او او او هنرد على كل ده

الجايزة من حق الفايز يتبرع بها للى يحب يعنى ممكن تطلع والدك او والدتك او حد تحبه زىى انا والناس المقتدرة او اللى طلعت ممكن تطلع حد محتاج من الاسر اللى تعرفها او حد عزيز عليك

الناس دى كلها تستاهل التعب اللى هنتعبه ؟؟ اعتقد كلكم عارفين الاجابة

حاجه تانية واحد زى ربيع شايف نفسه يقدر يفوز ويجمع تبرعات وناس تانية زى السباعى ومحمود حنفى وحموده شايفين انهم مايقدروش ف هيكسلوا بنقول لهم حاجتين الاولى

انكم ممكن تجمع كلكم فى مجموعة واحدة باسم حد منكم زى السباعى مثلا ولما تفوزوا فيه حلول كتير تطلعو حد منكم ؟؟ او تطلعوا حد تتفقوا عليه او تطلعوا حد محتاج او تهدوها لى انا

الحاجه التانية ودى لكل المتطوعين والعاااات

انتو نسيتو دى ايه ؟؟؟ دى الجايزة الاكبر مش العمرة والجايزة دى هتكون لكل المشتركين وهى انكم بتبنو رسالة بتعملوا لنفسكم ولاهلكم صدقة جارية وكلنا عارفين يعنى ايه الصدقة الجارية

زائر

دى بعض تفاصيل المسابقة او الملامح الرئيسية

عاوزين اى استفسار اى اضافة اى تبرع انا تحت امركم فى اى وقت

** هنوفر ايصالات التبرع لاى مكان ان شاء الله لمن سيحتاجها رقم حسابنا ف بنك مصر فرع اجا 10373

تليفونات الجمعية 0506443424 0102668550 0103678103 0111955558

بجد فكرة عبقرية يا أحمد يا حسن

بجد عليكم شوية أفكار عبقرية
ربنا يوفقكم
طيب واللي يدعيلكم ملوش جوايز عمرة ؟؟؟

زائر

اكيد الموضوع ده منقول من منتدى خاص بيكم صح؟؟؟؟؟؟؟؟

عندى اسئله كتير لكن اهمها حاليا

1-هل التبرعات دى لصالح دار رسالة المنصوره ام رسالة اجا

2-يعنى ايه اجمع 5000 جنيه واطلع عمره

طب منا ممكن اديلك من جيبى وحالا 5000 جنيه وابقى كسبت واطلع عمره على حساب المتبرع وهى اصلا بتتكلف اكتر من 5000

يا ريت توضيح اكتر من فضلك يا احمد باشا

يا حاج محمود
الفلوس دي لرسالة أجا دي عاوزة سؤال برضه ؟؟؟
ده انت بيطلع منك فلتات غريبة كده

وال 5000 جنيه دول حد أدنى للحصول على الجايزة
يعني مثلاً لو واحد جمع 2000 وواحد تاني 3000 وتالت جمع 4000 مفيش حد هياخد الجايزة
وطبعاً اللي هياخد الجايزة دي اللي هيجمع فلوس أكتر
وبجد بجد الفكرة عبقرية جداً من المتبرع بالجايزة لإنه هيكون السبب في تجميع الفلوس دي كلها
وثوابه كبير إن شاء الله عند ربنا

زائر

تم مد المرحلة الاولى من المسابقه ل 30/5/2009 وربنا كريم

» فاكرين مسابقة الفروع ؟؟
» مسابقة الموضوع المميز
» مسابقة اجمل تعليق على الصوره
» رسالة من اب و ام
» رسالة قويـــــــــة