مش هنقف لحد كدة..هنكمل يوم الاتنين مع جروب عاوز اعمل خير

مين فيكم فاكر
جمال ياسمين و خفه دم عاطف

مين فاكر
ابتسامه ايمن و وشقاوه محمود

مين فاكر
حكاوي خيالات كريم مع العربيه الاحمره و المركبه اللى ماشيه فى النيل

مين فاكر غيرهم وغيرهم

الله يرحمهم ويصبر اهلهم جميعا
طبعا اللى كان معاهم عمره ما انساهم

دول اطفال روحنا عرفناهم واتعرفنا عليهم
قدرنا بفضل الله سبحانه وتعالى
نرسم ولو بسمه بسيطه على ملامحهم
قدرنا نوفر ليهم علبه دواء يمكن كانت السبب فى انها تخفف عنهم شويه من الامهم
قدرنا نخفف شويه من معاناه اهاليهم ونخرجهم برا جو الاكتئاب اللى عايشين فيه طول اليوم

طيب و بعدين
هنقف لحد هنا ؟!
اكيد لاء
لان فى لسه اطفال هناك كتير محتاجين لينا
وفي امهات هناك بتبكي كل يوم بدموع قلبها على ابنها اللى بيضيع قدام عنيها
الناس دي بتستنانا
محتاجين لوجودنا جمبهم
محتاجين لمساعدتكم
ولو حتى بمجرد الدعاء وانت فى مكانك

----

باذن الله هنعمل للاطفال دول حفله بسيطه نلعب معاهم ونضحك
نعمل مسابقات ونقول نكت وفوازير
صدقوني مش الاطفال بس اللى بيستمتعوا
احنا كمان كناس كبيره بنستمتع كتير اوي
واليوم اللى بنقضيه معاهم عمرنا ما بننساه

الحفلة بعد بكرة يوم الاتنين 4 مايو 2009
الساعة 10:30 صباحا
ان شاءالله

تفاصيل الحفلة هنا
https://www.facebook.com/event.php?eid=87845641666

باذن الله تبقى الحفله دى بدايه لتعاون واخوه فى الله بيننا وبين الجروب الجميل الخاص با/محمود الخليجى