الناس اللي مبنحبهمش

زائر

مين الناس اللي ما بنحبهمش

ناس معينة الواحد بيتضايق منهم و بيتخنق ع الآخر و دي وجهة نظر شخصية و يا ريت تدولي وجهات نظركم

أولا:- الإنسان اللي بيحب يتريق على واحد قدام الناس عشان يضحك الناس عليه و قد قال رسول الله( أربى الربا أن يستطيل المرء في عرض أخيه) . بمعنى ان الاشتغالات دي حرااااااااااااااااام قاطع

ثانيا:- الانسان اللي بيحب يكذب كتير و لما تواجهه بالحقيقة تأخذه العزة بالاثم و يقولك انا كلامي صح

ثالثا:- الانسان البخيل على غيره و على نفسه اللي مبيحبش يصرف فلوس غير بالقطارة و دي طائفة انتشرت بعد الفقر اللي عم مصر

رابعا:- الانسان المتعالي اللي ما بيحترمشي الناس الا على حسب اجتماعياتهم ... يعني يقول للظابط يا باشا و للطبيب يا دوك أما عم عبده الزبال بيبصله باحتقار و قرف ( و الانسان يحترم لذاته لا لمكانته الاجتماعية) لان طالما الانسان محترم لازم نحترمه غصب عننا

خامسا:- الانسان اللا مبالي بأي شيء و انا قابلت من عينة طنش و كبر دي كتير و طلبت من كتير منهم الانضمام لرسالة فكانت ردودهم الضحك بسخرية أو التأليس

سادسا:- الانسان السريع الغضب اللي بيدعي انه ما بيعرفشي يمسك أعصابه خالص. وقد قال الرسول( انما الحلم بالتحلم) يعني ممكن نمسك أعصابنا بالتعود لكن المستمر في غضبه و عصبيته و بيقولك دي طبيعتي من الآخر دة قليل الأدب.

سابعا:- الانسان البارد اللي بيحب يستفز الآخرين عامدا متعمدا و متشفي فيهم بغل و حقد و بيحسد جميع الناس دة فاشل بيحقد علىت نجاح الآخرين

زائر

للاسف كل الكلام دة فعلا موجود حولينا من الناس.. سواء البخيل و دة امر سىء جداااااا بكرهوا فى الانسان سواء كان عندوا لا مبالاه بيكون بارد فى تصرفاتوا.. او الانسان المتعالى و دة فعلا بقى كتير اوى و للاسف بيظهروا نفسهم و بيحترموهم اوى علشان مصالحهم و الناس البسيطة المحترمة يستهزؤوا بيهم لان معندهم ليهم مصلحة و انا شفت من دة كتيير .... و كل واحد معتقد انوا صح الى بيصدر منوا دة مش غلط...
ربنا يهديهم يارب ...

زائر

الانسان البارد اللي بيحب يستفز الآخرين عامدا متعمدا و متشفي فيهم بغل و حقد و
بيحسد جميع الناس دة فاشل بيحقد على نجاح الآخرين الانسان ده بيضايقنى جدا لكن مش بيوصل عندي لدرجه انى اكرهه لا ممكن يستفزنى بس
جزاك الله خيرا

زائر

تصدق ان فيه ناس بتجتمع فيها الصفات دى

بس فى بعض الصفات ممكن تتعايش معاها او تعدلها بالنصيحه زى اللى بيتتريق او البخيل

زائر

اه كله الا البخييييييييييل والبارد افظع شخصيه ممكن الواحد يتعامل معاها هى البخيل لدرجة ان فى ناس بخلها بيوصل للبخل حتى فى عواطفهم حتى مع اقرب الناس ليهم

اما البارد دا فممكن كتر التعامل معاه يجيبلك الضغط وانت واقف بتتكلم معاه يبقى انتى هتموت من الغيظ وهوا ولا فى دماغه الدنيا باللى فيها

» اعرف شخصية اللي امامك
» اللي عطشاااان يدخل هنا!!!!!!!!!!!!1
» بعض الناس
» أنت مين من الناس دى
» الا قولى يا افندم حضترك .....!!! جمييييييله