حملة الرد علي حجج الغير محجبات

حملة الرد علي حجج الغير محجبات

على الرغم من وجود الكثير من الفتيات الملتزمات ذوات الدين والايمان والتقوى الا ان ظاهرة عدم ارتداء الحجاب ( التبرج ) اصبحت من الظواهر المتفشية المنتشرة فى المجتمع الاسلامى وللاسف اوشكت على ان تكون سمة من سماته على الرغم من وجود الزى الاسلامى وعلم الفتيات بذلك .. وللاسف تلجا الفتيات الى تبرير عدم ارتدائهن للحجاب بحجج واهية حتى يفتحوا لانفسهم بابا للسعى وراء اهوائهن والزحف خلف ملذات الحياة

حملة الرد علي حجج الغير محجبات 17978_243248531797_166172346797_4150176_4683836_n

حملة الرد علي حجج الغير محجبات

الحجة الأولي

"أنا هتحجب بس لما اقتنع الأول "ـ

الحجة دي يمكن الأغلبية العظمي بيستخدمها من البنات الغير محجبات ومش هقول المتبرجات عشان محدش منهم يزعل مننا ويقول إننا كده بنخليهم ينفروا من الإستماع

في الحجة دي قال الداعية سلمان مندني كلمتين حلوين قوي

قال : إن الإقتناع قضية سببيه .. الإنسان دايما بيدور علي دافع يخليه يقبل الموضوع علي ذهنه ، فلو إقتنع الإنسان يميل ناحية الموضوع من غير تردد ولا
تأجيل ، وقال إن الإقتناع قوة بإيد الإنسان مننا هو بيقدر يتحكم فيها

قال كمان : إن آيات الله تبارك وتعالى ، وأحاديث رسوله صلى الله عليه وآله وسلم لما تيجي في أي قضية أو أي موضوع مطروح تقطع أي قول لأي شخص من غير تفكير ولا إختيار ولا تردد يقول الله سبحانه وتعالي ( وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا )[الأحزاب: 36].ـ

فلو أصر الإنسان علي الجدل بعد كده مش هيكون الجدل هنا غير رفض لآوامر الله سبحانه وتعالي بحجة التفكير والحرية في إتخاذ القرارات

هنا إحنا هنسألها اللي مش لابسة الحجاب ومحتاجه تقتنع دي سؤالين

الأول : إنتي أصلاً مقتنعه بصحة دين الإسلام ؟

طبيعي هتقول ايوة لإنها بتقول " لا إله إلا الله " وده يعتبر إنها مقتنعه بعقيدة الإسلام وبتقول كمان " محمد رسول الله " وده يعتبر إنها مقتنعه بشريعة الإسلام بكده يبقي هي مقتنعه بالإسلام عقيدة وشريعة

الثاني : تفتكري الحجاب من شريعة الإسلام وواجب علي كل واحده مسلمة؟

لو الأخت دي أخلصت البحث .. ودورت كواحده فعلاً عايزة تعرف الحقيقة هتقول
وقتها ايوة الحجاب من شريعة الإسلام .. لإن الحجاب موجود في القرآن الكريم وموجود في السنة وكمان لعن الرسول المتبرجات

لكن أصلاً معظم النوع ده من البنات مبيحبش يدور ولا يعرف .. عشان يفضل مموت ضميره ويكون راضي عن اللي بيعمله

يتسمي إيه اللي مقتنع بصحة الإسلام ومبيعملش اللي أمره بيه ربنا سبحانه وتعالي ورسوله العظيم صلي الله عليه وسلم ؟

عموما النوع ده مبيكونش مدرج من اللي قال فيهم ربنا سبحانه وتعالي ( إنَّمَا كَانَ قَوْلَ المُؤْمِنِينَ إذَا دُعُوا إلَى اللَّهِ وَرَسُولِهِ لِيَحْكُمَ بَيْنَهُمْ أَن يَقُولُوا سَمِعْنَا وَأَطَعْنَا وَأُوْلَئِكَ هُمُ المُفْلِحُونَ)) [النور: 51].ـ

خلاصة الموضوع : يا أختي لو إنتي مقتنعه بالإسلام إزاي إنتي مش مقتنعه بأوامره؟

حملة الرد علي حجج الغير محجبات 20678_256478266797_166172346797_4233657_722434_n

حملة الرد علي حجج الغير محجبات

الحجة الثانية

(أنا هتحجب بس لما أكبر)

النوع التاني من الحجج اللي لما تنهي بنت انها تلبس مش كويس وانها تلبس الحجاب او أي حاجه خاصة بالدين تقول انا هتحجب او أنا هصلي او او او .. بس لما أكبر .. انا عايزه اتمتع بشبابي وبالدنيا انا هالزم نفسي ليه من دلوقتي .. الأيام لسه طويلة للصلاة والحجاب وغيره.

فدي نقولها ..

إنتي أصلاً تعرفي إن ربنا هيديلك فرصة لحد ما تكبري ؟

وتفتكري إن فترة الشباب دي رخصة او فترة معموله عشان نعصي فيها ربنا وعشان متعة حرام ؟

إنتي ضمنتي منين إنك تعيشي لحد ما إنتي عايزة عشان تأجلي الطاعة والإلتزام بالحجاب وأمور الدين للوقت ده وعماله تعملي ذنوب دلوقتي؟

إنتي مشوفتيش إن الموت مبيفرقش بين كبير وصغير ؟

إنتي مشوفتيش إن فيه أصلا أطفال بيتولدوا ميتين قبل ما يشوف الدنيا خالص ؟

ده أجل وإتحدد من قبل الله سبحانه وتعالي اللي قال :
(وَلِكُلِّ أُمَّةٍ أَجَلٌ فَإِذَا جَاء أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ ) الأعراف/34.

وحتي لو ربنا مد في أجلك إمتي هتتوبي ؟

إنتي متعرفيش إن التوبة من شروطها العمل الصالح اللي هو عكس العمل السئ اللي انتي كنتي عليه وهو ترك الحجاب ؟

إنتي متعرفيش إن ترك الحجاب بيعمل تأثيره السلبي علي المجتمع واللي حواليكي في فترة محددة من العمر وهي فترة الشباب ؟

وإنتي لما تكبري وجمالك يروح وتبقي كبيرة .. إنتي وقتها أصلاً مش هتكوني بتغري الرجال .. ينفع واحد كان بيشتم وبيسب الدين يتوب عن الشتيمة والكلام الجارح لما يبقة أخرس ؟

يا أختي اتحجبي وإنتي صغيرة .. توبي عن المعصية .. ربنا هيسألك شبابك عملتي بيه إيه .يا أختي متنسيش ربنا فربنا ينساكي ويطردك من رحمته في الدنيا والآخرة.

حملة الرد علي حجج الغير محجبات 20478_299665561797_166172346797_4433206_7268112_n

حملة الرد علي حجج الغير محجبات

الحجة الثالثة

"أنا لو إتحجبت محدش هيجي يخطبني ، هتحجب لما اتجوز"

ده نوع كمان من الحجج اللي بتتحجج بيها بعض البنات دلوقتي وده إن كانت أصلاً بتعلن وتقول السبب ده ، لإن فيهم بيكونوا بيفكروا كده ويجبوها في أسباب تانية او حجج تانية.

تبدأ البنت تزين نفسها وتعمل في وشها وجسمها البدع زي ما بنقول بالمصري ، وده إن كان بـقة عن طريق فول ميك أب او لبس ضيق او ترقيق حواجب بشكل ملفت ، او أصلا تشيلهم خالص وترسمهم ( يا فرحتي بيها )

وتبدأ تعرض نفسها في سوق الرجالة عشان تجذب اللي يحب يشيل البضاعة ، وتعمل المستحيل وكل حاجه تقدر عليها عشان توقع حد منهم ، ويمكن كمان واحد بعد ما يقع ويكون عايز يكلمها بس او يتعرف عليها ويقضي يومين تبدأ تمارس حيل البنات اللي معروفة ، شوية رقة وشوية دلع والكلام الفاضي ده عشان تشوقه لأكثر من كده وتعرفه إن ده كله مش هيجي غير بالجواز. وطبعاً الأمثلة كتير واحنا عارفين كويس كل الحكاوي دي.

دي هنقولها كلمتين

إنتي نزلتي بنفسك اوي لمستوي لو فكرتي شويتين وحسيتي تلت شويات هتلاقي إنك رخصتي نفسك فيه أوي ، وكمان حطيتي نفسك في مكان واستخدمتي طريقة عشان هدف ممكن يتحقق وممكن ميتحققش.

بس لو اتحقق خليكي عارفه إنك أخدتي واحد اتجوزك عشان جمالك ( ده إن كنتي جميلة أصلاً ) لان معظم اللي بيعملوا كده بيكون عندهم نقص وعدم ثقة في نفسهم، ولو هنصحح التعبير هنقول اتجوزك عشان متبرجه (الكلمة اللي مبتعجبكيش) وفي أقرب فرصة هيخونك لو لاقي واحده أحلي منك او عملت اكتر ما انتي عملتي ( ماهو اصلاً هي دي أسس اختياراته وإنتي اكبر شاهدة علي كده ) والموضوع هيبقة أصعب كل ما تكبري بالسن.او ممكن يتجوز عليكي ، او يطلقك ويتجوز غيرك أو علي أقل تقدير مش هتلاقي السعادة في فارس الأحلام اللي كل بنت بتكون مستنيه تلاقيها في جوزها.

العجيب بقة واللي منتشر دلوقتي إن بعض الأمهات بتجبر بناتهم إنهم يعملوا كده ، في الوقت اللي الأم دي اصلا لابسة محتشم ومحجبة ، وتبصي عليهم الأتنين وهما ماشيين في الشارع تلاقيهم في قمة التناقض لدرجة إنه يوصل الواحد للسخرية والإستهزاء ، وتتحجج الأم " أنا خايفة البنت تعنس لما تقفل علي نفسها وخطابها يقلوا " ونسيت إن الموضوع كله اصلاً امر مقدر وفي إيد رب العباد سبحانه وتعالي ومش بالأغراء والكلام الفاضي ده.

والمشكلة إنها ممكن البنت تكون اصلاً عايزه تتحجب وتعف نفسها بس مامتها تمنعها ( لا حول ولا قوة إلا بالله ) وتهددها إنها هتغضب عليها لدرجة توصل البنت لحالة نفسية وحيرة " أرضي ربي ولا أرضي أمي ".

لازم تعرفي إن الأم اللي تحب بنتها مترميهاش في جهنم.
يقول الله سبحانه وتعالي : "يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ" [ التحريم / 6 ].

وكمان مافيش طاعة في معصية الخالق ومتخافيش من تهديداتها بالغضب والدعاء عليكي لإن غضبها مش هيسبب غضب ربنا عليكي ، لإن ربنا بيغضب لإنتهاك حرماته ، ولا يغضب لغضب الظالمين ولا بيقبل دعواتهم.
عن النبي صلى الله عليه وآله وسلم قال : « والذي نفسي بيده لتأمرن بالمعروف ، ولتنهون عن المنكر ، أو ليوشكن الله أن يبعث عليكم عقاباً منه ، ثم تدعونه فلا يستجاب لكم ».

عليِّ نفسك .. خليكي ملكة في مكانك .. رزقك هيجيلك لحد عندك .

والله أنا أختي منتقبة ومن نفسها كمان وجالها زوج قمة في الأدب والأخلاق ومش عايز أقلكم قد إيه هي سعيدة ما شاء الله لا قوة إلا بالله .

مش بقولك إنتقبي لكن احتشمي و اتحجبي وإرضي ربك عشان ترضي عن نفسك.

انا بكلم فيكي إحساسك الفطري .. فطرة الإسلام يا اختي.

اللهم أهدي بنات المسلمين .. آمين
ـــــــــــــــــــــــــــــــــــــــــــــــــــــــــــــــــــــــــــــ

حملة الرد علي حجج الغير محجبات 27043_407681846797_166172346797_4882855_6832928_n

حملة الرد علي حجج الغير محجبات

الحجة الرابعة

"أنا بصلي وبصوم ودول يغنوا عن الحجاب"

ده نوع كمان من الحجج اللي بتتحجج بيها بعض البنات دلوقتي
وخصوصاً في الجامعات
خلونا نتابع الحوار ده بين إتنين بنات زمايل في جامعة واحده
محجبة والتانية غير محجبة

( المحجبة )
السلام عليكم ورحمه الله

( الغير محجبة )
وعليكم السلام ورحمه الله

( المحجبة )
أختي إزيك ؟
جاتني زميلة لينا وسألتني عن لبس الحجاب ، تفتكري نقولها إيه ؟

( الغير محجبة )
بس أنا مش محجبة زيها فهجاوبها إزاي ؟

( المحجبة )
بس إنتي مسلمة والمفروض عارفه ، بس قوليلي إيه السر في إنك مش لابسة الحجاب ؟ لسه مجاش الوقت بقي إنك تلبسيه ؟ وبما إنك مسلمة إيه الدليل علي إنتماءك للإسلام ؟

( الغير محجبة )
أنا بعمل الفروض كلها كاملة ، بصوم دايماً وبصلي بإنتظام ودول كافيين لطهارة قلبي ودليل علي سلامة نيتي

( المحجبة )
طب إيه أركان الإسلام ؟

( الغير محجبة )
شهادة أن لا اله إلا الله وأن محمدا رسول الله – إقامة الصلاة – إيتاء الزكاة – صوم رمضان حج البيت لمن استطاع اليه سبيلا .. وأنا سبق وقلتلك أنا بعمل اللي امرني الله بيه من فروض ..

( المحجبة )
جميل جدا جزاكي الله خيرا .. طيب وبما أنك مسلمة مؤمنة قوليلي ما هى أركان الإيمان؟؟

( الغير محجبة )
الإيمان بالله وملائكته وكتبه ورسله واليوم الآخر والقدر خيره وشره

( المحجبة )
طب يعني أنتي مؤمنة بكتاب الله

( الغير محجبة )
أيوة طبعاً مؤمنه بيه

للأسف الحجة دي بقت منتشرة جداً ومن السهل إن أي حد يقولها
والبنت تتحجج بأنها بتقوم بالفرائض كلها
زي الصوم والصلاة والصدقة وكمان أخلاقها كويسة
وبتقول إن الحجاب ده مظهر بس مالوش أهمية ولا ضرورة

طب إزاي في الوقت اللي فيه الحجاب وعدم التبرج
فرض من أهم فروض الله سبحانه وتعالي علي المرأة ؟
في الوقت اللي قارن فيه ربنا سبحانه وتعالي النهي عن التبرج
بالصلاة وإيتاء الزكاة وطاعة الله والرسول صلي الله عليه وسلم
وذلك في قوله تعالى :
( وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الأولي وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا ) سورة الأحزاب : 33.

وإزاي بالله عليكي ممكن نميز المسلمة المؤمنه بالله
عن غيرها من البنات اللي مش مسلمة إلا بالحجاب الإسلامي الشرعي ؟
الله تعالى يقول :
(اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ أن الصَّلَاةَ تَنْهَى عَنِ الْفَحْشَاء وَالْمُنكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ) العنكبوت : 45.

الصلاة بتهذب الأخلاق ، وبتستر العورة
وبتنهي اللي بيأديها عن كل فعل منكر وكل وزر
لأنه بيتكسف إن ربنا سبحانه وتعالي يشوفه في وضع هو نهاه عنه
الصلاة تنهاه عن الفحشاء والمنكر
فبالله عليكي قوليلي أيه فحشاء ومنكر أكبر من واحده بتخرج كاسية عاريه؟
ولو كان الحجاب مظهر بس وحاجه ملهاش قيمة في نظرك
ليه ربنا سبحانه وتعالي توعد التبرجات بالحرمان من الجنة ؟
وكمان مش هيشموا ريحتها

الحجاب يا اختي هو اللي هيميزك ، هيميز البنت المسملة العفيفة
ولو كان مظهر بس مكنش استحق كل العقاب ده للي ميلبسهوش
قوليلي إزاي وانتي بمظهرك ده دلوقتي الشاب ممكن يلتفت لدينه
والواجب المفروض عليه وهو فكره تايهه ومشغول
كل همه بس نظره من دي ولمسة من دي

وخليكي عارفه ان اللي بتمشي علي سطر وتسيب سطر
اللي بتمشي علي بعض أوامر ربنا وتسيب البعض التاني
ذمهم الله تعالى بقوله :
( .... أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاء مَن يَفْعَلُ ذَلِكَ مِنكُمْ إلا خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللّهُ بِغَافِلٍ عَمَّا تَعْمَلُونَ) سورة البقرة : 85.

وخليكي فاكرة قول الله تعالى :
( وَمَا كَأن لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَإلا مُّبِينًا ) سورة الأحزاب : 36.

يا اختي حجابك هو عنوانك .. وعنوان إسلامك .. ودليل من أدله الإستقامة
ربنا سبحانه وتعالي أوجب عليكي الحجاب عشان يصونك ويحفظك
ويميزك عن البنات اللي علي ديانه تانية وده يزود عزتك

وكمان ربنا إدالك قلب تمليه بالإيمان وحب الله والرسول صلي الله عليه وسلم
وبعتلك الحجاب نعمة وتكريم ليكي
تفتكري ينفع تصدي النعمة وترفضيها
بدل ما تشكري ربنا سبحانه وتعالي عليها ؟

خليكي عارفه يا أختي
ربنا سبحانه وتعالي خلاكي في الأرض جنه
وخلاكي متعة من متاع الأرض
فياريت تكوني متعه تخليكي في الأخر في الجنة
وتكوني سبب في تحقيق السعاده ليكي وللي حواليكي

اللهم أهدي بنات المسلمين .. آمين

» زوجك الغير ملتزم..كيف تكسبينه؟؟
» هل انت شخصيه قياديه
» حملة حجب المواقع الاباحيه فى مصر
» حملة الارتقاء بالمنتدي وجروب الفيس بوك................
» يلا يا جماعة اشتركوا فى حملة صيام يوم الاتنين و الخميس