مركز الاورام................زيارة ممتعة جدا

تعرفوا ياجماعة ان انا لما كنت فى زيارة الاورام وانا طبعا عمرى ماروحت زيارة زى دة وانا عارفة ان اكيد معرفش حد من الاطفال هناك وعلشان كدة عمرى ماكنت اتوقع انى ليا حد من قرايبى هناك وعلشان انا بقالى فترة مش رحت بلد بابا ولا زرت اعمامى لما رحت النهاردة تعرفوا وانا بسال على عمى واولادة لان مش بامكانى اشوفة تعرفوا عرفت اية ان حسين اللى كان معذبكم دة ومش ردة يبص لحد دة هو ابن عمى اللى بحبة وغالى عندى جدا وانا مش عارفة ازاى مشفتوش مع انى اكيد كلمتة بجد مش عارفة ازاى ويمكن احسن لان انا لو كنت عرفتة بجد كان هيحصلى حاجة وانا طبعا زعلانة جدا علية نور عينى دة يارب اشفية

شكرا ليكم ياجماعة بجد انا نفسى مش عارفة اعمل اية وخصوصا لما يكون فى حد مش عارف يدخلة بالذات فى الاورام وانا بجد حزينة فعلا بالذات لما يكون حد قريب منك وبتحبية وهو اكتر حاجة تعباة يمكن عن تعبة والالام اللى بيحس بيها هيا اخواتة التؤام قد اية نفسة يشوفهم ومتعلق بيهم قوى ونفسيتة وحشة جدا وان بجد لما رحت البلد كان نفسى اشوفة واشوف اخواتة شوفة بقى لما اعرف حاجة زى دة وان كنت فى المكان الى هوة فية ومشفتوش اما بالنسبة لصلة الرحم دة اكتر حاجة بحافظ عليها يامروة لانهم اكتر حد غالى عندى وبالذات لما يكون اهل بابا مش تتوقعى ان يكون ابن عمى ومعرفش شكلة تيجى ازاى ومش معنى ان قلت ان بقالى كتيرمش رحت البلد يعنى مثلا سنة دة هيا بس فترة الامتحانات وهو تعب فى الفترة دة ومش كان عندنا علم وانا اصلا بجد كنت فى الزيارة دة مضايقة من غير حاجة سواء كان حسين او باقى الاطفال ويمكن ربنا عمل كدة لانى بجد لو خدت بالى كنت هتصدم وانا على فكرة من ضيقى معرفتش اتكلم مع الاطفال وخصوصا كان كتير منهم نفسيتة وحشة جدا وشكرا ليكى يامروة وليكم كلكم جزاكم اللة خيرا

لالالا ابدا يامروة ياقمر متقوليش كدة انا بجد واللة مش زعلانة منك ياحبيبتى ابدا وكفاية يامروة انك علقتى على الموضوع ومش عندكم فكرة انا بحبكم كلكم قد اية وبحب تفاعلك يامروة فى المنتدى وانا بجد مكنش قصدى ازعلك بكلامى ياحببتى حئك عليا انا بس مزاجى مش حلو النهاردة بس انا بجد واللة مش مقصرة فى صلة الرحم دة بالذات انتى عارفة يامروة ان الواحد من غير اهل مش يسوى يامروة امال لما تقعى فى مشكلة من هيقف جمبك وبالنسبة ليكى يابوسى احنا مش هنلاقى حد احسن منك ياحببتى بس هو يروق بس واللى انتى عيزاة هنعملهولك دة حسين حبيبى عسل خالص ولذيذ جدا