يومياتنا في رساله

زائر

السلام عليكم ورحمه الله وبركاته
ما شاء الله معظم اعضاء المنتدى من رساله المنصوره
وعندنا تنوع كمان اعضاء جديدة وقديمة ولجان مختلفه مكفوفين وصيدليه وزيارات
عاوزين كل حد يحكي حكايته مع رساله وليه راح وحاسس بفرق في شخصيته قبل وبعد رساله
ورساله بتمثلك ايه
بس كده
مستنيه ردودكوا

زائر

بمنتهى الصراحه

وانا طالب مكانش فى دماغى اى حاجه غير المذاكره

لان ظروف الكليه صعبه

اول ما خلصت على طول

واح صاحبى قالى متيجى نروح رساله

رحت

ههههههههههههههههههههههههههههههههههههههههههههههههههههههه

بجد مكنتش اعرف اى شئ عن الجمعيه

الله يكرمه بقى واحد من غير ذكر اسماء

من ابنائى الطلبه اللى ف الجمعيه ههههههههههههههههههههههههههههههههههههههههههههه

لففنى الجمعيه حته حته واتكلمت مع الناس

وعرفت كل الانشطه

وبدات خفيف

واتعرفت واحده واحده على ناس زى العسل

اول اللى اتعرفت عليهم محمود القصبى وبعدين شلة بلقاس

وللاسف الشديد

اتعرفت على حسام الهلالى فى حمام سباحه ستاد الجامعه

عرفته فى ظروف غامضه هههههههههههههههههههههههههههههههههههههههههههههههههههههههههههه

وفيما بعد عرفت انه فى الاورام

وبعد كده شلة الاورام الممتازه

وخدت منه لينك الجروب ودخلت رخمت على الناس كلها من يوميها لحد دلوقتى

ثم شلة الملابس تيفه و رمضان واسامه واحمد محسن

واخيرا جماعة الاستكشاف عماد باشا حبيبى ومحمود المالكى

بس

هى دى قصة حياتى

ههههههههههههههههههههههههههههههههههههههههههه

موضوع حلو يا دكتورة رضوى ..
بس اللي عنده الزهايمر وبينسى المواقف يعمل إيه ؟؟؟
طبعاً دكتور محمود فريد نسى يقول إني اتعرفت على مصطفى وكل يوم لاجئ عنده في الصيدلية ومش بيخليني أعرف أشتغل وبيعطلني ودايماً يقعد يلعب في الحاجة وعلشان كده قلت لحسام معدش يجيبه معاه وهوه جاي الجمعية .. لأنهم مانعين إصطحاب الـ " الصفوة " .. بي كووول وإوعي تتنرفز .. هههههههههههه
فيه مواقف كتير حصلت في رسالة مش فاكر معظمها
بس لما افتكر حاجة حتى لو صغيرة هقولها
بس الخلاصة إني اتعرفت على ناس محترمة جداً في الجمعية ويكاد يكون معظم تعاملاتي تقريباً معاهم
وبرضه عرفت ناس أنا بعتبرهم من شياطين الإنس !!!
لا تستغربون فظاعة الوصف .. ده أقل وصف يوصف لهم !!
عرفت ناس بتفيد الجمعية وناس بتستفيد من الجمعية !!
ناس قلبهم على الجمعية وناس مش في دماغها !!
ناس جاية تتفسح وناس جاية تتطوع !!

زائر

د/محمود
عاوزين مواقف اكتر ده حضرتك المفروض انك متخصص مواقف

د/مصطفى
جامده قوي شياطين الانس ديه
مش متخيله فيه حد كده مقابلتش حد كده في حياتي كلها على فكره
او يمكن قابلتهم و بما اني بسامح
مبحطش في دماغي اي حاجه مهما حصل

وبالنسبه لموضوع الافاده والاستفاده
انا على فكره استفدت كتيييييييير قوي من رساله
مش هقول دلوقتي ايه الحاجات اللي استفدتها في الاخر ان شاء الله

ومستنيين منك اي حاجه تفتكرها
ده انا كنت مستنيه اسمع منك انت وبوسي اكتر ناس
ما شاء الله عليكو بقالكوا كتير في رساله

زائر

فيه مواقف طريفه كتير جدا

بس عشان الاحراج

مابلاش ههههههههههههههههههههههههههههههههههههههههه

مره فى اوضة الملابس

وعلى فكرة اوضة الملابس دى من الاوض اللى بحبها جدا جدا جدا جدا جدا

كان الجماعه عاملين شغل كتير والارضيه اتوسخت

فأسامه ربنا يكرمه بينده على هاجر تشيل الهدوم والاشوله

بحسن نيه طبعا بدل ما يقولها شيلى الحاجات

قالها زباله يا هاجر

قالتله ربنا يكرمك

هههههههههههههههههههههههههههههههههههههههههههههههههههههههههههههههههههههههههههههههههههههههههههههههه

زائر

السلام عليكم ورحمة الله وبرماته
ربنا يبارك فيكى يا رضوى بجد أفكارك ممتازه والمنتدى بيستفيد من مواضيعك كتير
الفكره حلوه قوى
انا حبيت رساله من قبل ما اشترك فيها من كلام الناس عنها شوقونى انى اشارك فى الانشطه معاهم
لكن بصراحه ماكنتش متحمسه قوى لانى ماكنتش اعرف حد هناك خالص وكنت دايما اقول يعنى هى جت عليا انا اللى هافيدهم يعنى
وكان بيبقى عندى وقت فراغ كبير جدا بجد بندم عليه الوقتى انى ضيعته فى ولا حاجه
المهم جيت فى سنه من السنين قررت و روحت كان فى رمضان اللى قبل اللى فات روحت سجلت الاستماره واخدت جدول الزيارات وطبعا شغل رمضان زحمه جدا
وحضرت حفله كانت فى نادى جزيرة الورد لذوى الاحتياجات الخاصه وهناك اتعرفت على ناس بجد محترمين جدا وقضيت وقت ممتع وجميل قوى وعجبتنى الزياره
لكن للاسف ماتواصلتش تانى معاهم لظروف كده منعتنى
جيت بعد كده فى رمضان ده روحت حفة الصم والبكم بس المره دى قلت لنفسى لازم اخد الموضوع جد وانتظم
وهناك اتعرفت على واحده بجد ربنا يكرمها ويباركلها هى من رساله بس مش هاقول اسمها
بس بجد البنت دى خلت كل حاجه فرقت معايا كتير قوى وخلتنى احب رساله اكتر واكتر ووساعدتنى انى انظتم واعرف اكتر عن الانشطه
والحمد لله انا مش منتظمه قوى صحيح الوقتى بس بحاول اعود نفسى ان رساله يكون لها مكان فى اهتماماتى وتكون فى حاجات ثابته التزم بيها واعملها
بس بجد فى حاجه مهمه قوى لما بيكون حد جديد داخل مكان زى رساله كل واحد واخد وضعه فيها وعارف شغله بيبقى حاسس انه ولا حاجه وانه تايه فى وسطهم
وانهم مش محتاجينله معاهم وبيحب يحس بالهتمام من الناس اللى موجوده والا بيكسل وبيبعد بعد فتره
انا طبعا يعتبر وجودى فى رساله جديد يعنى بقالى كذا شهر بس وماعنديش للاسف مواقف كتيره او يكاد مايكونش عندى مواقف
لكن بجد احب اقول انى بحب رساله جدا
وانى اتعرفت على شخصيات لو قلت عليها محترمه يبقى قليل
بجد انا بتعلم كتير من رساله
وبقضى وقت جميل فيها حتى لو كنت تعبانه
وكفايه انى بحس انى بعمل حاجه ترضى ربنا
وربنا يقدرنى اخلص النيه ليه واعمل اللى يرضيه

زائر

د/ محمود
هقولك ايه انت كل مواقفك كده
مافيش حاجه جد
بجد والله عاوزين مواقف جد

رودي
انا عرفت انتي بتتكلمي عن مين اول حرف منها إ هههههه

ربنا يكرمك يا رودي انتي بجد من اكتر الناس في الفتره الاخيره اللي مبسوطه اني عرفتهم

فين باقي الناس
نهال و اسماء و ا/حسام و د/عماد وبووووسي و م/محمد
مستنينكوااااااااااااا

زائر

يلا ياجماعه ده الموضوع ده في كلام كتيييييييييير
انا عندي كلام كتير ومصممه ابقى اخر حد يرد
فين باقي الناس؟؟؟؟؟؟؟؟؟؟؟؟؟؟؟؟

زائر

السلام عليكم جميعا ورحمة الله وبركاته

وحشتوووووووووووووووونى اوووووووووووووى اوووووووووووووى والله ياجماعه
اما بعد,,

انا من اول لما انضميت لاسرة رساله عن طريق اخويا وحبيبى وصديقى حسام بيه الهلالى

وفيه بجد مفاهيم كتير اوى ف حياتى اتغيرت

عرفت ان فيه ناس كتير كويسه وبتحب الخير

وبتضحى كتير عشان تبسط غيرها وتحاول تساعدهم باى شئ

اما عن الناس اللى اتعرفت عليهم فهما كتير اوى ومش هقدر اذكر حد منهم عشان منساش حد

وبشكرك اووووووى عالموضوع الجميل ده

بس للاسف المشكله انى بقالى فتره منقطع عنكم

فمش قادر اتذكر مواقف اوى دلوقتى

لكن لو افتكرت اى موقف هكتبه ان شاء الله

شكررررررررررررررررا

زائر

سلام عليكم

يعنى اقول انا اسف لانى ديما متاخر فى الرد مع ان الموضوع ده بدون مجامله من احسن وافضل المواضيع على الجروب لان من خلاله هيبقى تواصل حقيقى بين الاعضاء وتنشيط للذكره المتطوعين وتحفيز لعمل الخير وليه معانى جميله الموضوع ده احيكى عليه يا رضوى

طبعا جزاكى الله خيرا عليه

واخش فى الموضوع

عايز اقولك رساله فى حياتى كانت وسيله وليست هدف فى حد ذاته بمعنى انى من خلاله اعمل خير مش علشان انا فى رساله يبقى اعمل خير وهكذا لان ساعات كتير ممكن الواحد يخلط فى الامور على سبيل المثال انا فى صناع بعمل خير وهكذا لا المفروض انا من خلال كذا بعمل وربنا يتقبل باذن الله

وهوه ده الى بحاول اكون على هذا المبدا باذن الله ...

المهم عرفت رساله ازاى عن طريق اختنا العزيزه سمر قالتى فى حاجه سمها رساله وتعاله احضر الزيارت وكده وكان ساعاتها زياره لاورام حضترت الزياره وكانت جميله بس كنت وقتها بتكسف ومش بعرف اتعامل مع الحالات وهكذا

المهم من خلال الزياره عرفت اخويا وصديقى احمد عاصم ومن خلال احمد عاصم عرفت محمود اشف وتعرفت على ناس كتيره وقتها واستفد من احمد عاصم ومحمود اشرف وعبير ابو النجا وشخصيات كتيره عرفتها وقتها وبحد كنت سعيد انى اعرفهم ويمكن وقتها كانت رساله لسه بعلن عن نفسها بشكل اوسع وكده ومش انسى يوم ما اجتماعنا بخصوص زياره الاورام وتم الاعلان عن زياره الاورام الكبار لاول مره وكنت خايف اوى من الزياره دى وبصراحه لقينا توفيق من ربنا بشكل مش اعرف اوصفه وعمل صدى كبير جدااا لمده سنه ونص تقريبا والحمد لله

المهم عشرت رساله الى حد ما من بعيد شويه لكن كنت قريب وقت اللزوم وبجد سيعد انى متطوع فى انشظه رساله وخصوصا الزيارات

وبطعا عرفت بعدها شخصيات كتيره كويسه منها مصطفى ومحمود فريد ومنها محمد عبد الحميد ورحاب حراز وبوسى وناس كتيره اوى بجد حسيت انهم اخواتى وبقينا اسره واحده الحمد لله وديما الحمد لله متحميعن فى الخير

عايز بس اشكر كل الناس الى افتكرتنى بالخير وبجد انا احبكوا جميعا فى الله

وباذن الله فى مواقف كتيره هقولها عن قريب

واخيرا جزاكى الله خيرا يا رضوى على الموضوع الجميل ده

زائر

بالمناسبه عايز ارحب طبعا بالعضو القديم الجديد ابراهيم زهران يمكن الجيل الثديم فى رساله يعرفه وياريت بقه مش تختفى تانى يا بطل

ابراهيم يا جماعه من الناس الحلوه الى بجد كانت معانا ديما فى الخير وليه بصمات ربنا يجزيه خير عليها وخصوصا فى زيارة الاورام ومستشفى الاطفال وانشطه كتيره ربنا يعزه يارب

احب اقوله نورت بيتك الى كان مفتقدك وهنتظر بقه حكايتك مع الزيارت ومع رساله يا ريس

زائر

توكلنا على الله
نبدأ منين
من رمضان اللي قبل اللي فات
طبعا كلنا عارفين ان رمضان ده الواحد بيستمد منه طاقه ايمانيه بتفضل هيه اللي ممشياه طول السنه
بعد رمضان قولت لازم بقه اعمل حاجه
بس واتفقت انا وواحده صاحبتي اننا نروح رساله او صناع
مكنتش فارقه يعني
المهم يوم 7/11/2007
روحنا انا وهيه رساله
قابلتنا يوميها هبه عبدالبديع وكلمتنا عن رساله وفرجتنا عليها وبجد اتبهرنا بيها وبكم الخير اللي بيطلع منها
وكان يوميها كمان ايمان سمير ربنا يبارك فيها
من الناس اللي تحبب الواحد في رساله
واتجهنا بكل نشاطنا للجنه المكفوفين
وقليل الصيدليه
بعد كده بقى مكفوفين بس ومافيش صيدليه خاالص
وطبعا طبعا مينفعش باي حال من الاحوال اجيب سيرة المكفوفين ومتكلمش عن رنا عاشور
كانت ساعتها رنا لسه متطوعه
مكنتش لسه مسكت اللجنه
بدأت رنا تخليني اشارك في اي نشاط هيتعمل وتقولي على المواعيد وتقولي لازم اجي وتشجعني
ربنا يكرمها ياااارب ويجازيها كل خير
وخصوصا اني بقيت باجي لوحدي
صحبتي بطلت تيجي
واستمريت مع المكفوفين وقليل قوي اي نشاط تاني
لحد رمضان اللي فات ده
كان رمضان جميييييل قووووووووي
جربت فيه حاجات كتيييير
اشكال مختلفه من العطاء
وكان احلى رمضان عدى عليه بس واثقه ان شاء الله ان اللي جاي لسه احلى
وعرفت فيه ناس كتييييييييير
مش عاوزه انسى حد

وبرده انبهرت بكم النشاط اللي بيبقي في رمضان
وبدأنا نعرف طريق الصيدليه و الزيارات مع المكفوفين

وبالنسبه للفرق في شخصيتي قبل وبعد رساله
فيه فرق بجد كبيييييييييير
مش عارفه احكيه ازاي بس بجد فيه فرق
كفايه مثلا لما بحلم حلم ليه مثلا يبقي عندي عربيه هعمل بيها حاجه خير
عمري ما كنت بفكر كده
لو بقيت غنيه ممكن اعمل مشروع خير كبير برده عمره ما كان بييجي على بالي
ولادي مثلا هخليهم يشتركوا في حاجه زي كده
زي المتطوعين الصغيرين اللي عندنا

اما بقه رساله بتمثلي ايه
بتمثلي مممممممممم
بسأل اسئله صعبه قوي على فكره
دوري في نهضة الامه عارفه انها كلمه كبيره اكبر بكتير من اللي بعمله في رساله
ومحتاجه تعب وجهد اكتر بكتييييييير
بس ده اللي انا قادره اعمله دلوقتي ونفسي ربنا يقدرني واعمل اكتر من كده

بس ديه الحكايه مجمعه
لسه طبعا فيه حكايات كتير منفصله هحكيها بعد كده ان شاء الله
ولسه عندي كلام كتيييييير

زائر

أ/ابراهيم
اهلا بحضرتك معانا
منتظريين اليوميات

أ /حسام
عجبني جزء ان رساله وسيله مش هدف
ربنا يقدرك على فعل الخير
و مستنيين برده باقي اليوميات

زائر

رضوى حبيبتى
ربنا يكرمك يا رب
ويتقبل منك دايما كل حاجه بتعمليها وكل نيه بتنويها فى الخير
ويا رب مانتحرمش ابدا من مواضيعك المميزه وافكارك الجديده

» رساله الى المدخنين فى رساله--------------------------
» توك توك رساله ..!!
» رساله الى بنى ادم ...!!؟ ومش عيب
» حد يعرف اعضاء فى فروع رساله فى القاهره؟؟؟؟؟؟؟؟؟؟؟؟؟؟؟
» رساله من رجل يخاف الموت