دي رسالة وصلتني من صديقة لحالة محتاجة ضروري أكياس دم,عدة أكياس
Youmna Mohammed 09 December at 13:50 Reply
السلام عليكم و رحمة الله و بركاته
ازيكم جميعا ؟
يارب تكونو بالف خير
م البداية انا عارفة ان الفصيلة نادرة اوى
بس انا الحمد لله عندى يقين ان ربنا سبحانه و تعالى هيوفقنا و نقدر نوفرها
و كمان عندى ثقة فيكم انكم هتاخدوا الموضوع بجدية و هتحاولوا تساعدونا
فى شخص هيعمل عملية زرع كبد و محتاجين 20 كيس فصيلة
o -
و متوفرش لحد دلوقتى غير 2 كيس بس
!!
المفروض ان العملية كانت تتعمل يوم الحد اللى فات ده
و للأسف اتأجلت لاننا مش لاقيين متبرعين
و للأسف كمان ، الله اعلم الـ 2 كيس اللى موجودين هينفعوا و لا لأ
لان مينفعش يقعدوا اكتر من 10 ايام
و مش عارفين نحدد ميعاد جديد للعملية غير لما نوفر الـ 20 كيس
بس التبرع هيبدأ من يوم الاتنين الجاى ان شاء الله
مطلوب مننا يا جماعة اننا ننشر الرسالة دى
و نعرف كل اللى نعرفهم من صحاب او قرايب او زمايل فى الكلية
و احنا طبعا اغلبنا معاه رسايل مجانية مع فودافون
ياريت نستغل النقطة دى و نقدر نعرف كل صحابنا بالموضوع
و ان مكنش فضيلتك o -
حاول تشوف حد و تعرفنا
و الدال على الخير كفاعله
عايزة اقولكم انى معرفش الشخص اللى محتاج التبرع شخصيا
بس انا فكرت فى الموضوع بجدية
و حطيت نفسى مكان بنت من بناته و تخيلت حياتهم دلوقتى عاملة ازاى
لان والدى توفى بنفس المرض
الموضوع بالنسبة لى دلوقتى بقى رقم واحد فى حياتى
نفسى بناته يكملوا حياتهم و والدهم جمبهم
نفسى احققلهم الحلم اللى مقدرتش احققه لنفسى
لو كل واحدة او واحد فينا قال فـ السكشن بتاعه ع الموضوع ده
مش هيكلفنا حاجة خالص
معلش ، نسيت اذكر فـ البداية ان التبرع فى المنصورة
اعذرونى
لو شاب هيتبرع يتصل على
محمد اشرف
0160500353
و هيقابله فـ بنك الدم اللى فـ الشيخ حسانين يوم الاتنين
موافق 12 - 12
و لو بنت اللى هتتبرع ، ياريت تبعتلى رسالة خاصة عشان اتواصل معاها
و انا هاروح معاها بنك الدم
اتمنى بجد انكم متوقفوش الرسالة دى عندكم و متخلهاش تعدى عليكم مرور الكرام ، ياريت تعرفوا اكبر قدر من الناس بالموضوع ده
آسفة على الاطالة
و جزاكم الله كل خير فى الدنيا و الاخرة
....
رسالة وصلتني من الصديقة يمنى محمد
أتمنى,بإذن الله
يمكن,توصل لحد,بإذن الله,فصيلة الدم
وممكن,حد,يوصل ليمنى,إن شاء الله:)
يمكن حد فيكم,إللي يجيب الفصيلة
ويمكن حد,يوصلها لحد,,
موضوع: رسالة لحالة محتاجة أكياس دم أو سالب 
الخميس ديسمبر 10, 2009 3:19 am
