عندك فراخ بايته؟؟؟

زائر

لو عندك فراخ بايته اوعى ترميها
دى افكار حلوه لأعادة تصنيعها مره اخرى
الشاورما
فصصى الفراخ وقطعيها بعد التخلص من العظم والجلد قطعيها اجزاء صغيره او متوسطة الحجم
هانحتاج بصله مفرومه او متقطعه رفيع وهناحتاج طماطم على حسب كمية الفراخ ودى يرجع تقديرها ليكى انت وهنحتاج فلفل اخضر واحده وممكن جزره مبشوره
التوابل بقى هانحط طبعا فلفل اسود وملح بس مش كتير لان الفراخ اصلا بيبقى فيها ملح وهانحط قرفه وجنزبيل وممكن كارى وتوابل لحمه اللى هى بتبقى عباره عن قرنفل ودبس الرمان وقرفه مطحونين
طبعا بنقطع كل حاجه اونبشر اللى هايتبشر
وهانبدا بالبصل على النار ولما يتحمر او يبقى شفاف كده هانحط الفلفل المكعبات وبعدين لما يدبل نحط الطماطم والاخر نحط الفراخ وعليها خل لانه بيساعد فى توغل النكهه وبيدى طعم مزازه جميل قوى زى الشاورما الجاهزه ممكن لو فى زبادى لكن مش ضرورى
بس وبتتقلب كل الحاجات دى سوا وطبعا ظبط المقادير ده بيبقى حسب المذاق ولما بتحسى ان كل حاجه تداخلت مع بعضها وكله بقى فى السليم اطفى النار واعملى سندوتشات وهى سخنه

الفراخ البانيه
هانفصص الفراخ برضه ونتخلص من العظم والجلد
ونجيب بقسماط مطحون ووالكميه برضه حسن كمية الفراخ وهانضيف عليه كيس فيجيتار حااااااااااار ولازم يكون حار عشان يدى طعم كويس وبلاش الفيجيتار العادى مش هايعمل حاجه خالص
هانخلط البقسماط مه بعضه
وهانضرب بيضه او بيضتين حسب الكميه ونضيفلهم فلفل اسود وهانحط الفراخ فيها قطعه قطعه وبعدين نغلفها بالبقسماط عن طريق وضع البقسماط فى كيس ونحط الفراخ فيها بعد مانصفيها من البيض ونقفل الكيس ونرجه عشان يتوزع بالتساوى
بس بنكون طبعا جهزنا الزيت ويكون اكتر من زيت التحمير العادى شويه يعنى يغطى نص القطعه كده لاننا هانرجع نقلبها تانى ولما يحمى الزيت هانحط القطع ونحمرها لحد ما تاخد لون دهبى

ايه رأيكم بقى؟؟ اقتصاد منزلى مش كده؟
جربوها وقولولى رأيكم فيها

مش تقلقي خالص ...
مفيش فرااااااااااخ بتبات أصلاً وأنا موجود
ههههههههههههه
ده حتى يبقى عيب خالص
وإيه النشاط والحيوية دول يا د/ رضوى ...
أنا عاوزك تنشري كل تجاربك المطبخية هنا ..
بس تنشريها بالظبط
يعني لو حاجة باظت أو اتحرقت برضه تكتبيها
هههههههه
ومش تقلقي هنكون ستر وغطى عليكي في المنتدى

زائر

هههههههههههههههه
يا سيدى الف هنا كل براحتك
بس لوجربتها بطريقتى مش هاتخسر خااااااااااالص وهاتعجبك اكتر
هى الفكره بس ان الواحد بيزهق من الشكل التقليدى للفراخ المسلوقه او المتحمره فى الزيت او متحمره فى الفرن
وان شاء الله مافيش حاجه بايظه ولا محروقه هههههههههههه

زائر

هو الاكل بيبات عندكو

يعنى بجد بجد بيبقى فى عندكو اكل فايض و محدش بيقرب منه و بيفضل لحد تانى يوم

هههههههههههههههههههههههههههههههههههههههههههههههههه

وبعدين يعنى ايه فراخ؟؟؟؟؟؟؟

» عندك سرير للشيطان
» كيف تعرف اي الفيتامينات ناقصه عندك ؟؟
» عندك مشكلة شايف إن مالهاش حل؟؟؟؟؟ طب إقرا معايا القصة دى
» لو عندك مشاكل فى ظهور الصور ادخل واعرف ازاى تشوفهم