عاوزة أسأل سؤال :)

أنا عارفة,إننا,بإذن الله يارب,هندخل الجنة لو ربنا أمر,برحمة ربنا,وعفوه

بس فيه حاجات,بتدور في بالي

هي للأسف,يمكن أسئلة بتنم يعني عن تفكير محدود معلهش,بس بتدور في بالي بجد :)

..

كتير بسمع إن الحسنات يذهبن السيئات

معرفش آسفة قوي إيه التعبير الصح

وكتير بلاقي مثلا,حد يقول لإنسان

إنت بعد إللي عملته ده,لو شيء غلط

ضيعت كل شيء صح عملته

معلهش,أنا آسفة قوي

أنا بفكر

..

هي أعمالنا

بتكون,قدام بعض,في ميزان,عند ربنا,وفيه كفة ممكن تغلب كفة تانية صح,وبرحمة ربنا,ممكن كل شيء يتمحي صح,مش عارفة قوي

قصدي

...

يعني,إنسان عمل خير,أو حاجة كويسة

اتكتبت له,حسنة مثلا,أو عمل خير في حياته

جه بعدها,عمل غلط

كل الخير إللي عمله,يروح

ولا بيفضل,في الكتاب,

أنا آسفة إني متلخبطة شوية بجد

بس بسمع ناس كتير,بتقول,العبرة بالخواتيم

هل ده,في حالة,لو الإنسان,عمل غلط,في عمره كله,وجه في آخر أيامه,بقى كويس

ولا العكس كمان

عمل أشياء كتيرة,كويسة,بس في آخر أيامه,عمل أعمال,سيئة

طيب,وإللي انكتب في كتابه,من الخير

بيروح

ولا,كفة,بتغلب كفة

يعني,ذنوب تقيلة

ولا,برضه,ربنا هيحااسبه على الخير

...

أنا متلخبطة شوية

بس بفكر

وآسفة قوي لتفكيري لو غلط

خير,قبل شيء سيء حصل

أو الشيء السيء قبل الخير هو اللي حصل,تفرق

الحسنة تذهب السيئة,في الحالة الاخيرة دي

طيب,لو العكس,هو اللي حصل

ربنا برضه هيبص لأعماله إللي كانت كويسة وكان فيها خير

,,متلخبطة ويمكن لخبطتكم,ويمكن تفكيري كدة محدود صح,معلهش,آسفة : )

عن أبي هريرة رضي الله عنه قال: قال رسول الله صلى الله عليه وسلم: "الصلوات الخمس، والجمعة إلى الجمعة، ورمضان إلى رمضان، مكفرات لما بينهن ما اجتنبت الكبائر" رواه مسلم

ان شاالله هندخل الجنه مش باعمالنا لكن برحمة ربنا بينا

حاولى تمشى صح علىقد ماتقدرى وترضى ربنا وخليكى واثقه ان شاالله ربنا معاكى وياريت ما تسيبيش نفسك للافكار دى يا ايمى

السلام عليكم ورحمة الله وبركاته
ايمان موضوعك حلو زى كل مرة
بصى يا ايمان
الموضوع مش بيتقاس بالمسطرة ولا له اى مقاييس
محدش يقدر يقول فلان داخل الجنة وفلان داخل النار واليعوذ بالله
لو كانت الامور بتتقاس بالطريقة دى يبقى كلنا بلا استثناء دخلين النار
واليعوذ بالله
احنا بندخل الجنة برحمة ربنا علينا مش بأعملنا
وربنا بيتعامل مع العبد بالنيه بتاعته مش بشكله ولا بماله
انا كنت سمعت حديث فيما معناه
ان فى عبد يوم القيامه
هيحطوا كتابه فى الميزان فكفة السيئات ربحت وخلاص الملائكة هتأخده ويروح النار
فكان لسه فى صفحة واحده فالعبد قال صفحة هى اللى هتنجينى من النار
والصفحة دى كان مكتوب فيها انه قال لا اله الا الله بكل كيانه ومن كل قلبه
ولما اتوزنت اطاحت بالكل الكتب اللى مكتوب فيها السيئات
يعنى تخيلى انك فى يوم قولتى لا اله الا الله نطقها قلبك قبل لسانك
دى ممكن تدخلك الجنة
ربنا مكتوب على عرشه
رحمتى سبقت غضبى
وقال بردوا اان عند حسن ظن عبد بى
ظنى فى الله الظن الحسن هتلاقيه معاكى
خافى منه وحولى كل تصرفاتك تبقى كويسة
كل ما تحسي انك عملتى غلط كفرى عنه
ولما تسمعى عن سنه للرسول صلى الله عليه وسلم حولى تعمليها وتعودى نفسك عليها عشان تأخدى حسناتها
اسألى نفسك فى كل عمل وكل حركة وكل كلمة بتقوليها او هتقوليها بتقوليها ليه
؟؟؟؟؟؟؟؟؟؟
ولازم يبقى لكى اجابه طلعه من قلبك
صدقينى ان شاء الله ربنا ممكن يدخلنا الجنة على تسبيح او استغفار لان سبحانه رحييييييييييم ارحم من امهاتنا علينا
ربنا يعزك يا ايمان يارب

ربنا يكرمكم بكل خير

آسفة للتقصير معلهش بجد

ازيك ياموني يارب يا تكوني بخير

وبجد موضوعك جميل بس المشكلة ان التفكير الكتير بيشتت الواحد

انا مع رغدة وبوسي في اللي قالوه واسمحيلي اضيف اضافة بسيطة

كنت في محاضرة وكان الشيخ بيتكلم عن خصال المنافق

وكان اول الحديث (اربع من كن فيه كان منافقا خالصا...الي اخره)

ودخل في خالصا

واتكلم عليها ولقيته بيقول خالصا اي نقاء الشئ من شوائبه....يعني نفاق دون اي رجوع للحق ..ومستمر في افعاله واخطائه يبقى كدة هوة منافق خالص

لذلك رحمة من ربنا انه قال تعالى (يعبدون الله مخلصين له الدين)ومقلش صافيين له الدين

لان كل بني ادم خطاء وخير الخطائون التوابون يعني اكيد هتضعف وتشوب قلبك شائبة..بس طالما انتي مخلصة هيبقى هترجعي لربنا وتزيلي الشائبة دي

لكن لو قال صافين......يبقى اكيد احنا او غيرنا بيغلط ربنا مش بيتقبل منه حاجة وكل اللي عمله خير ضاع..لاننا مابقناش صافيين

يبقى المهم بعد ما تغلطي ترجعي للحق وتوبي

تعالو نفكر في رحمة ربنا ونسيب الابواب اللي ممكن يدخل الشيطان منها عشان يشككنا في نفسنا

وبجد اسألتك جميلة يا ايمان

موضوعك جميل اوى ياايمان وفعلا
ساعات الشيطان بيقعد يوسوس للانسان وكدا
لكن فعلا انا كل مبتضيق بيا بفتكر انا عند حسن ظن عبدى بى يعنى
ربنا رحيم وكريم اوى ياايمان
واحن علينا من امهاتنا
شوفى انتى لوبصيتى هتلاقى مامتك وباباكى اكتر اتنين بيخافوا عليكى وحنيني عليكى شوفى بقا ربنا ارحم واحن عليكى منهم
شيلى الوساوس من دماغك
وصلى وادعى ربنا يثبتك وادعيلنا معاكى ياايمو ان شاء الله
ربنا يارب يثبتك ويزقنا جميعا طاعته وحسن الخاتمه ياااااارب
امانه عليكم ياجماعه تدعولى ربنا يهدينى ويهدى جميع المسلمين لاننا محتاجين دعوات بعض اوى
السلام عليكم ورحمه الله وبركاته

» ممكن أسأل سؤال؟!!
» ممكن أسأل سؤال معلهش
» عاوزة اتعلم
» عاوزة رد ضرورررررررى جدااااااااااا
» عاوزة منكم خدمة