مشروع يجنن؟؟؟؟؟؟؟!!!!!!!!!

يا شباب الخير فى ليكم عندى مشروع خيرى تحفة وياريت نتعاون عليه

أنا فكرت انى أعمل عدة حملات لصالح مستشفى 57357 مستشفى سرطان الأطفال وغيرها وزاد اصرارى على ده لما شوفت أسعار الأدوية الغالية دى واللى محدش بيوفرها وفكرت انى أفعلها كجمعية خيرية وأتمنى انكم تساعدونى فى الحملات دى وتعلنوا عنها

أنا هاعمل بكرا التصريحات اللازمة علشان أبدا شغل فى الحكاية دى ولما أعمل التصريحات هابدأشغل وأكيد كلكم معايا وهانفعل عنها ونعلن على كل المواقع والمنتديات

يلا ميييييييييييين معاااااااااااااااااااايا يقول

معلش
انا اعترض
اعتراض شدييييييييييييييييد
عارف ليه
لان 57357 بيجلهم كمية تبرعات بالهبل
اللى ممكن نعمله بجد وتبقى تحفة وهبقى معاكم ان شاء الله مركز الاورام ونعمل اتفقا مع 57357 انهم يساعدوا المركز بمدهم بالعلاج الناقص ونوفر لاى حاله غير قادرة الدواء عن طريق 57357 وده طبعا مش هيتم الا بموافقة مسئولين المركز وبعد كده نضبط مع 57357
لكن نعمل حمله ل 57357 اللى حملتها مغرقة الدنيا فى كل قناة على الدش والارضي وفى كل الدنيا
طيب وبقيت الاماكن اللى بجد محتاجة مساعدة وتبرعات فى اماكن كتير تستحق اكتر من 57357 فى اماكن ومستشفيات مفيهاش ولا اجهزه ولا ادوية وولا اى امكانيات لتعديل وتغير المستشفى لاحسن
الاماكن دى تستحق العنايه والرعايه
ده رأيي بصراحه يا احمد واذا عدلت خطتك هتبقى احسن بكتير نفيد الناس اللى حولينا فى المنصورة بلدنا اللى اهلها متبهدلين وبعد كده ندور على اماكن اخرى
شوف كده والله المستعان

اعتراض فى محله ومقبول جدا يا بوسى
وكان لازم انى أوضح انى عامل حساب حاجة زى كدة
أنا الخطة انى أعمل حاجة كدة زى جمعية وأعمل حملات لصالح مراكز الأورام ودور الأيتام ومراكز رعاية ذوى الإحتياجات الخاصه وخفض نسبة البطالة وتركيزى هايكون على دول أما 57357 فهتكون حملة واحدة بس
ياريت أشوف الرد ولو فى أى تعليق أو رفض فأنا هاقبل
والتعديل هايكون بعد لما أشوف الرد لأن خبرتى برضه مش كبيره

أنا عاوزة حاجة :)

أنا عاوزة,تعملوا دعاية

بالمستشفيات إللي جوة الدقهلية

والأقاليم :)

علشان توصل لها التبرعات

الكافية بجد

ياريت المراكز إللي جوة الأقاليم,زي العاصمة بجد

الناس اللي جايين على هنا

حد يوفر لهم,علاج,يساعدهم,يكون عارف,إن فيه هنا مركز,وإنهم موجودين

رجال أعمال,وناس كبار

ياريت بجد

.......

مرة سمعت إن التبرعات ممكن بدون قصد تروح لإنشاءات

عاوزين رجال أعمال,وناس كبيرة

تعرف إن فيه هنا مركز,وأطفال فلاحين غلابة,زي تمام ما في القاهرة,بس يمكن,ناس كبيرة,مش عارفة مكانهم يمكن,يمكن مش عارفين المركز فين وزيه في الأقاليم

الله أعلم,يمكن عارفين

بس,عاوز دعاية,كبيرة,قوي قوي قوي

كل خدمات الأقاليم دي,عاوزة دعاية كبيرة قوي قوي قوي

لو حد حتى يقدر,يوصل للإعلام,إنهم بإستمرار,يركزوا عليه, :)

كدا بعد الردود اللى شوفتها من سما مصر وبوسى ربنا يكرمهم يارب

أنا قررت انى هاعمل حملة كبيرة فى دكرنس ولو هاخلى الدعاية على نفقتى الشخصية لصالح مركز الأورام بالمنصورة وفى المنصورة ياريت حد يتولى الأمر وبأذن الله هاحاول أعرف الإحتياجات من أدوية وغيرة وخصوصا أدوية الأطفال وده علشان نرقق قلوب المتبرعين وهابدأ من دلوقتى أجهز الإعلانات وياريت حد يجيب لى معلومات عن الإحتياجات

الإحتياجات,كتيرة قوي على فكرة

أنواع من الادوية,بتكون مطلوبة مخصوص

في يوم الزيارة الجاية,إن شاء الله

اسأل على كل سرير,المريض بيحتاج إيه

وهتلاقي,أكتر من اسم دوا,بيتكرر

إن شاء الله الزيارة الجاية

ممكن تعرف ايه الاحتياجات دي

وممكن,

تحاول تنشرها

أو ممكن,اأكتر من جمعية أو جروب,ينسقوا مع بعض

يكملوا مع بعض,أدوية الحالات الموجودة في المستشفى مثلا,

معرفش,ممكن تكون فيه قاعدة بيانات,لكل حالة,معاهم كلهم

مش عارفة,مش عارفة:)

عموما,برضه,أكتر من مستشفى,مش بس الأورام

الأمراض,كتيرة قوي,قوي,ربنا,يعفو عن الكل,ويشفي الجميع

احمد باشا حبيبى كل سنه وانته طيب وكل شباب دكرنس بخير

اشكركم على التواجد الطيب فى زياره يوم الجمعه الى بتعد من اكبر واجمل واطعم زيارات المنتدى ربنا يبتقبل منا جميعا

بخصوص مشروعك احيك عليه جدا لازم الكل يفكر ازاى يخدم المرضى بجد احيك يا احمد

وياريت كلنا نفكر نقدر نفيدهم بايه

علشان كده انا معاك فى حمله الدعايه ان فى مركز اورام فى المنصوره ومحتاج مساعده اهل الخير بس ده لازم يكون بالتنسيق مع العلاقات العامه بمركز الاورام وبعلم ادراة المستشفى باذن الله

وباذن الله مش تقلق يا ابو حميد فى شغل هيعجبك جدا اليومين الى جيين دول باذن الله

وجزاك الله خيرا والى الامام يا شباب الخير

وجزاكم الله خيرا جميعا

السلام عليكم ورحمه الله وبركاته
ماشاء اللله فكره جميله فعلا
بس انا من رايى فعلا زى مابوسى وسما مصر قالوا اننا نبدا من هنا الاول
عشان كدا انا معاكم ان شاء الله ف الحمله دى
بس ياريت توضحلنا يااحمد بالظبط انت ناوى ع ايه واحنا هيكون دورنا ايه
وجزاك الله كل خير يارب مشروع يجنن؟؟؟؟؟؟؟!!!!!!!!! Icon_biggrin

ريهام

عدد الرسائل : 14 تاريخ التسجيل : 30/07/2009

ربنا يكرمك يا احمد

طبعا محتاج دراسه شويه وتركيز
هبقي اقولك علي افكاري

بالتوفيق يا صديقي

عدد الرسائل : 14 تاريخ التسجيل : 30/07/2009

ومش شرط مركز الاورام بس

حتي برده في زيارات متعدده تبع شباب الخير لمركز الاورام

متهيالي ممكن برده تفكر في اتجاه تاني

كلام جميل يا شباب .. وعايز اقول كلمة بسيطة فى نقطة مهمة وهى توعية المحاسبين بالبنوك والمسؤلين عن التبرعات .. الموظف ده له دور كبير فى توجيه المتبرع وانه يعرفه ان فيه اماكن تانية كتير وفى المنصورة محتاجة التبرعات مش 57357 بس .. يا ريت يا احمد تركز ع النقطة دى .. شكرا لك ولك من شارك ف الموضوع .. تحياتى

بسم الله

فعلا مشروع جميل

بس انا تقريبا شوفت جمعيه بعد موقف الدراسات او ف المنطقه دي

للعنايه بمرضي الاورام والعناايه بأهلهم كمان

ليه منكملش المشوار؟؟

من غير مانبدأ مشروع جديد؟؟

» مشروع صلة رحم
» مشروع ادعونى للإسلام
» منتدانا الصحي اقوى مشروع هيطلع بعون الله من منتدى شباب المنصورة الشغل بدأ يا شباب مين معانا ؟؟؟
» مشروع الاسبوع كفاله اسر فقيره
» مشروع زيارة المنتدى الدخول اجبارى