مفاجأة المنتدى

عدد الرسائل : 17 تاريخ التسجيل : 03/08/2009

بسم الله الرحمن الرحيم
إزيكم ياشباب
النهارده انا جايلكم بخبر جامد وانا بصراحه بعتبر ده مفاجأة المنتدى

الموضوع اللى انا هتكلم عنه دلوقتى ده غير اى موضوع ممكن نكون اتكلمنا عنه قبل كده
عارفين ليه ياشباب ؟؟
يمكن لأن الرسول صلى الله عليه وسلم حثنا كلنا عليه
ويمكن كمان عشان الموضوع ده محبب لقلوب ناس كتير مننا
وكمان عشان هو متعلق بالطفل اليتيم
عرفتم هو ايه؟؟؟؟؟؟؟؟
المفاجأه بتاعتنا لنهارده ببساطه
اننا ان شاء الله هنعمل زيارة لمبرة الشناوى
واللى ميعرفش يعنى مبرة الشناوى اقولله هيا ايه
دى دار للاطفال الايتام اللى مش ليهم أم ولا أب ولا أخ ولا أخت
واللى طبعا محرومين من الحنان والعطف كمان
وطبعا الاطفال دول منعزلين تماما عن العالم الخارجى
مش بيعرفوا يتعاملوا اساسا مع الناس كويس
وكمان تلاقى هناك وف معظم دور الايتام دى كل كام طفل من دول ليهم أم واحده
وبطبيعة الحال دى مش ماما اللى ولدت
لا دى ماما موظفه شغاله فى الدار والاولاد بيقولوا ليها ماما
وطبعا مفيش اهتمام بالاطفال كما ينبغى وكده يعنى

المهم انا مش هشغل بالكم بحوارات من دى

الزياره دى بالمناسبه من انجح الزيارات اللى كانت بتتعمل قبل كده
لان فعلا كل الناس بتتعاطف مع الاطفال دى
وبيبقى وقت الزياره كله مرح وسعاده ولعب مع الاطفال

يلا ياشباب اللى حابب يشاركنا ف الزياره دى يسجل رغبته بسررررررررعه ويقوللنا

مستنى ردود حضراتكم وتعليقاتكم ومقترحاتكم

وكل عام وانتم بخير ورمضان كريم

وجزاكم الله خيرا

الله عليك يا ابراهيم والله

ايوه كده متعنا بالشغل الجميل ده

مبروك عليكوا يا شباب الزياره ومبروك علينا الجهد الطيب ده والله

انا معاك يا ابراهيم باذن الله فى الزياره واعتقد انته قولت انك بتحضر لزياره كبيره جدا بعد رمضان على طول ..!؟

ياريت تعرفنا برنامج الزياره علشان الكل يبقى جاهز ليها باذن الله

وانتظروا المزيد على منتدى شباب الخير مش هتقدر تغمض عنيك ..

ما شاء الله يا إبراهيم

الموضوع ده كلمني فيه حسام

ان شاء الله اكون معاكوا

اثابكم الله

وفقكم الله

ثبتكم الله على مايحبه ويرضاه

هو انا اغيب اغيب الاقى حاجات جامده كده
ماشاء الله
داخل المنتدى بقوة يا ابراهيم
جزاك الله خيرا كثيرا
ومنتظرين منك اكتر من كده ان شاء الله
ضبط واحنا معاك يا فندم ان شاء الله
انا معاك بإذن الله
يلا يا شباب
ياترى هنعمل ايه تانى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Wink

عدد الرسائل : 17 تاريخ التسجيل : 03/08/2009

[size=24]
ازيكوا ياجماعه
ايه الكسل والنووووووووووووم ده كله
فين الحماس والهمه
المهم
الزياره دى بيكون معانا فيها لعب وحلويات للاطفال هناك
وطبعا بنلعب معاهم وممكن نعطيهم خلق معين وده طبعا بعد لما الولاد يتعلقوا بينا ويتقبلوا مننا النصيحه والكلام
يلا منتظر ردودكم من تانى
وايضا منتظر مقترحاتكم
مين ياشباب هيكون معانا ف احلى زياره ممكن تتخيلوها
[/size]

يا باشا كلنا معاك

انته تعرف يا ابراهيم كل الى عرف موضوع الزياره ده بقى فرحاااان جدا وكلهم معاك باذن الله فى الزياره الجميله دى

احساس جميل لما تقدر تضحك طفل يتيم

احساس جميل ما تفرح قلب طفل يتيم

احساس جميل لما بايدك تمسح دمعه طفل يتيم

احساس جميل ما بايدك تحسس طفل حنان و وود وحب محتاجه

والاجمل زياره تجمعنا كلنا فى حب الله على طريق الله والى الله طريقنا وهدفنا

وزياره موفقه مع منتدى شباب الخير

وانتظرواا المزيد يا شباب الخير

فيه ناس سألت عن الزيارة دي

حددوا ميعادها وقولوه

لو تم تحديد الميعاد بإذن الله المناسب,ربنا يسهلها واللي يقدر يجي يجي بإذن الله

هل الخميس مثلا؟

معاكوا ان شاالله ف الزياره

بس ياريت تقولولنا المعاد بقى
دا لو كان اتحدد يعنى

عدد الرسائل : 10 تاريخ التسجيل : 31/08/2009

فكره جميله وانا كنت طلعت زياره مع المدرسه من زمان بس مش فكره كان لاي دار وفعلا حالتهم كانت صعبه قوي ومفيش اي نوع من الاهتمام والاطفال بيخافوا من اي حد بس دا كان من زمان لكن دلوقتي معرفش ايه اللي بيحصل بس ان شاء الله اتمني اكون معاكوا

أخيرا وصللت الحمدلله
السلام عليكم الاول
فكره جميله اوى ياابراهيم ماشاء الله
كويس جدا انك حاولت ترجع الزياره دى تانى بجد لان ناس كتير حابين الموضوع دا وعاوزين يشاركوا ان شاء الله
وان شاء الله انا معاكم ان شاء الله
لان الزياره دى بجد احب اقول للى مش حضرها قبل كدا انها جميله جدا

وانا عن نفسى كنت بعتبرها زى ترفيه وكفايه اصلا لما تلاقى الاطفال عارفينك وبيحبوك حاجه بتخلى الانسان بجد مبسوط اوى

ياريت ياابراهيم تبقى تعرفنا معاد المبره ان شاء الله بععد رمضان وكلنا معاك ان شاء الله فيها لانها زيارده بجد جميله جدا

وبالتوفيق ان شاء الله

reham :D :D :D :D

يعني بعد العيد,ولا إيه :D ولا في العيد :) منورة يا ريهام :)

منوره يا ريهام

ومنورين جميعا فى بيتكم التانى منتدى شباب الخير

وربنا يتقبل منا ونقدر نعمل زياره جميله

عايز الوقتى الناس تقول افكارها فى الزياره

نقدر نقدم ايه الجديد فى الزياره دى

يا ترى تحبوا نقدم لاطفال ايه ..؟!

يا ترى تحبوا نعمل الزياره كل كام يوم ..!؟

يا ترى مين يحب يكون من متبرعين الزياره ..!؟

يا ترى حد عنده تصور الزياره دى تبقى احلى زياره فى الدنيا ..!؟

منتظرين افكار الجميع ومش تنسوا بلاش تبخلوا بافكاركم و مجهودكم الطيب وجزاكم الله خيرا جميعا

عدد الرسائل : 17 تاريخ التسجيل : 03/08/2009

[size=
24]
ريهام

حمدالله ع السلامه
أخيرررررررا وصلتى
احمدك يااااااااارب
ههههههههه
نورتى بيتك التانى ياريهام
عموما ياجماعه
الزياره ان شاء الله بعد العيد مباشرة
وياريت فعلا تقترحوا الميعاد اللى تحبوا انها تكون فيه
واللى عنده اى مقترح
يقوله

وجزاكم الله خير
[/size]

عدد الرسائل : 14 تاريخ التسجيل : 30/07/2009

السلام عليكم

ان شاء الله بالتوفيق يا جماعه

انا معاكم ان شاء الله في الزياره دي

وربنا يكرم الجميع

ربنا يكرمكم وجزاكم الله خيرا

انتو قولتو اللي عاوز يقترح

وانا داخلة بصراحة اقترح وخارجة تاني

هههههه يعني مش هفضل في الموضوع على طول

بصو
بالاضافة الي العاب الاطفال والحلويات

كنت بقول انكم ممكن تجمعو ملابس مستعملة لحد يوم التجمع

وتدوها للمشرفين وهما يقسموها بين الاطفال..في وقت غير وقت وجودكم عشان تلاقو وقت تقعدو معاهم

او كتب خارجية قد تكون مفيدة للاطفال وتساعدهم وبرضه مستعملة

او قصص اطفال او كتب تلوين ..هما بيفرحو اوى بالحاجات دي

ممكن تسألو على الاعمار بتاعة الاطفال عشان تقدرو تقسمو الوقت بينهم صح والاطفال يحبو زيارتكم

ممكن تتفقو مع بعض وتعملو اي مسرحية وتغيرو اصواتكم وفي نفس الوقت فيها قيمة

اداب الطعام كفكرة بسيطة

طبعا بالضافة للعبكم معاهم ومسابقتكم

وفي حاجة اخيرة بتأثر اوى على الاطفال وخصوصا الايتام

لو كنتم عملتو الزيارة دي قبل كدة ووعدتوهم وعد ..ياريت توفو بالوعود لو فاكرنها

لان دة هيزود ثقتهم فيكو وهيتقبلو منكم بعد كدة اي معلومة او اي نصيحة

وربنا يجعلها في ميزان حساناتكم

ميرسى ع الترحيب ياجماعه
والمنتدى منور بيكم كلكم

كويس ياابراهيم بس انا كنت احب اننا ممكن نعملها ف العيد بحيث انها تكون كبدايه كويسه
يعنى مثلا تكون ف العيد يعنى ناس كتير حتى لو خرجت ف العيد بتخرج بليل يعنى اعتقد اننا ممكن لو اتعملت حفله ف المبره هنقدر نجى ان شاء الله
ياريت تحاول تخليها ف العيد
وربنا معاكم يارب
ونقدر نرجع الزياره دى ان شاء الله

بالنسبه للافكار ياحسام اكيد ف افكار كتير وخصوصا اننا بسم الله ماشاء الله بقينا كتير يعنى
هنقدر نساعد اننا نعمل زياره حلوه ان شاء الله
بس نحدد يوم للزياره ان شاء الله ومعاد يناسب الكل ان شاء الله
وبعد كدا تيجى مرحله الترتيب لما بعد الاتفاق ع المعاد

ياريت يااابراهيم تخليها يوم خميس زى ماكنا بنعملها لان غالبا كلنا بنكون فاضيين فيه وبيكون اخر الاسبوع وكدا
وتعرفنا هل الزياره هتكون لينا بمعاد ولا المعاد العام للى كل الناس بتروح فيه

وان شاء الله بعد كدا نتفق بقا هنعمل برنامج الزياره ازاى بحيث اننا عاوزينها تكون ممتجدده كل اسبوع ان شاء الله
يعنى تكون مسابقات
قراءه قصص للاطفال اللى هناك
انا كنت مره شوفت الشيخ محمود المصرى كان عامل برنامج للاطفال بيحكى ليهم فى قصص دينهيه حلوه اوى
اعتقد دى ممكن تكون برده فكره حلوه
وخصوصا ياابراهيم ان الاطفال حبونا ف الفتره الاخيره وعرفونا
يعنى فى افكرا كتيره بس نشوف بس الاول المعاد واليوم بحيث يناسب الجميع ان شاء الله

ربنا يوفقكم وجزاكم الله كل خير ان شاء الله

reham

ايه دة

ينفع كدة ادخل ومش ارحب بيكي يا ريهام

عجبك عمايلي دي

:(

هههههههه

اهلا بيكي ياريهام ..وحمد على السلامة ..كنتي بتعاني من عمل عضوية في منتدانا العزيز ولا ايه

:D

والله المنتدى اكيد هيكبر بيكي

وبكل الاعضاء اللي عاملين عضوية جديدة معانا هبة ووفاء وغيرهم بيشاركو ومش بيشاركو

والناس الجامدة اللي اصلا موجودة على المنتدى

جميلة الافكار و الي الامام

عدد الرسائل : 17 تاريخ التسجيل : 03/08/2009

[size=24]جميل جدا يااستاذه نسرين

افكارك رائعه
وان شاء الله نحاول نحقق كل ده بإذن الله
وبالفعل يمكن اللى كان بيحضر معانا الزياره دى قبل كده شاف ان الحاجات دى كنا بنحاول ننفذها
لكن تعذر ذلك نظرا لضيق الوقت ايامها بسبب ان معظم المتطوعين كانوا ف فترة امتحانات
أما بالنسبه لكلامك ياريهام
كلامك معقول اوى بالنسبه للميعاد
وانا فعلا كنت بفكر اننا نعمل الزياره دى ف العيد
وده لأسباب كتير أهمها كثرة عدد المتطوعين اللى ممكن يحضروا الزياره دى
وكمان عشان ندخل ف قلوب الاطفال دول السرور والبهجه
فأنا موافق ع الميعاد ده
وياريت ياجماعه اللى يناسبه انها تكون ف العيد يعرفنا
وياريت نحدد اليوم اللى يناسبنا اكتر فى العيد
بس انا بقولكم اهو من اولها
محدش يقوللى أول يوم
هههههههه
مستنى بقية ارائكم ومقترحاتكم
وبجد انا سعيد بيكم جدا وبارائكم
ربنا يوفقنى واياكم لما يحب ويرضى
وجزاكم الله خيرا[/size]

السلام عليكم
ميرسى ع ترحيبكم

كويس ياابراهيم موضوع العيد دا وانكم الحمدلله وافقتوا عليه
بس عاوزين ياجماعه نعرف مين اللى هيقدر يجى معانا بحيث نكون عدد يعنى
ياريت اللى هيقدر يجى يعرفنا عشان نحدد معاد ان شاء الله يوافقنا كلنا
انا كنت اقترحت ع ابراهيم ان يكون المعاد ف وقت الدهر كدا بحيث ان اللى عاوز يخرج معا صحابه ولا حاجه بلليل وعشان كمان العيديه بس هههههههه اللى عاوز يروح ياخدها
ههههههه

المهم عاوزين بقا نعرف من كل واحد يدخل هل هيقدر يشارك ولا لا ومتخافوش ان شاء الله هنختار معاد يناسبنا كلنا
ومش هيكون اول يوم العيد ياابراهيم متخافش

ياريت نحدد بسرعه عشان نلحق نتفق مع الاداره هناك قبلها عشان خلاص معدتش الا اسبوعين ان شاء الله
كل سنه وانتوا طيين :afro: :afro: :afro:

عدد الرسائل : 17 تاريخ التسجيل : 03/08/2009

أنا النهارده سعيد جدا

فرحان جدا جدا
لانى جايبلكم مفاجأة ساره جدا جدا جدا
خبر انتظرناه كتير جدا جدا جدا جدا
وانا عارف ومتاكد انكم هتفرحوا زيي جدا جدا جدا جدا جدا جدا
ههههههههه
عارف زمانكم زهقتوا منى جدا جدا جدا جدا جدا جدا
بس خلاص
هقول اهو وامرى لله
عارفين ايه هيا المفاجاه
الحمدلله تم الاتفاق النهائى على اننا ياشباب هنعمل حفله للاطفال الايتام فى مبرة الشناوى تالت يوم العيد ان شاء الله تعالى
وهتكون حفله كبيره وجميله بإذن الله تعالى
يلا بقه
عايزين افكاركم للحفله دى وكل اللى حابب يقترح حاجه معينه يقول
يلا ياشباب مفيش وقت
اه م الحق هيا هتكون ان شاء الله الساعه 5 بعد العصر
لان تقريبا الوقت ده بس اللى يسمح بالزياره ف العيد خصوصا يعنى

سلام عليكم

ربنا يكرمكوا ويفتحها عليكوا

معاكو باذن الله

حطوا خطتكوا ووزعوا علينا الادوار وربنا يعيننا

رربنا يجازيك خير ياابارهيم خبر جااااااااااااااااااااااااااااااااااااااااااااامد بجد

شوفوا إيه الميعاد المناسب بإذن الله فعلا,لو مش يتعارض مع حاجة تانية,فعلا لو أكبر عدد ممكن يتجمع يومها وتكون زيارة منظمة,بإذن الله معاكم

شوفوا اقتراحات الكل بس,لأنسب ميعاد :)

السلام عليكم ورحمة الله و بركاتة ...

ازيكوا كلكوا بجد وحشتونى و وحشنى الدخول على المنتدى انا من بعد الامتحانات غبت خالص بس ان شاء الله بحاول اكون متابعة اكتر تانى ... مبروووك على الزيارة يا ابراهيم بجد فرحت والله جداو زعلت جدا لان معاد الحفلة بلنسبة ليا مش هعرف احضرها علشان شوية ظروف ... بس ان شاء الله ابقى اجى الزيارة اول ما تحددوها و هكون متابعة علشان اشوف هتعملوا اية و الف مبروك تانى على الزيارة و ربنا يتقبل منا ان شاء الله ....
مبروك على تسجيلك يا ريهام منورة المنتدى و يارب تكونى بخير ...

» فيديو مفاجأة بجد..........عايزة اسمع رايكم فية كلكم
» الى ريحانه المنتدى
» يا ترى مين معانا على المنتدى ...!!!؟
» الى اعضاء المنتدى الصحى
» مش عجبنى اللى بيحصل على المنتدى