امتى تبقي عبيطـة؟

امتى تبقي عبيطـة؟

بعض المواقف التى تقع فيها الفتاة وتستحق بها عن جدارة واستحقاق لقب: عبيطة
*******
ـ حينما تصدق كلام شاب يسرح بها ويفهمها أنه يحبها وخاصة إن كان زميلها فى الكلية، فى حين أن كل شاب يأبى أن يرتبط جديا بفتاة أخذ منها معظم ما يريد.. فتصدق حتى من يقول لها: أنا بحبك ياانشراح وبعد أربع سنين لما أتخرج حاشتغل وأحوش وأعمل مشروع وآجى لباباكي أخطبك وأنا إيدى مليانة المهم دلوقتى تعالى نروح الجنينة اللى تحت الكوبرى
ـ حينما تفتح قلبها لأى امرأة لا تعرفها وتحكى لها أدق تفاصيل حياتها من أول مرة تلقاها فيها.. فتجد نفسك فى مترو الأنفاق ممكن تسمع هذا الحوار بين امرأتين لقيا بعضهما لأول مرة منذ خمس دقائق: بقالى خمس سنين متجوزة بس ما خلفتش وبينى وبينك العيب مش منى ده من جوزى اصل وهو صغير وقع على ضهره
ـ حينما يرتفع صوتها فى الكلام أو الضحك أمام الناس : فمن الممكن أن تكون جالساً فى مكان فتسمع صوتاً تحسبه سارينة الحريق فإذا بك تفاجئ أنه صوت امراة تضحك
ـ حينما تلبس ملابس غير محتشمة ليس على سبيل قلة الأدب ولكن على سبيل الحمق والتقليد الأعمى.. فقد تجد فتاة سمينة جداً ترتدى بنطالاً من الجينز الشديد الضيق مما يجعلها تبدو مثل شوال البطاطس
[size=25]*******
ـ حينما تضيع عمرها ووقتها فى ما لا يفيد كالكلام فى التليفون أو المكوث بالساعات أمام التليفزيون أو الكلام فى الهاتف أو بتضييع الساعات أمام المحلات والفاترينات لأجل أن تشترى توكة بربع جنيه
ـ حينما يأتيها ابن الحلال الطيب المناسب فترفض بغرض إكمال تعليمها.. .. لأن الشهادة سلاح فى يد المرأة ثم فى النهاية تأخذ هذا السلاح وتبله وتشرب ميته
ـ حينما تعطى أذنها لكل من هب ودب حتى لبائعة الجرجير
ـ حينما تكون شخصيتها ضعيفة تترك قيادها لأى إنسان طيب أو شرير
ـ حينما تكون خفيفة غير متزنة تضحك لأتفه الأمور وترقع بالصوت لأنها رأت خصلة من شعرها على السجادة ثم تقول بعد أن تهدأ: أصل بحسبها صرصار
*******
ـ حينما تترك الجهل يعشش فى خلايا مخها ولا تحاول تثقيف نفسها لا دينياً ولا دنيوياً فهى لا تعرف أى شيء فى أى شيء
ـ حينما يكون أكبر همها هو الزينة واللباس
ـ حينما تترك نفسها للشيطان وتتزوج عرفياً فتضيع نفسها وتحطم أهلها
ـ حينما تسرح على المنتديات وتقضى فراغها بالدخول فى المواقع التى تخاطب فيها شباباً من باب تضييع الوقت ثم يحدث ما لا يحمد عقباه
ـ حينما تطلب من عريسها ما ليس فى وسعه وتكلفه فوق طاقته: كيتشين ماشين – غسالة أطباق – نجف – ستاير– خلاط مستر براون – دباديب كتير – ميكروويف– ديب فريزر - كورن فيليكس – شيش طاووك!!.. وممكن يكون فى بيت أبوها معندهومش بوتاجاز أصلاً
[size=25]*******
ـ حينما تعتبر نفسها ندّاً لزوجها وأن رأسها برأسه وأننا نعيش فى عصر المساواة وحرية المرأة إلى آخر هذا الكلام فتقول له: أنا سمعت امبارح فى البيت بيتك إن أنا زيي زيك وأنك مش أحسن منى، ومن هنا ورايح أنا حاغسل المواعين يوم وإنت تغسلها يوم
ـ حينما تنقلب حياتها رأساً على عقب لما ترى حلماً عبيطاً لأنها تظن أنها شفافة وأحلامها دائمة التحقيق فتقول لزوجها مثلاً: أنا حلمت إنك بتخونى مع الشغالة لازم تطلقني، مع إنهم معندهومش شغالة أصلاً
ـ حينما تؤكد أن كل صداع يصيبها أو دوخة ما هى إلا عمل وجن ولبس وسحر فتجبر زوجها على أن يذهب بها إلى الشيخة سمحانة أو الشيخ الزغربانى اللى سره باتع
ـ حينما تقيم الدنيا ولا تقعدها إذا تأخر حملها أسبوعاً كاملاً بعد زواجها.. بكاء – هيستريا - تحاليل + أشعة + دكاترة + ... إلخ
*******
ـ حينما تحكى كل شيء عن بيتها لأمها وأختها وصديقتها: بخيل وجلدة ومش راضى يشتريلى فستان بمناسبة عيد العمال
ـ حينما تصاب بالغيرة العمياء وتشكك فى كل قول وفعل لزوجها: طلقنى.. أنا شوفتك بعنيى بتتكلم مع الولية بتاعة العيش وبتضحكلها ليه، مع أنها امرأة عمياء كسيحة تجاوزت الثمانين
ـ حينما تتبسط لدى أقاربها الرجال من غير المحارم.. إبن خالة ماما – إبن عمى – إبن خالتى – جارنا القديم – زميلى لما كنا فى الجامعة.. متبقاش معقد كدة خليك لارج
ـ حينما تهمل فى أولادها لصالح عملها.. لازم اثبت ذاتى فى الشغل
ـ حينما تصاب بداء التطير والخوف من الحسد إلى درجة المرض فتقول: القطة السودة عدت من قدام باب الشقة يبقى نهارنا إسود مفيش خروج النهاردة
ـ حينما يكون من سيغنى فى فرحها أهم عندها من العريس نفسه، لازم تجيبلى المطرب العاطفى (نبيل عضمة) يا إما كده يا إما مفيش جواز، الواحدة متتجوزش أحسن ما يتعمل لها فرح أى كلام
*******
وأخيراً..
ـ حينما تكد وتتعب فى عملها ثم تعطى ما قبضته للحضانة والمربية
ـ حينما تتزين خارج بيتها وتتعفن داخله
ـ حينما ترفع صوتها على زوجها وتغضبه
ـ حينما تتوقف عن تطوير نفسها وتتحجج بانشغالها بالأولاد
ـ حينما تجعل البيت سيركا ولا توفر لزوجها سبل الراحة فيه
ـ حينما تكون مسرفة مبذرة
ـ حينما تقارن نفسها بالأغنى منها مالاً لا بالأتقى والأعلم والأكثر تدينا وخلقا
[/size]
[/size]

اسمح لي كبنت,أعترض على بعض النقط,في الموضوع :)

والإختلاف في الرأي,لا يفسد للود قضية بإذن الله :)

أول حاجة

البنت العبيطة

مش إللي يجيلها عريس,وترفضه بحجة إنها بتكمل دراستها,والدراسة سلاح في إيديها :)

اعذرني :)

الدراسة فعلا,سلاح في إيد البنت :)

ومعلهش,وبأمانة,في زماننا دلوقتي,

بلاحظ للأسف,إن بين الشباب,انتشر بينهم,الطلاق,

دلوقتي,إيه موقف البنت,إللي,تلبخ نفسها بزواج من بدري,أو تتخلى عن أحلامها وطموحها مثلا,من أجل,زوج وبس :)

والزوج ده,ممكن يتخلى عنها

وفعلا,تلاقي نفسها,من غير سلاح في إيديها :)

اعذرني,التعليم سلاح,وأهم من الزواج كمان :)

دي وجهة نظري

أو كل إنسان,لما بيجي نصيبه,لكن,ميتخلاش عن تعليمه,أو يهمله,علشان الزواج بدري قوي,ممكن يستنى شوية,لكل شيء وقته يراعيه شوية

,,,

وفيها إيه مشكلة,إنها تبقى ند لزوجها :)

ند,يعني هما الإتنين,زي بعض يعني ؟!

إيه مشكلتها :)

وفيها إيه,لما يساعدها,أعتقد إن الرسول,عليه الصلاة والسلام,كان بيساعد زوجاته :)

ماشي,مش هتقوله,إنت تغسل المواعين مثلا :)

بس,

مش عارفة,مرة سمعت في برنامج,إن شغل البيت,مش فرض عليها,يعني,ممكن يجيب لهاحد يساعدها,لو مكنتش بتعمل ده في بيتها,

ومفيهاش مشكلة,لو ساعدها لو طلبت منه ده

هي دي مش وظيفتها معلهش :)

الله أعلم :)

هي زوجة,يعني شريكة لحياته

يتناقشوا,ويتفاهموا

ويتكلموا

مش وظيفتها الأساسية,تطبخ وتغسل وتمسح,دي وجهة نظري,معلهش :)

زوجة متعلمة,ومعاها شهادة,هتقدر تفيد زوجها وأولادها :)

وأنا مش مع,الزواج المبكر,والدراسة لا

كل يوم,لما البنت بتكبر

تفكيرها بيختلف

بيتغير

لما تسيب,أو تهمل,التعليم في يوم,والشهادة,علشان عريس

الطلاق بقى سهل للأسف,عند بعض الشباب

تضمن شهادتها الأول,وتعليمها,وحياتها,تقدر تبقى ربة بيت بعد كدة,ومسئولة عن بيت,بالعقل,مش بالعاطفة وبس,تتجوز على حساب دراستها بدري بدري,ومتفكرش كويس :) لا :)

.........

معلهش,تاني نقطة,وبعتذر عن ده :)

اشتراك البنت,في المنتديات,وإنها تتناقش,مع الكل ,مش غلط :)

لازم تعرف تتناقش,مع الكل

طالما بتتكلم,في حدود,الأدب

وتعرف تتناقش :)

لازم تتعلم تتناقش :)

فيه حدود,وفيه مناقشة,بأخلاق,:)

علشان,هي في مجتمع أصلا,لازم تعرف وتفهم فيه,وجهة نظر أي حد :)

مهي,بتتفرج على التليفزيون,وبتشوف,مناقشات بيقدما مذيع مثلا,بيحاور شباب,كل الشباب,علشان يعرف وجهة نظر المجتمع إيه,الدنيا فيها إيه,الناس دي,هتتعامل مع بعض إزاي ؟ :)

وبتقرأ في الجرنان,وجهة نظر الكاتب ده,والكاتب ده :)

لما تستفيد من غيرك :)

إيه المشكلة :)؟؟

لو مقصود,بإنها تسرح على المنتديات,ده غلط,علشان وجود شباب مثلا,فيه منتديات محترمة,ولازم الشباب من الجنسين,يعرفوا وجهات نظر بعض,من خلال المناقشات المحترمة في مواضيع هادفة :)

أو يمكن,أنا فاهمة النقطة دي غلط,الله أعلم :)

أنا,بشوفها,زي البرامج إللي في التليفزيون الحوارية :) مسألة المنتديات دي :)

يعني مش غلط آه

بس,مش تضييع وقت,وكل الوقت فيها :)

,,الفعل افضل من الكلام أحيانا :)

أو معظم الوقت اكيد,آسفة :) ساعات الجدال غلط و منهي عنه,لو في الغلط اعتقد,الله أعلم:) :) :)

لكن,مش غلط دخول البنت في منتدى,ممكن تستفيد من أي مناقشة بناءة :) وتبني وجهة نظر,وتقدر تتناقش وتفهم :) لو موضوع بيجمع ناس بيتناقشوا :)

الله أعلم,ممكن برضه اكون فهمت كلام في الموضوع غلط,بدون قصد,أنا آسفة :)

,,

بالنسبة لحكاية عملها دي

ممكن البنت,مش تهمل أولادها ولا حاجة

الزوجة أقصد,بعد كدة

ممكن جدا

إنها,في فترة,تاخد أجازة من العمل

وترعى فيها أولادها

ولما يكبروا شوية,ويبدأوا يروحوا المدرسة

مش تهملهم ولا حاجة أبدا

تبدأ ترجع شغلها تاني,لو اشتغلت قبل كدة

في وقت,مدارسهم وشغل زوجها مثلا

وترجع بيتها,مع ميعاد رجوعهم

وتفيدهم,وتفيد نفسها :)

لكن,إنها,تسيب الشغل مثلا,نهائي مثلا,ونقول,لا,هي هتهمل أولادها

معهلش,,

هي ممكن,تنظم كل ده :)

لكن,تفضل في البيت,طول عمرها :)

هتنسى,كل إللي اتعلمته, ومش هيكون فيه شيء مفيد في حياتها تعمله,بجانب تربية أولادها

طيب,لما هما يكونوا في المدرسة,وهو زوجها في الشغل,هتفضل تطبخ :)

خروج المرأة للشغل,أكرم لها :)

طالما,هتقدر توفق بين شغلها وبيتها,

معلهش,لما تكبر,وتلاقي نفسها,وحيدة,مفيش شغل يشغلها,أوأصدقاء عمل طلعت بيهم

طيب فيها إيه :)

,,,

البنت مش عبيطة :)

البنت,ممكن تبقى,متعلمة,ومثقفة,وامرأة عاملة,وزوجة ناجحة :)

زي ما كانوا بيقولوا,وراء كل رجل عظيم,امرأة

لازم يكون,وراء كل امرأة ناجحة,زوج متفاهم,وبيحب لها الخير,وبيحب إنها تنجح,في حياتها وشغلها,وتثبت ذاتها كمان :)

يمكن خرجت عن الموضوع,بعتذر :D

بس للأسف,وآسفة قوي

حاسة إن دلوقتي

رجع كتير,كلام من كلام زمان,علشان البنت,تقعد في البيت وبس,في وجهات نظر ناس كتيرة قوي

وسمعتها للأسف,أكتر من مرة كمان :)

لا,آسفة,في النقطتين دول بالذات,"شغلها,وتعليمها"

,أو النقط دول,

آسفة,لأ :)

فعلا
بنات كتير ما بتفكرش وبتحكم قلبها وبس مش عقلها
هى فعلا تبقى غلطانه لما تآمن لحد (دا ميمنعش ان الولد اللى يخدع بنت بيبقى بيظلم نفسه فعلا شباب كتير بيتباهوا بدا وسبحان الله مفيش حاجه بتضيع عند ربنا واخرهم يا اما يقعوا ف بنات يتعبوهم يا اما ما بيرتبطوش اصلا لان معدش عندهم ثقه ف حد)

بس انا مش معاكى يا ايمان ف كذا حاجه

فكرة ان الزوجه تبقى ند لزوجها دى انا مش قابلاها
وبصراحه بتضايق قوووى من اللى بيطالبوا مساواة
بغض النظر عن ان المركب اللى ليها ريسين تغرق
فبجد ربنا ما ظلمش حد
يعنى حلو ان الزوج والزوجه كل واحد فيهم يعرف اللى ليه واللى عليه ويتقى ربنا ف التانى
انما مش بالمساواة
المساواة دا برايى تقليد اعمى ناس كتيررر بتمشى وراه من غير ما تفكير

وطبعااااا تعليم البنت كويس
ومعتقدش انه كان قصد حسام ان البنت ما تتعلمش وتتزوج بدرى
وشغل البنت كمان

التعليم ف حد زاته حلو ومفيد حتى لو البنت ما اشتغلتش بيه
يعنى مثلا انا بدرس علم نفس وعلم النفس دا بجد لقيته حلو قووى كفايه انه بيعيطينى فكره عن التعامل مع الاطفال وكدا حاجات بحاول استفيد منها ف حياتى بغض النظر عن انى اشتغلت بقى او لا

بصى برايى
فكرة ان المرأة ليها حقوق زيها زى الرجل ومن حقها تحقق زاتها وكل الكلام دا تمام قوى ما اختلفناش

بس ليه لازم المرأه تشتغل علشان تحقق زاتها وتحس بنفس

ماهى برضو لو اهتمت ببيتها وساعدت جوزها انه يكون ناجح واهتمت باولادها وربتهم صح وبقوا نافعين سواء بنات او ولاد.........هو دا مش تحقيق لذاتها ؟؟؟
وانا مش ضد فكرة الشغل ع فكره هو كويس
الشغل مهم اه
بس الاهم فالمهم
يعنى لو واحده متزوجه وبيتها واولادها محتاجينها وقتها ملوش لازمه الشغل

بصى حواليكى دلوقتى هتلاقى مشاكل كتيررر واطفال اخلاقهم وحشه وشباب كمان
شباب كتيرررر محدش منهم يقدر يشيل مسئولية
الكبار يرجعوا يقولوا دا جيل فاسد
لا مش جيل فاسد هو اتربى كدا

الاب والام يا اما بيشتغلوا ومش فاضيين لهم وكل همهم يوفروا لهم الاكل والشرب واللبس
يا اما عايشين وكانهم ف حرب وكل واحد عاوز يثبت للتانى انه احسن

كل المشاكل دلوقتى بدون استثناء بسبب تربيه غلط
وبعد عن الدين
وانا ف ثانوى واحد زميلتى مره كانت بتتكلم فبتقول : تصدقوا والله العظيم انا عمرى ما ركعتها
يعنى عمرها ما صلت
بنت ف السن دا وعمرها ما صلت ...هنلومها ولا نلوم أهلها؟!!!!

وواحده تانيه متجوزه وعندها ابن بس مش مهتمه بيه بتديه لاصحابها عااادى جداا وممكن يقعد بالاسبوع بعيد عنها
لدرجة انها اوقات بتنسى هو فين
مره نست تروح تجيبه من الحضانه والطفل بات هناك

دى ام دى
دا قالوا الجنه تحت اقدام الامهات

فالدنيا بقى فيها كتير قووى بجد ومينفعش الانانيه

وبالنسبه للمنتديات للولاد والبنات
انا ضد الكلام لمجرد الكلام وبيتهيالى دا اللى يقصده حسام ف التوبيك
لان فعلا ناس كتير بتبقى حياتها كلها ع النت وتصدق اى كلام يتقال لها
والنت دا زى الدنيا فيه الكويس وفيه الوحش
يعنى انا ليا واحده صحبتى عرفتها من النت وبقينا اصحاب بجد بقالنا 3 سنين تقريبا يعنى هو فيه الكويس وفيه الوحش
وعموما بنستفاد من اراء وخبرات وتجارب بعض حتى ع المنتدى انما كل حاجه بحدود
اه ممكن نهزر اوقات ونضحك لكن طبعاا ف حدود الاحترام
يعنى ف كل الظروف نحكم عقلنا
لان فيه بنات بتدور ع الحب اللى بتشوفه ف الافلام ولما مش بتلاقيه بتدور عليه ع النت وتصدق اى كلام بيتقال

بس طبعا مش كل الناس زى بعضها
وولا كل الولاد وحشينولا كل البناتوحشين
وبعدين اساسا هو بيتكلم عن البنات العبط...يعنى ملناش دعوه احنا خالص طبعا Embarassed

المهم كل سنه وانتوا طيبين :D

وطبعا الاختلاف ف الراى لا يفسد للود قضية
وسورررى بجد ع الاطاله
سلام

هههههههههههههههههههههههه

استر يارب الموضوع سخن سخن سخن

انا قولت هضرب وهعتقل من حزب المراءه العليا وهيتحقق معايا وكلام كده

بجد جزاكم الله خيرا على التعليق والمشاركه فى الموضوع المهم ده والى بيمس مجتمعنا بشده

كلنا عارفين ان دور المراءه مهم وهيا نص المجتمع ويهمنى اننا نركز على سلبيات المراءه حاليا

ومنها زى ما قولت انها بدون هدف و سلوكيات مغلوطه وتصرفات و افعال مش مناسبه لمجتمعنا الاسلامى و لدينا الكريم ..

وطبعا برحب برايك جدا يا ايمان واحترامه جدا لكن مش معاكى الى حد كبير فى رايك طبعا

ووجهة نظرى قالتها رغده ربنا يعزك يارب وجزاكى الله خيرا عايز اقول ان ده فعلا الى اقصده

يعنى على سبيل المثال التعليم انا مش معترض على التعليم كتعليم لكن اعترض ان يكون هدفنا التعلم علشان عايزين نتعلم وان التعليم فوق كل شىء واهم من اى شىء لالالالالالالالالا فى اولويات

يعنى معتقدش يعنى لو البنت اتجوزت وهيا بتعلم خلاص هتفشل ولا ايه ..!؟ ده على سبيل المثال

وبردو حضراتك بتقولى المساااواه يعنى لو واحده تشتغل وتحقق ذاتها ده مفيش مشاكل بس بردو لو لاقت ان بيتها محتاجها وهتقصر فى بيتها اعتقد بيتها اولى يعنى من شغلها ولا ايه ...!؟

اعتقد ربنا خلق للمراءه حقوقها وواجباتها يعنى لازم زى ما بتطلب تنفذ ...!؟ ولا ايه

ومن الاخر بردو مش ليها الا بيتها وولادها صدقينى ده مملكتها ودى حياتها تقدر تخليها جنه وتقدر تخرب عليها

وربنا يكرمنا جميعا

» ولحد امتى يا قلبى...