منتدانا الصحي اقوى مشروع هيطلع بعون الله من منتدى شباب المنصورة الشغل بدأ يا شباب مين معانا ؟؟؟

السلام عليكم ورحمة الله وبركاته

أولى الأخبار الجديدة >>> عاملين اجنماع مهم جدا للمنتدى الصحي مع زميلنا د/ سامح حسان .. إما في الجمعية السبت الساعة 1 أو بنادي الأطباء الجمعة الساعة 5 .. اختاروا بسرعة وقولولي

د/مصطفى نزل الخبر ده على شريط الاهداءات

ده المشروع المؤجل بقاله اكتر من شهر

ياريت الناس اللي عاوزه تشارك في المشروع ده تختار الميعاد المناسب ليها

وفيه حد طبعا مشارك فيه اجباري هاجر

وانا باذن الله هكلم الاء ودعاء وهبلغهم

مستنين ردودكوا

باذن الله تعالى الاجتماع الخاص بالمنتديات الصحية هيكون يوم السبت الساعه السادسه في مقر الجمعيه

السلام عليكم ورحمة الله وبركاته

شباب الخير

انا بعتذر ليكم جميعا عن عدم حضورى الإجتماع لأن الموعد مش هيكون مناسب لى البتة

يعنى لأنى عشان احضر الإجتماع بعد الشغل هيكون صعب جدا بالنسبة لسيرين وأبو سيرين

انا كنت اتمنى يكون بدرى عشان اعرف اخد اذن وكنت اتمنى انى اعرف من يوم الخميس عشان ارتب على الأقل عندى فى الشغلبس المشلكة انى عرفت بس امبارح من بوسى ورضوى تأكيد المعاد ومينفعش اظبطش الشغل كده فى يومها

ياريت تبعتوا تقرير عن نتايج الإجتماع هنا على المنتدى وسلامى لكل أعضاء المنتدى القديم

السلام عليكم ورحمة الله وبركاته

ان شاء الله مشروع المنتديات الصحية هيبقى اهم واكبر مشروع في منتدانا

بس عاوز وراه بنات وشباب رجاله

تقرير الاجتماع هننزله قريب جدا

وياااااااارب يقدرنا وانطلاقة المشروع كمان تبقى قريب

الله المستعان

السلام عليكم ورحمة الله وبركاته

تقريرأول اجتماع بخصوص المنتديات الصحية

حضرالاجتماع كل من :

د/سامح حسان
د/مصطفى عبد الرحمن
د/فاطمة الزهراء
ا/سمر محمد
د/آلاء علاء الدين
د/دعاء سلطان
ا/حسنه
د/ايمان سلطان
د/رضوى عادل
د/رضوى قطب

د/سامح حسان جزاه الله كل خير كلمنا في البداية عن معنى المنتديات الصحية والهدف منها
والفرق بينها وبين اي عمل خيري وده ان شاء الله هنزله بالتفصيل نقلا من منتدى
استاذ عمرو خالد

اكتر حاجه عجبتني د/سامح اتكلم عنها هيه ان المشروع ده مشروع تنموي يعني مش بنساعد الناس
باننا ناكلهم او نكشف عليهم بعد ما يمرضوا
احنا بنعلمهم ازاي يعيشوا ويحافظوا على صحتهم عن طريق الوقاية خير من العلاج

وعرفنا ان المنتديات الصحية مشروع عالمي يتبع منظمة الصحة العالميه

الرسالة

العمل على ايجاد حد ادنى من الوعي الصحي والثقافه الصحية لعامة الشعب و التوعية ضد بعض
الامراض المنتشرة والمستوطنة في مصر

وذلك يكون باستخدام رسائل مطبوعة والتفاعل المباشر بالكلام والشرح ولغة الجسد
بالكاريكاتير والاغاني والمسرحيات والندوات

احتياجاتنا الفتره القادمة:

1-معرفة فكرة المشروع وأهدافه

2- اعضاء 3- تدريب للأعضاء

4-مادة علمية عن المرض وتنمية بشرية 5- تمويل

الهيكل الداخلي للمنتدى الصحي:

مدير المنتدى :
وهو المسئول عن التواصل بين المنتدى و المسئولين في منظمة الصحه العالميه والتنسيق بين
مهام الاعضاء ومتابعتهم

مساعد المدير :
له نفس مهام المدير

الاعضاء :

ينقسموا الى ثلاث فرق

1-فريق المادة العلمية : مسئول عن تحضير مواد علميه عن المرض المطلوب توعية الافراد
عنه

2-فريق الابداع : مسئول عن تحويل المواد العلميه الصعبة لمواد سهلة يفهمها عامة
الشعب باختلاف طبقاته

3-فريق الدعم النفسي : مسئول عن تماسك افراد المنتدى وثباته مهما كانت الصعوبات

ياريت اللي شايف نفسه يقدر يدي في اي مجال من المجالات المكتوبة فوق يقول

في الاجتماع تم ترشيح اكتر من عضو ليكون مدير المنتدى وللاسف الكل ظروفه مش سامحه

وتم ترشيح ا/هاجر وا/بوسي ابو المجد وللاسف
برده مش هينفع معاهم

هنأجل موضوع المدير ده للاجتماع القادم ان شاء الله
اللي هيكون قريبا مع د/سامح والمطلوب قبل الاجتماع القادم احضار اعضاء جدد واقناعهم
بفكرة المشروع بعد ما نفهمها احنا كويس
وده باذن الله كل هننزله على المنتدى الفترة اللي جايه

وكمان د/الاء ود/ دعاء وا/هاجر هيفرجونا على شغل ليهم من ايام المنتدى القديم
علشان نفهم اكتر طريقة الشغل
اللهم استخدمنا ولا تستبدلنا

جزاك الله خيرا كثيرا على التقرير يا رودى
فعلا لازم نعمل شغل جامد فى الموضوع ده وان شاء الله هبقى معاكم على قد ما اقدر
بس لاسف مش هقدر ابقى المديرة
وربنا ييسر باذن الله ونحقق كل اهداف المشروع ده بإذن الله ويبقى اقوى مشروع للمنتدى بتاعنا بس لازم كلنا نبقى مع بعض يا جماعه مش اتنين ثلاثة لا احنا عايظين شباب تنموى عارف هو بيعمل ايه وعايز يعمل ايه لمجتمعه ولحياته
وان شاء الله اللى هنعمله ده يعتبر صدقة جارية لانه هيحافظ على صحه الجميع وكل ما يعملوا الصح ويبعدوا عن العادات الخطأ فى المجتمع يبقى احنا كده بنحافظ عليهم طول حياتهم
ومن احياها كأنه احيا الناس جميعا
يلا منتظرين ايه يا شباب
مين معانا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مين يقول اناااااااااااااااااااااا؟؟؟؟؟؟؟؟؟؟؟؟؟؟؟؟
منتظرينكم

[size=25]المنتديات الصحيه العالمية

بدايتنا ...

حلمنا... ادركنا... فعزمنا وصممنا

نحن مجموعة من الشباب نحلم بمستقبل افضل لبلدنا، الا
اننا أدركنا ان المرض الذي يلتهم ارواح ملايين البشر يقف في سبيل حلمنا
،ونحن نؤمن ان المتهم الحقيقي هو الجهل و غياب الوعي الصحي بطرق الوقاية
من الأمراض وكيفية التعامل معها ،لذا عزمنا وصممنا على المواجهة بكافة
السبل و الوسائل .

في البدء تم إنشاء فرق للتوعية تجوب أنحاء البلاد ليس فى مصر فقط بل فى
عدة بلدان السعودية والأردن وتونس والامارات وتعمل على رفع الوعي الصحي
تطبيقاً لمقولة "اذهبوا إليهم وهم أصحاء قبل أن يأتوكم وهم مرضى" ، و تأسست فى مصر الجمعية المصرية للمنتديات الصحية عام 2006، وهى جمعية أهلية تقوم على العمل التطوعي.

لماذا التوعية؟

ينهش مرض الالتهاب الكبدي الفيروسي أكباد عشرة ملايين مصري، وقد انتشر
بسبب السلوكيات الخاطئة وغياب الوعي بطرق الوقاية، ويستمر غياب الوعي
الصحي في كشف أوراقه فها هو مرض السرطان الذي يحصد أرواح 6.7 مليون مصري
سنويا على مستوى العالم.

أثبتت الدراسات العلمية أن 43% من أسبابه يمكن الوقاية منها تماما
.وما سبق هو مجرد أمثله لواقع الوضع الصحي بمصر، لذا وجدنا أنفسنا أمام
هذا التحدي .. التوعية أو الموت.

الرسالة والرؤية ...

رسالتنا :هي نشر الوعي الصحي من اجل وقاية الأصحاء وتغيير السلوكيات الخاطئة وتقليل المضاعفات عند المرضى.

ورؤيتنا : هي إرساء مؤسسة متفردة في نشر الوعي الصحي والمساهمة في رفع المستوى الصحي في جميع محافظات مصر .

أهدافنا...

1. العمل على زيادة
الوعي الصحي لدى المجتمع على خطورة الأمراض المزمنة أو المستوطنة و كيفية
الوقاية منها للوصول إلى مجتمع صحي قادر على الإنتاج و التقدم و ذلك من
خلال:

o شباب متطوع تم تدريبه بواسطة نخبة من المتخصصين في المجالات الطيبة.
o استخدام النشرات و الوسائل الدعائية لتوصيل المعلومات
o الدعاية في وسائل الإعلام المتاحة

2. توجيه طاقات الشباب بالتطوع الخيرى لخدمة مشروع النهضة الصحية التي هي أساس نهضة المجتمع
وذلك يساعد في :

a. أن يتحابوا ا جميعا فى الله سبحانة و تعالى
b. اظهار روح العمل الجماعى دون الفردية
c. نشر الامل فى المجتمع فى الظهور كشباب متعلميت يعملون بدون اجر لنهضة صحة المجتمع و يسعون فقط الى ثوابهم عند اللة عز و جل .
d. اكتساب مهارات مختلفة فى جميع مجالات الحياه المختلفة
e. ان يكونوا قدوة للاخرين يحتذي بهم و بالأخص اطفال المدارس

و لدعم مصداقيتنا في التوعية قامت منظمة الصحة العالمية – المركز
الاقليمى لشرق المتوسط بعمل شراكة مع الجمعية لتقديم كل الإمكانيات
المتاحة لتسهيل مهام الشباب في حملاتهم من خلال تقديم التدريب لهم من قبل
المتخصصين و اعتماد النشرات العلمية المستخدمة في الحملات .

. قيمنا ...

النزاهة : نؤمن بإن بالأساليب الأخلاقية والنزيهة هي السبيل الوحيد لتحقيق رسالتنا .
الجودة : من خلال التقييم والتحسين المستمرلأدائنا
العمل الجماعي: نؤمن بإن بالتواصل بين المتطوعين بعضهم بعضا يعطاي القوة الروحية لأداء رسالتنا

شركاء النجاح ...

فى سبيل تحقيق رسالة الجمعية قمنا بعمل عدة شراكات مع أهم المؤسسات الدولية والمصرية؛ لعل من أبرزها الشراكة مع منظمة الصحة العالمية , والشراكة مع اللجنة القومية لمكافحة الفيروسات الكبدية ، بالاضافة إلي الشراكة مع مديرية التربية والتعليم بمحافظة القليوبية من خلال مبادرة مدراس بلا تدخين...

مكافحة المرض مسئولية الجميع ...

تلعب للشركات والهيئات الخاصة دور هام في مساندة الجمعية، حيث دعمت العديد
منها حملات الجمعية على المستوى المادي و التقني و العيني و المعنوي .

ولم تكن مساهمة القطاع الخاص فقط من أجل الدعاية أوالتمتع بالتخفيضات
الضريبية القانونية المقابلة لللتبرع لجمعية أهلية، بل أن جميع شركائنا
هدفوا بإخلاص صادق للمشاركة في نشر الوعي الصحي لمكافحة أخطر وأكثر
الأمراض انتشاراً في مصر .

نظام عمل الجمعية...

تتواجد الجمعية في 19 محافظة بمصر وتضم 3.000 متطوع متفانين
في أداء مهامهم، وتشمل جهود المتطوعين الكثير من االمهام كالقيام بالتوعية
الصحية و تنظيم الحملات و تنمية الإيرادات والتمويل وأعمال الترجمة وغير
ذلك من الأنشطة سواء تقنية او أبداعية والتي تساعد المنتديات الصحية في
أداء رسالتها...

ويتم تنسيق العمل لكل محافظة عن طريق منسق لفرق التوعية المتواجدة بها، في
حين يتم التنسيق بين المحافظات عن طريق اجتماعات دورية تقام بالمكتب
الإقليمي بمنظمة الصحة العالمية لشرق المتوسط، تضم منسقي الفروع وممثلي
اللجان التنفيذية عن كل محافظة.

الأماكن المستهدفة ...

المؤسسات التعليمية: أقامت المنتديات
الصحية العالمية حملات توعية في العديد من المدارس والمعاهد والجامعات
المصرية مثل جامعة القاهرة, جامعة عين شمس، جامعة 6 أكتوبر, جامعة طنطا,
جامعة سوهاج، جامعة الإسكندرية، جامعة المنيا...

المعارض والمهرجانات: تشارك المنتديات الصحية سنويا في العديد من المعارض؛ كمعرض الدولي للكتاب ومعرض القاهرة الدولي ومهرجان التسوق...

القوافل الطبية: تستهدف هذه القوافل المناطق المعدمة والنائية والريفية لضمان وصول التوعية الصحية لهذه الفئات.

المؤسسات الأجتماعية والدينية: تنظيم
حملات توعية في النوادي الرياضية والاجتماعية و مكتبات الأطفال والمساجد
والكنائس والوحدات الطبية ومراكز محو الأمية ومراكز الشباب المختلفة
وغيرها...

الانجازات ...

توعية 128.000 شخص في حملات أنفلونزا الطيور. 805 حملة .
توعية 147.000 شخص في حملات السمنة 730 حملة .
توعية 187.000 شخص في حملات السرطان 950 حملة.
توعية 30.000 شخص في أول حملة للالتهاب الكبدي الفيروسي.

شاركنا ...

إذا أردت أن تشارك و تكون ايجابيا في مجتمعك فنحن نريد بكل الحب نرحب بك كعضو جديد في عائلة الجمعية المصرية للمنتديات الصحية ، ومن جانبنا نلتزم تجاهك وتجاه كل عضو جديد بإن:

.... نوفر اليك التدريب .....
.... نثرى وقتك .....
.... نحترم اهتماماتك ....
.... نساعدك على اكتساب مهارات جديدة ....
.... نوفر جو عائلى للعمل يساعدك على تكوين صداقات حقيقية جديدة ....
.... تساهم ايجابيا في المجتمع .....

نحن في أنتظارك

منقول من منتدى استاذ عمرو خالد
[/size]

السلام عليكم ورحمة الله وبركاته

تقرير ثاني اجتماعات المنتدى الصحي

بحضور:

ا/هاجر
ا/حسام الهلالي
ا/احمد راضي
د/مصطفى عبد الرحمن
ا/بوسي ابو المجد
ا/ايمان سرحان
د/داليا ناجي
ا/سمر محمد
ا/بسمه فتحي
د/منى فتحي
د/رضوى عادل
د/رضوى قطب

ا/هاجر جزاها الله خيرا أدارت الاجتماع بكونها مدير المنتدى الصحي الفترة اللي جايه بإذن الله كلمتنا في البداية عن نشاط المنتدى القديم و بداية المنتديات الصحية في العالم العربي وانجازاتها والهدف منها كان باين اد ايه حبها لموضوع المنتدى أكيد لو كلنا حبيناه كده هنعمل شئ حلو قوي بإذن الله

ا/هاجر قالت نيّة جميلة قوي "من سن سنة حسنة فله اجرها واجر من عمل بها الى يوم القيامة" يلا
كلنا نجدد نوايانا ونعددها ونخلص النية لله

ما سيتم عمله الفترة القادمة:

د/مصطفى : التواصل مع د/سامح حسان ومعرفة امكانية اعطاؤه لكورسات مهارات عرض للأعضاء الجدد والحمد لله د/سامح معترضش هيحدد ميعاد في أول أجازه ليه بإذن الله

ا/بوسي ابو المجد : التواصل مع مجلس إدارة رساله و اقناعهم برعاية الفكرة

د/رضوى عادل وا/بسمه فتحي وا/ايمان سرحان : فريق البحث العلمي ( أول فريق اتكون في
المنتدى فريق قوي بإذن الله )

د/رضوى قطب : التواصل مع مسئولي المنتدى الصحي بصناع الحياة والتنسيق معهم

ا/احمد راضي : مساعدة فريق البحث العلمي في ترجمة أي ابحاث

ا/حسام الهلالي : فريق الدعم النفسي و محاولة ايجاد رعاة للمنتدى وده اتفقنا عليه بعد ما حضرتك مشيت

واتفقنا اننا بعد ما نعرف ايه المرض اللي شغالين عليه دلوقتي تبعا لمنظمة الصحة العالمية فريق البحث العلمي هيبدأ عمله فورا

وكلمت ا/احمد حلمي مسئول الدعاية في رسالة عن امكانية مساعدته لينا في اي تصميمات
نحتاجها ورحب جدا جزاه الله خيرا

وكان فيه خلال الاجتماع اقتراحات حلوة جدا من الاعضاء ممكن نتكلم عنها بس بعد موافقة جمعية رسالة على رعاية المنتدى

مبسوطة جدا بالمشروع ده ربنا يعيننا

وانا اتكلمت مع انس النهارده
وانس يبقى مسئول الريسيكل وكان مهتم بموضوع البيئة والتوعيه الصحية وكان ماشي فى الموضوع ده
لما كلمته اتبسط جدا من الافكار
وقالى هتبقى فكرة جامده جدا انا معاكم
وقالى ان مجلس الاداره مش عنده اى مانع فى شغل البيئة والتوعيه
ونزلنا مع المعارض والقوافل هتبقى حاجة كويسة جدا
ده غير ان انس نفسه نمسك منطقة منطقة ويتم فيها تنظيف المنطقة وطلاء وتشجير والتوعية الصحية وواضع صناديق قمامه
بالنسبة للموافقة من حى غرب مش تقلقوا من الموضوع ده ان شاء الله حى غرب كله بتاعنا وسهل ان شاء الله نجيب الموافقه من ادارة البيئة
فى حاجة انا كنت عايزه اقولها فى الاجتماع بس لاسف الزهيمر وحش موووووووووووت
كنت عايزه اقول ان فى مناطق فى المنصورة تكاد تكون بجد افظع من الريف ومحتاجة توعيه صحيه لابسط الحاجات مثلا الاهتمام بالنظافه الشخصية ونظافة الاطفال
فى ناس فى منتهى الجهل بالحاجات دى
انا طبعا مش قصدى نقعد نقولهم اغسلوا بالمية والصابون و الحركات القديمه دى
انا قصدى تبقى توعية بكل شئ شخصى وبالامراض الناتجة عن عدم الاهتمام بالنظافة الشخصية
ونمسك المناطق اللى داخل المنصورة وفى نفس الوقت نشتغل مع القوافل والمعارض ونبقى بنلعب فى كذا اتجاه نهتم بالمنصورة وفى نفس الوقت الارياف
ايه رأيكم
؟؟؟؟؟؟؟؟؟؟؟؟؟؟؟؟؟؟؟؟؟؟؟

حسام الهلالى فى الدعم النفسى

يااااااااااااا حلالالاوه

بتبدس فى غيابى يا جدعان عموما اى حد محتاج محتاج يتنفس انا بفتح العياده من 2 ل 2 وربع
هههههههه

لا بجد بجد اجتماع موفق وانا تحت امركم باذن الله فى اى شىء وبجد يا جماعه محتاجين خطه عمل وناس مؤمنه بالفكره ومحتاجين دعم
ومحتادين نشر ثقافه المنتدى الصحى فى كل مكان وعمل الدعايه الكافيه ليها باذن الله وربنا يوفقنا جميعا

ويتقبل منا وجزاكم الله خيرا

ايوه كده عاوزين كله يفكر ويحط اقتراحاته عاوزينه رجوع قوي للمنتدى بمشروع قوي

تضامنا مع الريسيكل والنضافه والتشجير فكره حلوة قوي يا بوسي جزاكي الله كل خير

وحسام الهلالي مسئول الدعم النفسي جزاك الله كل خير

عاجبني قوي تحمسكوا للمشروع

يارب ثبتنا وارزقنا الاخلاص

السلام عليكم ورحمة الله وبركاتة

ماشاء الله عليكم بجد

انا شرفنى انى حضرت معاكم الاجتماع ده

وطبعا اتشرفت بشخصيات اسمع عنها بس ما شفتهاش قبل كده

هاجر

و
رضوى

و
رضوى

و
ايمان

و
بسمة

...

طبعا نا ماشاركتش بكلمة واحدة
لانى

ماكنتش اعرف ان المنتدى الصحى ده

فيه كللللللللللللللللل الكلام ده

أنا كنت فاكره منتدى صحى على الموقع
وكده يعنى

توعيه على الانترنت عن طريق المقالات والاستشارات وكده

زى ما بنقرا فى المنتديات
عن

halitosis

و

leukemia

و

fever

......

لكن المنتدى الصحى طلع اهم واكثر فعاليه

زى ما هاجر

ربنا يباركلها حكيتلنا عن تاريخه وانجازته وحملاته

حقيقى كل ده كان جديد بالنسبة لى

...

ان شاء الله على قد ما اقدر هحاول اكون متواجد

السلام عليكم ورحمة الله وبركاته

والله الحقيقة يعنى مش عارفة ابتدى كلامى بإيه

بس الحقيقة انى مبسوووووووووووووووووووووووووووووووووووطة جداااااااااااااااااااااااااااااا

ودا لسببين

السبب الأولانى:انى ربنا أكرمنى وقابلت ناس كان نفسى اقابلهم واتعرف عليهم ناس كل اللى بينى وبينهم هو الحب ف الله لا اكثر ولا اقل والحمد لله فكان حلو اوى بجد انى اقابلهم واتعرف عليهم

واحب اقول لكل من

رضوى قطب

رضوى عادل

بوسى

ايمان

احمد راضى ومصطفى

انا مبسوطة انى قابلتكم

ول سمر وداليا وبسمة ومنى

فرصة سعيده انى اتعرفت عليكم

حسام شكرا انك استغليت الإجتماع ف الإعلان عن الزيارة هههههههه

اه انا اخدت ثواب برضه

السبب التانى بقى اللى باسطنى

انى بشارك ف محاولة لإعاده احياء فكرة او مشروع انا حقيقى بحبها

ويارب يجعلنى ولو حتىمجرد سبب على الهامش حتى فى اعادتها للحياه مره اخرى

وبقول اللهم استخدمنا ولا تستبدلنا

وشكرا على سعة صدركم وتحملكم الطيب لى امبارح فى الإجتماع انا عارفة انى اتكلمت كتييييييير اوى امبارح معلش

والله المستعان ان شاء الله ييسر لنا الحال

انا اللى سعيدة جدا بجد انى اقبلتكم امبارح
بجد سعيدة انى شفتك يا هاجر برغم اننا اتكلمنا مع بعض كتيرعلى النت وعلى الموبيل الا انى مكنتش اعرف شكلك بس لما شفتك افتكرتك
وسعيدة انى شفت كل البنانيت اللى اعرفهم واللى مكنتش اعرفهم
سعيدة بجد انى شفتكم كلكم واتعرفت على ايمان وبسمة ومنى وداليا
وبجد امبارح كان يوم جميل لما شفتكم والله
وميرسي ليكى يا ايمان بجد على هديتك الرقيقة دى ارق هدية جتلى ويارب دايما متجمعين فى الخير كده وقلوبنا على بعض والمحبه تزيد مش نتقص ابدا وعمل الخير يزيد اكتر واكتر وكلنا نبقى سبب فى استمراره
اللهم اميييييييييييييييييييييييييييين
:D

موفقين بإذن الله
انا كمان اتشرفت بيكى والله يا هاجر جدا
وكمان احمد راضى من الشخصيات المحترمه اتشرفت بيه
وبسمه وداليا ان شاء الله عندهم حماس ويقدروا يتواصلوا معانا
التقرير حلو قوى يا رضوى ربنا يكرمك
الظاهر اننا هانضيف على مسؤليتك فى الدعم النفسى كتابة التقارير

شكرا جزيلا,ربنا يوفقكم,ويسهلها يارب :) سعدت جدا,إني بس,شفت شباب الخير,إللي كانوا انتم,ربنا يوفقكم يارب جميعا,شخص شخص,وكل الناس يارب :)

شخص شخص يارب, كل الناس بجد,يارب ربنا معاكم

والله الناس في القلب مش هذكر أسماء علشان مش أغفل ذكر أي اسم :)

...

المهم :D

هو,طيب,كل اللي قلتوه

برضه,علشان تنفذوا حاجة,

هيكون في المنتدى في البداية تحديد يعني صح :)

ولا اجتماع جديد,الإجتماع الجديد بإذن الله اللي هيكون في حضور الدكتور يعني :D
آه ماشي,الإجتماع الجديد,صح :D

هيبقى بعدها,صح إن شاء الله

ها,بإذن الله :D ? ماشي :D

ربنا يوفقكم يارب,اسم اسم بإذن الله بجد,ويكتب لكم كل خير

السلام عليكم ورحمة الله وبركاته

إلى أعضاء المنتدى الصحي

إحنا كنا قسمنا المهام في آخر اجتماع

كان دوري اتواصل مع المنسق العام في الدقهلية د/شيماء عبد اللطيف

واعرف ايه المرض اللي هما شغالين عيه دلوقتي وايه اللي ممكن يقدموهولنا

دلوقتي شغالين على الانفلونزا(الطيور والخنازير ) والدرن بس مركزين على الدرن اكتر وبيتكلموا عن الانفلونزا بشكل سريع

يلا فريق البحث العلمي يبدأ شغله هيه د/شيماء قالتلي انهم شغالين في المادة العلمية في صناع دلوقتي وممكن يمدونا بيها بعد ما يجهزوها بس احنا كده هيبقى ايه دورنا عاوزين نشوف شغل جامد

وقالتلي اننا لو عددنا كبير ممكن يدونا اي كورسات احنا محتاجينلها ياريت يا د/مصطفى تكلم د/سامح وتشوف ايه نظامه والقرار الأول والأخير ليكي يا هاجر في موضوع الكورسات ده لو د/سامح هيتأخر تشوفي ممكن يبقى عندك وقت فاضي امتى وتدينا

وقالتلي ممكن نقابل حد منهم ننسق معاه الشغل ونقسم علينا الأماكن

يا ترى يا بوسي عملتي ايه في موضوع طرح الفكرة على ادارة رسالة؟؟؟؟؟؟؟؟؟

يعني,رضوى,بصي بس,علشان بس اللخبطة :)

يعني دلوقتي

نبحث على النت في المواضيع دي,أولا مثلا :)

ولا هتتقابلوا تاني,وتحددوا بإذن الله :)

ايمان

ممكن تبدأي البحث مع التنسيق مع باقي أعضاء الفريق رضوى عادل وبسمه فتحي ممكن تعملوا اجتماع على النت في يوم أو أي طريقه تانيه تريحكوا

بوووووسي

انتي فين ؟؟؟؟؟؟؟؟؟

خلاص يا رضوى,إن شاء الله أجرب,ماشي :)

معلش يا جماعه هرد عليكم بكرة او بعده بالكتير
انتم عارفين ان كان فى انتخابات وكلهم كانو مشغولين بها
ان شاء الله هرد عليكم عن قريب

هو سهل والله بإذن الله,تجميع معلومات :)

ها,وبعدين :) فهموني الخطوة اللي بعدها ايه بإذن الله :)

السلام عليكم ورحمة الله وبركاته

صحبة الخير ازيكم جميعا

اسفة انى مش برد على الموضوع بقالى فترة بس كنت مشغولة جداااااااااااااااااااا

نخش ف المفيد

اولا بالنسبة للماده العملية كويس المجموعة بتاعة المادة العملية انها تبدى فى تجميع المعلومات

وبالنسبة لموضوع الكورس انا مش فاهمة دلوقتى يارضوى انت قلتى ان صناع عرضوا انهم يدوكوا الكورسات اللى انتم محتاجينها ونفس الوقت سألتى مصطفى عمل ايه مع سامح وكمان سألتى عن مدى قدرتى على اعطاء الكورس

طيب قرروا انتوا عاوزين ايهعاوزين تاخدوا فى صناع ولا ايه وربنا ييسر الحال

وبعد مانجمع كل المعلومات ونتفق مبدئيا ممكن ان شاء الله نعمل اجتماع تانى ونتفق على معاده

السلام عليكم ورحمة الله وبركاته

ازيك يا هاجر وحشتينا عاوزين نتقابل قريب ونبدأ الشغل بقه

انا قولت لد/مصطفى يكلم د/سامح لأنك في الاجتماع قولتي ان ده الخيار الأول علشان لو مش هينفع معاه تشوفي اللي بعده ايه

انا بس يا هاجر حبيت أحط قدامك كل الخيارات وانتي اللي تقرري اللي تشوفيه صح

يعني احنا دلوقتي مستنيين قرارك الأخير في موضوع الكورسات

واحنا مين أصلا علشان نشكك في قدراتكم يا افندم احنا لسه بنتعلم منكوا

وجزاكي الله خيرا كثيرا

معلش يا جماعه الله يكرمكم
حد يفكرنى بالموضوع ده كل شوية لان الزهيمر عملى دليت كل حاجة
ياريت حد يبقى يفكرنى عشان بنسييييييييييييييي

» ارشيف صور زيارات وحفلات منتدانا العزيز ....................منتدي شباب الخير
» هنوزززززع شنط الخير يا شباب ..!! مين معانا
» اجمل عيد على شباب منتدى الخير ...!؟ احجز مكانك فورا
» قاعده عرب على منتدى شباب الخير ..!؟ هام
» احلى حفله على منتدى شباب الخير فى اول ايام العيد