تخيل لو فى حياتك ......................

زائر

احب دائما وابدا ابدأ كلامى بسلامى
السلام عليكم ورحمة الله وبركاته
ازيكم يا شباب الخير ؟؟؟؟؟؟؟؟؟؟
بصوا بقى
هحكيلكم حاجة
امبارح وانا خارجه مع اخويا مجدى زى كل اسبوع
وماشين مع بعض
لقيته بيسألنى سؤال عجبنى جدااااااااااااااااااااااااااااااااااااااااااااا
قالى بوسي اذا كان فى حياتك امر undo
(الامر ده موجود فى الword
لما بتنفذ امر وعايز تتراجع عنه بتتك على الامر ده عشان يرجعك تانى عن الامر ده)
لو كان فى حياتك undo
كنتى تراجعتى فى حياتك عن ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سؤال تحفه بجد
وعجبنى جداااااااااااااااااااااااااااااااا
وجوبته
بس انا حبيت اسألكم
لو كان فى حياتكم امر undo
كنتوا تراجعتوا عن ايه
وسألنى بعديها سؤال حلو بردوا
قالى تحبى تعملى الامر ده بالخبرات السابقة ولا من غيرها؟؟؟؟؟؟؟؟؟؟؟
وبردوا جوبته
بس انا حبيت اسألكم نفس السؤال وهجوبكم اخر وووووووووووووواحده
وفى نهايه الكلام مفيش احسن من السلام
السلام عليكم ورحمة الله وبركاته

زائر

اكثر شئ اتراجع عنه

دخولى كلية الطب

وفورا ادخل حاسبات ومعلومات

وكمان اتطوع فى رساله من وانا فى الحضانه

زائر

ياه يا بوسى
سؤال صعب قوى
ولو ان لو حاجه زى دى موجوده تبقى هايله
ماكانش حد غلب
لو كان فى كده كان فى حاجات كتييييييييير قوى ماعملتهاش
بس اكتر حاجه فعلا حسيت انى غلطت فيها هى كليتى
غلطة عمرى انى دخلتها
والحمد لله على كل حال ربنا بيسبب الاسباب طبعا

زائر

والله يابس بس يا اختى

لو كااااااااان الأوبش دا موجود كنت عملت حاجات كتييير اوى

كنت رفضت الشغل البنك ومرحتش

وكنت رفض انى اعرف ناس عرفتهم

وحااااااااااااجاااااااااات كتير اوى

احنا بقى عاوزين نعرف انت جاوبك كان ايه

زائر

ايه ياجرعان الردود المختصره دى
انا عايزة رغى
ايه مش تعرفوا ترغوا
عاااااااااااااايزززززززززززززززة كلالالالالالالالالالالالالالالام
ولا انتم قرأتم موضوع نبيل فقررتم الصمت ولا ايه
عايزه كلام يا جرعان اتكلموا فضفضوا بلاش الكلام المختصر ده
جوجو ام سيرين حاليا مش هقولكم الا اخر واحده خالص مالص
:D :D :D :D :D :D :D :D

زائر

السلام عليكم ورحمة الله وبركاته

كويس قوي ان الواحد يحاسب نفسه و يتراجع عن موقف كان واخده غلط

وديه حاجه الواحد بيعملها تلقائي كل يوم تقريبا

والحاجات دبه الواحد فعلا مش هينفع يقولها كده هتبقى فضايح وده ميرضيكيش طبعا يا بوسي

لكن عمري مافكرت اني ممكن ارجع في اي قرار مصيري اخدته

لان الحمد لله اي قراركبير اخدته في حياتي كان بعد استخاره

والواحد واثق في اختيار ربنا له فعمري ما هفكر ارجع

زائر

يا رودى الموضوع مش موضوع فضايح يا حبى
الموضوع كله ان كلنا فى فحياتنا حاجات حصلت نفسك اذا الزمن رجع بيكى متعمليهاش
وطبعا موضوع الاستخاره اكيد ده واحنا دلوقتى واحنا كبار
لكن فى حاجات تانيه من وانتى صغيره كان نفسك تعملى كذا ومش عملتيها ادت لحاجات تانيه
يعنى زى ما محمود قال اذا كان فى حياته امر undo
مكنش دخل طب
ودى مش فضيحه ولا حاجة
انا كمان كانت اول اجابتى على اخويا
ان اذا كان فى امر undo
فى حياتى
مكنتش دخلت كلية اداب
وكنت اتجدعنت اكتر فى ثانوى ودخلت اعلام زى ما كنت بحلم طول حياتى
ومازلت بحلم ادخل مجال الاعلام
حاجات من هذا القبيل يا رودى
يعنى انتى مثلا كان نفسك تدخلى صيدله وتشتغلى الشغل اللى انتى فيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اكيد كنتى بتتمنى حاجات ومحصلتش
واذا رجع بيكى الزمن كنت غيرتى حاجات كتير فى حياتك
ولا ايه ؟؟؟؟؟؟؟؟
وخلى بالك ده مجرد تخيل
والاكتر من كده
ان برغم انى كان نفسي فى حاجات تحقق فى حياتى ومازلت اتمنى تحقق
الا انى راضية كل الرضا عن حياتى بكل اللى فيها
على فكرة ده جزء من ردى على اخويا ومش الرد كله
ومنتظره الباقى يتكلم ويتحدث ويبوح عن ما بداخله

زائر

محدش يتكلم تانى

انا قلت كفايه خلاص

لو كان الأمر بيدي .. لوددت أني لم أولد
لا لي .. ولا عليَ
كفاية آهات وكفاية أحزان وكفاية دموع

زائر

كفاية آهات وكفاية أحزان وكفاية دموع

تنفع اغنيه تكسر الدنيا يغنيها اى سباك عذب الصوت

[b]كفايه اهات وجلده ومطاط

[b]كفايه احزان وفضى الخزان

[b]كفايه دموع وركب الكوع[/b][/b][/b]

زائر

بصي انا مكنش ليه حلم محدد للأسف وهدف كده زي الناس اللي بتبقى هتموت لو محففتش هدفها

اقولك انا وانا صغيره خالص ابتدائي كده كنت عاوزه ابقى دكتورة اطفال

ولما وصلت اعدادي كان نفسي في صيدلة

وفي ثانوي بقه كانت هندسه

منتهى التردد

وبعد تانيه ثانوي استخسارا للمجموع كملت علمي علوم ومكنتش فارقه معايا

صيدله من طب من اسنان كتبت اول رغبه طب اسنان وقبلت فيها وبرده استخسارا للمجموع : )

مش بس كده على فكره عشان ماما كان نفسها ادخل صيدله وكان تحويلي صيدله ده طلب منها

ومتهيألي لو كنت جبت طب المنصورة كنت هدخلها استخسار مجموع برده

بس الحمد لله مكنتش لاحقه غير طب الفيوم تقريبا

ومرحتش بقه استخسارا للمجهود : )

بس بصراحه لما دخلت صيدلة حبيتها جدا جدا حبيت الدراسه فيها وعيشت فيها ايام جميله قووووووي

مع احلى صحاب ودول احلى حاجه حصلتلي في الكليه

ربنا يكرمهم يارب ويسعدهم ويجمعنا دايما على كل خير

بعد ما اتخرجت بقه اشتغلت شويه صغيرين كام شهر بس في صيدلية حبيت الشغل ده جدا

واتعلمت منه حاجات كتير واتعرفت على كمية ناس كتير قوي

من اول اطفال المنطقه ومراتات البوابين وانتي طالعه بقه

كانت ايام حلوة قوي

بعد كده بقه جه التكليف وسبت شغل الصيدليه وروحتلك وحده زي الفل تبع مركز المنصورة

هيه مش وحدة هيه تكية للطبيب الاول اللي كان في الوحده واتصدمت بجد باللي شوفته هناك

قعدت فيها 3 اسابيع بس

ومقدرتش نقلت على طول وجيت هنا في مستشفى في المنصورة

واتصدمت تاني بمستقبل الصيادله هنا عمري ما كنت اتخيل اننا بعد كل التعب ده

هنشتغل في 30 ولا 40 صنف دوا

بس لما جيت رساله الحمد لله الموضوع ده اتعوض بجد اتعلمت كتير جدا منها

انا بحس اني في رسالة اصلا باخد كتير قوي وبتعلم اكتر من كل خطوة بخطيها ومن كل لجنه

من الآخر وبعد كل الرغي ده (خلي باك انتي اللي جبتيه لنفسك)

في نقطه واحده وهيه نقطة الشغل انا راضيه و مقتنعه بيه جدااااااا

ولو كلمتك برده عن أي قرار اخدته تاني

هتبقى المحصله اني راضيه بيه زي ما قولتلك كده في موضوع الشغل

شكراً على زوقك دكتور محمود
بس بجد كان أداؤك للأغنية أكثر من ممتاز

زائر

العفو يا باشا

اى خدمه

وواضح ان ادائى عجبك وعجب كل اللى قامو ينقطوك

هههههههههههههههههههههههههههههههههه

» تخيل انك غبت عن المنتدي عشر سنين؟؟
» تخيل....تبسم...تحسر..قل
» جدد حياتك ...
» أهم 38 جمله فى حياتك
» ايه أجمل ما في حياتك ... باختصار...