زياره مهجوره اخرى من الزيارات----------------------------------------

نسمع كتير عن الصم والبكم
وممكن في حياتنا نكون شفنا حد فيهم
بيتعاملو بطريقه معينه
بيشاوروا ومش بيتكلموا
مع كده
بيفهموا بعض جدا
واحنا كل مره نشوفهم
مانحاولش نفهم عنهم اي حاجه
ولا نقرب منهم
يمكن ناس مننا فكرت شويه في اوضاعهم


لكن
احنا في عالم وهما في عالم تاني
ويمكن بنقول لنفسنا


لو فرضا وقربنا منهم
هنعاملهم ازاي
ونتعامل معاهم ازاي؟؟؟



احنا في رساله
عايزين نعمل فرق
عايزين ندخل عالمهم
ونساعدهم
ونشاركهم
وحتى نتكلم معاهم


مش لازم تكون عارف لغه الاشاره عشان تتواصل معاهم
كفايه انك تروح بحب
ونيتك انك تتقرب منهم

وصدقني
هما اكيد بشر زينا
وبيفهمو الي بقلبه الصافي
جاي وهو عايز يعمل خير

جرب تيجي معانا الزياره
وهنعلمك لغه الاشاره




زياره مدرسه الصم والبكم بالمنصوره
اخر شارع عيسى للسيارات
منطقه المرور
كل يوم اثنين
الساعه3



تعالى
والعب معاهم
وافهمهم

وكلمهم

...


.


بجد انا حاسس ان الزيارات مبقتش زى زمان

قريب هعمل موضوع كبير جدا عن اسباب تدهور الانشطه

ومن دلوقتى بقول موضوع هيزعل منى الناس

بس الحق ميزعلش

نسيت

منقول من موضوع لايمان سمير

جزاها الله كل خير