تعالو نساعد رساله بأفكار ومشاريع جديده ارجو الدخول

السلام عليكم ورحمة الله وبركاته

طبعا كلنا عارفين ان رساله عليها حمل كبير جدا وان فى حالات كتير ممكن تكون مستحقه ورغم ذلك لا تأخذ كامل حقها

طيب احنا فين؟؟؟؟؟؟

ليه منحاولش بنفسنا

الشيخ حازم شومان فى خطبه بعنوان صنائع المعروف بيحكى عن اثر من بنى اسرائيل عندما سئل سيدنا جبريل عما هو فاعل اذا نزل الى الارض

قال :اسقى الناس ماء

يعنى فعل الخير اول واهم شئ ممكن يعمله فى الارض

فى فكره موجوده فى فروع القاهره اسمها فرسان رساله وعاملين لنفسهم نهج خاص وبيحاولو يجتهدو قدر المستطاع

ممكن ناخد المبادره مع بعض ونشتغل بالتوازى مع الجمعيه وبدون تطويل احب اعرض بعض الافكار

1-مشروع الكفاله الشهريه

المشروع قائم حاليا بفضل الله

كل متطوع مطلوب منه كل شهر مبلغ بسيط 5-10 جنيه

يعنى تقريبا مبلغ كارت شحن

لكن هيفرق كتير باذن الله مع حاله او اكثر هيتم اختيارها كل شهر باذن الله من مستشفى الاورام او الجامعه

علشان تبقى كفاله وصدقه وعيادة مريض وتفريج كرب وادخال البهجه على مسلم

امين يا رب العالمين


2-مشروع شنطة الخير

عندك فى البيت علبة سمن زجاجة زيت كيس ارز او مكرونه زياده؟؟؟

معظمنا هيقول اه

خلاص تمام مش هنكلفك فلوس هات كل شهر حاجه من دول وباذن الله هيتم توزيعها على حالات محتاجه

3-مشروع زيارة مبرة الشناوى

دار ايتام كبيره وفى المنصوره ورساله متعملهاش زياره

ينفع؟؟؟؟؟؟؟؟؟

الحمد لله الان زيارة مبرة الشناوى يوم الخميس الساعه 6

ملحوظه:الميعاد مؤقت وجارى تعديله باذن الله

ايضا انوه ان الزياره جديده ومحتاجه شغل كبير جدا ومن الظلم مقارنتها بأى زياره ناجحه

هتنجح بتوفيق الله ثم مجهودكم


اخر شئ فى اجتماع ان شاء الله غدا السبت 10-4 بعد الظهر فى مقر الجمعيه لمناقشة المشاريع الجاريه واقتراح مشاريع وافكار جديده

ارجو من كل الاعضاء الرد ومناقشه الموضوع لكى نصل لافضل تصور

اسف للاطاله

خلاص نتكلم براختنا فى الاجتماع باذن الله