مواقف وطرائف الاعضاء

زائر

هات كل اللى فى جيبوك مش هقولك لأ ومش تخاف مش هنطردك
قول بس واحكى وملكش دعوه
يلا توكل على الله
سيرى يا نورماندى مجراكى ومرساكى
حنفىىىىىىىىىىى مفيش حنفى
خلاص هتنزل المرة دى بس اعملى حسابك المرة الجايه مش هتنزل الارض اببببببببببدا

زائر

هحكى وامرى لله

بس بجد فى حاجات هسيبها للاخر لو لقيت بقيت اعضاء الجروب لسه مكرهو نيش هههههههههههههههههههههههههههههههههههه

ابدا بالنيل ولا المستشفى

خليها النيل

العبد لله من هواة الصيد من وانا ف اعدادى وكان عندى مكنة صيد سنارة متجمعه على مزاجى الموتور كورى و الجسم صينى حاجه حلوه يعنى

طبعا بعد ما دخلت الهبابه الكليه مبقتش اصطاد الا كل سنه مره منهم لله

المهم

مره كنت على شواطئ نادى الشرطه اللى عند البارون وواقف على اخر حته والعمليه كانت ناشفه قوى مفيش سمك عايز يموت على ايدى المهم رفعت السناره وهوب برميها لعرض النيل الاقى نفسى اتزحلقت و و نزلت ف الميا

المصيبه ساعتها مكنتش خدت دورة سباحه ولا اعرف عن العوم شئ

بس كان معايا اخويا الصغير واحد صاحبى شدنى وطلعنى

لكم ان تتخيلو اعزائى المشاهدين منظر شاب فى عز شبابه ماشى فى وسط النادى مبلول

ده حتى صاحبى يوميها مكنش قادر يمسك نفسه

المهم اروح البيت بالعافيه الاقى اللى يقولى اجرى اعمل تحليل البلهارسيا واللى يقولى ايه اللى طلعك من النيل واللى يقولى وسخت هدومك حاجه غريبه

مش عارف الناس كلها مخنوقه منى لييييييييييه

انا عملت ايه مش عارف

طبعا الكلام ده ايام اعدادى دلوقتى لو قلتلهم ف البيت انى غرقت وطلعت مش بعيد ابويا يرفع قضيه على الراجل اللى انقذنى او يروح يتشاكل مع النيل

زائر

اللى فات ده دكتور محمود فريد قسطرة حاليا

زائر

انا

هههههههههههههههههههههههههههههههه
انت صحيح ايه اللى طلعك من النيل
ههههههههههههههههههههههههههههه
كمل معاك للصبح

زائر

دكتور محمود فريد قسطرة حاليا
فعلا ايه اللى طلعنى من النيل

انا نفسى مستغرب انى طلعت

بس كان زمان السمك اتفقع منى تحت هههههههههههههههههههههههههههههههههههههههههههههههههههههه

برده مصممين اكمل

انا عندى كتير و مش عايز افضفض

ههههههههههههههههههههههههههههههههههههه

طيب سيبنا من الماضى و حكايات الطب لان دى اقسم بالله محتاجه كتاب

و خلينا فى الحاضر

يا دوب امبارح

خلصت الدوره فى القصر العينى و راجعين بقى وفرحانين وكلنا نجحنا الحمد لله قلت يا جماعه انا عطشان وقفنا نجيب حاجه نشربها

المهم كان فى واحد صاحبى واكتر من صاحبى كمان اسمه ايهاب معانا ف رساله ونفسى اجيبه الجروب بس لما النت يرجع عنده لانه بيعزل حاليا

ايهاب ده طالما صاحبى جدا يبقى تعرفو انه متعذب وهو اللى اختار انا مليش دعوه

المهم كنت عطشان جدا خلصت قزازتى وقلت ارخم عليه واشرب من الصاروخ بتاعه لانه ممكن يزهق و يسيبهولى

خطفت الصاروخ كان محطوط فوق كبوت عربيه وشربت منه

وبعدين ببص الاقى ايهاب ماسك فى ايده قزازه بيشرب منها

محدش يقولى بتاع مين الصاروخ ده لانى عرفت

بس عرفت متاخر

مش عايز اقولكو الراجل صاحب القزازه كان بيبص لى ازاى

نظره تجمع بين الدهشه والذهول و الاستنكار و الشجب والشلل

حطيتله القزازه فوق العربيه و مشيت

بس

انا مليش دعوه كله من ايهاب هو اللى شكله بيخلينى عايز استفزه

انا برئ انا طيب

هههههههههههههههههههههههههههههههههههههههههههههههههههههههههههه

زائر

انا
ههههههههههههههههههههههههههههه

من حفر حفرة لاخيه وقع فيه
كمل كمل
مستنظرينك

زائر

دكتور محمود فريد
تقريبا الناس يا بتقرا الموضوع و خايفه ترد او بطلو يقرو من كتر الضحك

بس بجد الحاجات دى بتبقى معظمها غير مقصوده وانا حياتى مش كلها كده يعنى

فى مواقف مشرفه كتير ولله الحمد

بس مش مجالها هنا

مش عارف اكمل ولا لأ

المرحله الجايه هتبقى صعبه قوى

تحبو افتح ملف ثانوى الاسود ولا ملف الكليه والامتحانات الله لا يعودها ولا ملف المستشفى و خناقات العيانيين

ده انا عندى حكايات مع المرضى اقسم بالله مسخرة المسخره هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

والله فعلا انا محتار ابدا بايه

قولو رايكووووووووووووووووووووووووووووو

زائر

السلام عليكم ورحمة الله وبركاته

اهه رديت اهه يعنى قريت الموضوع

ومش خايفة ارد

ولا بيهمنا

وبعدين

جو ما بل هاجر

وانا رأى نمشى بالترتيب وتبدى بالثانوى

وبعدين نخش على ايام الكلية والمرضى

جووووووووووووووو أهد

زائر

اللى فاتت دى هاجر

زائر

دكتور محمود فريد
ممتاز جدا يا هاجر

بس خليكو فاكرين انتو اللى قلتو استمر

انتو احرار

مش عايز حد يغمى عليه ولا يجيله صدمه عصبيه

هههههههههههههههههههههههههههههههههههههههههههههههههه

انا كان ليا مزاج اخش على الكليه لان الايام دى كانت صعبه قوى قوى بس خلاص خلينا مرتبين ونديها ثانوى

انا كنت اياميها انسان تانى خالص

مكنش فيه وازع دينى ولا ثقافه ولا حتى شعور بالمسئوليه

كانت تصرفاتى لا تنبئ بانسان هيدخل كليه ولا حتى يدخل سينما

كان اليوم الدراسى يتلخص فى انه الساعه 8 تبدا اول حصه وبعدها انزل ازوغ اقعد شويه لحد ما اروح البيت

يعنى اتمشى شويه اروح العب وكان بيساعدنى فى كده شله من خيرة شباب المدرسه

انا مش هنسى ان ابويا اخر السنه اقسم بالله انى لو مجبتش مجموع كبير معاتش ليه دعوه بيا

وانا كنت عبيط وصدقت كلامه وجبت 99%

اصلى مبحبش ازعل حد منى ههههههههههههههههههههههههههههههههههههههههههههههههههه

المهم فى احد الايام البهيجه الفصل كله كله قرر انه يزوغ تزويغ جماعى

رحنا كلنا عند السور و بدانا ننط واحد ورا التانى

مش عارف ساعتها جاتلى فكره جميله قوى

سبتهم كلهم نطو ومشو ورحت راجع لمدرس الانجليزى اللى كان واقف بره الفصل بيغلى والفصل فاضى قلتله شفت يا مستر كلهم مشو وانا بس اللى جاى احضر الحصه

قالى لا يا حبيبى امال الشنطه بتعمل ايه معاك مسبتهاش فى الفصل ليه

مخدتش بالى من الحته دى خالص قلتله لا مهو انا بشيلها معايا طول اليوم عشان لما نمشى ابقى جاهز

قالى لا والله طب روح يللا مفيش حصه

فرحت قوى قوى انى اول مره امشى بطريقه شرعيه

تانى يوم الصبح كنت اول واحد بيتضرب طحن لسبببن التزويغ و خفة الدم والاستظراف

وطبعا الفصل كله عرف انى رجعت وبلغت المدرس

عايزين تعرفو عملو فيا ايه بعد كده زمايلى ف الفصل

هذه قصه اخرى

هههههههههههههههههههههههههههههههههههههههههههههههههههههههههههه

زائر

هاجر
هههههههههههههههههههههههه

يللا بقى كمل
مستنيين الباقى

زائر

دكتور محمود فريد
مش هينفع اقول اتعمل معايا ايه

ما قولنا بقى ايام ثانوى و فى رقابه هنا و مينفعش

خلينا احسن نبعد عن الفتره دى و نخش بقى ايام الجد

افتكرت موقف طريف جدا حصلى من كام شهر كده

كنت لسه مستلم جديد شهرين تدريب فى مستشفى الاطفال الجامعى

وللاسف كان فيه دكاتره اكبر مننا بعاملونا اى كلام او بالعاميه كده يتمنظر عليك

وكان من النوع ده دكتوره اسمها نورا

وبصراحه بقى الواحد ممكن يستحمل راجل زيه اهو هيعرف يتصرف معاه انما تيجى منها ده اللى ضايقنى وقعدت افكر اعمل ايه اعمل ايه

جالى الحل على طبق من بلاستيك

كنت قاعد انا وهى فى اوضة الاستقبال دخل عيل كشفت عليه وبدات تكتب علاج وبعدين انشغلت بتليفون فابو الواد مستعجل قام جاى عليا

قمت هههههههههههههههههههههه ماسك العيان و بصوت عالى ههههههههههههههههههههههههههههههههه مين اللى كتبلك ده وقمت مكور الورقه و راميها فى الزباله وقعدت اكتب ورقه جديده

طبعا الدوا بتاعها كان صح وانا قمت ناقله تانى بس هى قاعده بعيد كل الى شافته انى رميت ورقتها ف الزباله

مشى العيان قعدت تبصلى و بقها مفتوح وانا ابصلها ومش قادر امسك نفسى من الضحك

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

على فكره نورا دى تستاهل لان حصلها قبل كده موقف رهيب مع اهل عيان وبصراحه اتبهدلت جامد جامد جامد

لو تحبو احكيه معنديش مانع

وربنا يخلى المرضى واهلهم اللى جايين يتشاكلو مش يتعالجو

زائر

انا
كمل
كمل
فضفض
فضفض
هات كل اللى عندك

زائر

دكتور فريد
انا حاسس بالاحباط

هو فى حد بيقرا الكلام ده فعلا

ولا انا بكتب لنفسى

حتى بوسى كل مره تقولى كمل مبتحاولش تناقش او تعلق ع المكتوب

بس برده انا سعيد انى بسترجع جزء جميل من حياتى

زائر

هاجر
السلام عليكم ورحمة الله وبركاته

والله يادك احنا وراك وبنقرا اللى انت بتكتبه

وموضوع النقاش دا بقى حوار

اصل حكايتك دى مينفعش فيها نقاش

هنتناقش فى ايه يادك

دا من النوع اللى يتقال عليه لاتعليق

عشان هوا كامل شامل اصلا

وبعدين عمال تعمل مقالب فى الناس وولاهمك حد

مفيش حد قدر او قادر يوقفلك ويعملك فيك مقلب جامد كده

زائر

دكتور محمود فريد
هاجر

المفروض انا بحكى المواقف الى انتصرت فيها

انما من ناحية اتعمل فيا فاتعمل كتيييييييييييييييييييير

بس دلوقتى العمليه خفت لانهم بقو عارفين انى برد و مبسبش حقى ههههههههههههههههههههههههههههههههههههههههههههه

لما اخلص اللى عملته ف الناس ابقى احكى اللى اتعمل فيا

هههههههههههههههههههههههههههههههههههههههههههههههه

زائر

هاجر
اوك نحن فى انتظار سماع مزيد من الإنتصارات

وعندى سؤال هوا انت اتخصصت ولا لسة

ولو لسة ناوى تتخصص فى ايه

وياسلام بقى لو غيرت الفونت بتاع الخط دا وكبرته شوية

هتبقى القرايه هنا والله

زائر

دكتور محمود فريد
الفونت ده والله العظيم مش ذنبى

دى مشكله فى الاكسبلورر و بصراحه مش لاقى وقت احلها

بس هحلها باذن الله

بالنسبه للتخصص

يا نهار ابيض بعد السنين دى كلها وشعرى اللى اسود تيجى تقوليلى تخصص ايه؟؟

انا لسه 23 سنه

طبيب امتياز وقربت اخلصه يعنى داخل على التكليف

من الاخر بقه ممارس عام لسه متخصصتش ههههههههههههههههههههههههههههههههه

بس مش بمزاجى دى قوانين وزارة الصحه التخصص عندنا بعد التكليف

ناوى على ايه؟؟؟؟

اهو ده بجد بقى سوال يزعل

اطفاااااااااااااااااااااااااااااااااااااااااااااااااااااااااااااااااااال وباعلى صوت

واحد اساسا حياته كلها اطفال فى اطفال

الوحيد اللى بيعرف يغلب اخوه الصغير فى البلاى استيشن والكمبيوتر ولو خسرت منه انام متنكد

الشاب الوحيد فى مصر اللى شاف حلقات يوجى الخمس مواسم خمس مرات

وقاعد مع الكابتن ماجد لحد ما احترف فى البرازيل ربنا يكرمه يا رب

لعيب محترم

وقربت اخلص كونان ادعيلى الحق اخلصه

حتى كارتون الجاسوسات لو فاضى بتابعه هههههههههههههههههههههههههههههههه

يبقى اتخصص ايه طب حروق ولا اورام عشان لما العيان يعيط اقعد اعيط جنبه

انا لو اطول اتخصص فى الاستغمايه يبقى حلو قوى

زائر

هاجر

السلام عليكم ورحمة الله وبركاته

قرار جمهورى

بما انك يادك ناوى تخصص اطفاااااااااال

فقد قررت

بس بعد الشر

بعد الشر يعنى

انك تبقى فى المستقب القريب

ان شاء الله
ان نعطيك شرف
نيل منصب
المستشار الطبى
بلاش نقول الطبيب المعالج دى

لنجلنا او نجلتنا بعد وصوله اووصولها الى الدنيا بالسلامة
ربنا يعافيه من كل الحاجات الوحشة
ومن كل الأمراض وكل المسلمين يارب
ابتدى استعد بقى

وجهزنى معلوماتيا

زائر

دكتور محمود فريد
يا سلام ده يوم المنى والله

قولى بس اى معلومه او طلب وانا تحت امرك انتى و متولى الصغير

او عنايات الله اعلم كل اللى يجيبه ربنا كويس

معلش انا منقطع شويه عن مواقف و طرائف لانى لقيت شغل جديد والحمد لله

بيحصلى فيه مطاحن و مواجع مش مواقف و طرائف

بس ان شاء الله هرجع تانى لما بوسى ترجع من السفر و اتلم على نفسى شويه ولانى تعباااااان وعندى برد ومصدع و زهقت

زائر

انا
انا موجوده يا محمود
هروح فين
وراكم وراكم
يلا احكى انت بس وانا هبدأ احكى انا كمان
بس استجمع ذاكرتى واخد حبوب الزهيمر
والله كان فى موقف فى دماغى
بس مش فكراه دلوكيت
على العموم
ان شاء الله انتظرونى عن قريب
sooooooooooooooon

زائر

نهال سندريلا
اييييييية المواقف دى كلها حلوة اوى بالزات مواقفك يا محمود وخصوصا موقف الحاجة الساقعة دى انا نفسى اعرف كان اية احساسك ولا شكلك كان عامل ازاى وقتها؟

استنونى فى مواقفى طبعا الرهيبة وخصوصا فى الثانوى
كنت بعمل عمايل واسوى الهوايل

زائر

محمود فريد
كان احساسى ايه ساعتها

كنت حاسس ببهجت

بهجت وسمير بتوع كوكدوور الاصلى

ههههههههههههههههههههههههههههه كل اللى حكيته ده نقطه فى بحر

لسه مدخلتش على الكليه والمستشفى

بس مش عارف مكسل اليومين دول ليه

مش لاقى حد يشجعنى

زائر

دى بقى انا
كلنا متابعين مواقفك وطرائفك يا محمود
وبنقولك كممممممممممممممممل
مش تقلق فى ناس كتير بتقرأ
بس مش لقين رد يقوله ليك يابنى
اصل موقفك فظظظظظظظظظييييييييييعه
نو كومنت خااااااااااااااااااااالص
بس بنقرأ يعنى
يلا توكل على الله
وهنقعد نشجعك
تحب نجبلك ربطة الاهلى يشجعوك
؟؟؟؟؟؟؟؟؟؟؟؟
يلا يا ولاد كله يسقف لعمو محمود عشان يحكى

زائر

انا
ايون كدن يا نانا
مستنظرينك يا شابه
ادخلى برجلك اليمين
داحنا هنريحووووكىىىى

» من مواقف الرجال
» مواقف خالدة لعلماء الأزهر
» مواقف في الدنيا ولله في خلقه شؤون
» أمامك ثلاث مواقف .. و معك دمعه واحده فقط !!!!!
» الى جميع الاعضاء