أولة مناقشات شباب أون لاين

زائر

بسم الله الرحمن الرحيم

السيدات والساده/اعضاء المجلس الجروبى الموقر

يسعدنى ان افتتح اليوم اولى جلساتنا فى مجلسكم الموقر لمناقشة وطرح أحد اهم الموضوعات التى تهم الشباب بصفة عامه وشباب الخير بصفة خاصه .كما يسعدنى ان اتشرف برئاسة مجلسكم الموقر فى اولى دورات انعقاده.

الموافق على فتح باب المناقشه فليتفضل برفع يده

(موااااااااافقه)

(مسبقه)

وبناء عليه افتتح اولى جلساتنا بالموضوع التالى::::

من فترة ليست بقريبة انتشرت هذه الظاهرة فى عدد كبير من الدول الكبرى المتقدمه&حيث انتشرت

ظاهرة الهجره غير الشرعيه بصورة متزايدة ومخيفه .تحمل الكثير فى طياتها الاضرار السلبيه اكثر من ايجابياتها ونفعها لنا.

ومن سنوات عدة انتشرت ظاهرة البطالة بصورة ملموسه ليس فى الدول المتخلفة ودول العالم الثالث فحسب ..انما فى الدول الكبرى المتقدمه الامر الذى استلزم وقفة جادة لاعادة النظر فى موضوع الهجره غير الشرعيه ومكافحتها والاصرار على مواجهتها بحزم وبقوة.

وقد قامت مصر بعمل اتفاقية مع دولة ايطاليا على (سبيل المثال):

لتبادل الخبرات فى العديد من المجالات & وتدريب الكوادر المصريه من خلال ورش عمل فى عدة مهن مختلفه وارسالهم للعمل بصورة شرعية وقانونية فى هذه الدولة العريقه.

وبالرغم من ذلك فان اعداد الشباب الخريجين من عدة مراحل تعليميه مختلفه

بما فيها( حملة المؤهلات العليا )..تفوق اعدادهم تلك الاتفاقية كثيراااا وأية اتفاقيات بيننا وبين الدول الاخرى من هذا النوع

&

ويجد هؤلاء الشباب انفسهم تحت وطأة وذل البطالة والتى تدفع الكثير منهم للهجره غير الشرعيه غالبا ماتكون عبر البحر الابيض المتوسط بصورة غير ادمية تهوى بالكثير منهم فى هاوية الموت.

.

ويدفع الكثير من هؤلاء الشباب لتلك المغامرة غير المحسوبة والتى غالبا ما تنتهى بالموت المحتم .. مبالغ ماليه قد تصل الى

30000جنيه

او اكثر من

هذا المبلغ فى بعض الاحيان

&

وتدفع لسماسرة التهريب اومن الافضل نطلق عليهم: (سماسرة الموت)

كما لاحظنا :

ظاهرة الهجره غير الشرعيه

(من المصريين) الى

(اسرائيل) بصورة مفزعة فى السنوات الاخيره

(ومن غير المصريين -من قارة افريقيا)كثيرا منهم يحملون الجنسية السودانيه محاولة الهروب(الى اسرائيل)وذلك هروبا من الاوضاع المأساويه فى دولة السودان وكذلك بعض الدول الافريقيه الاخرى مثل جيبوتى والصومال وغيرها ..وذلك بمحاولة عبورهم الحدود المصريه الفلسطينيه

وقد نجح البعض منهم

وفشل الاخر بقتلهم او اصابتهم بعد تحذيرات بتسليم انفسهم ورفضهم ذلك ضاربين بالقانون وسيادة الدولة المصرية على حدودها عرض الحائط

الموضوع مفتوح للمناقشة..وليتفضل الساده اعضاء الجروب المحترمين بالمشاركه والتعليق

زائر

: حبيش
نعم الجأ الي الهجرة الغير شرعية لأني عاطل وفقير وجوعان و كل ذلك يؤدي الي المرض .
إذن الهجرة الغير شرعية طوق للنجاة حتى لو أدت إلي الوفاة

زائر

محمود
مساء الخير ياعم شريف

واهلا بيك ياخويا
منورنى

نعم الجأ الي الهجرة الغير شرعية لأني عاطل وفقير وجوعان و كل ذلك يؤدي الي المرض .
إذن الهجرة الغير شرعية طوق للنجاة حتى لو أدت إلي الوفاة

طيب سؤال ياشريف :
لو انته على سبيل الافتراض
ماكنتش اشتغلت مدرس وفضلت عااااااااطل
وجالك فرصه السفر دى هل فعلا كنت هتسافر وله كلام وخلاص؟؟؟

محتاج اجابه صريحه

زائر

شريف

اكيد هسافر

زائر

mahmoud1056
اكيد هسافر

حتى لو انته عارف ان 99%
هتموت

او هتدفع الفلوس ويتنصب عليك؟؟؟

لان على فكره مش كل واحد بيبع حاجه او يدفع تحويشة عمره ويسافر؟؟؟

زائر

حبيش
لان ما فيش سبيل تاني

لانك مهما اشتغلت في بلدك مش هتعمل حاجة

واساسا انت بتوصل لقمة اليأس ؟

فالسفر البديل

لأما هتتعدل لأما هتموت

زائر

mahmoud1056
طيب احنا مالناش فى الفتوى لان دى تخصص الفقهاء والمتخصصين بها

فى فتوى:
طلعت بأن الناس دول مش شهداء ويعتبروا منتحرين؟؟؟

واعترض عليها نسبه كبيره من العلماء وايدها قليله جداااا

تؤيد ام تعارض ؟؟؟ولماذا؟؟؟

زائر

حبيش
مستحيل ان نطالب الشباب بعدم الهجرة من دوله لا يجدوا فيها حتى لقمة العيش
حتى الامان اذا خرجوا ليحضروا العشاء لاهلهم ولا تقبض عليهم الشرطة دون سبب
حتى الاحساس بالكرامه
حتى الاحساس بشبابهم
شباب كل املهم ان يعملوا بايديهم و يتعبون و يسهرون لكيسبوا رزقهم بالحلال
شباب يجد الامل فى مركب صيد تاخدهم الى ارض الاحلام
و لكنها مركب سراب تاخدهم الى طريق اللا عوده

زائر

mahmoud1056
يعنى يرموا نفسهم فى التهلكه
حتى لو فى ظروف زى دى
؟؟؟؟

هنفترض:::::

لو مفيش شغل ومش هتعرف تسافر بطريق شرعى او غير شرعى هتنتحر؟؟
ده حل فى رأيك؟؟؟

وبرده ما جاوبتش على سؤالى اللى فات

زائر

اعماد

لسلام عليكم

اختيار موفق يا شريدة

لو أنا معايا شهادة ومش عارف اشتغل بيها

هحاول اشتغل أي شغلانة من اي نوع
عشان أكيد لازم اصرف على نفسي ويكون ليا مصدر دخل محترم يغنين عن السؤال
وكلمة محترم اقصد بيها نوعية الشغل وأنه ميكونش حرام
أما الدخل كام ؟ مش هتفرق
المهم انه يمنعني من سؤال الناس أو الاحتياج لأي حد

طيب وهتجوز منين واجيب شقة وكلام زي كده ؟

في حالة زي دي مش لازم جواز ولا غيره
( فليستعفف الذين لا يجدون نكاحا )
دي آية في القرآن

وبالتالي انا افضل اعيش في بلدي اللي لحد دلوقتي ممكن فيها أادي فرايض ربنا واقدر اعمل فيها خير

أحسن من أني أرمي نفسي في البحر

طيب نبص لها من جهة تانية

لو السكك مقفولة في وشي
بمعنى تشتغل وصاحب الشغل ياكل عليك مرتبك

تشتغل وتحاول تصلي وتعمل خير والشغل عائق كبير جدا

بتشتغل وطموحك عالي وصبرت كتير ومفيش فايدة

لو معاييش اي املاك ابيعها واسافر بتمنها يبقى برده هفضل هنا غصب عني مش بمزاجي

هو ميتن اللي بيسافر في البحر ؟
اللي معاهم دهب يبيعوه
وأرض
لأن أقل شيء 60 الف جنيه

ودول مين يقدر عليهم
الا اللي معاه لكن طمعان في اكتر
وده يستاهل يوصل لو يموت هو ونصيبه

لكن لما يكون معايا 60 الف جنيه ومعملش بيهم مشروع كويس واجتهد فيه عشان ربنا يرزقني
يبقىة استاهل الموت في البحر عشان طمعي

طيب واخواننا اللي وصلوا وبعد كم شهر بعتوا لأهاليهم واشتروا فدادين وبنوا بيوت ؟

انا نفسي اعرف هي البلاد دي بتدي مرتبات كام ؟
والمهاجر غير الشرعي ده بيصرف كام سكن واكل ولبس وهروب من البوليس ؟
والآخر بيحوش كام ويشتري كل ده منين ؟

أنا بس بدعي من قليب ان كل واحد غغغامر بحياته وسافر عغشان الشغل والفلوس
مينساش دينه ومبادئه واسلامه

وربنا يسترها معانا كلنا

ده رأيي اللي قلته في اول الكلام
والباقي زي تحليل للواقع والقصص اللي سمعتها من ناس فعلا سافروا وحاولوا وكانوا هيموتوا في عرض البحر ورجعوا تاني
ودلوقتي عندهم مشاريع ما شاء الله من غير لا هجرة ولا يحزنون

ولنا عودة

زائر

بوسي

فعلا موضوع خطير جدا وشائك جدا
انا ضدد الموضوع ده
وضد السفر خارج مصر بالشكل المهين ده
شكل غير ادمى
وبعدين حتى لو ربنا انقذه من السفر
يا هتقبض عليه كمجرم ويبقى مع المجرمين ويتعامل اسوء معامله
ويضرب ويتهان كأنه حيوان مش بنى ادم
يا اما هيهرب ويفضل يهرب ويهرب لغاية ما يلقى سكن وفى الاخر بردوا هيترحل لبلده ويضرب ويتهان
فهى هياها
يعنى بلدك والمرمته فيها احسن
من الغريب ما يمد ايده عليك وتتهان

زائر

mahmoud1056
منور ياعماد باشا

انا معاك فى كل اللى قتله بس فى تحفظ على حاجه:

هو ميتن اللي بيسافر في البحر ؟
اللي معاهم دهب يبيعوه
وأرض
لأن أقل شيء 60 الف جنيه

ودول مين يقدر عليهم
الا اللي معاه لكن طمعان في اكتر
وده يستاهل يوصل لو يموت هو ونصيبه

مش كل الناس كده ياعماد .
فى ناس بتبيع كل اللى يملكوه على امل ان الواد هيجيب اللى بعناه وعليهم دهب وياقوت ومرجات ودولاات ويورو

او فى ناس بتسلف بكمبيالات وايصالات امانه وشيكات على بياض

ف مش كل الناس طمعانين

لكن الباقى انا اوافقك عليه

زائر

mahmoud1056
ده شىء ممتاز لانك هتفيدينا كويس
انما :
انا عاوز رأيك ؟؟؟

وكمان\":

طيب احنا مالناش فى الفتوى لان دى تخصص الفقهاء والمتخصصين بها

فى فتوى:
طلعت بأن الناس دول مش شهداء ويعتبروا منتحرين؟؟؟

واعترض عليها نسبه كبيره من العلماء وايدها قليله جداااا

تؤيدى ام تعارض ؟؟؟ولماذا؟؟؟

والسؤال موجه لكل المشتركين

زائر

محمود

كلامك زى الفل يابوسى اوافق عليه جملة وتفصيلا

جاوبى بأه على الجزئيه التانيه من السؤال بقا[center]

زائر

بوسي

اللى بستغربه بقى
يعنى قادر انه يجيب 60 الف جنيه
من ديون وبيع
طيب ما يجيب ربعهم
ويعمل بيهم مشروع محترم فى بلده وجمب اهله ويشتغل وربنا يرزقه بالحلال
بدل البهدله

زائر

حبيش
طيب بالله عليك ما هو المشروع المحترم في مصر بعيدا عن رخصة المحل والضرائب والرسوم النظافة التي لم نري اي نوع من النظافة

وكل شيء تعمله في بلدك محتاج واسطة او رشوة او تهرب

ما هو هذا المشروع ؟؟؟؟؟؟؟؟؟؟؟؟؟؟

زائر

1985-2005catبوسي
طبعا اانا مش من الفقهاء ومقدرش اقول حلال ولا حرام
ولا اقول حتى يجوز
بس اللى اقدر اقوله
ان الفتوى دى نوع من تخويف الناس عشان مش تسافر وبعدين ربنا سبحانه وتعالى قال
ولا ترموا بإيدكم الى التهدلكه
يعنى متبقاش عارف ان ده هيوديك فى دهيه
وتروح بردوا

بس فى حاجة بردوا حديث انا سمعته معرفش مدى صحته
بس هو فيما معناه
وهو انا مش فاكرة اوى الكلام
بس هما عملوا حاجة والملائكة سلئلتهم عملتوا كده ليه
قالوا
عشان فقراء تقريبا
ردوا قالوا الملائكة او لم يخلق لكم الله الارض جميعا فتهاجروا فيها

يعنى الارض دى كلها ارض ربنا
بس فى قوانين وحاجات كتير لازم الانسان يلتزم بيها
عشان يضمن سلامته
ومدام اولى الامر شافوا ان ده فى مصلحه الجميع
واعتقد عندهم حق فى الحاجات دى
يبقى لازم نلتزم بقوانين دى عشان عيشه كريمه حتى لو بالقليل
وعايزه افكركم ان الرسول صلى الله عليه وسلم
مكنش عنده اموال طائله
كان ايام تعدى عليهم مش يولعوا النار فى البيت للطبخ
وزى ما بيقول عماد كفاية يبقى معايا اللى يكفينى
واذا كنت بفكر فى الجواز
يا اتجوز من بيت متدين عارف المعاناه اللى الشباب فيها ومش بيطلبو الكثير والكثير
يا اما اتعفف

زائر

mada83
السلام عليكم

يا محمود انت مش مختلف معايا ولا حاجة
انت متفق تماما
والدليل من كلامك

فى ناس بتبيع كل اللى يملكوه على امل ان الواد هيجيب اللى بعناه وعليهم دهب وياقوت ومرجات ودولاات ويورو

او فى ناس بتسلف بكمبيالات وايصالات امانه وشيكات على بياض

ازاي بقى مش طمعانين ؟
أمال ده اسمه ايه؟

بخصوص كلام بوسي عن الاهانات وانه بيعامل كمجرم
لا بالعكس
اللي بيتقبض عليه قبل ما يوصل ايطاليا من حرس السواحل
في جزيرة مش فاكر اسمعها فيها سجن
السجن ده عبارة عن اسلاك شايكة على مسافة كبيرة
وبيدخلوهم جوه
ويأكلوهم
ودكاترة وعلاج لو لزم الأمر
وبعدين يبداوا يختاروا منهم
اللي يعدي ايطاليا
لو عراقي و فلسطيني او مغربي
غير كطده يرجع وخاصة المصريين

عشان كده كل مصري بيعمل انه عراقي او فلسطيني ويقطع جواز سفره لو كان معاه
او بيستلمه من وسيط لما يوصل ايطاليا

وبيجي الصليب الأحمر يعدي مجموعة اللي قلنا على جنسياتهم كلاجئين هاربين من الاضطهاد والحروب وكده
ويرحلوا الباقيين

لما الشاب بيرجع مصر الوسيط بيعرض عليه يرجع له فلوسه ويخصمن منه الفين جني بس تمن الاقامة في ليبيل قبل السفر

هم الأول بيسفروهم ليبيا
ويستخبوا في مخازن على البحر
وبعغدين يركبوهم المركب
ويعلموهم كلمات ايطالية ويحفظوهم خريطة للطرق اللي يهربوا منها لما يوصلوا الشاطيء الايطالي

المهم لما الشاب يلاقي فلوسه رجعت
يقول للسويط خدها وسفرني تاني

ويحاول تاني

ده اللي بيخليهم يحاولوا اكتر من مرة

انا سمعت ان واحد من تلبانة سفر ولاده التلاتة
الأولاني مات في البحر ورجعت للراجل فلوسه
سفر بيهم التاني
مات برده في البحر
سفر بيهم التالت
وعدى ودخل ايطاليا

ومحمود بيقول مش طمع؟
طب اللي رمى ولادهع ده يا محمود يبقى ايه ؟
اللي يبيع عفش بيته ودهب مراته وارضه
يبقى لسه ايه ؟

احنا معندناتش بطالة حقيقة
يعين معندش شباب مش لاقي فرص عمل
عندنا الشباب
وعندنا فرص العمل
لكن الشباب معاه شهادة
لا تعب ولا ذاكر فيها غير ايام الامتحانات
وعايز يشتغل بيها او مش شغال وهسافر

طب ما تتعلم مهنة منحترمة
دخلها كبير وتعيش زي الباشا

في مهن كتير جدا في مصر دخلها الشهري لا يقل عن الف وخمسميت جنيه
ومحدش بيشتغلها
عشان مفيش حد عايز يتنازل عن العمل بشهادته

لو فعلا تعبت في شهادتك ابقى اتأمكر

لكن كلنا عارفين أخدنا الشهادة بملخص ايه
ومذكرة المعيد مين

العيب فينا قبل ما يكون في النظام

زائر

mahmoud1056
هوه بس معلومه

انا قولت ان المبلغ بيوصل ل 30000

وممكن يزيد بس اعتقد انه مش هيوصل ل 60000

انما انا ليا تعليق واسمحولى اتكلم بالنيابه عن الطرف الغائب :
عشان يبقا فى الرأى والرأاى الاخر

اللى بستغربه بقى
يعنى قادر انه يجيب 60 الف جنيه
من ديون وبيع
طيب ما يجيب ربعهم
ويعمل بيهم مشروع محترم فى بلده وجمب اهله ويشتغل وربنا يرزقه بالحلال
بدل البهدله

ده تعليقك يابوسى
طيب هقولك ليه
لان لو معايا مبلغ زى ده مفيش مشروع ناجح فى البلد
لو مثلا استصلحت حتة ارض فى الصحرا الروتينيات وكمان بخ الفلوس وممكن اتسجن
كمان عشان الارض ما بيوصلهاش
ميه للرى
ومحدش سائل فينا والزرع هيموت

هيبقا
عليا فلوس كيماوى وانتى عارفه ان الشيكاره زاددت بنسبه 300%على الاقل والشيكاره مثلا ب 350جنيه

ولو عندى ارض بتاعتى الحكومه فرضت علينا ضرايب عقاريه جديده فى حدود 400 جنيه للفدان تقريبا
ده غير الفلوس اللى هتبقا عليا للبنك الزارعى ومفيش وممكن اتسجن بسببها

لو هافتح سيبر :
دى كان ليها وقتها وخلاص بخ لو فتحته هخسر

لو فتحت محل فول وطعميه:
الزيت غالى والحاجه غاليه هغلى على الناس ومحدش هيجى عندى وهقفله بعد شهر بالكتير

قولى لى ياستاذه ايه المشروع اللى ينفع انتى واى حد يوجهنى؟؟؟

زائر

1985-2005catبوسي
لا طبعا يا حبيش انا مش معاك خالص
وانت بتنظر لكل حاجة بشكل تشاؤمى جداااااااااااااااااااااااا
لازم تحط فى اعتبارك اولا واخيرا
انك تعمل اللى يرضى ربنا
ولا تتهرب ولا حاجة ولا تعمل حاجة غلط
امشى بما يرضى الله وبس
وربنا هينجيك ويقف جمبك
مفيش حد بيقف على باب ربنا وربنا يرجعه خائب
اقف على باب ربنا وقول يارب [center]

زائر

الهلالي
اولا عايز اقول ااانا متعاطف جدا طبعا مع الناس الى محتاجه ومضره لده لكن فى نفس الوقت انا بعترض على على موضوع السفر والمجاذفه طبعا ..
اولها بالفلوس دى الى جاذف بيها بجد ممكن لو فكر وعنده نيه واستعداد وحماس هيقدر يستمثر ويشتغل وفى حاجه عايز اقولها مهمه جدا بره فيه فلوس بس الحياه مكلفه ومش سهله خالص زى ما الناس متوقعه وانا اعرف ناس بتسافر الخليج كل يوم ويرجعوا بعد شهر او اتيين ومش عارفين يتاعيشوا هناك لذلك مش مع موضوع السفر
وكمان بعتبر الموضوع فيه جانب ثقافى وهوه ان الناس مش عارفه حقوقها ولا عارفه دينها كويس وكل تفكيرها الفلوس الفلوس والنيه الاكل والجواز بس واكن الحياه كده بس

زائر

: mada83
وعلى فكرة اللي يموت في البحر ده منش شهيد
لأنه لم يمت دون ماله ولا دون عرضه ولا دون دينه

مات على ايه ؟

بقاله كم يوم مصلاش قبل السفر واثناء السفر ؟

دي مش فتوى
ده مجرد رأي

انا ليا واحد صاحبي خلص بيطري
واشتغل في شركة بمرتب كويس
وكان مرتاح فيها جدا وهيترقى
صمم انه يسافر الملانيا
حاول ميت مرة وفشل
بطرق رسمية
وحاول انجلترا وفشل
وراح سنغافورة وتايلاند وبولناد واخيرا دلوقتي في اسكتلندا
وتكلف مالا يقل عن 70 الف جنيه
ودلوقتي نفسه يرجع مصر
وبيقول مفيش شغل
والحياة صعبة جدا هناك

لكن اكيد مش صعبة على كتير من اللي بيبعوا دينهم ويعيشوا حياتهم الجديدة

واحد تاني خلص كلية تجارة
وبواسطة اتعلم شوية اندجليزي وقبل على مركب سياحي بيلف العالم
طب دي شغلانة وحش ؟
مرتبها وحش ؟
ومع ذلك هو اتعلم انجليزي واشتغل في الشغلانة دي عشان يهرب في ايطاليا لما توصل المركب هناك
وفعلا هرب
وعايش زوبيشتغل هناك دلوقتي

حد يقولي ان واحد يسبي شغل على مركب زي دي وبمرتب كبير وله مستقبل وقانوني ويهرب برده

مش عارف

وانا بقول انه انتحار لأنه عارف انه ممكن يموت وميوصلش ويقولك احسن من الحياة في مصر

وده يأس
وفي آيه معناها أن لا ييأس من روح الله الا الكافرون

اظن كده وضحت

زائر

mahmoud1056
لا مختلف معاك ياعم عماد

لانه لو حط فلوسه فى مشروه هيطيروا وهيبقا مشروع فاشل

طيب ادينى المشروعات اللى انته شايفها تنفع فى مصر؟؟؟؟

زائر

حبيش
ربنا سبحانه وتعالي أمرنا بالأخذ بالأسباب
علشان ربنا سبحانه وتعالي خلق الحلال والحرام والأسباب معدومة فكيف أميز بين الحلال والحرام

وهل ربنا سبحانه وتعالي يعطي لمن لا يعمل فيجب علينا العمل ثم العمل ثم العمل وندعوا الله ان يوفقنا

ولذلك اين العمل ؟ علشان ربنا يوفقنا

لا يوجد الا البطالة

زائر

1985-2005catبوسي
يمكن كلامك صح يا عماد
بس اللى اعرفه
وشفته فى القنوات الفضائية
وبرامج كتير
انهم مش بيأكلوا ويشربوا
دول بيتهدلوا
وخاصه لو مصرى
وزى ما انت قلت بيقطع البسبور
ويسافرمن مكان لمكان
طبعا وطريقة السفر او الهرب
بتبقى بشكل غير حضارى ولا حد كرمته تسمحله انه يسافر بالشكل ده
اما بقى شريدة
معنى كلامك يا شريدة
ان مفيش حاجة نجحه
ما ممكن الغلط فى تفكيرنا
وان احنا معندناش خبره
ولا عندنا فكرة المشروع بيدرس ازاى وندخل وحطين كل الاحتمالات وحلولها
لو قعدنا نقول الكلام ده يا شريدة يبقى مش هنتقدم ولا هنتأخر هنفضل قعدين محلك سر
بس لو انت ركزت فى كلامك
مفيش مشروع ولا فى حاجة واتحدى حد يجبلى مشروع والكلام ده كله
يعنى الهجره الغير شرعيه هى الحل
طيب لو قلنا هدور على عقد عمل
معدتش فى دلوقتى عقود عمل ومعظمها نصب
طيب يا سيدى بلاش تعمل مشروع
اشتغل اى شغل
مش لازم تخصصك
اشتغل والمهم يبقى فى الحلال وبسسسسسسسسسسسسسسسس

» مجلة شباب أون لاين العدد الأول (عدد شهر سبتمبر 2009)
» منتدانا الصحي اقوى مشروع هيطلع بعون الله من منتدى شباب المنصورة الشغل بدأ يا شباب مين معانا ؟؟؟
» ممكن طلب يا شباب ..!؟
» بجد بجد قصص ولا اروع يا شباب ...!!
» لكل شباب مصر اولاد وبنات