حمله مهمه اوي للتبرع بالدم

حملة التبرع بالدم..
تنظمها كلية التجارة فى جامعة المنصورة بالتعاون مع مستشفى الاطفال بالمنصورة
____________

ياترى تعرف ايه عن حملات التبرع بالدم..؟

عمرك حاولت تتبرع بالدم قبل كدا بس كنت خايف او مش متأكد الدم دا بيروح فين وازاى...؟

طيب تعرف ان فيه تقريبا 10 الاف مريض بمرض انيميا البحر المتوسط فى الدقهلية بس بيحتاج يغير دم جسمه كله كل 14 يوم...؟


وان فيه اطفال فى مستشفى الاطفال بيموتوا كل يوم عشان مش لاقيين كيس دم من فصيلة دمهم...؟


طيب تعرف ان التبرع بالدم مش بس بيديك ثواب...لأ وكمان بيجدد خلايا دمك كلها
وانك مش مطلوب منك تتبرع بالدم غير كل 3 شهور لو كنت ولد
وكل 4 شهور لو كنتى بنت
وكمية التبرع فى الحالتين مابتزيدش عن كيس
بي الكيس الواحد دا بيفرق فى حياة مريض او طفل


شاركونا فى حملتنا يوم التلات عشان ناخد ثواب
وننشر ثقافة التبرع بالدم
ونحاول نحس ببشر زينا بس ربنا اختارهم عشان يختبر قوة صبرهم من خلال المرض وعشان يختبر قوة ايمانا بيه واحساسنا بيهم من خلالهم


دعوة لكل الشباب والفتيات
لكل الناس اللى عارفين ان فصائل دمهم نادرة
ولكل اللى عايزين يعرفوها

احنا اسرة رسالة فى كلية التجارة
هانكون موجودين يوم الثلاثاء ان شاء الله امام مدرج عساف
ومعانا عربية من مستشفى الاطفال مجهزة بالكامل


هانكلمكوا عن حملات التبرع بالدم اكتر
هاتاخدوا ثواب عن تبرعكوا
وعن كل شخص تقنعوه بأنه هو كمان يتبرع

الدال على الخير كفاعله


مستنيينكوا

شكرا

للاستعلام
0109587070
0163461330

الإيفنت الرسمي
https://www.facebook.com/event.php?eid=59732106289