الكراهية.........مارايك بها ؟وما الحل

الكراهيه ...
الكراهيه معناها انا لا تحب انسان و تكراه ... لا تحب وجوده في المكان الذي انت متواجد فيه ...و ايضا لا تحب ان تراه.. افضل منك في شي ...
الكراهية شي خطير و خاصة اذا انتشرت في المجتمع فهي تولد البغضاء و الانانيه و حب النفس و تمني زوال النعمة من عند الغير ...
و انا احببت ان اناقش معكم هذا الموضوع ( الكراهيه ) الذي بدء ينتشر في المجتمع بشكل كبير
فهل كرهت يوم من الايام انسان ؟ و لماذا ؟
ما رايك بالانسان الذي يكرة دون سبب ؟.
و كيف تبدء الكراهية
ما رايك بالكراهيه بشكل عام ؟ و في اعتقادك ما هي اسباب الكراهيه ؟.
هل الكراهية في نظرك صفه محبوبه ام مذمومه ؟ و لماذا ؟.
هل يوجد انسان يكرهك ؟ و في رايك لماذا ؟.
هل في نظرك حد يستحق الكراهية ؟.
هل احد صارحك بانه يكرهك ؟.. و ما هو كان شعورك

وما هو الحل برايك؟كي تجعل الشخص الذي يكرهك .....يسامحك

فهل كرهت يوم من الايام انسان ؟ و لماذا ؟
نعم بس مش بالظبط مش بحبه علشان حصل موقف منه بيضايقنى او يقعد يضحك عليا ويخلى اخرين يضحكوا عليا برضه
-----------------------------------------------------------------
ما رايك بالانسان الذي يكرة دون سبب ؟
انسان تافه ومش كويس وربنا يهديه
. --------------------------------------------------------------------
و كيف تبدء الكراهية
تبدء الكراهية من شخص ما يقوم بافعال تضايق او يضحك عليه ويضحك الناس فيشعر الشخص التانى بانه لا يحبه فيبدا بكراهيته كما يكره الشخص الاول
------------------------------------------------------
ما رايك بالكراهيه بشكل عام ؟ و في اعتقادك ما هي اسباب الكراهيه ؟.
الكراهية شى سى للغاية واتمنى ان ربنا يحمينا من شره فهو شر يترعرع فى القلب
واسباب الكراهية زى كيف تبدء الكراهية زيادة على ذلك
ان لو انا مثلا مش بحب شخص ما فهو يحس بطاقة سلبية خارجة منى فبيشعر بها فيالتالى يكرهنى
-------------------------------------------------------------
هل الكراهية في نظرك صفه محبوبه ام مذمومه ؟ و لماذا ؟.
الكراهية صفة مذمومة لانها تنشر البغضاء بين الناس وتجعل كل الناس اعداء لك
-----------------------------------------------------------------
هل يوجد انسان يكرهك ؟ و في رايك لماذا ؟.
مش عارف يمكن فى ناس تكرهنى وانا مش عارف
ليه يمكن علشان عملت موقف يزعلهم وان كانغصب من عنى
فلو حد كارهنى ارجوك سامحنى
---------------------------------------------------------------------
هل في نظرك حد يستحق الكراهية ؟.
لا ابدا ما حدش يستحق الكراهية
------------------------------------------------------------
هل احد صارحك بانه يكرهك ؟.. و ما هو كان شعورك
تقريبا محدش قال لى هذا يمكن ساعات بحسها وببقى زعلان جدا وحزين واحاول انقذ ما يمكن انقاذه حتى تعود الميام الى مجاريها
------------------------------------------------------------
وما هو الحل برايك؟كي تجعل الشخص الذي يكرهك .....يسامحك
احاول اتناقش معاه لو راضى يسمعلى واوعده بجد اغير تصرقاتى معاه ويعطى للا فرصة تانية

----------------
فى النهاية احب احكى حكاية حصلت معايا
فى واحد زميلى كنت حاسس انه بيكرهنى واى حاجة اقولها يعلق عليها بشكل سخيف
بس فى الاجازة اللى فاتت انا تغيرت كتير وهو مشترك على الفيس بوك فكلمته شوية
لاقيته اول ما شفنى بعدها سلم عليا اوى وتصرفاتوا اتغيرت وحاسيت انه بيحبنى
-----------------------
بشكرك بجد يا رغدة على التوبيك المميز ده
جزاكى الله خيرا
ومنتظرين منك الاجابة حتى تفيدنا
انا مستنى
وفكره كلمة ( سلام بقى)

اقتباس :: بشكرك بجد يا رغدة على التوبيك المميز ده
جزاكى الله خيرا
ومنتظرين منك الاجابة حتى تفيدنا
انا مستنى
وفكره كلمة ( سلام بقى)

ههههههههههههههه
ميرسى ربنا يخليك
واه فاكراها (بس مبطلاها بقالى فتره ع فكره لما لقيت انه فيه ناس بتتضايق منها فقلت بناقص كلمه ف الرد)

وبالنسبه للتوبيك هرد حاضر
بس كنت عاوزه حبة تشجيع من حد
هرد عليه دلوقت ان شاء الله
سلام مؤقتتا بقى

جزاكى الله خيرا
اصل لاحظت انك ما عديش بتكتيبها
المهم ما فيش اى تعليق على الرد بتاعى ولا ايه
فى حاجة غلط
احب اسمع رايك

فهل كرهت يوم من الايام انسان ؟ و لماذا ؟

لا الحمد لله عمرى ما كرهت حد
انا اه بزعل بسرعه بس كمان بنسى بسرعه اى زعل مهما كان الموقف تعبنى ف وقته
شويه وبروق وولا كان حاجه حصلت اصلا
مش بقلكواالنسيان دا نعمممه

ما رايك بالانسان الذي يكرة دون سبب ؟.

بصراحه بيصعب عليا قوى
بحس الكره دا بيعمى القلب

و كيف تبدء الكراهية ؟

ممكن غيره او شعور بالنقص او صدمه غير متوقعه ف شخص معين
لانه الضربه اللى بتيجى من الغريب ممكن ما توجعش انما لو م القريب ممكن تدمر

ما رايك بالكراهيه بشكل عام ؟ و في اعتقادك ما هي اسباب الكراهيه ؟.

بحسها صعبه قوى مش عاوزه افكر فيها ولا اتخيلها حتى
ربنا يكفينا شرها

اسبابها يمكن غيره او صدمه زى ما قلت فوق

هل الكراهية في نظرك صفه محبوبه ام مذمومه ؟ و لماذا ؟.

الكراهيه كصفه اكيد مذمومه
بس الشخصيه مش لازم تبقى مذمومه
بحسها شخصيه مريضه محتاجه الناس تقربلها وتشدها للصح
لان الناس لو بعدت عنه هيتمادى ف دا
وع فكره دا مش زنب الشخص
ربنا يكفينا شر الكره والحقد اللى بيسكن القلوب

هل يوجد انسان يكرهك ؟ و في رايك لماذا ؟.

لا الحمد لله
معتقدش فيه حد بيكرهنى
يمكن لانى عمرى ما قصدت اضر ولا ازعل حد .اه اوقات ناس بتزعل منى من غير ما اقصد دا
بس ربنا اللى عالم بنيتى وباللى جوايا

هل في نظرك حد يستحق الكراهية ؟.

لا ابدا
اى حد مهما كان فيه مزايا
يمكن اول حاجه بتلفت نظرنا فيه او من مواقف عيوبه بتظهر الاول
بس مفيش حد وحش 100%
اقلك موقف.عارف شارون طبعا
هو ف المستشفى ف غيبوبه من زمان
فكنت قاعده مع جدتى وقالوا خبر عنه ف التلفزيون انه لسه ف غيبوبه من زمااان
فصعب عليها قوى ولقيتها بتدعيله
فاستغربت وقلتلها رغم اللى عمله دا كله صعبان عليكى وبتدعيله
قالتلى:فيه روح وفينا روح
وكفايه نومته دى وبعدين حسابه عند ربنا .وربنا يكفينا شرالمرض دا بيكسر اى حد
بكلامها دا خلتنى افكر كتير قوى ف كدا

هل احد صارحك بانه يكرهك ؟.. و ما هو كان شعورك

لا الحمد لله محصلش

وما هو الحل برايك؟كي تجعل الشخص الذي يكرهك .....يسامحك

انى اقف جمبه لما يكون ف مشكله او محتاج حد معاه

وبس خلاص
دا رايى
سلام بقى

فارس الظلام كتب:: جزاكى الله خيرا
اصل لاحظت انك ما عديش بتكتيبها
المهم ما فيش اى تعليق على الرد بتاعى ولا ايه
فى حاجة غلط
احب اسمع رايك

لا دى اراء مينفعش اقول صح اوغلط
بس نصيحه منى
حاول ما تشيلش جواك اى حاجه وحشه من اى حد مهما كان ومهما حصل منه
صدقنى هتحس براحه من جواك ان شاء الله
وعلشان مفيش حد ما بيغلطش(حتى لو من غير قصد) فلما تغلط انت تلاقى اللى يسامحك
ولو ضايقك عيب ف حد
دور فيه على مزاياه اللى تعوض العيب دا وركز معاها وما تفكرش ف العيوب
كلنا فينا مزايا وعيوب
ولوحد لقيته مش كويس اصلا ما تقربش منه او قضيها سلام سلام بس ما تكرهش وما تشيلش جواك حاجه وحشه من حد

ويمكن دا الموقف اللى حكيته كنت متضايق من الشخص دا
بس لما اعطيت لنفسك وله فرصه
شفت المزايا اللى فيه

وصاحبك ما يجاملكش صاحبك يبقىمرايه ليك ولعيوبك

((الحياه كالمعلم الذى لم يعلم قلبه الرفق ما ضربك الا ليعلمك كيف تكون الحياه))

وربنا يوفقك ويجازيك كل خير يارب

الله يخليكى يا رب
دايما باستفاد منك والله
وانا كان قصدى انى رايى فى حاجة غلط
المهم ده راى ما ينفعش صح ولا غلط خلاص كده
انا بحاول اشيل كل حاجة وحشه من دماغى
بس كل ما اشوفه افتكر وابقى حزين
انا اتغيرت تغير فى الاجازة الكبيرة اللى فاتت
فعلا احسن اجازة فى حياتى
وباقيت احب كل الناس كلهم
وهما بيحسه ده ويبادلونى نفس الاحساس
بس اهم حاجة بقول الحمد لله على كل شى
ومش عارف اشكرك ازاى على كم المعلومات والخبرات ديه

فارس الظلام كتب:: الله يخليكى يا رب
دايما باستفاد منك والله
وانا كان قصدى انى رايى فى حاجة غلط
المهم ده راى ما ينفعش صح ولا غلط خلاص كده
انا بحاول اشيل كل حاجة وحشه من دماغى
بس كل ما اشوفه افتكر وابقى حزين
انا اتغيرت تغير فى الاجازة الكبيرة اللى فاتت
فعلا احسن اجازة فى حياتى
وباقيت احب كل الناس كلهم
وهما بيحسه ده ويبادلونى نفس الاحساس
بس اهم حاجة بقول الحمد لله على كل شى
ومش عارف اشكرك ازاى على كم المعلومات والخبرات ديه

ميرررسى بجد ربنا يخليك
وفعلا دى حاجه تسعدنى بجد
وانا فاهمه قصدك
بس كل واحد بيكون رايه من المواقف اللى عاشها
والحمد لله ع كل حال
ومفيش شكر بين الاخوات ع فكره

» لطرد الذباب من على السفره؟! هذا هو الحل...!!!!!!!!
» رقبتى بتوجعنى يا جدعاااااااان ... ايه الحل
» عايز تتاكد من معلومه او اعجاز علمى او شاكك فى حاجه--التزكيه هو الحل