شنـــط الخير يا أهل الخير

بسم الله

النشاط ده يمكن احنا بس اللي بنعمله واللي ربنا من علينا بالاستمراريه فيه كل شهر :)

شنط الخير

طبعا كلنا عارفين ايه هي الشنط

بس بردوا نقول ايه هي

شنطه الخير دي شنط شهريه نموذج مصغر لشنط رمضان

بيكون فيها::

رز وسكر ومكرونه وفول ولوبيا وزيت وشاي وصلصه وملح واي حاجه نقدر نحطها تانيه..

________________

الموضوع مش مكلف خالص بفضل الله

الشنطه الواحده بتتكلف حوالي 40 جنيه وفي اسوأ الظروف مع الغلو المستمر ف الاسعار بتبقي 45

لكن المشكله اللي بتواجهنا هنا ف كذا حاجه::

1) اننا احيانا مش بنقدر نجمع كل شهر المبلغ اللي يكفي الحالات..

2) المتطوعات نفسهم عددهم بيقل او بيزيد مش ثابتين كل شهر مع ان الموضوع مش بياخد وقت كبير ف الشرا والتعبئه والتوزيع..

3)الاسر نفسها اللي بنوديلها الشنط مش ثابته والداتا مش معانا كامله..

________________

انا عارفه ان الموضوع عاوز تنظيم كبير

علشان كده انا عرضت الموضوع عندكم ف المنتدي علشان استفاد من خبراتكم الواسعه ف العمل الخيري

__________________

عاوزه اعرف احنا كبنات ازاي نستكشف الحالات ونعرف نكفي حالتها

ونعرف مين اللي هيتعاون معانا ف الموضوع ده

وازي نكبره ونوسعه ونستمر فيه؟؟

اعتقد ان الموضوع بسيط ان شاء الله

بس محتاج همه عاليه علشان الموضوع يستمر

والخير يتعمل

والخير كده كده هيتعمل

والاسر هيوصلها الشنط

سواء بينا او من غيرنا

فهو فضل الله يؤتيه من يشاء

وجزاكم الله خيرا

وبعتذر ع الاطاله :)