مشكلات ناتجه عن خروج المرأه للعمل

الى اقدر اقوله حاليا ههههه
بجد منوره يا هند ومنتظر ترجمتك انتى هههه لانك الوحيده الى هترجمى ده هههه

وبجد اتشرفنا بحضترك معاانا وباذن الله منتظرين مشاركتك ونشاطك معانا فى كل اعمالنا باذن الله

وجزاكى الله خيرا كثيرا

عدد الرسائل : 8 العمر : 34 تاريخ التسجيل : 14/09/2009

merci ya raghda 3la el targama :D
w el keyboard msh btktob arabic 3ashan 7aga 3'lt fe el ta3ref hasal7o orayeb isa
w ana msh 3arfa eh elle msh fahmah fe elno2ta el talta

w hossam el hellaly thx da norak.. ana elle etsharaft bekm

عدد الرسائل : 8 العمر : 34 تاريخ التسجيل : 14/09/2009

mayy كتب:: ميرسي لردك الجميل يا هند بس انا معترضه معاكي في حاجه
انتى لما بتقومي بواجبك مش منتظره شكر من حد انتى تحتسبي الثواب عند ربنا وده في كل امور حياتك

el kalam gamel bs mesale awe ...ente msh bt2ole le nafsek ana ha7es b kaza w msh ha7es b kaza ...7ata lw konte msh btstane rad el gemel ente btb2e mtwke3ah w lma msh btla2e btz3le ezay elle odamek msh m2dr le 7d dlw2te m3 en ente lma 3amalte el 5edma mafakrtesh fe ay 7aga 3'er enk tsa3deh

الترجمه

اقتباس :: merci ya raghda 3la el targama :D
w el keyboard msh btktob arabic 3ashan 7aga 3'lt fe el ta3ref hasal7o orayeb isa
w ana msh 3arfa eh elle msh fahmah fe elno2ta el talta

w hossam el hellaly thx da norak.. ana elle etsharaft bekm

ميرسى يا رغده على الترجمه :)
الكيى بورد مش بتكتب عربى علشان حاجه غلط ف التعريف هصلحه قريب ان شاالله
انا مش عارفه ايه اللى مش واضح ف النقطه التالته
وحسام الهلالى شكرا دا نورك انا اللى اتشرفت بيكم

اقتباس :: el kalam gamel bs mesale awe ...ente msh bt2ole le nafsek ana ha7es b kaza w msh ha7es b kaza ...7ata lw konte msh btstane rad el gemel ente btb2e mtwke3ah w lma msh btla2e btz3le ezay elle odamek msh m2dr le 7d dlw2te m3 en ente lma 3amalte el 5edma mafakrtesh fe ay 7aga 3'er enk tsa3deh

الكلام جميل بس مثالى قوى انتى مش بتقولى لنفسك انا هحس بكزا ومش هحس بكزا
حتى لو كنتى مش بتستنى رد الجميل انتى بتبقى متوقعه ولما مش بتلاقى بتزعلى ااى اللى قدامك مش مقدر لحد دلوقتى مع ان انتى لما عملتى الخدمه مفكرتيش ف حاجه غير انك تساعديه

هند
عادى يا قمر ولا يهمك بجد
اكتبى براحتك وانا اترجم
وهى مش فكرة ان انتى تستنى رد الجميل يا مى
رايى بس انك تحسى ان حد مقدر اللى انتى بتعمليه وتشوفى نتيجته قدامك

والنقطه التالته يا هند
انا ما فهمتهاش كمعنى ايه اللى انتى تقصديه بيها
يعنى ايه؟

اقتباس :

(بعيد بقى عن الموضوع حبه انتى ممكن تكتبى من غير كيى بورد
من
start
تخارى
all programs
بعدين
accessories
بعدين
accessibility
بعدين
on-screen key board
هتطلعلك كيى بورد ع الشاشه وبتشتغلى بالماوس عليها عاتى
جربى الطريقه دى يمكن العيب من الكيى بورد نفسه )

سلام

السلام عليكم ورحمة الله وبركاته

منتدايا الحبيب وحشتنى جدا انا عارفة انى مقصرة ولكنه لظروف نتا ويه بحته

الأخت العزيزة مى الموضوع حلو ولكن عند بعض النقط عاوزة ارد عليها

اولا بالنسبة لردود الأعضاء فطبعا كل ردود الشباب متوقعة سورى يعنى ردود ذكوريه بحته الا رد نبيل على غير العاده يعنى هههههههههههههه

وطبعا البنات بيدافعوا عن وجودهم
انا بقى هتكلم من ارض الواااقع
اولا هتناقش معاكى فى نقطة زى المرأة وعملها فى القرن العشرين
طيب هو ايام زمااااان اوى مكنش الفلاح البسيط مراته بتطلع تشتغل معاه فى ارضه
ولو مكنش عنده ارض كان بتطلع تشتغل فى اراضى ناس تانية يعنى لا قاسم امين ولا هدىشعراوى ودا مش معناه انى بأوأيد كل كلامهم يعنى

لكن هاتوا الأفلام القديمة الأبيض والأسود واتفرجوا هتلاقوها كانت بتساعد جوزها وبتشتغل
الموضوع مش وليد امبارح يعنى صح ولا ايه

كمان فى نقط انتى اتكلمتى فيها زى ان اصحاب الأعمال بيلجأوا للإستعانة بالمرأة عشان انخفاض اجورها والكلام دا طبعا الكلام دا مش صح على اساس ايه يعنى واحده دكتورة ف مستشفى وفى نفس خبرات ومهارات طبيب ذكر وهى بتشتغل 8 ساعات زيها زيه وهوا بياخد مثلا 500 ج/شهر وهى بتاخد 400 طب ازاى
وان ان شغلها بيكن لتحقيق طموح وخلاص او عشان تعد تشترى كماليات يعنى لااعتقد ان دا مظبوط بنسبة 100%

يعنى رد نبيل مقنع 100% ايوة لو الشغل مكانه قريب يعنى مش بتسافر من بلد لبلد والمكان امان ااه تشتغل

وبالنسبة لموضوع البيت انا رأى فيه قادره توفقى بين الشغل والبيت والشغل اشتغلى هتقصرى ف حاجة منهم يبقى اكيد الأولوية للبيت والزوج والأولاد

وانا لى امهات اصحابى بيشتغلوا وحاليا مساكين مناصب ادارية عليا ربوا بناتهم احسن تربيه وعمرى مادخلت بيتهم ولقيته ناقص حاجة

انا بتكلم كده بناءا على انى زوجة وام وكمان بشتغل وفى شغلى البنات مش بياخدوا مرتبات اقل من الرجاله ولا حاجة

وكمان صعبه شوية ان الست تكون بتاخد قرارات فى البيت لوحدها بحكم انها بتشتغل يعنى ...غريبة شوية

اكيد كلنا شفنا حالات حصل فى طلاق او وفاه للزوج والمرأة اللى مش مكملة تعليمها او بتشتغل بتبدهل اخر بهدله لما بتفقد من يعولها ويعول اولادها ان بتعبر شغل المرأة المتزوجه حمايه ليها من غدر الزمن

منوره يا ام سيرين وايه اخبار سيرين

وايه اخبار المؤتمر الدولى يا ترى دخلين فيه ولالا ايه
خلى بالك انى منسق عام فى المؤتمر ده يعنى عايزين نعمل بيزنس بينا وبينكم ويسعدنا طبعا تشرفيكم فى المئتمر بيعد عن الشغل حته يعنى كل الشركه عندكم يشروفنا فى المئتمر ده لانه بجد جميل وبيتعمل مره واحده فى السنه وبندعى شخيصات من دخل ومن خارج البلاد على مستوى عالى وبيحقق نجاح كبير

السلام عليكم ورحمة الله وبركاته

كله تمام ياحسام وسيرين بخير

وبالنسبة للعرض احنا رفعناه للإداره عشان ناخد موافقه عليه

وربنا يسهل احنا كمان يسعدنا التعامل معاك طبعا

وكمان بالنسبة للفلوس اللى معايا الله يكرمك خدها بقى اصلهم تقال على جدا محدش عارف الموت من الحياه

احم احم احم
مساء الخير يا شباب
عاملين ايه ؟؟؟؟؟؟؟؟
وايش اخباركم يارب دايما تبقوا بخير
ايه المواضيع الجامده دى يا مى
لا فعلا موضوع حلو
قبل ما ادخل فى النقاش الجميل ده
احب ارحب بيكم كلكم
واقول لاخ ابو عبد الرحمن ياريت تعرفنا بنفسك انا طلبت منك تعرفنا كتير بك مش عايز تعرفنا ليه بحضرتك ده يشرفنا طبعا وجودك معانا وياريت تعرفنا باسمك الحقيقى وبتشتغل ايه و مكان سكنك كبيانات اى عضو بنعرفها عنه بشكل عام

ندخل فى الحوار
لى كام نقطة احب اقولهم وبعد كده ندخل فى النقاش
حوار سي السيد ده
اولا اانا مش مقتنعه بالشخصية دى
الشخصية المتسلطة المهابه المرعبه اللى بتدعى الهيبه والرعب والصلاح وحسن الخلق وهى فى حقيقة الامر شخصية ممكن نقول عليها بالعمى هلاااااااااااااااااسه
سورى للفظ
بس ملقتش لفظ تانى يوصف الشخصية المستفزه دى
وينطبق على الشخصية دى مثل قديم بس جميل بيقول:-
بره وجوه فرشتلك وانت مايل وايه يعدلك
هههههههههههههههههههههههههههههههههههههههه
انا محبش شخصية الرجل اللى بيدعى شئ مش فيه ومحبش الشخصية المتسلطة المسيطرة لان الامور مش بتبقى الند بالند ولا بتبقى مين اعلى من التانى لان القوامه للرجل وطبعا تكمله لاية بما انفقوا وده مش فخر للرجال ده تكلفه لهم وامر ليهم بالقوامه والتوازن
الحياة الصح ان الاتنين بيقوا مكملين لبعض بيبنوا مع بعض وكل واحد مسئول عن شئ ولازم يأديه على اكمل وجه
واخر جمله قاله الرسول قبل ما مماته
رفقا بقوارير

اما بخصوص عمل المرأة
بتجربة عشتها
امى بتعمل وهى دلوقتى فى منصب مديرة
ودايما شايفة بيتها وجوزها واولادها وبتعمل كل شئ على اكمل وجه
وعمرها ما قصرت معانا فى حاجة
دايما الاكل موجود فى معاده والبيت نظيف وكل طلبتنا مجابه
وربتنا الحمد لله احسن تربيه
اخويا مهندس وانا كلية اداب قسم اجتماع وحاليا بتمرن عشان ابقى ويب ديزينر
والحمد لله الامور عندنا مستقرة ولله الحمد
اما بخصوص رأيي انا فى عمل المرأة
مينفعش نعمم الموضوع ان عمل المرأة اه ولا لأ
لان زى ما هاجر قالت وبقيت البنات
ان عمل المرأة مش شرط عشان تحقيق الذات فى حالات اجتماعيه زى الطلاق او موت الزوج او هجر الزوج للعمل اى نوع من الانواع دى بيخلى الزوجه تخرج عشان تعرف تربى ولادها وتجبلهم قوت يومهم اللى مش بيوفره الزوج لها
فبالتالى لازم المرأة تخرج للعمل
اما بقى بخصوص وجهت نظرى انا
انا محبش اتجوز واشتغل
كل واحد عارف قدراته وعارف ان كان هيقدر يقدى واجبه الاهم وهو البيت وبعدين العمل
انا عن نفسي مش هقدر واذا كان عملى ده هيخلى كفه الميزان مش مضبوطة وتقع منى طبعا هختار البيت بدون نقاش
بس اذا توفر لى عمل وقت وفلوس مناسبين وهو موافق وانا هقدر على ده اوك
موافقش مش مهم عندى مدام هو قادر يصرف على البيت ويكفى كل مطالب البيت واحتياجاته
بس ساعات الشغل لبعض السيدات بيبقى رحمه للرجال
وده لحظته من نموذج حصل قدامى
الراجل بيبقى طول النهار بيشتغل والست طول النهار فى البيت بتفضل قاعده لواحدها طول النهار وبتستنى يجي ولما تجى تفتح معه اى حوار بيبقى هو تعبان من الكلام وهى سكته طول اليوم فبالتالى هو مش طايق اى كلام وهى عايزه ترغى للصبح فبتحس بعدم الاهتمام فبتبدء مشاكل اكبر وده حصل مع واحده صحبتى وحولت افهمها بس هى عندها حق لانه بيشتغل فى بلد عربى وهى معه ولا اهل ولا اصحاب ولا طفل يشغلها ولا اى حاجة ومفيش قدمها غيره
فدى فعلا مكنش لها حل غير انها تشتغل عشان تخف شوية مشاكل من عليه وانها هتشتغل هتتعب طول النهار زى ما هو هيتعب هيرجعوا تعبنين مش هيتكلموا الا قليل فالمشاكل تقل
هههههههههههههههههههههه
وعجبى !!!!!!!!!!!!!

واقول لاخ ابو عبد الرحمن ياريت تعرفنا بنفسك انا
طلبت منك تعرفنا كتير بك مش عايز تعرفنا ليه بحضرتك ده يشرفنا طبعا وجودك
معانا وياريت تعرفنا باسمك الحقيقى وبتشتغل ايه و مكان سكنك ههههههههه
وكفاية كده

منا جاوبت قبل كده بخصوص الموضوع ده على الاستاذ حسام والاستاذ محمد

انا دايما ليا رأى ان عالم النت ده عالم افتراضى فمش هتفرق الاسماء والعناوين لان بمنتهى السهوله ممكن اى حد يكتب كلام غير حقيقى ومحدش عارف حاجه

المهم ارجع للموضوع ورد السيده ام سيرين

يعنى ايه ردود الاعضاء سورى فى اللفظ ذكوريه؟؟؟؟؟

انا حسيت ان كلمة ذكوريه دى شتيمه

لا يا ستى انا ذكر ورجل واعتز بذكوريتى ورجولتى وشرقيتى

وعلى وشك الزواج باذن الله وقلت لخطيبتى من يوم ما اتقدمت على رايى فى الموضوع ده وهى الحمد لله مقتنعه بيه بنسبه كبيره

احنا لو سيبنا النغمات والشعارات اياها ذكوره وحقوق المراه والتهجيص ده ورجعنا لديننا الحنيف هنلاقى ان الاسلام وضع شروط وضوابط لعمل المراه

وللاسف الشديد

90 فى الميه منها مش متوفره فى مصر --جايز متوفر فى السعوديه الى حد ما

حد يقدر يقولى فين المكاتب فى مصر الغير مختلطه؟؟؟؟؟

ده الواحد اتقرف من كتر الحكايات كل يوم والتانى واحده تغلط مع زميلها فى العمل ولا تتجوز المدير ولا تطلب الطلاق من جوزها علشان كل يوم شايفه رجاله احسن منه

طبيعى فى جو الاختلاط الفاجر اللى عايشينه ان الراجل بيشوف الست فى الشغل انيقه عن اللى سايبها فى البيت والعكس صحيح

ده غير بصراحه بقى ويا ريت نكون واقعيين معظم الستات مبتشتغلش بضمير --شوفو كمية الاجازات اللى بتتاخد ده انا اخويا بيقولى الموظفات عنده اللى واخده سنه وسنتين اجازه حمل ووضع ورضاعه ورعاية مولود وخلافه

واللى بتحضر مبتكملش للاخر او بتجيب الطبيخ معاها

ده اسمه رقص على السلم

والاسم موظفه وبتاخد مرتب

على فكره فى داعيه اسلاميه قالت ان المراه اللى بتعمل كده هتحاسب على اخذ فرصة شاب محتاج عمل

الحمد لله ان الجيش مفيهوش ستات هههههههههههههههههههههههههههه

وفى الاخر مفيش احسن من كلام الشيخ الشعراوى

حكم عمل المرأه فى الاسلام

https://www.youtube.com/watch?v=fqRzy7quBH8

سبحان من بكت من خشيته العيون وسجد له المصلون.. وصام له الصائمون.. وقام له القائمون.. سبحان من يقول للشيء كن فيكون.. سبحان من يسبح بحمده الأولون والآخرون.. سبحان من لا تختلف عليه القلوب ولا اللغات.. ولا تشتبه عليه الأصوات.. ولا شبيه له في الذات ولا في الصفات.. سبحان من تشهد في آفاقه الآيات.. سبحان ذي العزة والجبروت.. سبحان بارىء الملك والملكوت.. سبحان الحي الذي لا يموت.. سبحانك يا الله

اللَّهُمَّ لاَ تَدَعْ لَنَا ذَنْباً إِلاَّ غَفَرْتَهُ، وَلاَ عَيْباً إِلاَّ سَتَرْتَهُ، وَلاَ هَمًّا إِلاَّ فَرَّجْتَهُ، وَلاَ دَيْناً إِلاَّ قَضَيْتَهُ، وَلاَ مَرِيضاً إِلاَّ شَفَيْتَهُ، وَلاَ مُبْتَلَىً إِلاَّ عَافَيْتَهُ، وَلاَ حَاجَةً مِنْ حَوَائِجِ الدُّنْيَا وَالآخِرَةِ هِيَ لَكَ رِضَا وَلَنَا فِيهَا صَلاَحٌ إِلاَّ قَضَيْتَهَا بِفَضْلِكَ يَا أَرْحَمَ الرَّاحِمِينَ

الاخت العزيزه ام سيرين اهلا بيكي وميرسي علي ردك الجميل
اموت فيكي وانتى بتتكلمى عن ايام زمان ايام زمان كان فيها حاجات كتيره جميله صعب تلاقيها دلوقتى او وجودها بقي نادر فصعب تقييمي حاجات بتحصل دلوقتى وتقارنيها باايام زمان لان بالنسبه ليا مفيش اى وجه مقارنه بين دلوقتى وزمان زمان ياما كان
الافلام القديمه الابيض والاسود بقه كان دور المراه الاساسي في البيت ده اللي انا اخدته شفتى فيلم مراتي مدير عام
اما بالنسبه لنقطه اصحاب الاعمال بيلجاوا لاستعانه بالمراه عشان انخفاض اجورها هيه الاجور اساسا منخفضه بالنسبه للرجل والمراه المرتب مش بيعيش كويس والاسعار بقيت نار
احسن حاجه بقه عجبتنى في ردك وبالنسبة لموضوع البيت انا رأى فيه قادره توفقى بين الشغل والبيت والشغل اشتغلى هتقصرى ف حاجة منهم يبقى اكيد الأولوية للبيت والزوج والأولاد ده اهم شيء لاتقولي فلوس ولا مرتب ولا اى حاجه البيت اولي بيها

اكيد كلنا شفنا حالات حصل فى طلاق او وفاه للزوج والمرأة اللى مش مكملة تعليمها او بتشتغل بتبدهل اخر بهدله لما بتفقد من يعولها ويعول اولادها ان بتعبر شغل المرأة المتزوجه حمايه ليها من غدر الزمن

جيتي بقه لنقطه الوظيفه سلاح في ايدي وغدر الزمن يا ستى لينا رب اسمه كريم ربك بيتدبر وبيستر وقتها ممكن تنزل الشغل لعدم وجود عائل يعولها

بوسي الاداره كلها يعني طمنيني الاول علي باباكي يارب يكون بخير دي اهم حاجه
بصي يا بوسي صاحبتك كانت بتزهق وزوجها كان بيرجع تعبان مش قادر يتكلم معاها ومن رايك الحل انها تنزل تشتغل علشان ده الحل اوكي يا بوسي بس نزولها للشغل ده الحل لا طبعا مش الحل ما تشغل نفسها باى حاجه تانيه غير الشغل وتنظم وقتها صح شويه للمطبخ شويه تقرا قران شويه تلفزيون حاجات كتير بتشغل وقتها بيه تنزل تزور اصحابها قرايبها ودي مشكله انا شخصيا عانيت منها بعد التخرج عانيت من الروتين والملل من البيت بدات انظم وقتى وقدرت اتكيف مع الوضع الجديد وكل انسان سواء بيشتغل او لا بيعاني من الروتين فصدقيني مش الحل بالشغل مع احترامي لرايك

يا مي يا حبيبتى
هى فى عايشة فى السعودية مع جوزها
ومدينة بعيدة شوية عن الخروج والترفيه والاصدقاء
وكمان اهلها كلهم هنا فى المنصورة
واصحابها
واخواتها هنا
يعنى مفيش غيرها هى وجوزها
وجوزها بيشتغل 18 ساعه فى اليوم
وهى معندهاش نت فى البيت ولا عندها تليفون ولا ليها اصدقاء وطبعا صعب كل شوية تكلم مامتها دولى لان الظروف هناك مش تمام
ويوم ما تتصل بتتصل به هو عشان تطمن عليه بتحس بعدم الاهتمام وبيحاول يقفل معاها بسرعه عشان عنده شغل ومش عايز حد يكلمه كلمه تضايقه
تقوليلى تليفزيون ترد تقولى حفظته وزهقت انا عايزة اتكلم مع حد مش لاقية حد اتكلم معه ولا افضفض لما يبقى فى حاجة مضيقانى
وحتى يوم اجازته بيبقى تعبان مش قادر يتحرك من مكانه عايز ينام ومش يقوم من مكانه ولا يخرجها ولا حتى يتكلم معاها
بزمتك لو انتى هتعرفى تعيشي كده
هناك بقى ولا صديقة ولاحورات من دى كله بيبقى فى حاله ومش عايزين يتعملوا مع حد حتى المصريين بيخافوا من بعض ومش بيحبوا بتعملوا مع بعض
وضع صعب فعلا وكان فعلا حلها تشتغل اى حاجة مدرسة فى حضانه قريبه من البيت اى شغل يشغل وقتها مع انها دكتورة صيدلنيه
بس اهى بتدور على حاجة تشغل وقتها مش مجرد فلوس هى نزله تضيع وقت
وده من وجهت نظرى صح مش غلط والمشكلة فعلا اتحلت من بعد ما اشتغلت

بابا الحمد لله احسن بكتير وصحته بتتحسن دعواتكم وتسلمى يارب يا مى على السؤال يا قمراية

يوتشيها ساسكي كتب:: [size=29]رأيي في الموضوع أن تعمل المرأة إذا كان عملها ضروريا لانخفاض مستوى الزوج المادي بس لازم في مكان تأمن عليه من الفتنة و يكون مكان قريب من بيتها مش نائي مثلا عشا ميتخافش عليها ... الرجل اللي عايز مراته تشارك في البيت و شاركت كتر ألف خيرها... لكن لو ما دفعتشي تعريفة مالوش عندها حاجة لأن القوامة بانفاق الرجل على اهله و لو المرأة أجبرت على ذلك فدة حرام ... لو سيدنا عمر عايش و سمع زوج بيطلب فلوس من مراته عشان تشارك في البيت اجبار كان ناوله على دماغه بالدرة بتاعته ... المرأة اذا انفقت على بيتها حكمها حكم التصدق على فقير و لها من الاجر اجر الصدقة دة حكم الشرع ... و في الختام رأيي لو المرأة حتقدر توفق فتشتغل احسن لأن المصاريف بقت نااااااااااااااااار ناااااااااااااااااار ناااااااااااااار[/size]

جزاك الله خيرا علي ردك المتميز
بسم الله الرحمن الرحيم (ولما ورد ماء مدين وجد عليه امه من الناس يسقون ووجد من دونهم امراتين تذودان قال ما خطبكماقالتا لا نسقي حتى يصدر الرعاء وابونا شيخ كبير فسقي لهما ثم تولي الي الظل فقال رب انى لما انزلت الي خير فقير فجاءته احدهما تمشي علي استحياء قالت ان ابي يدعوك ليجزيك اجر ما سقيت لنا فلما جاءه وقص عليه القصص قال لا تخف نجوت من القوم الظلمين قالت احدهما يابت استئجره ان خير من استئجرت القوي الامين) صدق االله العظيم
تخرج المراه للعمل في حاله الضروره وتاخذ الضروره بقدرها وعدم الاختلاط بين الرجال وحينما تجد فرصه لتعود لشغلها الاساسي وهوة البيت ترجه تقعد معززة مكرمه في بيتها
وتخرج المراه في حاله عدم وجود عائل يعولها دي الخلاصه يا جماعه وده راي الشيخ شعراوي وفقكم الله الي ما يحبه ويرضاه

تمام ده الخلاصه فعلا ان موضوع المراءة جزاكم الله خيرا وربنا يهدى امة الاسلام لما هوه خير

اذا كنت تمشي في الظلام ومعك مصباح يضيء لك الطريق
فلا تتأخر في رفع المصباح عالياً ليهتدي معك الآخرين.. فالإنسان لا يعمل لنفسه ولكن يعمل لنفسه وللآخرين.. وإن كره احد الإنتفاع بضوء مصباحك فليذهب للسير وحده فلن يضرك شيئا

السلام عليكم ورحمة الله وبركاته

اهل المنتدى الكرام الجداد والقدام ازيكم جميعااااااا

اولا وقبل اى حاجة احب اقول للزميل أبو عبد الرحمن عذرا لقد أسأت فهمى

انا لما قلت اراء ذكورية بحته اقصد ان الأراء مكنتش محايده كانت من وجهة نظر الرجال فقط

زى ما ما البنات ممكن ترد وتقول مثلاء لازم نشتغل والشغل قبل البيت وحياتى وكيانى والكلام دا
ساعتها حضرتك كنت هقول اراء انثوية بحته فيعنى دى مش شتيمة ولا حاجة

وانا غير مؤمنة لا بشعارات لا حرية المراة ولا الصراع بين الرجل والمرأة ولا الكلام الفارغ اللى جايلنا تصدير من بره دا تقفيل بلاده

لان من يوم ما ربنا خلق ادم وحوا وهما جزاءان مكملان لبعضهما لا ينفصلان

اما قصة الشغل بقى وان الستات معرفش اجازات والكلام الى حضرتك بتقوله دا

ايوة انا معاك طبعا ان ممكن اعذارها تكون كتير يعنى وااه ممكن زى مابتقول تروح المصلحة الحكومية تلاقى الست فلانة اعده بتجهز طبيخ اليوم يا اما مضت ومشيت

بس عمرك دخلت مصلحة خاصة ولقيت فيها الكلام دا

هل تنكر ان ممكن وانا بشوفه بنفسى ولمساه بإيدى ان فى بعض النساء العملات بيطلعوا انتاجيه احسن من الرجال

انا بنظر للموضوع بممنتهى الحياديةوالعقلانية وزى ما قلت قبل كده انا بقول الكلام دا من على ارض الواقع مش خيلات ولا احلام

وانا المكان اللى قعده فيه يمكن اغلبيه رجال لكن بينا كل احترام وتقدير وناس كلهم ملتزمين لاهم فجار ولا احنا سافرات

وكتير بنتناقش فى امور الحياه العامة السياسية والإجتماعيه والدينية
وبنجتمع على الطاعات وبنشجع بعض عليها

وبرضه عشان اكون اكثر واقعية فى اماكن بتدخلها بتلاقى اللى حضرتك قلت عليه

بس بتفرق فى الناس والبنى ادم نفسه مسؤول عن تصرفاته سواء بنت او ولد.

وبالنسبة لرد بوسى فهو رد جميل لانها ذكرت مثال واقعى ملموس على عمل المرأة اللى هى والدتها

ومعتقدش انى فى واحده عارفه دينها كويس هتحطط فى مقارنة بين بيتها وشغلها وهتختار شغلها

ومرة اخرى عذرا اخى فى الله ابو عبد الرحمن اذا اسأت فهمى وربنا يجمعك بخطيبتك عاجلا ليس اجلا ويقدر لك الخير ويرزقك بالذريه الصالحة

» جمال المرأه
» اجمل عيوب المرأه
» صلاة المرأه فى بيتها
» من هى المرأه التى لا ينساها الرجل؟