شبـــــــــــــاب الخيــــــر بالمنصـــورة

أخي الزائر - أختي الزائرة نتشرف بدعوتكم الي المنتدي الجديد
http://www.shababkheer.com/forum

سنتشرف بتسجيلك


شبـــــــــــــاب الخيــــــر بالمنصـــورة
 
الرئيسيةالبوابةالتسجيلدخول
جمعية شباب الخيـــر تهنئكم بحلول شهر رمضـــان المبـــارك اعاده الله علينا بالخيـــر واليمـــن والبـــركات وكل عـــام وانتــم بخيــــــــــــر







شاطر | 
 

 درس االدكتور حازم شومان 1/11/2009

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مها قدري

avatar

انثى
عدد الرسائل : 28
العمر : 30
تاريخ التسجيل : 18/09/2009

مُساهمةموضوع: درس االدكتور حازم شومان 1/11/2009   الأحد نوفمبر 01, 2009 10:32 pm

بسم الله

درس يوم الاحد
13 ذي القعده
____________________

بدأ شيخنا الدرس وهو يقول

عندما قال سيدنا نوح لابنه يوم الطوفان

يَا بُنَيَّ ارْكَب مَّعَنَا وَلاَ تَكُن مَّعَ الْكَافِرِينَ

**الايه دي بتوصف حالتنا بالظبط

السفينه بتاعه سيدنا نوح زي السفينه اللي ماشي فيها الدعاه دلوقتي ف زمن الشهوات وبحر الاهواء

زي الاغاني والمعازف

المخدرات

التبرج والاختلاط والسفور

النت والفضائيات

ولما تيجي لحد تقوله آتي معنا الي بر النجاه

يقول لك

سألجا الي سيجاره تنسيني زهقي

والاخت تقول سالجأ الي التبرج ليقيني من العنوسه

وساوي الي المال الحرام والوظايف الحرام وارباح البنوك الربويه,,ليقيني من الفقر

**احنا بقينا ف زمن الثبات فيه صعب جدااااا

الا من يسر الله عليه الامر

**فمن الاخوه

اللي بيبدأوا طريق الالتزام

للاسف بيفضل معذب بين الالتزام وبين الشهوات

مثلا يشغل اغاني ويسمع شويه ويقول لا حرام

وبعدين يسمع درس او قران فيزهق ويقول بس انا مش عاوز احرم نفسي من متع الدنيا

فيرجع تاني للاغاني يفكر شويه ويسال نفسه طيب لو انا مت دلوقتي هعمل ايه؟؟

فهنا بيعيش نفسه ف عذاب

بين حب الدين وحب الدنيا

**لازم نعلن حرب ع اللي جوانا

لازم نخرج الشهوات من جوانا

**اتنين متعذبين واتنين مستريحين

**الاتنين المعذبين

*انسان ف الشهوات وعاوز يلتزم ومش عارف واقف مع البنات وسامع الاذان نفسه يروح يصلي وضميره بيعذبه ومش عارف يسيب اللي هو فيه

*والتاني اللي هو طائع ف المسجد لكن لسه جواه شهوات للي بره عاوز يخرج للشهوات بس خوفه من ربنا هو اللي مانعه

**واتنين مستريحين

*الفاجر اللي مش فارق معاه حاجه ومنطلق ف طريق الشهوات

الفجر جايه لما تنفجر المياه ومفيش حاجه بتوقفها ولا بتنمنعها

فهو منطلق ف الشهوات ومفيش ف قلبه اي ذره خير

*انسان عابد مطمئن الشهوات مبتحركش فيه حاجه وربنا مثبته لله الحمد
------------------------------------

**وضرب مثال للي مش بيثبت

لما مثلا يكون واحد جعان جدا وياكل سندوتش طعميه من الشارع

وهو بياكله كانه بياكل كباب

وبعدين يجيله مثلا حاله تسمم

فيسال نفسه انا ليه كلت كده وايه الحاله اللي وصلتني اني اكل الاكل العفن ده؟؟

اهو ده زيه زي اللي كان ع طريق الثبات وخدع نفسه بالجيف والعف والامور المقرفه والشهوات

**زي كمان اللي بيقعدوا يحبوا بعض سنين كتيره واول لما يتجوزوا يطلقوا بعد شهرين

--------------------------------------------------------------

**الامه دلوقتي مش عاوزه ناس لسه تحارب ف شهواتها

لا الامه دي عاوزه

@رجاله@

زي التلت اصفار محتاجين واحد علشان يبقوا الف

من غير الواحد ده ملهوش اي قيمه تذكر

**راجل واحد بس يقدر يصلح امه بأسرها وكاملها

ليه انت متبقاش الواحد ده؟؟

ليه تفضل مذبذب؟؟

ليه تفضل حابس نفسك ف الشهوات؟؟

**وقال مثل بردوا

زي الدكتور اللي بيدعي انه يشوف حاله
رِجل اسودت وعفت من المرض وبقي كمان فيها الدود

يجي الطبيب من سرعه الحدث وهو مش عارف يعمل ايه من التعفن يقطع الر ِجل السليمه؟؟!!

انتوا عارفين ده زي مين؟؟

زي شيخونا العلماء زي شيخ الازهر اللي بدل مايرد الشبهات هو اللي بيقطع ف الاسلام ومش بيدافع عنه

بدل لما يحارب المتبرجات بيحارب العفيفات المنتقبات الملتزمات

---------------------------------------------------------------------------------------

**احنا بقينا ف زمن الشهوات

لو مجهدناش نفسنا مش هنثبت ع الطريق

مين فينا يقدر يبيع نفسه ووقته وكل حاجه يمتلكها لله؟؟

مين فينا يبيع الدنيا؟؟

انت عارف انك عبد؟؟

يعني ملك لمولاك؟؟
--------------------------------------------------------------------------------

تأملوا حديث رسول الله صلي الله عليه وسلم

كل الناس يغدو فبائع نفسه فمعتقها او موبقها

الرسول صلي الله عليه وسلم تنبأ ان الكل سيبيع نفسه

بس واحد هيبيع لله..معتقها

او هيبيع للدنيا ..موبقها

** اوعي تفتكر انك لما تبيع للدنيا يبقي كده انت بتضحي؟؟

لا الانسان اللي بيبع نفسه للدنيا يا هيحصلها يا لا وبيضحي بكل حاجه عنده

---------------------------------

فقد قال رسول الله صلي الله عليه وسلم عن الدنيا

انها

ظل زائل

تشبيه للي بيجري وراه الدنيا

بيجري ورا ضله

كل لما تجري وراه عمرك ماهتحصله

وف الاخر بينتهي علشان تبقي الحسره اكبر

______________________________

** تعالوا نشوف حبيب بن زيد

لما مسيلمه الكذاب

قال له اتشهد ان محمد رسول الله؟

قال اشهد

اتشهد اني رسول الله

قال لا اسمع

وكان بيقطعه

مين فينا ياجماعه يتقطع علشان ربنا؟؟

علشان رسول الله صلي الله عليه وسلم؟؟

مين فينا يستحمل ده؟؟

-----------------------------------

**والمثال التاني

خبيب بن عدي

اللي صلبوه ف مكه

وقال له ابو سفيان

: أتحب أن محمدًا مكانك، وأنت سليم معافى في أهلك، فيصيح خبيب فيهم قائلاً:

والله ما أحب أني في أهلي وولدي، معي عافية الدنيا ونعيمها، ويصاب رسول الله بشوكة

**مين فينا؟؟ كده؟؟

_______________

لو انت مشيت بنفس سرعتك دي لله

هتوصل بعد قد ايه؟

هتلحق ولا لا؟؟

عامل زي واحد عاوز يعبر المانش مثلا

وبيمشي بسرعه 5 كيلو ف الساعه

هيوصل بعد قد ايه؟؟

انت كده مش هتوصل ولا هتروح ف حته

** لازم يحصل تغيير حقيقي وانقلاب ف حياتك

تغير حقيقي

ف صحبتك

ف حفظ القران

ف النهي عن المنكر

**لو فضلت ع كده

هتوافق ان ملك الموت يقبضك ع كده؟؟

**لازم تقف واقفه صادقه مع نفسك

وبعدها تاخد خطوه عمليه

-----------------------------------------------------

** ف سوره الانسان

هل أتي علي الانسان حين من الدهر لم يكن شيئا مذكورا**

قبل لما تخلق اصلا

قبل لما توصل للي وصلت له

إنا خلقنا الأنسان من نظفة أمشاج نبتليه فجعلناه سميعاً بصيرا **

وبعدين وصل لمرحله النُطفه ف رحم امه

والله اعلم هتتم المرحله دي ولا هيهلك دونها

**إنا أعتدنا للكافرين سلاسل وأغلالأً وسعيرا . إن الأبرار يشربون من كأس كان مزاجها كافورا ، عيناً يشرب بها عباد الله يفجرونها تفجيرا )

وهنا بيضرب مثل للبهائم اللي حادوا عن الطريق

وقبل لما يكون سعير

قال سلاسل وهي اللي بتتربط بيها البهائم

وده بيدل عن العذاب النفسي قبل العذاب الجسدي

وده الانسان اللي عاش ف الضلال

** ان الابرار...

وبيقول المفسرين ان كاس معناها الخمر ف كل ايات القرءان

ربنا جاب كل اللي حرمه علينا ف الدنيا

من خمر وحرير ومعازف

وجعله مباح لاني بأحلي واطيب الانواع

للي حرموا انفسهم وصبروا نفسهم ع الطااعات

** لا يرون فيها شمسا ولا زمهريرا

ومين قال ان ممكن الجنه يكون فيها حر؟؟

او حتي برد وتلج؟؟

اللي يحس بالايه دي

هو اللي جاهد ف الحر والتلج

هو اللي كان بيقيم الليل ف البرد واللي حواليه نايمين تحت البطاطين

هو اللي ف الحر بيجري يوزع الصدقات ع الاسر الفقيره

-----------------------------------

يالا ياجماعه عاوزين نبقي رجاله

وننجو من جبال الشهوات

لازم نحاربها

--------------------------------

لما سيدنا ابراهيم قال لربنا

أرني كيف تحيي الموتي

ليطمئن قلبي

مش معني كده انه شاكك ف قدره ربنا

لا

ده علشان يوصل لفوق واعلي المراتب

عاوز يوصل لربناااااا

________________________

انت عملت ايه علشان توصل لربنا؟؟

عارفين الواحد اللي قضي 100 سنه من حياته

علشان يوصل لربنا؟؟

أو كالذي مر على قرية وهي خاوية على عروشها قال أنى يحيي هذه الله بعد موتها فأماته الله مائة عام ثم بعثه قال كم لبثت قال لبثت يوما أو بعض يوم قال بل لبثت مائة عام فانظر إلى طعامك وشرابك لم يتسنه وانظر إلى حمارك ولنجعلك آية للناس وانظر إلى العظام كيف ننشزها ثم نكسوها لحما فلما تبين له قال أعلم أن الله على كل شيء قدير "259")

دفع 100 سنه من عمره

علشان يوصل

ل

ان الله علي كل شيء قدير

-------------------------------------------------------------------

لازم نصبر حتي نلقي الله ونراه ويجزينا ع هذا الصبر

عاوزين تبقوا مع النبي صلي الله عليه وسلم والصحابه ازاي؟؟

وانت مبتعملش زيهم؟؟

اعمل زيهم علشان تبقي معاهم..

------------------------------------

عاوز تبقي مُذبذب؟؟

عمرك ماهتبقي كده

------------------------------------

والوصيه الاخيره للشيخ

هي

طلب العلم

فللاسف مصيبتنا الجهل

**مثلا

اكتر واحد لو يترعب لو قلبه تعب مين؟؟

دكتور القلب

ليه؟

لانه اكتر واحد أدري بخطوره المرض

** فاللي عنده علم

هو الادري بخطوره الفتن والدنيا

واللهم اهدنا جميعااااا

الدرس مرفوع

4shared.com/file/145472254/efca27b1/Sound_clip_123.html

ولاتنسونا بدعوه بظهر الغيب بتمام الحال

والثبااااااات

وجزاكم الله خيرا

^_^
الرجوع الى أعلى الصفحة اذهب الى الأسفل
 
درس االدكتور حازم شومان 1/11/2009
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» لاول مرة صور الشهداء والجرحى من داخل سفينة مرمرة التركية
» تشخيص و الطرق العلاجية الحديثة للتوحد
» حكم فى الحب
» قصيدة عن ((( نادي برشلونة )))
» لفات طرح جديدة للوش الصغير والكبير

صلاحيات هذا المنتدى:لاتستطيع الرد على المواضيع في هذا المنتدى
شبـــــــــــــاب الخيــــــر بالمنصـــورة :: إسلاميات :: الدين المعاملة-
انتقل الى: