حكاية بنت اسمها مريم

ال
سلام عليكم ورحمة الله وبركاته

الموضوع دا وصلنى على الميل وبجد وجعنى وجعنى اوى والله ياجماعة

ربنا يحفظ اولادنا من كل شر
اللهم ارفع عنا البلاء والغلاء والوباء

مريم
بنت فى عامها السادس

اصيبت بمرض غريب مرض و محتاجة مساعدة عااااااااجلة مننا

مريم
محتاجة للسفر لندن للعلاج

المشكلة فى ضيق الوقت لو مر اكثر من عشرة ايام لا اعلم ما سيحدث لها
هل ستعيش ام لا

صورة مريم قبل المرض مع اخوها
http://www.tamecom1.com/urpic/images/kvk8maw2j1mxucq9q.jpg

صور الحالة
http://www.tamecom1.com/urpic/images/mukb4mcg9t964q4yuez0.jpg

http://www.tamecom1.com/urpic/images/blp8a7b22q2dr0vgr9ml.jpg

http://www.tamecom1.com/urpic/images/6tgolxedkd94b4u26rnx.jpg

http://www.tamecom1.com/urpic/images/itu4gubnf2b8zrt7ystt.jpg

بالله عليكوا نهتم بالموضوع ده ..... مريم بتموت
كلمونى انا و اوصلكم لوالدها

Ahmed Salim

0100788389

https://www.facebook.com/group.php?gid=29657046921#/profile.php?id=1132290497&v=wall&viewas=537402754

********************
دا كلام والدتها اللى نشر فى احد الجرائد لو فى حد منكم عايز يطلع اكتر
**
مريم, طفلتي التي لم تبلغ السادسة, زهرتي, التي لم يكتمل نضجها, فجأة, تذبل أوراقها أمامنا يوما بعد يوم, ونحن عاجزون, بلا حيلة, أو قرار!!.

البداية كانت عادية, مجرد ارتفاع في درجة الحرارة, سارعت بعدها إلي الطبيب, الذي كتب أدوية ومضادات حيوية, ولكن لم تهبط حرارة مريم, ولم يحدث الدواء أثرا, بل زادت الحالة سوءا, وأصابت الطفلة رعشة غريبة.. ومن هنا بدأت المأساة.

ثلاثة أيام طفنا فيها علي أربعة مستشفيات خاصة بالمهندسين, كانت ابنتي فيها حقلا للتجارب, بلا فائدة, حتي تطورت الحالة للأسوأ, وبدأت ابنتي تشعر بآلام غريبة, في جسدها, بل ببركان ثأئر بداخلها!!.

البركان الثائر ظهرت آثاره سريعا.. فقاعات في حجم ثمار الليمون بدأت الانتشار في جسد ابنتي, من أظافر قدميها, وحتي منابت شعرها, وما هي إلا دقائق معدودة, ثم تنفجر, وتخلف وراءها آلاما مبرحة, وعذابا أليما للطفلة, حتي غطت الحروق معظم جسدها, وتاهت معالم مريم تماما, وانحبست أنفاسنا جميعا.. ما هذا, وماذا يحدث؟!.

لا تستغرب سيدي إذا قلت لك, إننا حتي الآن لم نجد إجابة شافية عن هذا السؤال, ولا تندهش إذا أخبرتك أن مسئولا بأحد هذه المستشفيات, التي ذقنا فيها الأمرين, لم يمتلك الجرأة ليدخل حجرة ابنتي, وخشي علي نفسه من هول المنظر, ونصحنا بنقلها فورا إلي مستشفي أبوالريش, أو قصر العيني, فربما نجد هناك تفسيرا, فلم يسبق له في حياته أن رأي حالة كهذه!!.

هدانا الله إلي نقل الطفلة إلي مستشفي الأطفال بجامعة عين شمس, وسبحان الله, وجدنا رعاية وحسن استقبال كنا في أمس الحاجة إليهما, وبعد تحاليل كثيرة, وسط آلام ودموع غزيرة, اتفق الأطباء علي أن مريم مصابة بأحد أمراض المناعة, ولا دواء له سوي في كورس علاجي بمجموعة من الحقن, تكلفة الواحدة, ألف وثلاثمائة جنيه!.. وعلي الرغم من ارتفاع ثمن هذه الحقن, فقد كان العثور عليها, أصعب من تدبير ثمنها, فهذه حقنة نشتريها من صيدلية شهيرة بالقاهرة, وأخري نسافر إلي الإسكندرية للعثور عليها, ولكن كان الجميع يتسابق لخدمة مريم, فالحالة لا تحتاج إلي توصية, حسب تعبير مدير المستشفي نفسه.

لا تنزعج سيدي, أنت وقراؤك, من وصفي للحالة, ولكني أصر علي ذلك ليعلم الجميع كيف يكون الابتلاء, وليدركوا قيمة قول رسول الله صلي الله عليه وسلم:نعمتان مغبون فيهما كثير من الناس.. الصحة والفراغ, ويكفي أن أقول لك إن ابنتي قد وصل بها الحال إلي أن تفحم جميع جسدها تقريبا, وأصبحت لا تحتمل حتي ملاءة السرير التي تحتها, وبدأ جلدها يتساقط, حتي رموش عينيها, وحواجبها, بل إنها لم تعد تري, فعيناها, كستهما الحروق.. وأقسم لك سيدي أنها سمعت في إحدي المرات صوت أبيها, وهمت لتأخذه في حضنها, وتلمست ملامح وجهه بيديها, وهي تبكي وتقول أنا مش شايفاك يابابا!!.

وجاء الأطباء من مختلف التخصصات, فهذا للجلدية, وذاك للتجميل, وآخر للباطنة, الكل يحاول أن يوقف ما ينهشه المرض من جسد الطفلة, وفي الوقت نفسه, علاج ما لحقه الأذي.. وبعد شهر تقريبا, واستقرار الحالة نسبيا, وأعني توقف التجمعات التي كانت تحترق بجسد ابنتي, دخلنا في متاهة أخري, فكثرة الأدوية والكورتيزون جعلت ابنتي تتورم وكأنها بالونة منفوخة!.. وطمأننا الأطباء, فما نحن فيه, أخف مما كنا فيه, وبدأنا في رحلة علاج الآثار المترتبة علي المرض, ويكفي أن أخبرك سيدي أنني ووالد مريم وجدتها وعدد من أقاربنا, قد أصابنا الإعياء والتعب, من السهر والمتابعة, فأحد المراهم كانت تدهن به عينيها كل خمس دقائق طوال اليوم, فهل هناك من يتخيل ذلك, خاصة أن الطفلة لم تكن تسمح لأحد سوانا بأن يدهن لها جسدها!!.

تحملنا جميعا, وبشرنا أنفسنا بالشفاء, ولو طال انتظاره, ولكن جاءتنا الصدمة, فالمرض عاد بشدة مرة أخري, ووجدت نفسي في ساعة متأخرة من الليل, وإذا بنفس الفقاعات الملتهبة تخرج مرة أخري من جسد ابنتي, ثم تحترق, لتخرج أخري, أصابتني حالة هستيرية, وخرجت أصرخ بأعلي صوتي: يارب!!.

كان لدي يقين دائما ـ ومازال ـ بأن الله تعالي يرعي مريم وأنه لن يتركنا, وبالفعل حضر مسئولو العناية المركزة خصيصا في هذا الوقت المتأخر, لمتابعة الحالة, وقرروا أن نعيد نفس الكورس العلاجي مرة أخري, هذا هو الحل الوحيد, لإيقاف هذا الوحش المفترس الذي ينهش جسد الطفلة البريئة!!.

يا الله, نفس الحقن ونفس الدوخة مرة أخري!!.

تحملنا, ويعلم الله وحده, كيف مرت علينا هذه الأيام, حتي بدأ المرض يدخل إلي جحره مرة أخري, ويكمن البركان الثائر داخل ابنتي.. ولكن أصبح لدينا بقايا طفلة, جسد مهلهل, وأعضاء أصابها الوهن!!.. كبد وطحال متضخمان, وأورام تملأ الجسد, وحروق في كل بقعة, وعينان لا يعلم ما بهما سوي من خلقهما, والمصيبة الأكبر هي حالة الرعب التي نعيشها من المجهول الذي نحن في انتظاره, هل سيعود مرة أخري؟.. وإن لم يعد فماذا نفعل بهذه الطفلة التي كانت؟.

لم نترك طبيبا سمعنا عنه إلا وسألناه عن الحل, ولا مجيب, فماذا نفعل بالله عليكم؟

كلما اقترب مني اليأس, وضاقت الدنيا في عيني, رحت في غيبوبة, لكني سرعان ما أفيق علي دعاء جدة مريم, وهي تصلي:يارب.. ليس لنا سواك, فلا تضيعنا

ربنا يشفي مريم يارب :)

على جميع الاعضاء بالمنتدى الدخول فووووووووووووووووووووووووورا على هذا الموضوع وابداء الراىء على الحاله

ووانا برجح ان الحاله دى تكون مشروع المنتدى خلال الفترة القليله القادمة وعندى عشم الكل يخش ويشارك ويقول يقدر يعمل ايه فى اسرع وقت لانى بجد شايف انها حاله تستحق المساعده بكل ما هوه مستطااااااااااااااااااع

برجااااااااااااااااااااااااااااااااااااااااء من الجميع الدخول والمشاااااااااااااااااااااركه

وجزاكم الله خيرا

مش عارفة,بس مريم تقريبا من القاهرة صح..
فيه مدونة كانت كاتبة إن هما راحوا وزاروا مريم

هتروح لمريم بنفسك؟

ربنا يارب يشفيها

السلام عليكم ورحمه الله وبركاته
اولا بشرك بجد يااحمد ع شعورك النبيل دا
تانى حاجه انا فعلا شوفت الموضوع دا مره قبل كدا عالهاى وكان نفسى فعلا اعرف نوصل للبنت دى ازاى
هما تقريبا كانوا كاتيبين ف الموضوع انهم التبرع بيكون ع تقريبا جريده الاهرام
فلو انت فعلا تعرف توصلنا لوالدها هيكون احسن كتير
يعنى لو كلنا ياجماعه مثلا نتبرع ولو بحاجه قليله
ونجمع مبلغ وشخص يتولى المهمه دى انه يروح لوالد الطفله ويديلوا المبلغ بجد هتبقى حاجه كويسه جدا
ياريت بس حد هنا من المسئولين يتولى الموضوع دا ويقولنا واحنا ان شاء الله نقدر نشارك ف انقاذ الموقف دا ان شاء الله
وكل وحد يقول لاخواته وصابه وزمايله ونجمع مبلغ
ونتصل ع الرقم اللى استاذ احمد كاتبه ياريت ياجماعه بجد
وجزاكم الله كل خير

بس ياريت بس نعرف مين هينقى مسئول عن الموضوع دا

هوا بالنسبة لبطابيطوا احمد مين اللى تقصده

وناوين تساعدوا الحالة ازاى طيب ياحسام

لا حول ولا قوة الا بالله
تمام يا حسام كلنا معاك
ان شاء الله

انا بكره باذن الله اتصل با احمد سالم حسب المعلومات الى كتباها هاجر

وهستفر منه طبيعه الحاله وايه المطلوب وكده باذن الله وننفذه فى اقرب وقت حسب المستطاع وبجد لما دخلت وقريت تقرير الحاله من كلام هاجر الى نقلته ان الحاله صعبه جدا وده كان الدافع بتاعى ان الكل يشااااااااااارك وبقوة فى انقاذ الطفله دى من المرض

وجزاكم الله خيرا

ولازم من الكل الوقتى الى قادر على شىء يجمعه وينتظر نجمع كلنا سوى ونودى لا حمد سالم وعلشان يوصل للحاله

أنا فيه حاجة عاوزة أقولها

مهما جمعنا

للأسف,ممكن يوصل لكام : )

فيه حالات,محتاجة,مساهمة من رجال أعمال على فكرة

وأتمنى,إن العلاج في المستشفيات...مش عارفة

ربنا يشفيها يارب

عموما,حسام,لو انت ناوي في الموضوع ده

ممكن تروح للبنت بنفسك

توصل لوالدها عن طريق المعلن عن الحالة

حضرتك لو هتتصل بأحمد سالم

يبقى,هتنزل مخصوص,وتروح معاه لوالد الحالة

أنا أفضل ورأيي,إنك تنزل,وتزورها في الأول

لو هتقدر على ده

تعرف إيه إللي هي محتاجاه,

حتى لو دعاء مننا : )

هي بتتعالج على نفقة الدولة ؟!!

أنا فيه حاجة في بالي

وهي إن حد,يوصل حالة مريم

لسيادة الرئيس

مريم لو تسافر حتى برة مصر,وبإذن الله يلاقوا لها علاج

مريم يمكن,مهما جمعنا,يمكن يكون شيء قليل

معرفش

مش عاوزة أقول كلام وبس أكتر,آسفة

السلام عليكم ورحمه الله وبركاته
ازيم ياجماعه
ربنا يارب يشفيها بس انتوا مش ردتوا عليا
مين ممكن يتولى المسئوليه دى يعنى عاوزين جديه شويه يا جماعه
حكاية بنت اسمها مريم Icon_cheers

موضوع الريس ياايمان دا عاوز حد بقا يعرض الموضوع ع حد مثلا ف الحزب ف حاجه يعرف يوصل منها للرئيس
وربنا يقدم اللى فيه الخير يارب
احنا بس عاوزين ننجز وعاوزه حد يبتدى عشان لو هنجمع مثلا مبلغ ونبعته ليها مع حد مسئول

» حكاية اسمها المنتدى الصحى
» ايه رأيكم في القصة دي... اسمها البؤس و الشقاء
» عاجل للدكتور محمود فريد... نظرية سياسية جديدة اسمها الطريق الثالث
» قصة كوميدية ... اسمها مع المصباح
» حكاية الناي الحزين... الجزء الأول